Fréttir

Leita

Veldu ráðuneyti
Veldu verkefni
Veldu ár
Sýni 2401-2500 af 8678 niðurstöðum
26. nóvember 2024Heilbrigðisráðuneytið

Skýrsla um mönnunarviðmið í hjúkrun

Mönnunarviðmið í hjúkrun á bráðalegudeildum sjúkrahúsa skulu byggja á gagnreyndri þekkingu og skýru kerfisbundnu verklagi sem er samræmt milli stofnana. Þau þurfa að byggja á umfangi og gæðum þjónustunnar, starfsumhverfinu og hæfni og þekkingu starfsfólks og veita sveigjanleika sem nauðsynlegur er í daglegum rekstri. Ábyrgð og vald stjórnenda við ákvörðun mönnunarviðmiða þarf að vera skýrt.…

25. nóvember 2024Heilbrigðisráðuneytið

Mikil áfengisdrykkja Evrópubúa veldur áhyggjum – WHO hvetur til aðgerða

Fullorðnir Evrópubúar drekka að meðaltali 9,2 lítra af hreinu áfengi árlega sem er met á heimsvísu, samkvæmt nýlegri skýrslu Alþjóðaheilbrigðismálastofnunarinnar (WHO). Stofnunin hvetur Evrópuþjóðir til að herða tafarlaust aðgerðir sínar til að sporna við áfengisneyslu. Aðgerðaleysi í þeim efnum sé dýru verði keypt í ljósi víðtækra og alvarlegra afleiðinga fyrir einstaklinga og samfélög.

24. nóvember 2024Menningar-٫ nýsköpunar- og háskólaráðuneytið

Þakkarorða íslenskrar tónlistar: miðar aðgengilegir á morgun kl. 12:00

Landsmönnum gefst kostur á að sækja tónleikana með því að sækja boðsmiða á harpa.is/takk frá kl. 12:00 mánudaginn 25.nóvember og gildir þar hið fornkveðna: Fyrstur kemur, fyrstur fær. Tónleikarnir verða einnig teknir upp og sendir út sem hluti af hátíðardagskrá RÚV milli jóla og nýárs í von um að sem flestum gefist kostur á að upplifa þessa einstöku tónlistarveislu.

22. nóvember 2024Menningar-٫ nýsköpunar- og háskólaráðuneytið

Stuðningur við markaðssetningu á Íslandi sem áfangastað ferðamanna

Menningar- og viðskiptaráðherra, Lilja Dögg Alfreðsdóttir, undirritaði í gær samning við Íslandsstofu um markaðssetningu á Íslandi sem áfangastað ferðamanna. Um er að ræða alþjóðlega neytendamarkaðssetningu fyrir íslenska ferðaþjónustu til að fylgja eftir áherslum í Ferðamálastefnu og aðgerðaáætlun hennar til 2030, sem samþykkt var á Alþingi í júní 2024.…

19. nóvember 2024Heilbrigðisráðuneytið

Til umsagnar: Þingsályktunartillaga um landsáætlun vegna sjaldgæfra sjúkdóma

Sjaldgæfir sjúkdómar eru skilgreindir sem sjúkdómar sem hafa áhrif á færri en 5 af hverjum 10.000 einstaklingum. Þrátt fyrir lágt algengi eru til um 7.000 sjaldgæfir sjúkdómar og er meirihluti þeirra af erfðafræðilegum orsökum. Willum Þór Þórsson heilbrigðisráðherra skipað starfshóp á liðnu ári til að móta drög að landsáætlun um sjaldgæfa sjúkdóma.…

19. nóvember 2024Menningar-٫ nýsköpunar- og háskólaráðuneytið

Áframhaldandi stuðningur við beint millilandaflug til Akureyrar og Egilsstaða

Dagmar Ýr Stefánsdóttir, framkvæmdastjóri Austurbrúar, lýsti mikilli ánægju með samninginn, sem skapar svigrúm og fyrirsjáanleika þar sem hann er til tveggja ára. „Þessi stuðningur er staðfesting á vilja stjórnvalda til þess að byggja upp fleiri gáttir inn í landið, stuðla að vöruþróun í ferðaþjónustu og uppbyggingu áfangastaðarins Austurlands.“

18. nóvember 2024Fjármála- og efnahagsráðuneytið

Fjárlög fyrir árið 2025 samþykkt á Alþingi: Áframhaldandi aðhald sem styður við lækkun verðbólgu

Fjárlagafrumvarp ársins 2025 var í dag samþykkt sem lög frá Alþingi. Samþykkt fjárlög bera með sér áherslu á að lágmarka óvissu og víkja ekki frá því aðhaldi sem markað var við framlagningu fjárlagafrumvarpsins í haust. Með fjárlögum ársins 2025 er því áfram vörðuð leið að frekari hjöðnun verðbólgu og lækkun vaxta.

