Fréttir

Leita

Veldu ráðuneyti
Veldu verkefni
Veldu ár
Sýni 1-100 af 8846 niðurstöðum
03. nóvember 2026Félags- og húsnæðismálaráðuneytið

Lykill að samfélaginu: Morgunverðarfundur innflytjendaráðs og afhending styrkja

Innflytjendaráð stendur fyrir morgunverðarfundi miðvikudaginn 11. nóvember næstkomandi kl. 8:30-11:00. Fundurinn fer fram á Grand Hótel Reykjavík og flutt verða margvísleg erindi sem öll tengjast málefnum innflytjenda. Dagskránni lýkur með því að Ragnar Þór Ingólfsson, félags- og húsnæðismálaráðherra, afhendir styrki úr Þróunarsjóði innflytjendamála.…

30. október 2026Umhverfis-٫ orku- og loftslagsráðuneytið

Ráðherra undirritar viljayfirlýsingu um varðveislu Þristsins

Jóhann Páll Jóhannsson, umhverfis-, orku- og loftslagsráðherra, undirritaði í dag viljayfirlýsingu um framtíðarvarðveislu Þristsins, flugvélarinnar Páls Sveinssonar TF-NPK. Undirritunin fór fram í Flugsafni Íslands á Akureyri þar sem flugvélin hefur verið til sýnis, en þessi sögufræga vél gegndi mikilvægu hlutverki við uppgræðslu lands í rúma þrjá áratugi.

29. október 2026Forsætisráðuneytið

Innleiðing atvinnustefnu gengur vel og fjórum aðgerðum lokið

Staða aðgerða atvinnustefnu er almennt góð og innleiðing gengur vel þótt dæmi séu um tafir á einstaka aðgerðum. Þetta kemur fram í fyrstu stöðuskýrslu um innleiðingu atvinnustefnu Íslands sem hefur verið kynnt atvinnustefnuráði og ráðherranefnd um efnahagsmál. Þar kemur fram að fjórum af 35 aðgerðum er lokið, 23 eru í vinnslu og átta í undirbúningi. Allar aðgerðir eru hafnar.

28. október 2026Fjármála- og efnahagsráðuneytið

Betri, aðgengilegri og hagkvæmari þjónusta með nýrri ráðuneytisstofnun um stafræna þjónustu og upplýsingatækni

Fjármála- og efnahagsráðherra hefur ákveðið að setja á fót nýja ráðuneytisstofnun um stafræna þjónustu og upplýsingatækni undir heitinu Stafrænt Ísland. Uppbygging hennar er liður í innleiðingu stefnu um opinbera þjónustu og styður við markmið um betri, aðgengilegri og hagkvæmari þjónustu sem mætir þörfum fólks og atvinnulífs. Ný ráðuneytisstofnun tekur til starfa 1. janúar næstkomandi.

27. október 2026Heilbrigðisráðuneytið

Heilbrigðisráðherra stýrir Evrópufundi Alþjóðaheilbrigðismálastofnunarinnar í Kaupmannahöfn

fundur Evrópunefndar Alþjóðaheilbrigðismálastofnunarinnar (WHO) fer fram í Kaupmannahöfn dagana 27.–29. október 2026. Alma D. Möller, heilbrigðisráðherra Íslands, gegnir formennsku á fundinum, þar sem heilbrigðisráðherrar og háttsettir fulltrúar 53 aðildarríkja Evrópusvæðis WHO koma saman til að ræða helstu áskoranir og áherslur í heilbrigðismálum Evrópu.

27. október 2026Umhverfis-٫ orku- og loftslagsráðuneytið

Leyfi sameinuð og afgreidd á innan við 18 mánuðum

Virkjunarleyfi, nýtingarleyfi, starfsleyfi og heimild til breytingar á vatnshloti verða gefin út sem eitt leyfi hjá Umhverfis- og orkustofnun á innan við 18 mánuðum frá því að fullnægjandi umsókn berst. Þetta er á meðal breytinga sem lagðar eru til í frumvarpi Jóhanns Páls Jóhannssonar umhverfis-, orku- og loftslagsráðherra sem afgreitt var á ríkisstjórnarfundi í morgun.

23. október 2026Fjármála- og efnahagsráðuneytið

Opið fyrir umsóknir um ráðstöfun séreignarsparnaðar inn á húsnæðislán

Skatturinn hefur opnað fyrir umsóknir um ráðstöfun séreignarsparnaðar inn á húsnæðislán. Á fyrri hluta ársins lagði fjármála- og efnahagsráðherra fram frumvarp um að gera úrræðið varanlegt. Einstaklingar geta því að nýju ráðstafað séreignarsparnaði sínum skattfrjálst inn á höfuðstól húsnæðislána vegna öflunar íbúðarhúsnæðis til eigin nota.

