Efnisorð
Tegund

Leita eftir efnisorðum

Sýnir 1–50 af 100
Raða eftir:
28. ágú. 2026Útlendingar, Félags- og húsnæðismálaráðuneytið, Flóttafólk

Móttaka flóttafólks

Móttaka flóttafólks Flestir umsækjendur um alþjóðlega vernd koma frá Úkraínu en hingað leitar einnig fólk víða annars staðar frá í leit að vernd. Íslensk stjórnvöld hafa sömuleiðis boðið hópum í viðkvæmri stöðu til landsins. Hér fyrir neðan er að finna umfjöllun um réttindi flóttafólks og hlutverk hinna ýmsu stofnana við móttöku fólksins, auk tengils á síðu með margvíslegri tölfræði

21. ágú. 2026Útlendingar, Félags- og húsnæðismálaráðuneytið, Flóttafólk, Dómsmálaráðuneytið

Flóttafólk

Flóttafólk Þau sem sæta ofsóknum í heimalandi sínu eða eiga þar á hættu dauðarefsingu, pyndingar eða ómmannúðlega eða vanvirðandi meðferð eða refsingu geta sótt um vernd hér á landi. Mismunandi reglur gilda um þjónustu til þeirra sem fengið hafa vernd hér á landi: Flóttafólk sem kemur til landsins í boði stjórnvalda (kvótaflóttafólk) Flóttafólk sem kemur til landsins í boði stjórnvalda hefur stundum verið kallað kvótaflóttafólk. Stjórnvöld móttökuríkja ákveða þá sjálf hversu mörgum flóttamönnum þau vilja taka á móti

01. ágú. 2024Félags- og húsnæðismálaráðuneytið, Innflytjendur, Flóttafólk

Mannréttindaskrifstofa Íslands fær styrk til að veita innflytjendum lögfræðiráðgjöf

Guðmundur Ingi Guðbrandsson, félags- og vinnumarkaðsráðherra, og Margrét Steinarsdóttir, framkvæmdastjóri Mannréttindaskrifstofu Íslands, undirrituðu í dag áframhaldandi samning vegna verkefnis sem miðar að því veita innflytjendum sérhæfða lögfræðiráðgjöf um rétt sinn innan íslenska stjórnkerfisins. Ráðgjöfin er fólki að kostnaðarlausu.

02. jún. 2024Félags- og húsnæðismálaráðuneytið, Flóttafólk, Innflytjendur, Útlendingar

Samtal um stefnu í málefnum innflytjenda: Næstu fundir

Vinna við stefnu og framtíðarsýn í málefnum innflytjenda er í fullum gangi og verða næstu samráðsfundir haldnir í Reykjanesbæ og Reykjavík. Innflytjendur eru sérstaklega hvattir til að mæta. Markmiðið með stefnunni og framtíðarsýninni er að fólk sem sest að hér á landi hafi tækifæri til inngildingar (e. inclusion) og virkrar þátttöku í samfélaginu og á vinnumarkaði.

03. maí 2024Félags- og húsnæðismálaráðuneytið, Flóttafólk

Undirbúningur vegna komu fjölmenns hóps frá Gaza

Undirbúningur fyrir komu fjölmenns hóps frá Gaza hefur staðið yfir síðustu misseri. Vinnumálastofnun vinnur að móttöku fólksins hér á landi í samráði við þau sveitarfélög þar sem fjölskylda þeirra hér á landi býr. Flestir dvalarleyfishafar frá Gaza ganga inn í svokallaða samræmda móttöku flóttafólks í því sveitarfélagi þar sem fjölskyldumeðlimir þeirra hér á landi eiga heima.

12. mar. 2024Dómsmálaráðuneytið, Úkraína, Flóttafólk, Útlendingar

Vernd vegna fjöldaflótta lengd í fimm ár í stað þriggja að hámarki

Alþingi hefur samþykkt frumvarp dómsmálaráðherra um breytingu á 44. gr. laga um útlendinga, nr. 80/2016, sem felst í því að hámarkstími dvalarleyfa, sem veitt eru á grundvelli sameiginlegrar verndar í kjölfar fjöldaflótta, verði lengdur úr þremur árum í fimm. Í 4. mgr. 44. gr. laganna er kveðið á um að umsókn útlendings sem fellur undir 2. mgr. um alþjóðlega vernd megi leggja til hliðar í allt að þrjú ár frá því að umsækjandi fékk fyrst leyfi. Breytt ákvæði felur í sér að stjórnvöldum verði heimilt að leggja umsókn um vernd til hliðar í allt að fimm ár eða í tvö ár til viðbótar. Breytingin á við um þá sem þegar hafa fengið sameiginlega vernd á grundvelli fjöldaflótta sem og þá sem kunna að fá slíka vernd í framtíðinni.

