Fréttir

Leita

Sýni 4101-4200 af 8678 niðurstöðum

19. október 2023Félags- og húsnæðismálaráðuneytið

Veitir Foreldrahúsi styrk

Guðmundur Ingi Guðbrandsson, félags- og vinnumarkaðsráðherra, hefur veitt Foreldrahúsi styrk að upphæð þremur milljónum króna. Foreldrahús býður upp á ráðgjöf fyrir foreldra, fjölskylduráðgjöf og foreldrahópa, auk sjálfsstyrkingarnámskeiða fyrir foreldra, börn og unglinga.

19. október 2023Menningar-٫ nýsköpunar- og háskólaráðuneytið

Íslensk hönnun í sviðsljósinu

Íslensk hönnun er einstaklega áberandi þessa dagana. Í vikunni voru afhentir styrkir úr Hönnunarsjóði og einnig er verið að kynna tilnefningar til Hönnunarverðlauna Íslands þessa dagana. Verðlaunin verða afhent í tíunda skipti þann 9. nóvember næstkomandi.

19. október 2023Utanríkisráðuneytið

Loftrýmisgæsla Atlantshafsbandalagsins við Ísland hefst á ný

Von er á bandarískri flugsveit til landsins á morgun til að sinna loftrýmisgæslu Atlantshafsbandalagsins við Ísland. Flugsveitin kemur til landsins frá Þýskalandi, með fjórar F-16 herþotur og 120 liðsmenn.

18. október 2023Utanríkisráðuneytið

Fyrsta verk nýs utanríkisráðherra í embætti

Góð tvíhliða samskipti Íslands og Úkraínu og mikilvægi þess að halda þeim áfram var leiðarstef í samtali Bjarna Benediktssonar utanríkisráðherra og Dmytro Kuleba, utanríkisráðherra Úkraínu á símafundi þeirra í dag, sem jafnframt var fyrsta verk Bjarna í embætti utanríkisráðherra.

18. október 2023Heilbrigðisráðuneytið

Elísabet Dolinda verður nýr forstjóri Geislavarna ríkisins

Willum Þór Þórsson heilbrigðisráðherra hefur skipað Elísabetu Dolindu Ólafsdóttur forstjóra Geislavarna ríkisins frá 1. desember næstkomandi. Ráðgefandi hæfnisnefnd mat Elísabetu Dolindu mjög vel hæfa til að gegna embættinu.

18. október 2023Heilbrigðisráðuneytið

Umsækjendur um embætti forstjóra Heilbrigðisstofnunar Suðurnesja

Tólf sóttu um embætti forstjóra Heilbrigðisstofnunar Suðurnesja sem auglýst var laust til umsóknar í september síðastliðnum.

18. október 2023Heilbrigðisráðuneytið

Umsækjendur um embætti forstjóra Heilbrigðisstofnunar Vestfjarða

Fjórir sóttu um embætti forstjóra Heilbrigðisstofnunar Vestfjarða sem auglýst var laust til umsóknar í september síðastliðnum.

18. október 2023Atvinnuvegaráðuneytið

Innanlandsvog kindakjöts 2024

Matvælaráðuneytið hefur gefið út innanlandsvog kindakjöts. Hlutverk vogarinnar er að skilgreina þarfir og eftirspurn innanlandsmarkaðar eftir kindakjöti, m.a. með það að markmiði að álagsgreiðslur vegna gæðastýringar skiptist á þann hluta heildarframleiðslunnar sem ætluð er fyrir innanlandsmarkað.

18. október 2023Atvinnuvegaráðuneytið

Hringrásarhagkerfið í brennidepli á Matvælaþingi 2023

Svandís Svavarsdóttir matvælaráðherra boðar til matvælaþings 2023 sem haldið verður í Silfurbergi í Hörpu 15. nóvember nk.

18. október 2023Innviðaráðuneytið

Útvíkkun aðgerða til annarra málefnasviða vekur athygli

Útvíkkun aðgerða nýrrar sveitarstjórnaráætlunar til málefnasviða annarra ráðuneyta vakti athygli norrænna ráðherra og helstu norrænna sérfræðinga á sviði sveitarfélaga á samráðsfundi ráðherranna á Flúðum í liðinni viku

18. október 2023Menningar-٫ nýsköpunar- og háskólaráðuneytið

Nýr veruleiki kallar á nánara Norrænt samstarf

Norðurlöndin þurfa að efla samstarf atvinnulífsins þegar kemur að grænum umskiptum, gervigreind og stafrænum umskiptum. Þetta var niðurstaða nýafstaðins norræns ráðherrafundar atvinnumála þar sem ráðherrarnir ræddu nýjan pólitískan veruleika og forgangsröðun í atvinnulífinu til ársins 2030.

18. október 2023Innviðaráðuneytið

Ný reglugerð um íbúakosningar sveitarfélaga

Ný reglugerð um íbúakosningar sveitarfélaga nr. 922/2023 hefur verið staðfest og birt í Stjórnartíðindum.

18. október 2023Umhverfis-٫ orku- og loftslagsráðuneytið

Hnattrænar loftslagsbreytingar og áhrif þeirra á Ísland

Áhrifa loftslagsbreytinga er þegar farið að gæta hér á landi með breytingum á náttúrufari og lífsskilyrðum fólks, með vaxandi áskorunum fyrir efnahag, samfélag og náttúru. Þetta kemur fram í skýrslu sem vísindanefnd um loftslagsbreytingar afhenti Guðlaugi Þór Þórðarsyni, umhverfis-, orku- og loftslagsráðherra, á blaðamannafundi í Grósku í dag.