22. október 2026Mennta- og barnamálaráðuneytið

Grunnfærni og framtíð menntunar í brennidepli á ráðherrafundi í Dyflinni

Inga Sæland, mennta- og barnamálaráðherra, tók þátt í óformlegum fundi menntamálaráðherra Evrópusambandsins í Dyflinni 15.–16. október. Á fundinum var rætt um leiðir til að efla grunnfærni nemenda í ljósi niðurstaðna PISA 2025 og hvernig menntakerfi geti betur mætt breyttum færniþörfum samfélagsins. Áhersla var lögð á menntun og færniþróun alla ævi, inngildingu og jöfn tækifæri til náms.

21. október 2026Heilbrigðisráðuneytið, Félags- og húsnæðismálaráðuneytið

Hjúkrunarheimilið Hlévangur opnað eftir endurbætur

Hjúkrunarheimilið Hlévangur í Reykjanesbæ hefur verið tekið í notkun á ný eftir gagngerar endurbætur. Haldið var upp á opnun heimilisins í gær þar sem gestum og gangandi gafst kostur á að skoða húsnæðið að loknum vel heppnuðum framkvæmdum. Þar eru 24 hjúkrunarrými og fyrstu íbúarnir eru þegar fluttir inn. Húsið er á tveimur hæðum með skjólríkum inngarði.…

20. október 2026Heilbrigðisráðuneytið

Skráning hafin: Heilbrigðisþing um geðheilsu barna og ungmenna

Alma D. Möller heilbrigðisráðherra boðar til árlegs heilbrigðisþings, fimmtudaginn 26. nóvember næstkomandi. „Það þarf þorp…“ er yfirskrift þingsins sem helgað verður áhrifaþáttum geðheilsu barna, lágþröskuldaþjónustu og nýjungum í geðheilbrigðisþjónustu við börn. Opnað hefur verið vefsvæði með upplýsingum um þingið og þar er jafnframt tengill fyrir skráningu þátttöku.

20. október 2026Félags- og húsnæðismálaráðuneytið

15 milljóna króna styrkur til að efla þátttöku fatlaðs fólks í notendaráðum um land allt

Ragnar Þór Ingólfsson, félags- og húsnæðismálaráðherra, hefur ákveðið að veita Landssamtökunum Þroskahjálp 15 milljóna króna styrk til að efla starfsemi notendaráða fatlaðs fólks um land allt. Notendaráð eru mikilvægur vettvangur fyrir fatlað fólk til að koma sjónarmiðum sínum á framfæri og hafa áhrif á skipulag og framkvæmd þjónustu.…

19. október 2026Félags- og húsnæðismálaráðuneytið

Skipar svæðisráð um strandsvæðisskipulag fyrir Austfirði

Ragnar Þór Ingólfsson, félags- og húsnæðismálaráðherra, hefur skipað svæðisráð um strandsvæðisskipulag fyrir Austfirði. Svæðisráðið starfar á grundvelli laga um skipulag haf- og strandsvæða nr. 88/2018 og reglugerða sem settar eru á grundvelli þeirra. Guðjón Bragason er formaður ráðsins og Albertína Friðbjörg Elíasdóttir varafulltrúi formanns.…

16. október 2026Mennta- og barnamálaráðuneytið

Auglýsing um rekstrarframlög til að starfrækja framhaldsfræðslu

Mennta- og barnamálaráðherra auglýsir rekstrarframlög sem viðurkenndir fræðsluaðilar geta sótt um til að starfrækja framhaldsfræðslu. Markmiðið með rekstrarframlögunum er að tryggja aðgengi fullorðins fólks með stutta skólagöngu um allt land að framhaldsfræðslu með því að styrkja grunnrekstur fræðsluaðila. Umsækjendur verða að starfa eftir lögum um framhaldsfræðslu, nr.…

16. október 2026Dómsmálaráðuneytið, Atvinnuvegaráðuneytið, Fjármála- og efnahagsráðuneytið

Skrifuðu undir viljayfirlýsingu um þrjú björgunarskip

Borghildur Fjóla Kristjánsdóttir, formaður Slysavarnarfélagsins Landsbjargar, Hanna Katrín Friðriksson, atvinnuvegaráðherra og Þorbjörg S. Gunnlaugsdóttir, dómsmálaráðherra, skrifuðu í hádeginu undir viljayfirlýsingu um að halda áfram með þá vinnu að kaupa þrjú björgunarskip til viðbótar við þau tíu sem ráðgert er að verði keypt til ársins 2031.

