Efnisorð
Tegund

Leita eftir efnisorðum

Sýnir 401–450 af 499
Raða eftir:
24. sep. 2018Heilbrigðisráðuneytið, Heilbrigðismál, Líf og heilsa

Dómur í máli sérgreinalæknis undirstrikar þörf á öðru fyrirkomulagi samninga

Heilbrigðisráðherra mun ekki áfrýja niðurstöðu héraðsdóms í máli sérgreinalæknis varðandi aðild að rammasamningi Sjúkratrygginga Íslands. Ráðherra segir niðurstöðu dómsins undirstrika nauðsyn þess að núverandi fyrirkomulag verði endurskoðað með gerð nýrra samninga á öðrum grunni. Byggja þurfi á leiðsögn Ríkisendurskoðunar um að ríkið sem greiðandi þjónustunnar skuli ávallt hafa frumkvæði að því hvaða heilbrigðisþjónusta er keypt, í hvaða magni og af hverjum.

18. sep. 2018Heilbrigðisráðuneytið, Líf og heilsa, Heilbrigðismál, Almannatryggingar og lífeyrir

Endurskoðun reglugerðar til að jafna rétt barna

Svandís Svavarsdóttir heilbrigðisráðherra hefur ákveðið að láta endurskoða ákvæði reglugerðar um greiðsluþátttöku sjúkratrygginga fyrir tannlækningar og tannréttingar barna vegna afleiðinga meðfæddra galla, slysa og sjúkdóma. Ráðherra segir endurskoðun nauðsynlega þar sem gildandi reglugerðarákvæði virðist leiða til mismununar sem sé óverjandi.

17. sep. 2018Heilbrigðisráðuneytið, Heilbrigðismál, Líf og heilsa

Breyting á lyfjalögum og lögum um landlækni og lýðheilsu til umsagnar

Óskað er eftir athugasemdum við drög að frumvarpi heilbrigðisráðherra til lagabreytinga sem heimilar hjúkrunarfræðingum og ljósmæðrum að ávísa hormónatengdum getnaðarvörnum. Markmiðið er að bæta aðgengi kvenna að kynheilbrigðisþjónustu, efla og styrkja þjónustuna og að nýta betur fagþekkingu hjúkrunarfræðinga og ljósmæðra innan heilbrigðisþjónustunnar á þessu sviði.

31. ágú. 2018Heilbrigðisráðuneytið, Heilbrigðismál, Líf og heilsa

Framlög til tannlækninga aldraðra og öryrkja aukin um rúm 140%

Nýr samningur um tannlæknaþjónustu við aldraða og öryrkja tekur gildi á morgun. Heilbrigðisráðherra segir samninginn mikilvæga kjarabót og réttarbót fyrir aldraða og öryrkja. Greiðsluþátttaka sjúkratrygginga hækkar almennt úr 27% í 50%. Tannlæknaþjónusta við langveika aldraða og öryrkja á stofnunum verður þeim að kostnaðarlausu.

30. ágú. 2018Heilbrigðisráðuneytið, Heilbrigðismál, Líf og heilsa

Heilbrigðisráðherra skrifar: „Verkefnum fjölgar – úr vörn í sókn“

Þetta er yfirskrift blaðagreinar Svandísar Svavarsdóttur heilbrigðisráðherra í dag þar sem hún fjallar um mikilvæg verkefni á sviði heilbrigðisþjónustu, stefnumótun fyrir heilbrigðiskerfið og forgangsröðun fjármuna. Í greininni kemur fram að ráðherra muni boða til heilbrigðisþings í nóvember þar sem þessi mál verða til umræðu.

02. ágú. 2018Rit og skýrslur, Heilbrigðismál, Líf og heilsa, Heilbrigðisráðuneytið

Samþætting líknar- og lífslokameðferðar: Norðlenska líkanið

febrúar 2018 / Heilbrigðisráðuneytið Samþætting líknar- og lífslokameðferðar: Norðlenska líkanið Skýrsla starfshóps sem heilbrigðisráðherra skipaði til að gera tillögur að skipulagningu líknar- og lífslokameðferðar á Akureyri, starfsvæði Heilbrigðisstofnunar Vestfjarða (Hvest), Heilbrigðisstofnunar Norðurlands (HSN) og Heilbrigðisstofnunar Austurlands (HSA). Samþætting líknar- og lífslokameðferðar: Norðlenska líkanið

20. jún. 2018Heilbrigðisráðuneytið, Líf og heilsa, Heilbrigðismál, Almannatryggingar og lífeyrir

Markmiðin með nýju greiðsluþátttökukerfi heilbrigðisþjónustu hafa náðst

Nýtt greiðsluþátttökukerfi heilbrigðisþjónustu hefur aukið jöfnuð eins og að var stefnt og varið þá sem veikastir eru fyrir fyrir miklum útgjöldum. Útgjöld barnafjölskyldna hafa lækkað og hlutverk heilsugæslunnar sem fyrsti viðkomustaður fólks í heilbrigðiskerfinu styrkst. Þetta er niðurstaða úttektar um reynslu af kerfinu ári eftir innleiðingu þess.