18. október 2023Félags- og húsnæðismálaráðuneytið

Óskað eftir umsóknum um styrki í nýjan vinnuverndarsjóð

Vinnuverndarsjóður er nýtt samstarfsverkefni félags- og vinnumarkaðsráðuneytisins og Vinnueftirlitsins. Frestur til að skila inn umsóknum í sjóðinn er til 28. nóvember.

18. október 2023Mennta- og barnamálaráðuneytið

Ráðstefna: Vinnum gullið – ný stefna í afreksíþróttum á Íslandi

Mennta- og barnamálaráðuneytið, í samstarfi við ÍSÍ, UMFÍ og Samband íslenskra sveitarfélaga, boðar til ráðstefnunnar Vinnum gullið – ný stefna í afreksíþróttum á Íslandi mánudaginn 20. nóvember í Gullteig á Grand Hótel Reykjavík og í streymi. Á ráðstefnunni verða kynnt áform um eflingu afreksíþróttastarfs á Íslandi.…

18. október 2023Dómsmálaráðuneytið

Nú er hægt að sækja um vegabréf á Ísland.is

Sýslumenn og Þjóðskrá hafa nú opnað fyrir forskráningar og greiðslu fyrir vegabréfsumsóknir á Ísland.is. Þetta mun stytta og einfalda umsóknarferli vegna vegabréfa til muna auk þess sem forsjáraðilar þurfa ekki báðir að mæta með börnum til sýslumanns.

17. október 2023Innviðaráðuneytið

Greinargerð um sóknaráætlanir landshluta fyrir árið 2022 gefin út

Stýrihópur Stjórnarráðsins um byggðamál hefur gefið út greinargerð um sóknaráætlanir landshluta fyrir árið 2022.

17. október 2023Utanríkisráðuneytið

Íslensk stjórnvöld fjármagna nýja fæðingardeild sem rís í Makanjira

Forseti Malaví, ásamt ráðherrum og starfsfólki sendiráðs Íslands í Lilongwe, tók í gær fyrstu skóflustunguna að nýrri fæðingardeild sem mun rísa á afskekktu svæði Mangochi-héraðs fyrir tilstuðlan íslenskra stjórnvalda.

17. október 2023Forsætisráðuneytið

Áslaug María Friðriksdóttir ráðin aðstoðarmaður ríkisstjórnarinnar

Áslaug María Friðriksdóttir hefur verið ráðin aðstoðarmaður ríkisstjórnarinnar. Meginverkefni hennar verða tengd undirbúningi stjórnarskrárvinnu og samhæfingu mála milli ráðuneyta.

17. október 2023Atvinnuvegaráðuneytið

Samstarfssamningur um loftslagsvænan landbúnað undirritaður

Svandís Svavarsdóttir matvælaráðherra undirritaði í dag ásamt Karvel L. Karvelssyni framkvæmdastjóra Ráðgjafamiðstöðvar landbúnaðarins, Birki Snæ Fannarssyni, settum Landgræðslustjóra og Þresti Eysteinssyni skógræktarstjóra, samstarfssamning um loftslagsvænan landbúnað.

17. október 2023Umhverfis-٫ orku- og loftslagsráðuneytið

Einföldun á eftirliti með hollustuháttum, mengunarvörnum og matvælum

Þörf er á gagngerum breytingum á fyrirkomulagi eftirlits með hollustuháttum og mengunarháttum og matvælaeftirliti. Þetta er mat starfshóps sem Guðlaugur Þór Þórðarson, umhverfis-, orku- og loftslagsráðherra, skipaði í október 2022 í samráði við matvælaráðherra, til að leggja til nýtt fyrirkomulag að eftirliti með hollustuháttum og mengunarvörnum og matvælum.

16. október 2023Menningar-٫ nýsköpunar- og háskólaráðuneytið

Árangurstengd fjármögnun háskóla birt í Samráðsgátt

Drög að nýjum reglum um fjárframlög til háskóla hafa verið birt í Samráðsgátt. Reglurnar lýsa forsendum og samsetningu fjárframlaga úr ríkissjóði til háskóla en um er að ræða gagngera kerfisbreytingu á fjármögnun háskólanna frá reglunum sem settar voru árið 1999. Umsagnarfrestur er til 31. október 2023.

16. október 2023Utanríkisráðuneytið, Fjármála- og efnahagsráðuneytið

Lyklaskipti í utanríkisráðuneyti og fjármála- og efnahagsráðuneyti

Þórdís Kolbrún Reykfjörð Gylfadóttir tók í dag við lyklavöldum í fjármála- og efnahagsráðuneytinu úr hendi Bjarna Benediktssonar, sem er nýr utanríkisráðherra. Skömmu áður tók Bjarni við lyklum að utanríkisráðuneytinu frá Þórdísi Kolbrúnu.

16. október 2023Umhverfis-٫ orku- og loftslagsráðuneytið

Eftirlit með hollustuháttum og mengunarvörnum og matvælum – streymi frá kynningu á skýrslu starfshóps

Guðlaugur Þór Þórðarson, umhverfis-, orku- og loftslagsráðherra, skipaði í október 2022, í samráði við matvælaráðherra, starfshóp sem fékk það hlutverk að leggja til nýtt fyrirkomulag að eftirliti með hollustuháttum og mengunarvörnum og matvælum.

16. október 2023Innviðaráðuneytið, Menningar-٫ nýsköpunar- og háskólaráðuneytið

Myndrænn árangur í fjarskiptum

Drög að reglugerð um birtingu upplýsinga í gagnagrunni almennra fjarskiptaneta (GAF) hafa verið birt í Samráðsgátt.

