Efnisorð
Tegund

Leita eftir efnisorðum

Sýnir 401–450 af 3618
Raða eftir:
25. jún. 2026Stjórnsýslukærur - úrskurðir, Úrskurðir, Fjármála- og efnahagsráðuneytið

Úrskurður fjármála- og efnahagsráðuneytisins nr. 11/2026 vegna ákvörðunar um að synja beiðni um undanþágu frá almennum reglum um tekjuskráningarkerfi

Hinn 16. apríl 2026 barst fjármála- og efnahagsráðuneytinu (hér eftir „ráðuneytið“) stjórnsýslukæra […] ehf. fyrir hönd A ehf. (hér eftir „kærandi“). Kærð er ákvörðun ríkisskattstjóra, dags. 25. september 2025, um að synja beiðni kæranda um undanþágu frá almennum reglum um tekjuskráningarkerfi á grundvelli heimildar í 1. mgr. 10. gr. reglugerðar nr. 50/1993, um bókhald og tekjuskráningu virðisaukaskattsskyldra aðila.

25. jún. 2026Fjármála- og efnahagsráðuneytið

Segir mörg mikilvæg mál hafa komist í höfn

21 frumvarp fjármála- og efnahagsráðherra varð að lögum á liðnum þingvetri. Málin voru fjölbreytt, má þar nefna kílómetragjald á ökutæki, ráðstöfun viðbótargjalds til séreignasparnaðar inn á höfuðstól húsnæðislána, lög um innviðafélag og auðvitað fjárlög 2026. Að auki var þingsályktunartillaga um fjármálaáætlun áranna 2027-2031 samþykkt. Þá lagði ráðherra fram þrjár skýrslur.

23. jún. 2026Fjármála- og efnahagsráðuneytið, Efnahagsmál og opinber fjármál

Textuð myndbönd frá ráðstefnu um valkosti Íslands í gjaldmiðlamálum

Fjármála- og efnahagsráðherra efndi til ráðstefnu í Hörpu í byrjun júní í tilefni af útgáfu skýrslu um valkosti Íslands í gjaldmiðlamálum. Skýrslan var unnin af hópi erlendra sérfræðinga og er henni ætlað að leggja grunn að upplýstri umræðu um framtíðarfyrirkomulag gjaldmiðlamála á Íslandi. Unnið er að þýðingu skýrslunnar á íslensku og verður hún birt fljótlega.

15. jún. 2026Fjármála- og efnahagsráðuneytið, Fjármálaáætlun, Efnahagsmál og opinber fjármál

Hallalaus fjárlög 2027 og lækkun skulda

Alþingi samþykkti í dag þingsályktunartillögu um fjármálaáætlun fyrir árin 2027–2031. Meginmarkmið áætlunarinnar er að stöðva hallarekstur ríkissjóðs árið 2027, lækka skuldahlutfall hins opinbera og skapa stöðugleika í efnahagslífinu. Í áætluninni er haldið aftur af útgjaldavexti og fjármunum forgangsraðað til að styrkja grunninnviði.

29. maí 2026Utanríkismál, Alþjóðamál, Þróunarsamvinna, Dómsmálaráðuneytið, Mannréttindi og jafnrétti, Jafnrétti, Sjávarútvegur, Fjármála- og efnahagsráðuneytið, Utanríkisráðuneytið

Útskrifaðir nemendur GRÓ orðnir fleiri en 1.900

Þorbjörg Sigríður Gunnlaugsdóttir dómsmálaráðherra ávarpaði útskrift Jafnréttisskóla GRÓ og Daði Már Kristófersson fjármálaráðherra útskrift Sjávarútvegsskólans. GRÓ er ráðuneytisstofnun í utanríkisráðuneytinu sem starfar undir merkjum Mennta-, vísinda- og menningarmálastofnunnar Sameinuðu þjóðanna, UNESCO.

28. maí 2026Fjármála- og efnahagsráðuneytið, Stjórnsýslukærur - úrskurðir, Úrskurðir

Úrskurður fjármála- og efnahagsráðuneytisins nr. 9/2026 vegna ákvörðunar ríkisskattstjóra að hafna beiðni kæranda um greiðslufrest í tolli

Hinn 22. apríl 2026 barst fjármála- og efnahagsráðuneytinu (hér eftir „ráðuneytið“) stjórnsýslukæra […] fyrir A ehf. (hér eftir „kærandi “). Kærð er ákvörðun ríkisskattstjóra, dags. 26. febrúar 2026, um að hafna umsókn kæranda um greiðslufrest í tolli, sbr. 1. og 2. mgr. 24. gr. laga um virðisaukaskatt, nr. 50/1988 („hér eftir „vskl.“) og 3. mgr. 122. gr. tollalaga nr. 88/2005 (hér eftir „tollalög“).

