Bætt tölfræði um alþjóðlega vernd hinsegin fólks

Haldið verði saman upplýsingum um hversu margir hinsegin umsækjendur um alþjóð­lega vernd hljóti vernd á Íslandi og frá hvaða löndum þeir komi upprunalega. Byrjað verði að safna upplýsingunum samhliða því að Útlendingastofnun taki í notkun nýtt upplýsingakerfi á tímabili aðgerðaáætlunarinnar.

Markmið aðgerðarinnar verði að skapa yfirsýn yfir fjölda samþykktra umsókna hinsegin fólks um alþjóðlega vernd og upprunaland þess í því skyni að bæta stefnumótun stjórn­valda og afla upplýsinga um stöðu hinsegin fólks í öðrum löndum.

Tímaáætlun: 2027.

Ábyrgð: Dómsmálaráðuneytið.

Framkvæmdaraðili: Útlendingastofnun.

Kostnaðaráætlun: Rúmist innan fjárheimilda.

Staða aðgerðar:

Útlendingastofnun hefur ýtt úr vör vinnu við nýtt upplýsingatæknikerfi í því skyni að bæta tölfræði. Óvíst er hvenær hægt er að taka kerfið í notkun.