16. október 2023Umhverfis-٫ orku- og loftslagsráðuneytið

Orkuöryggi og almenningur – málþing um orkumál

Norrænar orkurannsóknir, Norræna ráðherranefndinni og umhverfis-, orku- og loftslagsráðuneytið standa að málþingi um orkumál og almenning sem haldin verður á Hótel Hilton Reykjavík Nordica, fimmtudaginn 19. október kl. 9-12.

16. október 2023Félags- og húsnæðismálaráðuneytið

Styrkir Bata góðgerðarfélag

Guðmundur Ingi Guðbrandsson, félags- og vinnumarkaðsráðherra, hefur veitt Bata góðgerðarfélagi 23 milljóna króna styrk. Bati rekur áfangaheimili og stuðningsúrræði fyrir einstaklinga sem hafa verið í réttarvörslu og þarfnast stuðnings við að verða virkir þátttakendur í samfélaginu á ný.

14. október 2023Utanríkisráðuneytið

Ísland styrkir neyðaraðstoð Sameinuðu þjóðanna á Gaza

Utanríkisráðherra hefur ákveðið að svara kalli Sameinuðu þjóðanna um framlög til neyðaraðstoðar í Palestínu með 70 milljóna króna framlagi fræa íslenskum stjórnvöldum til Palestínuflóttamannaaðstoðar Sameinuðu þjóðanna (UNRWA). Framlagið bætist við reglubundið framlag Íslands til stofnunarinnar, sem er ein af samstarfsstofnunum Íslands í mannúðarmálum.

13. október 2023Utanríkisráðuneytið

Leiðtogafundur JEF í Svíþjóð

Öryggi og varnir Evrópu voru megin fundarefni leiðtogafundar Sameiginlegu viðbragðssveitarinnar (JEF) sem lauk í Svíþjóð í dag. Þórdís Kolbrún Reykfjörð Gylfadóttir, utanríkisráðherra, sótti fundinn fyrir hönd forsætisráðherra. Ríkin ræddu þróun öryggismála, áframhaldandi stuðning við varnarbaráttu Úkraínu og framtíðarþróun JEF-samstarfsins.

13. október 2023Utanríkisráðuneytið

Ástandið fyrir botni Miðjarðarhafs og stuðningur við Úkraínu ofarlega á baugi á fundi varnarmálaráðherra Atlantshafsbandalagsins

Málefni Úkraínu og alvarlegt ástand fyrir botni Miðjarðarhafs voru fyrirferðamikil mál á varnarmálaráðherrafundi Atlantshafsbandalagsins sem lauk í höfuðstöðvum bandalagsins í Brussel í gær. Varnarmálaráðherra Ísrael ávarpaði ráðherrafundinn með fjarfundarbúnaði.

13. október 2023Utanríkisráðuneytið

Gripið til aðgerða vegna gullhúðunar EES-reglna

Utanríkisráðherra hyggst skipa starfshóp til að meta umfang gullhúðunar EES-gerða og leggja til tillögur að úrbótum.

13. október 2023Atvinnuvegaráðuneytið

Breyting kynnt á reglugerð um framleiðslu og markaðssetningu smáframleiðenda

Að höfðu samráði við Samtök smáframleiðenda matvæla og félag heimavinnsluaðila, Beint frá býli, hefur Svandís Svavarsdóttir matvælaráðaherra lagt fram í samráðsgátt stjórnvalda drög að breytingum á reglugerð um framleiðslu og markaðssetningu smáframleiðenda.

13. október 2023Dómsmálaráðuneytið

Alþjóðleg almannavarnaæfing í Reykjavík

Dómsmálaráðherra leit á dögunum inn á æfingu í alþjóðlegum almannavörnum

13. október 2023Forsætisráðuneytið

Ríkisráðsfundur á Bessastöðum

Ríkisráð Íslands hefur verið kvatt saman til fundar á Bessastöðum á morgun, laugardaginn 14. október, kl. 14.00.

12. október 2023Umhverfis-٫ orku- og loftslagsráðuneytið

Stuðlað verði að nýtingu á glatvarma í Húnabyggð

Umhverfis-, orku- og loftslagsráðuneytið, Húnabyggð, Samtök sveitarfélag á Norðurlandi vestra og Borealis Data Center hafa gert með sér viljayfirlýsingu um samstarfsverkefni sem stuðlar að nýtingu á glatvarma í Húnabyggð.

12. október 2023Félags- og húsnæðismálaráðuneytið

Frestur til að sækja um styrki til félagasamtaka rennur út eftir helgi

Frestur til að sækja um styrki til verkefna og starfsemi sem heyra undir málefnasvið félags- og vinnumarkaðsráðuneytisins rennur út á mánudaginn.

12. október 2023Fjármála- og efnahagsráðuneytið

Drög að frumvarpi um slit ógjaldfærra opinberra aðila

Drög að frumvarpi sem hefur að geyma almennar reglur um hvernig slíta megi tilteknum ógjaldfærum opinberum aðilum hafa verið birt í samráðsgátt.

12. október 2023Innviðaráðuneytið

Verkefnið Brothættar byggðir skilar árangri

Byggðaþróunarverkefnið Brothættar byggðir er tíu ára um þessar mundir. Af því tilefni var haldið málþing á Raufarhöfn 5. október síðastliðinn, en Raufarhöfn var fyrsta byggðarlagið til að taka þátt í verkefninu.

12. október 2023Mennta- og barnamálaráðuneytið

Vel heppnaður fundur menntamálaráðherra Evrópuráðsins í Strassborg

Ásmundur Einar Daðason, mennta- og barnamálaráðherra, og Ragnhildur Arnljótsdóttir, sendiherra og fastafulltrúi Íslands, tóku þátt í 26. fundi menntamálaráðherra Evrópuráðsins sem haldinn var í Strassborg 28. og 29. september sl.