26. feb. 2024Félags- og húsnæðismálaráðuneytið, Flóttafólk, Innflytjendur, Útlendingar

Samtal um stefnu í málefnum innflytjenda: Opinn fundur í Reykjavík

Vinna við stefnu og framtíðarsýn í málefnum innflytjenda er í fullum gangi og næsti samráðsfundur ferm fram í Reykjavík nú á miðvikudaginn. Innflytjendur eru sérstaklega hvattir til að mæta. Markmiðið með stefnunni og framtíðarsýninni er að fólk sem sest að hér á landi hafi tækifæri til inngildingar (e. inclusion) og virkrar þátttöku í samfélaginu og á vinnumarkaði.

20. feb. 2024Dómsmálaráðuneytið, Félags- og húsnæðismálaráðuneytið, Menningar-٫ nýsköpunar- og háskólaráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Útlendingar, Innflytjendur, Flóttafólk

Heildarsýn í útlendingamálum

Ríkisstjórnin sammæltist í dag um aðgerðir í málefnum umsækjenda um alþjóðlega vernd, flóttafólks og innflytjenda. Á grundvelli þeirra aðgerða verður tekið utan um málaflokkinn með heildstæðum hætti með aukinni samhæfingu á milli ráðuneyta og stofnana. Markmiðið er að stuðla að betri, skilvirkari og skýrari framkvæmd innan málaflokksins, og bættri þjónustu til að renna styrkari stoðum undir stjórn útlendingamála. Með þessari heildarsýn er lögð áhersla á mannúð og virðingu og unnið gegn skautun í íslensku samfélagi. Horft er sérstaklega til framkvæmdar þessara mála á Norðurlöndum þannig að aukið samræmi sé á milli landa.

18. jan. 2024Félags- og húsnæðismálaráðuneytið, Flóttafólk, Innflytjendur, Útlendingar

Samtal um stefnu í málefnum innflytjenda

Félags- og vinnumarkaðsráðuneytið vinnur nú í fyrsta sinn að stefnu og framtíðarsýn í málefnum innflytjenda. Markmiðið er að fólk sem sest að hér á landi hafi tækifæri til inngildingar (e. inclusion) og virkrar þátttöku í samfélaginu og á vinnumarkaði. Ráðuneytið býður til samtals hringinn í kringum landið og eru innflytjendur sérstaklega hvattir til að mæta.

06. des. 2023Félags- og húsnæðismálaráðuneytið, Félags- og fjölskyldumál, Útlendingar, Vinnumál, Fatlað fólk, Flóttafólk, Innflytjendur, Málefni eldra fólks, NPA, Almannatryggingar og lífeyrir

Níu frumvörp félags- og vinnumarkaðsráðherra urðu að lögum í þinginu

Níu frumvörp Guðmundar Inga Guðbrandssonar, félags- og vinnumarkaðsráðherra, urðu að lögum á liðnu þingi, auk þess sem Alþingi samþykkti tillögu ráðherra til þingsályktunar. Fjögur frumvörp urðu að lögum á haustþinginu og má þar nefna lög sem fólu í sér fyrstu hækkun á frítekjumarki örorku- og endurhæfingarlífeyrisþega í 14 ár. Frítekjumarkið nær tvöfaldaðist og tóku breytingarnar gildi strax 1. janúar síðastliðinn.

14. okt. 2023Utanríkismál, Alþjóðamál, Flóttafólk, Utanríkisráðuneytið, Átök fyrir botni Miðjarðarhafs

Ísland styrkir neyðaraðstoð Sameinuðu þjóðanna á Gaza

Utanríkisráðherra hefur ákveðið að svara kalli Sameinuðu þjóðanna um framlög til neyðaraðstoðar í Palestínu með 70 milljóna króna framlagi fræa íslenskum stjórnvöldum til Palestínuflóttamannaaðstoðar Sameinuðu þjóðanna (UNRWA). Framlagið bætist við reglubundið framlag Íslands til stofnunarinnar, sem er ein af samstarfsstofnunum Íslands í mannúðarmálum.