18. nóvember 2024Fjármála- og efnahagsráðuneytið

Álagning opinberra gjalda á lögaðila vegna rekstrarársins 2023

Ríkisskattstjóri hefur lokið álagningu opinberra gjalda á lögaðila vegna rekstrarársins 2023. Álögð gjöld á lögaðila nema 308,2 ma.kr. og hækka um 25,3 ma.kr. á milli ára. Stærstu einstöku breytingarnar er að finna í tryggingagjaldi sem hækkar um 15,6 ma.kr. á milli ára og þar á eftir kemur tekjuskattur lögaðila sem hækkar um 8,0 ma.kr. frá fyrra ári.

18. nóvember 2024Mennta- og barnamálaráðuneytið

Stóraukið framlag til afreksíþrótta – 2.140 milljónir í fjárlögum 2025

Fjárframlag stjórnvalda til afreksíþrótta verður stóraukið á næsta ári eftir samþykkt fjárlaga á Alþingi í dag. Alls verður 637 milljónum til viðbótar veitt til eflingar á afreksíþróttastarfi og 1.500 milljónum í þjóðarleikvanga. Markmiðið með þessum aðgerðum er að umbylta umgjörð íþróttastarfs á Íslandi og tryggja afreksíþróttafólki stuðning sem stenst alþjóðlegan samanburð.

16. nóvember 2024Menningar-٫ nýsköpunar- og háskólaráðuneytið

Ari Eldjárn hlýtur verðlaun Jónasar Hallgrímssonar

Menningar- og viðskiptaráðherra Lilja Dögg Alfreðsdóttir veitti rétt í þessu verðlaun Jónasar Hallgrímssonar í 29. skiptið í Eddu. Verðlaunin eru veitt einstaklingum sem hafa með sérstökum hætti unnið íslenskri tungu gagn í ræðu eða riti, með skáldskap, fræðistörfum eða kennslu og stuðlað að eflingu hennar, framgangi eða miðlun til nýrrar kynslóðar.

15. nóvember 2024Heilbrigðisráðuneytið

Niðurtröppun ávanabindandi lyfja - móttaka opnuð fyrir stuðning og eftirfylgd

Frumkvöðlaverkefni sem hófst í febrúar á þessu ári um nýja þjónustu fyrir einstaklinga sem vilja aðstoð við að hætta eða draga úr notkun ávanabindandi lyfja hefur verið útvíkkað með opnun móttöku fyrir þessa einstaklinga í Efstaleiti í Reykjavík. Heilbrigðisráðuneytið styrkir verkefnið sem byggir á samstarfi sprotafyrirtækisins Prescriby við spítala, heilsugæslustöðvar og apótek.

15. nóvember 2024Dómsmálaráðuneytið

Dómsmálaráðherra og ríkislögreglustjóri kynna stefnu og landsáætlun í málefnum landamæra

Dómsmálaráðherra og ríkislögreglustjóri hafa kynnt nýja stefnu stjórnvalda í málefnum landamæra og landsáætlun um samþætta landamærastjórnun. Ný stefna stjórnvalda í málefnum landamæra hefur það meginmarkmið að styrkja landamæraeftirlit með því að grípa til aðgerða til að takast á við aukna umferð farþega til landsins og draga úr skipulagðri brotastarfsemi sem virðir engin landamæri.

15. nóvember 2024Menningar-٫ nýsköpunar- og háskólaráðuneytið

Mál með vexti: Hvað ætlar þú að gera fyrir framtíð íslenskunnar?

„Tungumálið er farvegur hugsana okkar og lykilinn að sameiginlegum skilningi. Þess vegna þarf íslenskan að vera fyrst. Hún þarf að vera fremst, okkur efst í huga og allt umlykjandi. Það er verkefni sem vinnst með seiglu, ástríðu og því að vera opin fyrir hugmyndum og samvinnu og því þurfum við að spyrja okkur, hvað ætla ég að gera fyrir framtíð íslenskunnar?…

14. nóvember 2024Utanríkisráðuneytið

Tvíhliða samráð Íslands og Spánar

Tvíhliða samráð Íslands og Spánar fór fram öðru sinni í Madríd í gær þar sem rætt var um sameiginlega hagsmuni ríkjanna á alþjóðavettvangi og vaxandi samskipti ríkjanna. Ríkin fagna 75 ára stjórnmálasambandi í ár og af því tilefni efndu Íslandsstofa, Spænsk-íslenska verslunarráðið og sendiráð Íslands í París til viðskiptadagskrár í Madríd með þátttöku fulltrúa atvinnulífsins.