12. október 2023Atvinnuvegaráðuneytið

Opið fyrir umsóknir um styrki vegna ágangs álfta og gæsa

Matvælaráðuneytið vekur athygli á umsóknum um styrki vegna ágangs álfta og gæsa. Tjónmati er skilað rafrænt í Afurð, eigi síðar en 20. október næstkomandi.

12. október 2023Félags- og húsnæðismálaráðuneytið

Aðstoð fyrir fjölskyldur fanga

Guðmundur Ingi Guðbrandsson, félags- og vinnumarkaðsráðherra, hefur veitt Bjargráði 12 milljóna króna styrk. Bjargráð er þjónusta fyrir fjölskyldur og aðstandendur sem eru í þeim sporum að einhver nákominn bíður eftir afplánun, er í afplánun eða er laus úr henni. Þjónustan var sett á laggirnar á síðasta ári með stuðningi félags- og vinnumarkaðsráðherra.

11. október 2023Innviðaráðuneytið

Skipun starfshóps um könnun á fýsileika jarðganga til Vestmannaeyja

Innviðaráðherra hefur skipað starfshóp um könnun á fýsileika jarðganga á milli lands og Vestmannaeyja. Hópurinn hefur þegar hafið störf og fundaði föstudaginn 6. október síðastliðinn.

11. október 2023Forsætisráðuneytið, Utanríkisráðuneytið, Félags- og húsnæðismálaráðuneytið

Friðarráðstefna í Hörpu: „Alþjóðleg samstaða og samvinna lykilatriði“

Norræn samstaða um frið er umfjöllunarefni fjölmennrar friðarráðstefnu sem nú stendur yfir í Hörpu og er send út í beinu streymi. Höfði friðarsetur Reykjavíkurborgar og Háskóla Íslands heldur ráðstefnuna í samstarfi við formennsku Íslands í Norrænu ráðherranefndinni. Yfirskrift íslensku formennskunnar er „Norðurlönd – afl til friðar“.

11. október 2023Menningar-٫ nýsköpunar- og háskólaráðuneytið

Frumvarp um hagnýtingu opinna gagna í Samráðsgátt

Drög að frumvarpi um opin gögn hafa verið birt í Samráðsgátt. Frumvarpið fjallar um lágmarksreglur til að auka hagnýtingu gagna sem safnað er hjá opinberum aðilum í þeim tilgangi að örva nýsköpun og til hagsbóta fyrir samfélagið í heild.

11. október 2023Dómsmálaráðuneytið

Ráðstefna Almannavarna: "Hvers vegna erum við öll almannavarnir?"

Ráðstefna í beinu streymi þriðjudaginn 17. október frá kl. 13 til 16.30

11. október 2023Dómsmálaráðuneytið

Dómsmálaráðherra heimsækir Neyðarlínuna

Á móti ráðherra tók Jón Svanberg Hjartarson, framkvæmdastjóri Neyðarlínunnar ásamt sínu samstarfsfólki.

10. október 2023Mennta- og barnamálaráðuneytið

Tilnefningar til Íslensku menntaverðlaunanna 2023

Tilnefningar til Íslensku menntaverðlaunanna voru kynntar á alþjóðlegum degi kennara 5. október. Markmið verðlaunanna er að auka veg menntaumbótastarfs og vekja athygli á metnaðarfullu og vönduðu skóla- og frístundastarfi með börnum og ungmennum.

10. október 2023Félags- og húsnæðismálaráðuneytið

Foreldrar sem deila ekki lögheimili með barni sínu upplifa mismunun

Á opnum morgunverðarfundi Velferðarvaktarinnar í gær kom fram að samkvæmt nýrri rannsókn upplifði stór hluti þátttakenda, eða 59% mismunun vegna þess að þeir áttu barn sem ekki deildu með þeim lögheimili.

10. október 2023Fjármála- og efnahagsráðuneytið

Vegna álits umboðsmanns um sölu á hlutum í Íslandsbanka

Í tilefni af áliti umboðsmanns Alþingis um sölu á hlutum í Íslandsbanka birtir ráðuneytið meðfylgjandi gögn sem send voru umboðsmanni meðan athugun málsins stóð yfir hjá embættinu.

10. október 2023Heilbrigðisráðuneytið

Starfshópur skipaður um framtíð læknisþjónustu á Íslandi

Willum Þór Þórsson heilbrigðisráðherra hefur skipað starfshóp til að kortleggja núverandi þörf fyrir læknisþjónustu og þróun hennar til framtíðar. Hópnum er ætlað að skilgreina forsendur fyrir gerð mönnunarviðmiða og mannaflaspá. Honum er líka ætlað að leggja til aðgerðir til næstu ára með mönnun, gæði og öryggi læknisþjónustu að leiðarljósi. Formaður starfshópsins er Ólafur Baldursson læknir.

10. október 2023Félags- og húsnæðismálaráðuneytið, Heilbrigðisráðuneytið

Gott að eldast: Sex heilbrigðisstofnanir og 22 sveitarfélög taka þátt í þróunarverkefnum

Sex heilbrigðisstofnanir og 22 sveitarfélög munu taka þátt í þróunarverkefnum sem ganga út á að samþætta félags- og heilbrigðisþjónustu fyrir eldra fólk í heimahúsum. Áhugi fyrir þátttöku var mikill.

09. október 2023Menningar-٫ nýsköpunar- og háskólaráðuneytið

Tólf styrkjum úthlutað til nýsköpunar í heilbrigðisþjónustu

Tólf íslenskum nýsköpunarfyrirtækjum hefur verið boðið að ganga til samninga um styrki úr Fléttunni - styrki til innleiðingar nýsköpunar í heilbrigðisþjónustu. Áslaug Arna Sigurbjörnsdóttir, háskóla-, iðnaðar- og nýsköpunarráðherra, kynnti úthlutun styrkjanna í dag en alls verður um 104 m.kr. dreift til innleiðingar nýrrar tækni og lausna í heilbrigðiskerfinu.