01. okt. 2023Félags- og húsnæðismálaráðuneytið, Flóttafólk

Reykjanesbær tekur á móti 350 flóttamönnum

Guðmundur Ingi Guðbrandsson, félags- og vinnumarkaðsráðherra, Kjartan Már Kjartansson, bæjarstjóri Reykjanesbæjar, og Nichole Leigh Mosty, for­stöðukona Fjöl­menning­ar­set­urs, hafa undirritað samning um samræmda móttöku flóttafólks í Reykjanesbæ. Samningurinn var undirritaður í Ráðhúsi Reykjanesbæjar í gær og kveður á um að Reykjanesbær taki í samstarfi við stjórnvöld á móti allt að 350 flóttamönnum. Þetta er fjórði samningurinn sem undirritaður er um samræmda móttöku flóttafólks á skömmum tíma.

20. sep. 2023Félags- og húsnæðismálaráðuneytið, Flóttafólk, Innflytjendur, Málefni eldra fólks, Útlendingar

Kynning á niðurstöðum könnunar á félagslegri einangrun og einmanaleika eldra fólks eftir uppruna

Félags- og vinnumarkaðsráðuneytið stendur fyrir kynningarfundi um niðurstöður könnunar Félagsvísindastofnunar Háskóla Íslands á líðan eldra fólks af íslenskum og erlendum uppruna en í henni var sérstök áhersla lögð á félagslega einangrun og einmanaleika.

05. sep. 2023Félags- og húsnæðismálaráðuneytið, Flóttafólk

Fólk með dvalarleyfi af mannúðarástæðum má nú strax hefja störf

Breytingar sem gerðar hafa verið á lögum um atvinnuréttindi útlendinga auðvelda fólki sem fengið hefur dvalarleyfi af mannúðarástæðum að komast út á vinnumarkaðinn. Það sama gildir um þau sem fengið hafa dvalarleyfi á grundvelli sérstakra tengsla við landið. Undir þann hóp sem fengið hefur dvalarleyfi af mannúðarástæðum fellur meðal annars flóttafólk frá Úkraínu sem fengið hefur leyfið útgefið á grundvelli fjöldaflótta.

23. jún. 2023Félags- og húsnæðismálaráðuneytið, Flóttafólk

Kópavogur tekur á móti flóttafólki

Guðmundur Ingi Guðbrandsson, félags- og vinnumarkaðsráðherra, og Ásdís Kristjánsdóttir, bæjarstjóri Kópavogs, hafa undirritað samning um samræmda móttöku flóttafólks. Samkvæmt honum mun Kópavogur taka á móti allt að 101 flóttamanni. Þar með hafa níu fjölmennustu sveitarfélög landsins öll undirritað samninga um samræmda móttöku flóttafólks. Heildarfjöldi flóttafólks sem samningarnir ná yfir er orðinn ríflega 3.300.

22. jún. 2023Félags- og húsnæðismálaráðuneytið, Flóttafólk

Ísafjarðarbær tekur á móti allt að 40 flóttamönnum

Ísafjarðarbær tekur á móti allt að 40 flóttamönnum samkvæmt samningi sem undirritaður hefur verið af Guðmundi Inga Guðbrandssyni, félags- og vinnumarkaðsráðherra, og Örnu Láru Jónsdóttur, bæjarstjóra Ísafjarðarbæjar. Þetta er tólfti samningurinn sem gerður hefur verið um samræmda móttöku flóttafólks frá því í nóvember sl. Heildarfjöldi flóttafólks sem samningarnir ná yfir er kominn yfir 3.200.

19. jún. 2023Utanríkisráðuneytið, Alþjóðamál, Afríka, Flóttafólk, UNHCR, Utanríkismál

Aukin framlög til UNHCR vegna átakanna í Súdan

Alvarleg staða mannúðarmála vegna átakanna í Súdan var meginefni framlagaráðstefnu á vegum Sameinuðu þjóðanna sem fram fór í Genf í dag. Þórdís Kolbrún Reykfjörð Gylfadóttir utanríkisráðherra ávarpaði ráðstefnuna um fjarfundabúnað og tilkynnti um fimmtíu milljón króna viðbótarframlag Íslands til Flóttamannastofnunar Sameinuðu þjóðanna (UNHCR) sem leiðir viðbrögð Sameinuðu þjóðanna á svæðinu.