20. maí 2026Forsætisráðuneytið, Fjármála- og efnahagsráðuneytið

Þríhliða samtal ríkisins, ASÍ og SA um verðlagsþróun í samhengi við kjarasamninga á almennum vinnumarkaði

Kristrún Frostadóttir forsætisráðherra, Daði Már Kristófersson fjármála- og efnahagsráðherra, Finnbjörn Hermannsson forseti Alþýðusambands Íslands (ASÍ) og Bjarni Benediktsson framkvæmdastjóri Samtaka atvinnulífsins (SA) hafa ákveðið að hefja þríhliða samtal ríkisins, ASÍ og SA með það að markmiði að forsendur kjarasamninga á almennum vinnumarkaði haldi haustið 2026. Leitað verði leiða til að hemja verðbólgu og unnið að greiningum sem legið geta til grundvallar við frekara mat á stöðunni.

19. maí 2026Fjármála- og efnahagsráðuneytið

Árangursrík skuldabréfaútgáfa ríkissjóðs í evrum

Ríkissjóður Íslands gaf í dag út skuldabréf að fjárhæð 500 milljónir evra, jafnvirði um 72 milljarða króna. Skuldabréfin voru gefin út með 34 punkta álagi á skiptavexti (e. mid-swap rate). Andvirði útgáfunnar verður varið í að styrkja gjaldeyrisforða Seðlabanka Íslands og endurfjármagna útistandandi evrubréf sem er á gjalddaga í júní. Útgáfan er í samræmi við breyttar áherslur í stefnu í lánamálum sem miða að því að gefa árlega út á alþjóðamörkuðum.

18. maí 2026Fjármála- og efnahagsráðuneytið

Samið við Háskóla Íslands um faglega umgjörð fjármálaráðs

Daði Már Kristófersson, fjármála- og efnahagsráðherra, hefur skipað Arnald Sölva Kristjánsson, lektor við hagfræðideild Háskóla Íslands, formann fjármálaráðs. Daði Már og Silja Bára Ómarsdóttir rektor Háskóla Íslands undirrituðu á föstudag samkomulag um umgjörð á starfsemi ráðsins og að formennska í ráðinu teljist hluti af akademísku starfi Arnaldar Sölva.

06. maí 2026Fjármála- og efnahagsráðuneytið

Fjármálaráðherra lagði áherslu á mikilvægi hins alþjóðlega efnahagskerfis á ráðherrafundi í París

Daði Már Kristófersson, fjármála- og efnahagsráðherra, sótti árlegan ráðherrafund Efnahags- og framfarastofnunarinnar (OECD) í París dagana 3.–4. júní. Fundurinn var haldinn undir formennsku Finnlands og fjallaði að þessu sinni um atvinnustefnu og hvernig skapa megi umhverfi sem styður við fjárfestingu, framleiðni og aukna hagsæld.

05. maí 2026Fjármála- og efnahagsráðuneytið

Bresk sendinefnd kynnir sér innleiðingu kílómetragjalds

Í síðustu viku kom bresk sendinefnd hingað til lands til að kynna sér reynslu Íslands af innleiðingu kílómetragjalds og afla sér fræðslu um framkvæmd kerfisins. ​Fyrirhugað er að kílómetragjald verði tekið upp þar í landi fyrir rafmagns- og tengiltvinnbíla árið 2028. Í sendinefndinni voru 12 sérfræðingar frá breska fjármálaráðuneytinu, samgönguráðuneytinu og tengdum stofnunum.

28. apr. 2026Félags- og húsnæðismálaráðuneytið, Fjármála- og efnahagsráðuneytið, Húsnæðis- og mannvirkjamál, Efnahagsmál og opinber fjármál

Ríki og borg semja um stórfellda uppbyggingu íbúða - 1.200-1.400 nýjar íbúðir byggðar á ríkislóðum

Ragnar Þór Ingólfsson, félags- og húsnæðismálaráðherra, Daði Már Kristófersson, fjármála- og efnahagsráðherra, og Heiða Björg Hilmisdóttir, borgarstjóri, kynntu í dag stórfellda íbúðauppbyggingu á ríkislóðum og í ríkiseignum í Reykjavík. Byggðar verða 1.200-1.400 nýjar íbúðir á næstu árum á lóðum ríkisins og í húsnæði í eigu ríkisins sem breytt verður í íbúðir.