09. október 2023Utanríkisráðuneytið

Íslendingarnir lagðir af stað heim

Farþegaflugvél með 126 Íslendinga innanborðs, sem voru strandaglópar í Ísrael eftir að þar brutust út átök, er lögð af stað áleiðis til Íslands. Flugvélin hóf sig á loft frá Queen Alia alþjóðaflugvellinum í Amman í Jórdaníu, klukkan 18:40 að íslenskum tíma.

09. október 2023Umhverfis-٫ orku- og loftslagsráðuneytið

Græna eyjan – vegferð í átt að 100% orkuskiptum

Vestmannaeyjabær stefnir á full orkuskipti í Vestmannaeyjum og forsenda þess er að Landsnet ákveði að leggja tvo nýja raforkustrengi til Vestmannaeyja.

09. október 2023Fjármála- og efnahagsráðuneytið

Ísland í fjórða sæti í Evrópu í könnun á stafrænni, opinberri þjónustu

Ísland er í fjórða sæti í árlegri könnun meðal Evrópuríkja á stafrænni, opinberri þjónustu (eGovernment Benchmark) en síðustu árin hefur Ísland hækkað hratt á listanum. Ísland var í 11. sæti í könnuninni árið 2020, 7. sæti árið 2021 og 4. sæti í fyrra og í ár.

09. október 2023Umhverfis-٫ orku- og loftslagsráðuneytið

Ráðherra friðlýsir Skrúð og staðfestir Neðstakaupstað og Skutulsfjarðareyri sem verndarsvæði í byggð á Ísafirði

Guðlaugur Þór Þórðarson, umhverfis-, orku- og loftslagsráðherra, undirritað í á föstudag friðlýsingu vegna Skrúðs í Dýrafirði. Jafnframt staðfesti ráðherra að Neðstikaupstaður og Skutulsfjarðareyri á Ísafirði verði sérstakt verndarsvæði innan sveitarfélagsins.

09. október 2023Utanríkisráðuneytið

Íslenskum strandaglópum í Ísrael verður flogið heim frá Jórdaníu

Um 120 manna hópur Íslendinga í Ísrael, sem til stóð að farþegaflugvél á vegum íslenskra stjórnvalda myndi sækja til Tel Aviv, verða fluttir til Amman í Jórdaníu, þaðan sem honum verður flogið aftur heim til Íslands.

08. október 2023Utanríkisráðuneytið

Íslendingar í Ísrael verða sóttir

Utanríkisráðherra hefur ákveðið að senda farþegaflugvél á vegum íslenska ríkisins til Ísraels. Henni er ætlað að ferja heim um 120 Íslendinga sem þar eru strandaglópar vegna ófriðarástandsins í landinu en það hefur sett allar samgöngur úr skorðum.

06. október 2023Fjármála- og efnahagsráðuneytið

Sjálfbærni í rekstri rædd á ársfundi ríkisfyrirtækja

Sjálfbærni í rekstri fyrirtækja var yfirskrift ársfundar ríkisfyrirtækja 2023 sem fjármála- og efnahagsráðuneytið hélt í gær. Bætt yfirsýn, aukið gagnsæi og samfélagslega arðbær og ábyrgur rekstur eru leiðarstef ríkisins og á fundinum var kynnt nýtt fyrirkomulag umsýslu og stýringar eignarhalds ásamt endurskoðun og mati á eignasafni ríkisins.

06. október 2023Umhverfis-٫ orku- og loftslagsráðuneytið

Fyrirkomulag rjúpnaveiða 2023

Guðlaugur Þór Þórðarson, umhverfis-, orku- og loftslagsráðherra, hefur staðfest að veiðitímabil rjúpu verður frá 20. október – 21. nóvember í ár. Heimilt verður að veiða rjúpu frá og með föstudögum til og með þriðjudögum á því tímabili.

06. október 2023Félags- og húsnæðismálaráðuneytið

Niðurstöður könnunar á einangrun og einmanaleika eldra fólks eftir uppruna

Félags- og vinnumarkaðsráðuneytið hefur látið framkvæma könnun á einangrun og einmanaleika eldra fólks af íslenskum og erlendum uppruna. Könnunin tengist framkvæmd aðgerðaáætlunarinnar Gott að eldast sem og framkvæmdaáætlun í málefnum innflytjenda sem báðar eru á ábyrgð ráðuneytisins.

06. október 2023Innviðaráðuneytið

Opinn fundur um hágæða grænar samgöngur milli höfuðborgarsvæðisins og Keflavíkur

Innviðaráðuneytið, Reykjavíkurborg, Kadeco, Svæðisskipulagsnefnd höfuðborgarsvæðisins og Samband sveitarfélaga á Suðurnesjum standa sameiginlega að opnum fundi um góðar og umhverfisvænar samgöngur milli alþjóðaflugvallarins í Keflavík og höfuðborgarsvæðisins.

06. október 2023Heilbrigðisráðuneytið

Ný sjúkradeild og slysa- og bráðamóttaka við HSS

Lokið er viðamiklum endurbótum við Heilbrigðisstofnun Suðurnesja (HSS) sem stórbæta aðstæður sjúklinga og starfsfólks stofnunarinnar. Tímamótunum var fagnað í gær þegar teknar voru í notkun ný sjúkradeild og slysa- og bráðamóttaka í D-álmu stofnunarinnar. Auk þessa er geðheilsuteymi stofnunarinnar komið í stærra og betra húsnæði við Hafnargötu 90.