23. maí 2023Félags- og húsnæðismálaráðuneytið, Flóttafólk

Tæplega 2.000 umsækjendur um alþjóðlega vernd í húsnæði á vegum Vinnumálastofnunar

Tæplega 2.000 umsækjendur um alþjóðlega vernd dvelja nú í búsetuúrræðum á vegum Vinnumálastofnunar en stofnunin þjónustar umsækjendur um alþjóðlega vernd hér á landi. Aldrei hafa jafnmargir sótt um alþjóðlega vernd á Íslandi en um þessar mundir. Fleiri hafa sótt um vernd frá 1. janúar 2022 en samtals í 12 ár þar á undan.

09. apr. 2023Mennta- og barnamálaráðuneytið, Flóttafólk

Opnað fyrir aðra umferð umsókna um styrk til sveitarfélaga vegna barna á flótta

Mennta- og barnamálaráðuneytið auglýsir styrki til stuðnings sveitarfélaga þar sem börn á flótta eru búsett. Styrknum er ætlað að ná til allra barna sem fengið hafa alþjóðlega vernd eða dvalarleyfi af mannúðarástæðum frá 1. janúar 2021 til 31. ágúst 2023. Markmiðið með styrknum er að styðja við móttöku barna sem hafa neyðst til þess að flýja heimaland sitt vegna átaka.

20. mar. 2023Félags- og húsnæðismálaráðuneytið, Flóttafólk

Vestmannaeyjabær tekur á móti 30 flóttamönnum

Guðmundur Ingi Guðbrandsson, félags- og vinnumarkaðsráðherra, og Íris Róbertsdóttir, bæjarstjóri Vestmannaeyjabæjar, hafa undirritað samning um samræmda móttöku flóttafólks í Vestmannaeyjum. Samningurinn kveður á um að Vestmannaeyjabær taki í samstarfi við stjórnvöld á móti allt að 30 flóttamönnum. Þetta er níundi samningurinn sem undirritaður er um samræmda móttöku flóttafólks frá því í nóvember sl.

02. mar. 2023Félags- og húsnæðismálaráðuneytið, Flóttafólk

Múlaþing tekur á móti allt að 40 flóttamönnum

Guðmundur Ingi Guðbrandsson, félags- og vinnumarkaðsráðherra og Björn Ingimarsson, sveitarstjóri Múlaþings, undirrituðu í dag samning um samræmda móttöku flóttafólks í Múlaþingi. Samkvæmt samningnum tekur Múlaþing í samstarfi við stjórnvöld á móti allt að 40 flóttamönnum á árinu. Þetta er sjöundi samningurinn sem undirritaður er um samræmda móttöku flóttafólks á skömmum tíma. Auk Múlaþings hafa Akureyri, Árborg, Hafnarfjörður, Hornafjörður, Reykjanesbær og Reykjavíkurborg undirritað samninga við félags- og vinnumarkaðsráðuneytið.

26. jan. 2023Félags- og húsnæðismálaráðuneytið, Flóttafólk

Styrkir verkefni til að draga úr ofbeldi og takast á við afleiðingar þess

Guðmundur Ingi Guðbrandsson, félags- og vinnumarkaðsráðherra, hefur styrkt þrjú verkefni sem miða ýmist að því að draga úr ofbeldi á Íslandi eða takast á við afleiðingar þess. Um er að ræða sérhæfða sálfræðimeðferð fyrir gerendur kynferðisofbeldis, bætt aðgengi að þjónustu fyrir þolendur ofbeldis á landsbyggðinni og verkefni sem miðar að því að virkja karla í baráttunni gegn ofbeldi. Nýlega var auk þess kynnt stöðuskýrsla um aðgerðir gegn ofbeldi og afleiðingum þess.

19. jan. 2023Félags- og húsnæðismálaráðuneytið, Flóttafólk, Innflytjendur, Útlendingar

Stuðningur við heyrnarlaust flóttafólk, fötluð börn af erlendum uppruna og hinsegin flóttafólk

Stutt verður sérstaklega við heyrnarlaust flóttafólk sem leitað hefur skjóls á Íslandi, fötluð börn af erlendum uppruna og hinsegin flóttafólk. Þetta er efni þriggja samninga sem Guðmundur Ingi Guðbrandsson, félags- og vinnumarkaðsráðherra, hefur undirritað við Félag heyrnarlausra, Landssamtökin Þroskahjálp og Samtökin 78.