16. október 2026Umhverfis-٫ orku- og loftslagsráðuneytið

Sviðsmyndaæfing stjórnvalda um mögulega veikingu veltihringrásar Atlantshafsins

Umhverfis-, orku- og loftslagsráðuneytið stóð í gær fyrir sviðsmyndaæfingu um mögulega veikingu eða hrun veltihringrásar Atlantshafsins (AMOC) vegna loftslagsbreytinga. Þar var rýnt í þær samfélagslegu, efnahagslegu og öryggistengdu áskoranir sem slíkur atburður gæti haft fyrir íslenskt samfélag og hvernig kunni að vera hægt að viðbúast.

16. október 2026Heilbrigðisráðuneytið

Hver mínúta skiptir máli: Skráum öll hjartastuðtæki í kortasjá

Í tilefni Alþjóðlega endurlífgunardagsins í dag, 16. október, eru eigendur og umsjónaraðilar hjartastuðtækja hvattir til að skrá tækin sín í nýja kortasjá hjartastuðtækja. Markmiðið er að auðvelda almenningi og Neyðarlínunni að finna hjartastuðtæki þegar hjartastopp verður en hver mínúta getur skipt sköpum. Heilbrigðisráðuneytið í samstarfi við fjölda aðila stendur fyrir verkefninu.

15. október 2026Heilbrigðisráðuneytið

Forvörn við RS-veiru hjá ungbörnum fest í sessi

Síðastliðinn vetur stóð foreldrum í fyrsta sinn til boða fyrirbyggjandi ónæmisaðgerð fyrir börn yngri en 6 mánaða. Nærri 90% foreldra þáðu mótefni fyrir börn sín og nú er ljóst að vegna þess varð mikil fækkun á staðfestum sýkingum og sjúkrahúsinnlögnum hjá þessum aldurshópi. Alma D. Möller heilbrigðisráðherra hefur ákveðið að tryggja framhald þessa verkefnis með varanlegri fjármögnun.…

15. október 2026Heilbrigðisráðuneytið

Ný námsleið í áfengis- og vímuefnaráðgjöf við Háskólann á Akureyri

Háskólaráð Háskólans á Akureyri (HA) hefur samþykkt að setja á laggirnar nýja námsleið; þriggja ára bakkalárnám í Áfengis- og vímuefnaráðgjöf við Hjúkrunarfræðideild skólans. Gert er ráð fyrir að fyrstu nemendurnir hefji nám haustið 2027. Háskólinn hóf undirbúning námsins fyrir rúmu ári í nánu samstarfi við SÁÁ en heilbrigðisráðuneytið veitti skólanum jafnframt 10 m.kr.…

14. október 2026Utanríkisráðuneytið, Umhverfis-٫ orku- og loftslagsráðuneytið, Atvinnuvegaráðuneytið

Plastmengun ógnar vistkerfum sjávar heimskautanna á milli

Alþjóðleg ráðstefna um plastmengun í hafi, sem fram fer í Hörpu dagana 20. – 22. október nk., verður sett í næstu viku. Til að vekja athygli á ráðstefnunni og því aðsteðjandi vandamáli sem lífríki og vistkerfi heimsins standa frammi fyrir vegna plastmengunar, hyggst Þorgerður Katrín Gunnarsdóttir utanríkisráðherra taka þátt í átakinu Strandhreinsun Íslands í Reykjavík á morgun.…

13. október 2026Utanríkisráðuneytið

Framtíð þróunarsamvinnu til umræðu á ráðherrafundi ESB-ríkja, Bretlands, Kanada, Noregs og Íslands

Martin Eyjólfsson, ráðuneytisstjóri, tók þátt í óformlegum fundi þróunarmálaráðherra ESB-ríkja í Dyflinni 8. og 9. október, ásamt þróunarmálaráðherrum Noregs og Bretlands og ráðuneytisstjóra þróunarmálaráðuneytis Kanada. Írland, sem gegnir nú formennsku í ráðherraráði Evrópusambandsins, er eitt fárra ESB-ríkja sem hafa aukið framlög sín til þróunarsamvinnu.

12. október 2026Utanríkisráðuneytið

Utanríkisráðherra fundaði með mannréttindafulltrúa Sameinuðu þjóðanna

Þorgerður Katrín Gunnarsdóttir utanríkisráðherra átti í dag fund með Volker Türk, mannréttindafulltrúa Sameinuðu þjóðanna, sem er í vinnuheimsókn á Íslandi. Ræddu þau á fundi sínum um þær áskoranir sem blasa við hvað varðar stöðu mannréttindamála og virðingu fyrir lýðræði og alþjóðalögum á heimsvísu, samstarf Íslands og skrifstofu mannréttindafulltrúa (e.…

Var efnið hjálplegt?