06. október 2023Atvinnuvegaráðuneytið

Ráðstefna um sjálfbærni í fiskeldi haldin 11. október

Matís stendur fyrir ráðstefnu um sjálfbærni í fiskeldi á Grand Hótel í Reykjavík frá 8.30 til 16.00, miðvikudaginn 11. október.

05. október 2023Innviðaráðuneytið

Nordregio Forum 2023: Ungir Norðurlandabúar lykillinn að velmegandi og grænum Norðurlöndum

Vefráðstefna á vegum Nordregio, rannsóknarstofnunar um byggðaþróun og skipulagsmál, um framtíð Norðurlanda verður haldin miðvikudaginn 17. október næstkomandi kl. 8:30.

05. október 2023Heilbrigðisráðuneytið

Fyrsta skóflustungan að viðbyggingu við Grensásdeild Landspítala

Willum Þór Þórsson heilbrigðisráðherra tók í dag fyrstu skóflustunguna að 4.400 fermetra nýbyggingu við Endurhæfingardeildar Landspítala við Grensás. Stefnt er að því að hægt verði að taka hana í notkun árið 2027.

05. október 2023Menningar-٫ nýsköpunar- og háskólaráðuneytið

Viðsnúningur á háskólastigi forsenda öflugri nýsköpunar

,,Ef samfélagið opnar ekki augun fyrir því að við erum að dragast aftur úr þegar kemur að undirstöðu nýsköpunar og verðmætasköpunar - menntakerfinu- þá missum við af lestinni í samkeppni þjóða,” sagði ráðherra í ávarpi sínu á Sjávarútvegsdeginum í gær.

05. október 2023Forsætisráðuneytið

Forsætisráðherra tók þátt í leiðtogafundi EPC í Granada

Katrín Jakobsdóttir forsætisráðherra tók í dag þátt í leiðtogafundi hins pólitíska bandalags Evrópuríkja (e. European Political Community, EPC) í Granada á Spáni.

05. október 2023Dómsmálaráðuneytið

Árni Grétar Finnsson ráðinn aðstoðarmaður dómsmálaráðherra

Árni Grétar er annar tveggja aðstoðarmanna dómsmálaráðherra en fyrir er Björg Ásta Þórðardóttir

05. október 2023Atvinnuvegaráðuneytið

Frumvarp til styrkingar stöðu framleiðenda búvara

Svandís Svavarsdóttir matvælaráðherra hefur birt frumvarp um framleiðendafélög á samráðsgátt stjórnvalda. Þar er lagt til að fyrirtækjum sem eru í eigu eða undir meirihlutastjórn frumframleiðenda verði heimilt að eiga með sér samstarf um afmarkaða þætti líkt og tíðkast í nágrannalöndum.

05. október 2023Menningar-٫ nýsköpunar- og háskólaráðuneytið, Félags- og húsnæðismálaráðuneytið

Opið fyrir umsóknir í Ask mannvirkjarannsóknasjóð

Húsnæðis- og mannvirkjastofnun auglýsir eftir umsóknum um styrki úr Aski – mannvirkjarannsóknarsjóði fyrir árið 2023.

05. október 2023Fjármála- og efnahagsráðuneytið

96 þúsund manns nýttu skattahvata og gáfu milljarða til almannaheillastarfsemi

Hátt í 96.000 einstaklingar nýttu sér skattahvata til að styðja við almannaheillastarfsemi á síðasta ári. Lög um skattalega hvata til almannaheillastarfsemi tóku gildi á síðari hluta ársins 2021 og var árið 2022 því fyrsta heila árið sem þau giltu.

04. október 2023Forsætisráðuneytið, Utanríkisráðuneytið, Félags- og húsnæðismálaráðuneytið

Friðarráðstefna í Reykjavík: Norræn samstaða um frið

Framtíðarsýn Norðurlanda í friðarmálum er umfjöllunarefni friðarráðstefnu sem fram fer 10.-11. október nk. í Hörpu. Ráðstefnan er hluti af formennsku Íslands í Norrænu ráðherranefndinni. Yfirskrift íslensku formennskunnar er „Norðurlönd – afl til friðar“.

04. október 2023Atvinnuvegaráðuneytið

Metnaðarfull framtíðarsýn í lagareldi kynnt

Svandís Svavarsdóttir matvælaráðherra kynnti í morgun drög að nýrri stefnumótun lagareldis. Markmið stefnumótunarinnar ná til ársins 2040 og aðgerðaáætlun til ársins 2028. Fundurinn var opinn og í streymi.

04. október 2023Utanríkisráðuneytið

Ráðherra sótti ráðstefnu um öryggismál í Varsjá

„Innrásarstríð Rússlands í Úkraínu er árás á okkar sameiginlegu gildi og alþjóðalög. Þótt norðurslóðir séu fjarri Úkraínu hefur stríðið þó áhrif á heiminn sem við búum í og þar af leiðandi Ísland.“ Þetta var á meðal þess sem fram kom í máli Þórdísar Kolbrúnar Reykfjörð Gylfadóttur utanríkisráðherra á ráðstefnu um öryggismál, þar sem hún sat í pallborði með ráðherrum frá Bretlandi, Hollandi og…

04. október 2023Dómsmálaráðuneytið

Greining og endurskoðun á almannavarnakerfi landsins fram undan

Framundan er heildstæð greining á íslenska almannavarnakerfinu um land allt

04. október 2023Menningar-٫ nýsköpunar- og háskólaráðuneytið

Lengdur umsóknarfrestur í Samstarf háskóla

Umsóknarfrestur í Samstarf háskóla hefur verið framlengdur til 31. október. Háskólar og samstarfsaðilar þeirra skila umsóknum til háskóla-, iðnaðar- og nýsköpunarráðuneytisins en áætlað er að úthluta allt að einum milljarði króna til verkefna sem snúa að auknu samstarfi háskóla á yfirstandandi ári. Opnað var fyrir umsóknir í júní sl.