19. jan. 2023Félags- og húsnæðismálaráðuneytið, Flóttafólk, Innflytjendur, Útlendingar

Rauði krossinn tekur að sér fræðslu til þjónustu- og viðbragðsaðila um menningarnæmi og fjölmenningu

Guðmundur Ingi Guðbrandsson, félags- og vinnumarkaðsráðherra, og Silja Bára Ómarsdóttir, formaður Rauða krossins á Íslandi, hafa undirritað samning um fræðslu um menningarnæmi og fjölmenningu fyrir þjónustu- og viðbragðsaðila hér á landi sem sinna þolendum og gerendum ofbeldis af erlendum uppruna.

17. jan. 2023Félags- og húsnæðismálaráðuneytið, Flóttafólk

Hafnarfjörður tekur á móti allt að 450 flóttamönnum

Guðmundur Ingi Guðbrandsson, félags- og vinnumarkaðsráðherra, Rósa Guðbjartsdóttir, bæjarstjóri Hafnarfjarðar, og Nichole Leigh Mosty, forstöðukona Fjölmenningarseturs, undirrituðu í dag samning um samræmda móttöku flóttafólks í Hafnarfirði og áframhaldandi samstarf í málaflokknum. Samkvæmt samningnum mun Hafnarfjarðarbær taka á móti allt að 450 flóttamönnum. „Það er gleðiefni að Hafnarfjarðarbær hafi undirritað nýjan samning um samræmda móttöku flóttafólks, enda er mikilvæg og kærkomin þekking til staðar í bæjarfélaginu varðandi móttöku flóttafólks. Ég óska Hafnfirðingum einlæglega til hamingju,“ segir Guðmundur Ingi Guðbrandsson, félags- og vinnumarkaðsráðherra.

13. jan. 2023Félags- og húsnæðismálaráðuneytið, Flóttafólk

Félags- og vinnumarkaðsráðuneytið og sveitarfélagið Hornafjörður semja um móttöku flóttamanna

Guðmundur Ingi Guðbrandsson, félags- og vinnumarkaðsráðherra, Erla Björg Sigurðardóttir, félagsmálastjóri sveitarfélagsins Hornafjarðar og Nichole Leigh Mosty, forstöðukona Fjölmenningarseturs, undirrituðu í dag samning um samræmda móttöku flóttafólks. Samkvæmt samningnum mun sveitarfélagið Hornafjörður taka á móti átta flóttamönnum á árinu.

20. des. 2022Félags- og húsnæðismálaráðuneytið, Flóttafólk, Innflytjendur, Útlendingar

Lokaávarp á norrænni ráðstefnu: Brýnt að meta menntun og reynslu innflytjenda og flóttafólks

Atvinnuþátttaka innflytjenda og flóttafólks getur ekki einskorðast við störf sem ekki krefjast sérþekkingar. Brýnt er að tryggja raunveruleg tækifæri á öllum sviðum þar sem innflytjendur og flóttafólk, rétt eins og aðrir, hafa möguleika á að taka þátt, vaxa og leggja sitt af mörkum til samfélagsins. Þetta kom fram í lokaávarpi Guðmundar Inga Guðbrandssonar, félags- og vinnumarkaðsráðherra og samstarfsráðherra Norðurlandanna, á ráðstefnu sem fram fór í Osló nýverið um konur sem innflytjendur og flóttafólk á Norðurlöndunum. Ráðstefnan fór fram á vegum Norrænu ráðherranefndarinnar og Norrænu velferðarmiðstöðvarinnar.

12. des. 2022Félags- og húsnæðismálaráðuneytið, Flóttafólk, Innflytjendur, Útlendingar

Efni með tilgang: 12 milljónir króna til að vinna gegn félagslegri einangrun kvenna af erlendum uppruna

Guðmundur Ingi Guðbrandsson, félags- og vinnumarkaðsráðherra, hefur veitt 12 milljóna króna styrk til verkefnisins „Efni með tilgang“ sem er samstarfsverkefni Hjálparstarfs kirkjunnar, Hjálpræðishersins og Reykjavíkurborgar. Verkefnið er hugsað fyrir konur úr hópi innflytjenda, flóttafólks og hælisleitenda sem eru útsettar fyrir félagslegri einangrun.