25. maí 2018Heilbrigðisráðuneytið, Heilbrigðismál, Líf og heilsa

Heilbrigðisráðherra býður fulltrúa smáríkja í Evrópu velkomna til fundar á Íslandi

Svandís Svavarsdóttir heilbrigðisráðherra bauð fulltrúa smáríkja í Evrópu velkomna til fundar sem haldinn verður á Íslandi í sumar, í móttöku sem Harald Aspelund, sendiherra og fastafulltrúa Íslands við Sameinuðu þjóðirnar í Genf hélt í sendiherrabústaðnum þar í borg í tilefni af 71. þingi Alþjóðaheilbrigðismálastofnunarinnar (WHO).

04. maí 2018Heilbrigðisráðuneytið, Heilbrigðismál, Líf og heilsa, Fjármálaáætlun

Fjármálaáætlun 2019-2023: Umtalsverð aukning til heilbrigðismála

Útgjöld til reksturs heilbrigðismála munu aukast um 79 milljarða króna alls á næstu fimm árum miðað við fjárlög yfirstandandi árs. Stofnkostnaður, m.a. vegna byggingaframkvæmda, verður 101 milljarður á tímabilinu. Stefnt er að því að lækka greiðsluþátttöku sjúklinga á tímabili fjármálaáætlunar, þannig að hlutdeild sjúklinga hérlendis verði sambærileg því sem gerist á Norðurlöndunum.

01. maí 2018Heilbrigðisráðuneytið, Heilbrigðismál, Líf og heilsa

Skýr heilbrigðisstefna með jöfnuð að leiðarljósi

Svandís Svavarsdóttir heilbrigðisráðherra segir eitt mikilvægasta verkefnið framundan að móta skýra og markvissa heilbrigðisstefnu sem verði hluti af samfélagssáttmála og snúist um jafnt aðgengi að heilbrigðisþjónustu, óháð efnahag eða búsetu fólks og tryggi skynsamlega nýtingu almannfjár. Slík stefna þurfi jafnframt að lifa af kosningar og breytingar á landsstjórninni.

25. apr. 2018Líf og heilsa, Heilbrigðismál, Heilbrigðisráðuneytið

Uppbygging hjúkrunarrýma, áskoranir og nýsköpun í öldrunarþjónustu

Svandís Svavarsdóttir heilbrigðisráðherra kynnti í dag áætlanir um stórátak í uppbyggingu hjúkrunarrýma á landsvísu. Kynningin var haldin í Höfða við upphaf þriggja daga nýsköpunarvinnustofu um áskoranir í öldrunarþjónustu sem haldin er í samvinnu velferðarráðuneytisins, Reykjavíkurborgar, Landspítala og Heilsugæslu höfuðborgarsvæðisins.

10. apr. 2018Heilbrigðisráðuneytið, Heilbrigðismál, Líf og heilsa

Hjúkrunarrýmum í Hafnarfirði fjölgar um 33

Svandís Svavarsdóttir heilbrigðisráðherra hefur veitt Hafnarfjarðarbæ heimild sem gerir kleift að fjölga hjúkrunarrýmum í bæjarfélaginu um 33 innan tveggja ára. Hjúkrunarrými í Hafnarfirði verða þar með rúmlega 90. Ráðherra kynnti Rósu Guðbjartsdóttur bæjarstjóra ákvörðun sína í Hafnarfirði í dag. Ákvörðunin er liður í stórátaki stjórnvalda um uppbyggingu hjúkrunarrýma sem heilbrigðisráðherra kynnti fyrr á þessu ári með framkvæmdaáætlun til ársins 2023.

09. apr. 2018Heilbrigðisráðuneytið, Heilbrigðismál, Líf og heilsa

Tannheilsa og aðgengi að tannlæknaþjónustu

Með endurskoðun á greiðsluþátttöku aldraðra vegna tannlæknaþjónustu og nýjum rammasamningi hefur verið lagður hornsteinn sem jafnar aðgengi eldra fólks að nauðsynlegri tannlæknaþjónustu og stuðlar að betri tannheilsu þegar aldurinn færist yfir. Þetta er mat Embættis Landlæknis sem fjallar um tannheilsu og aðgengi að tannlæknaþjónustu í nýjasta Talnabrunni – fréttabréfi landlæknis um heilbrigðisupplýsingar.

21. mar. 2018Heilbrigðisráðuneytið, Mannréttindi og jafnrétti, Heilbrigðismál, Líf og heilsa

Heilbrigðisráðherra skrifar um mikilvægi neyðarmóttöku fyrir þolendur kynferðisofbeldis

Komur á neyðarmóttöku Landspítalans fyrir þolendur kynferðisofbeldis voru 187 árið 2017 og hafði komum þá fjölgað um 40% á tveimur árum. Svandís Svavarsdóttir skrifar um þessi mál, fjallar um þjónustu neyðarmóttökunnar og mikilvægi þess að vinna gegn ofbeldi í nánum samböndum í blaðagrein í Morgunblaðinu í dag.

09. mar. 2018Heilbrigðisráðuneytið, Heilbrigðismál, Líf og heilsa

Aukin aðkoma þyrlna að sjúkraflugi

Starfshópur sem Svandís Svavarsdóttir heilbrigðisráðherra fól að skoða möguleika á aukinni aðkomu þyrlna að sjúkraflugi skilaði ráðherra skýrslu með tillögum sínum í dag. Hópurinn skoðaði tvær leiðir í þessu skyni; annars vegar með aukinni aðkomu Landhelgisgæslu Íslands sem m.a. myndi reka sérstaka sjúkraþyrlu og hins vegar með rekstri sjúkraþyrlu sem rekin væri af öðrum en Landhelgisgæslunni.