04. október 2023Fjármála- og efnahagsráðuneytið, Innviðaráðuneytið

Aukið jafnræði og sjálfbærari fjármögnun vegasamgangna

Árangur í orkuskiptum kallar á að fjármögnun vegasamgangna verði óháð jarðefnaeldsneyti. Stefnt er að innleiðingu nýs, einfaldara og sanngjarnara kerfis á næstu árum, þar sem greitt er almennt kílómetragjald í stað sértækra gjalda á bensín og olíu sem nú eru í gildi.

03. október 2023Menningar-٫ nýsköpunar- og háskólaráðuneytið

Viljayfirlýsing um aukið samstarf og mögulega sameiningu Háskólans á Akureyri og Háskólans á Bifröst undirrituð

Áslaug Arna Sigurbjörnsdóttir, háskóla-, iðnaðar- og nýsköpunarráðherra, hefur undirritað viljayfirlýsingu starfandi rektor Háskólans á Akureyri og rektor Háskólans á Bifröst um að hefja formlegar viðræður um samstarf og mögulega sameiningu háskólanna.

03. október 2023Menningar-٫ nýsköpunar- og háskólaráðuneytið

Ræddi íslensku bankana, verðbólgu og samkeppni á málþingi um bankaskýrsluna

„Þegar verðbólga er í hæstu hæðum, þá gerir maður kröfu á að allir taki þátt í þessari vegferð að ná henni niður og minnka þennan herkostnað sem verðbólgan er,“ sagði Lilja Dögg Alfreðsdóttir menningar- og viðskiptaráðherra á málþingi um nýútkomna bankaskýrslu á Hilton fyrr í dag.

03. október 2023Heilbrigðisráðuneytið, Félags- og húsnæðismálaráðuneytið

Tímamótasamningur um starfsendurhæfingu ungs fólks

Undirritaður hefur verið þríhliða samningur milli Sjúkratrygginga Íslands, VIRK starfsendurhæfingarsjóðs og Janusar endurhæfingar ehf. um samþætta og þverfaglega heilbrigðis- og starfsendurhæfingarþjónustu við ungt fólk á aldrinum 18 til 30 ára með flókinn og fjölþættan vanda. Samningurinn tryggir þjónustu fyrir 80 einstaklinga sem falla undir skilgreiningu NEET, þ.e.…

03. október 2023Atvinnuvegaráðuneytið

Streymt frá kynningarfundi um stefnumótun í lagareldi

Streymt verður frá kynningarfundur um stefnumótun í lagareldi sem fram fer miðvikudaginn 4. október á Hilton Nordica kl. 10.30.

03. október 2023Félags- og húsnæðismálaráðuneytið, Innviðaráðuneytið

Viðmið um hámarksbyggingarkostnað almennra íbúða vegna stofnframlaga hækkuð

Viðmið um hámarksbyggingarkostnað almennra íbúða vegna stofnframlaga hafa verið hækkuð með breytingu á reglugerð um stofnframlög ríkis og sveitarfélaga.

03. október 2023Dómsmálaráðuneytið, Forsætisráðuneytið

Styrkveitingar til verkefna og viðburða á sviði jafnréttismála

Forsætisráðuneytið auglýsir styrki til verkefna og viðburða á sviði jafnréttismála til eins árs í senn. Umsóknarfrestur er til miðnættis 16. október 2023.

03. október 2023Atvinnuvegaráðuneytið

Hringborðsumræður Íslands og Kanada um sjálfbæra ferðaþjónustu

Sérfræðingar frá Íslandi og Kanada ræða og svara spurningum um sjálfbæra ferðaþjónustu og stjórnun áfangastaða á vefhringborðsumræðum, miðvikudaginn 11. október næstkomandi frá kl. 15:30-16:30.

03. október 2023Mennta- og barnamálaráðuneytið

Auglýst eftir umsóknum um styrki í þágu farsældar barna

Mennta- og barnamálaráðherra auglýsir eftir umsóknum um styrki frá íslenskum félagasamtökum til verkefna sem varða farsæld og samfélagslega virkni, þar á meðal menntun, frístundir, íþróttir, vernd og réttindi barna. Verkefnin skulu vera í þjónustu við börn og fjölskyldur og snúa m.a. að forvörnum, fyrirbyggjandi aðgerðum og þjónustu er miðar sérstaklega að börnum í viðkvæmri stöðu, þ.m.t.…

03. október 2023Heilbrigðisráðuneytið

Börnum óháð kyni býðst nú bólusetning gegn HPV veirunni

Börnum í 7. bekk er nú öllum boðin bólusetning gegn HPV veirunni, óháð kyni. Samhliða hefur verið tekið í notkun nýtt og breiðvirkara bóluefni en áður sem veitir víðtækari vörn gegn krabbameinum af völdum veirunnar. Willum Þór Þórsson heilbrigðisráðherra kynnti áform sín þessa efnis í lok síðasta árs. Hann fól sóttvarnalækni að hefja undirbúning og nú er þessi breyting orðin að veruleika.