13. nóvember 2024Forsætisráðuneytið, Félags- og húsnæðismálaráðuneytið, Fjármála- og efnahagsráðuneytið

Haustskýrsla kjaratölfræðinefndar er komin út

Haustskýrsla kjaratölfræðinefndar 2024 er komin út. Skýrslan skiptist í fimm meginkafla sem fjalla um efnahagsmál, vinnumarkað, laun og launaþróun sem flokkað er eftir mörkuðum og heildarsamtökum launafólks, kjarasamninga gerða í yfirstandandi samningalotu, auk sérstakrar umfjöllunar um heildarsamtök launafólks eftir mörkuðum.

13. nóvember 2024Félags- og húsnæðismálaráðuneytið

Áfram stutt við verkefnið Sjúktspjall

Félags- og vinnumarkaðsráðuneytið og Stígamót hafa gert með sér samstarfssamning um áframhaldandi stuðning við verkefnið Sjúktspjall. Bjarni Benediktsson, félags- og vinnumarkaðsráðherra, og Drífa Snædal, talskona Stígamóta, undirrituðu samninginn í dag. Samningurinn felur í sér að ráðuneytið styrki verkefnið um 12 milljónir króna. Stutt hefur verið við verkefnið síðastliðin þrjú ár.

12. nóvember 2024Mennta- og barnamálaráðuneytið

Nýjar tölur um stöðu barna á Íslandi

Íslenska æskulýðsrannsóknin 2024, framkvæmd af Menntavísindastofnun Háskóla Íslands fyrir mennta- og barnamálaráðuneytið, sýnir vísbendingar um jákvæða þróun í líðan og velferð barna á Íslandi. Mælingarnar sýna meðal annars merki um breytingar til batnaðar á andlegri líðan barna og virka þátttöku í íþrótta- og tómstundastarfi, að þeim líður vel í skólanum og eiga sterkt vinanet.…

12. nóvember 2024Menningar-٫ nýsköpunar- og háskólaráðuneytið

Styrkir til menningarsamstarfs milli Noregs og Íslands - opið fyrir umsóknir til 3.des

Norsk stjórnvöld leggja árlega til peninga framlag til norsks-íslensks menningarsamstarfs. Markmið framlagsins er að stuðla að fjölbreyttu menningarsamstarfi milli Noregs og Íslands. Þau sem starfa á sviði lista og menningar í Noregi og á Íslandi geta nú sótt um styrki til fjölbreyttra samstarfsverkefna á sviði menningar sem skapa tengsl milli listamanna og þeirra sem starfa við menningarmál.…

08. nóvember 2024Menningar-٫ nýsköpunar- og háskólaráðuneytið, Forsætisráðuneytið, Umhverfis-٫ orku- og loftslagsráðuneytið, Dómsmálaráðuneytið

Samantekt ráðuneytisstjórahóps um jöklaferðir, í kjölfar banaslyss á Breiðamerkurjökli

Á fundi ríkisstjórnar 27. ágúst sl. var ákveðið að koma á fót starfshópi ráðuneytisstjóra forsætisráðuneytis, menningar- og viðskiptaráðuneytis, umhverfis-, orku- og loftslagsráðuneytis og dómsmálaráðuneytis til að afla upplýsinga um banaslys sem varð í skipulagðri ferð í jöklaferð á Breiðamerkurjökli sunnudaginn 25. ágúst. sl. og skoða öryggi í íshellaferðum almennt.

07. nóvember 2024Menningar-٫ nýsköpunar- og háskólaráðuneytið

Fyrsta aðgerðaáætlun Íslands um gervigreind kynnt

Áslaug Arna Sigurbjörnsdóttir, háskóla-, iðnaðar- og nýsköpunarráðherra, kynnti í dag fyrstu aðgerðaáætlun íslenskra stjórnvalda um gervigreind til ársins 2026. Þar eru tíundaðar þær aðgerðir sem stuðla munu að því að Ísland, í krafti smæðar sinnar, verði leiðandi í ábyrgri nýtingu gervigreindar og skapar tækifæri, velmegun og framfarir fyrir alla landsmenn.