Heilbrigðisráðherra hefur skipað starfshóp um rannsókn alvarlegra atvika í heilbrigðisþjónustunni. Verkefni hópsins eru m.a. að kanna hvernig rannsókn alvarlegra atvika í heilbrigðisþjónustunni er háttað á Norðurlöndum, greina kosti og galla núverandi fyrirkomulags og leggja mat á hvort betur fari á því að verkefninu sé sinnt af öðrum en embætti landlæknis, s.s. með hliðsjón af hæfni, óhæði og hagkvæmni.
Starfshópurinn er þannig skipaður:
- Sigurður Kári Árnason, skrifstofustjóri í heilbrigðisráðuneytinu, formaður án tilnefningar
- Theódór Skúli Sigurðsson, tilnefndur af Læknafélagi Íslands
- Helga Rós Másdóttir, tilnefnd af Félagi íslenskra hjúkrunarfræðinga
- Unnur Berglind Friðriksdóttir, tilnefnd af Ljósmæðrafélagi Íslands
- Tómas Þór Ágústsson, tilnefndur af Landspítala
- Elísabet Benedikz, tilnefnd af Landspítala
- María Heimisdóttir, tilnefnd af embætti landlæknis
- Alma Ýr Ingólfsdóttir, tilnefnd af Notendaráði heilbrigðisþjónustunnar
- Gunnar Alexander Ólafsson, tilnefndur af Notendaráði heilbrigðisþjónustunnar
Starfsmaður hópsins er Anna María Káradóttir, lögfræðingur í heilbrigðisráðuneytinu.