02. október 2023Menningar-٫ nýsköpunar- og háskólaráðuneytið

María Rut Reynisdóttir ráðin framkvæmdastjóri Tónlistarmiðstöðvar

Stjórn Tónlistarmiðstöðvar Íslands hefur ráðið Maríu Rut Reynisdóttur, skrifstofustjóra menningarmála hjá Reykjavíkurborg sem framkvæmdastjóra nýrrar Tónlistarmiðstöðvar.…

02. október 2023Utanríkisráðuneytið

Tómas H. Heiðar kjörinn forseti Alþjóðlega hafréttardómsins

Tómas H. Heiðar var í dag kjörinn forseti Alþjóðlega hafréttardómsins í Hamborg til þriggja ára. Hann var tilnefndur sem frambjóðandi Norðurlandanna árið 2014 og hlaut í framhaldinu kjör sem dómari við dómstólinn til níu ára. Tómas var svo endurkjörinn fyrr á þessu ári til ársins 2032.

02. október 2023Dómsmálaráðuneytið

Fleiri verkefni á sviði ættleiðinga færð til sýslumanns og þjónusta við uppkomna ættleidda aukin

Tiltekin verkefni sem hingað til hafa verið á verksviði Íslenskrar ættleiðingar, voru færð til sýslumannsins á höfuðborgarsvæðinu með nýrri reglugerð

02. október 2023Menningar-٫ nýsköpunar- og háskólaráðuneytið

Ísland áfram meðal 20 mest nýskapandi ríkja heims

Íslandi situr í 20. sæti á lista Alþjóðahugverkastofunnar yfir mest nýskapandi ríki heims. Öll Norðurlöndin eru á topp-20 listanum.

02. október 2023Atvinnuvegaráðuneytið

Kynningarfundur á stefnumótun í lagareldi haldinn 4. október

Svandís Svavarsdóttir matvælaráðherra mun kynna drög að nýrri stefnumótun lagareldis sem unnin hefur verið á vegum matvælaráðuneytisins. Kynningin verður haldin í Club Vox sal á 1. hæð Hilton Reykjavík Nordica, n.k. miðvikudag 4 október, kl. 10.30.

02. október 2023Fjármála- og efnahagsráðuneytið

Tveir milljarðar hafa sparast hjá hinu opinbera með sameiginlegum kaupum á raforku

Með sameiginlegum örútboðum á raforku í gegnum Ríkiskaup hafa stofnanir fengið um 35% afslátt frá almennum töxtum. Þetta jafngildir því að um 187 milljónir króna sparist á ári með sameiginlegum innkaupum, í stað þess að hver og ein stofnun sjá um sín raforkukaup.

02. október 2023Dómsmálaráðuneytið

Kristín Þórðardóttir sett sýslumaður í Vestmannaeyjum

Dómsmálaráðherra hefur sett Kristínu Þórðardóttur, sýslumanninn á Suðurlandi, tímabundið sem sýslumann í Vestmannaeyjum, frá 1. október nk.

02. október 2023Menningar-٫ nýsköpunar- og háskólaráðuneytið

UNESCO – dagurinn haldinn í Eddu

Á dögunum stóð íslenska UNESCO-nefndin fyrir UNESCO deginum í fjórða sinn, samráðs- og kynningarfundi íslenskra aðila sem vinna að UNESCO verkefnum hér á landi og sinna samstarfi við stofnunina.

02. október 2023Félags- og húsnæðismálaráðuneytið

Drög að frumvarpi til breytinga á lögum um greiðsluaðlögun einstaklinga birt í samráðsgátt stjórnvalda

Drög að frumvarpi sem auðvelda á greiðsluaðlögun einstaklinga hafa verið birt í samráðsgátt stjórnvalda. Meginefni breytinganna snýr að því að gera úrræðið um greiðsluaðlögun einstaklinga að heildstæðari lausn en nú er og að málsmeðferð verði skýrari og skilvirkari.

29. september 2023Utanríkisráðuneytið

Ráðherra heimsótti nýtt færanlegt neyðarsjúkrahús fyrir Úkraínu

Tveggja daga opinberri vinnuheimsókn utanríkisráðherra til Eistlands lauk í dag. Í ferðinni átti hún fundi með Margus Tsahkna utanríkisráðherra og Hanno Pevkur varnarmálaráðherra. Auk þess kynnti ráðherra sér starfsemi netöryggisseturs Atlantshafsbandalagsins, sem Ísland á aðild að, í höfuðborginni Tallinn.…

29. september 2023Heilbrigðisráðuneytið

Geðráð, samráðsvettvangur um geðheilbrigðismál sett á fót

Willum Þór Þórsson heilbrigðisráðherra hefur skipað Geðráð í samræmi við aðgerðaáætlun í geðheilbrigðismálum til ársins 2027. Í Geðráði eiga sæti fulltrúar stjórnvalda, notenda geðheilbrigðisþjónustu, aðstandenda og fagfólks sem fjalla um málaflokkinn. Með þessu er tryggð aðkoma helstu haghafa að stefnumótun, umbótum og þróun á sviði geðheilbrigðismála og geðheilbrigðisþjónustu.…

29. september 2023Heilbrigðisráðuneytið

Heilbrigðisþing 2023 helgað stafrænni þróun - haldið í Hörpu 14. nóvember

Heilbrigðisþing árið 2023 verður með sterkri norrænni skírskotun vegna formennsku Íslands í Norrænu ráðherranefndinni þetta árið. Þingið verður helgað stafrænni þróun innan heilbrigðiskerfisins með áherslu á gögn og gervigreind en Norðurlöndin í heild sinni stefna á að vera í fararbroddi þegar að þessu mikilvæga viðfangsefni kemur.…

29. september 2023Innviðaráðuneytið

Leiðbeiningar gefnar út um þjónustustefnu sveitarfélags

Fyrirmynd og leiðbeiningar um gerð þjónustustefnu sveitarfélags hafa verið birt á vef innviðaráðuneytisins. Byggðastofnun vann leiðbeiningarnar, að beiðni ráðuneytisins, í samstarfi við sveitarfélagið Norðurþing.