Efnisorð
Tegund

Leita eftir efnisorðum

Sýnir 401–450 af 1473
Raða eftir:
31. ágú. 2023Atvinnuvegaráðuneytið, Auðlindir, Atvinnuvegir

Hert skilyrði og aukið eftirlit forsenda áframhaldandi veiða á langreyðum

Svandís Svavarsdóttir matvælaráðherra mun í dag setja nýja reglugerð sem ætlað er að bæta umgjörð veiða á langreyðum. Með reglugerðinni er brugðist við niðurstöðum eftirlitsskýrslu Matvælastofnunar um veiðar á langreyðum árið 2022, áliti fagráðs um velferð dýra og skýrslu starfshóps um mat á leiðum til að fækka frávikum við veiðarnar.

29. ágú. 2023Rit og skýrslur, Atvinnuvegir, Sjávarútvegur, Atvinnuvegaráðuneytið

Auðlindin okkar – sjálfbær sjávarútvegur

ágúst 2023 / Atvinnuvegaráðuneytið Auðlindin okkar – sjálfbær sjávarútvegur Lokaniðurstöður starfshópa Auðlindarinnar okkar voru gefnar út í 3 ritum: Rit 1: Auðlindin okkar – sjálfbær sjávarútvegur Rit 2: Auðlindin okkar – Spurningakönnun Félagsvísindastofnunar Rit 3: Auðlindin okkar – Tæpitungulaust Niðurstöður starfshópanna eru settar fram á grunni þriggja stoða sjálfbærrar þróunar, umhverfi, efnahag og samfélagi. Í skýrslunni eru sett fram drög að stefnu um sjávarútveg, greining á niðurstöðum könnunar um viðhorf Íslendinga til sjávarútvegs birt og mat á þjóðhagslegum ávinningi fiskveiðistjórnunarkerfisins sett fram

28. ágú. 2023Atvinnuvegaráðuneytið, Auðlindir, Atvinnuvegir

Skýrsla um mat á leiðum til að fækka frávikum við veiðar á langreyðum komin út

Starfshópur sem Svandís Svavarsdóttir matvælaráðherra skipaði í júní sl. hefur skilað af sér skýrslu til matvælaráðuneytisins um mat á leiðum til að fækka frávikum við veiðar á langreyðum. Í starfshópnum sátu fulltrúar matvælaráðuneytis, fulltrúi Matvælastofnunar og fulltrúi Fiskistofu, auk þess sem hópurinn kallaði utanaðkomandi sérfræðinga til aðstoðar.

05. ágú. 2023Atvinnuvegaráðuneytið, Atvinnuvegir

Veiðar á stórhvelum samræmast ekki markmiðum laga um velferð dýra skv. niðurstöðu Matvælastofnunar

Sumarið 2022 setti matvælaráðherra reglugerð sem veitti Matvælastofnun heimild til að viðhafa reglubundið eftirlit við hvalveiðar. Tilgangur eftirlitsins var að stuðla bættri velferð dýra við hvalveiðar. Niðurstaða Matvælastofnunar á grundvelli þeirra gagna sem söfnuðust við eftirlitið, sumarið 2022, er að óásættanlega hátt hlutfall þeirra veiddu hvala sem eftirlitið náði til, þjáðist við aflífun.

03. júl. 2023Atvinnuvegaráðuneytið, Auðlindir, Alþjóðamál, Alþjóðasamningar, Sjávarútvegur, Atvinnuvegir

Aukin áhersla lögð á verndun og sjálfbæra nýtingu hafsvæða í íslenskri lögsögu

Úthafsáttmáli Sameinuðu þjóðanna um verndun og sjálfbæra nýtingu alþjóðlegra hafsvæða markar tímamót og samræmist þeim markmiðum sem íslensk stjórnvöld hafa sett sér um verndun viðkvæmra hafsvæða og botnvistkerfa í landhelgi Íslands. Fulltrúi matvælaráðuneytisins tók þátt í undirbúningi og gerð sáttmálans fyrir hönd Íslands.

30. jún. 2023Atvinnuvegaráðuneytið, Sjávarútvegur, Atvinnuvegir

Hvalveiðar þurfa að vera í samræmi við lög

Matvælaráðuneytið hefur skilað minnisblaði til atvinnuveganefndar Alþingis í framhaldi opins fundar matvælaráðherra með nefndinni sem haldinn var 23. júní sl. Á fundinum gerði ráðherra grein fyrir ákvörðun sinni um tímabundna stöðvun á veiðum langreyða. Ráðherra setti 20. júní sl. bráðabirgðaákvæði við reglugerð um að hvalveiðar hefjist ekki fyrr en 1. september á þessu ári.

22. jún. 2023Atvinnuvegaráðuneytið, Atvinnuvegir

Hvalveiðar minnka getu sjávar til kolefnisbindingar

Skíðishvalir, þ.m.t. langreyðar, éta lítið af fiskstofnum og eru áhrif þeirra á íslenskan sjávarútveg því óveruleg. Hvalir hafa einnig mótandi áhrif á náttúrulegt umhverfi sitt, styrkja vistferla og stuðla að heilbrigði og frjósemi vistkerfa í hafi. Þetta kemur meðal annars fram í nýrri skýrslu „Hvalir í vistkerfi sjávar“ sem unnin er af Dr. Eddu Elísabetu Magnúsdóttur, lektor í líffræði við Háskóla Íslands.

23. maí 2023Atvinnuvegaráðuneytið, Auglýsingar tollkvóta, Landbúnaður, Atvinnuvegir, Niðurstöður útboða

Niðurstöður um úthlutun á WTO tollkvóta á landbúnaðarafurðum fyrir tímabilið 1. júlí 2023 til 30. júní 2024

Föstudaginn 12. maí 2023 rann út umsóknarfrestur um tollkvóta vegna innflutnings á nauta-, svína-, kinda-, geita- og alifuglakjöti, unnum kjötvörum, smjöri og ostum og eggjum á grundvelli reglugerðar nr. 337/2023, fyrir tímabilið 1. júlí 2023 til 30. júní 2024.

12. maí 2023Atvinnuvegaráðuneytið, Auðlindir, Landbúnaður, Atvinnuvegir, Innviðaráðuneytið, Fjármála- og efnahagsráðuneytið

Stuðningi beint til fjölskyldubúa í rekstrarerfiðleikum

Svandís Svavarsdóttir matvælaráðaherra, Þórdís Kolbrún Reykfjörð Gylfadóttir , fjármála- og efnahagsráðherra og Sigurður Ingi Jóhannsson, innviðaráðherra, lögðu fyrir ríkisstjórn í morgun tillögur að aðgerðum til stuðnings þeim bændum sem eiga í fjárhagserfiðleikum vegna núverandi efnahagsástands

27. apr. 2023Innviðaráðuneytið, Samgöngur og fjarskipti, Vísindi nýsköpun og rannsóknir, Netöryggi, Nýsköpun, Atvinnuvegir, Menningar-٫ nýsköpunar- og háskólaráðuneytið

Ráðherra kynnti íslenska nýsköpun og netöryggi fyrir Vísinda- og tækninefnd NATO

,,Ef metnaðarfull markmið um sjálfbærni og hringrásarhagkerfi eiga að nást á næstu árum er nauðsynlegt að samfélagið taki höndum saman og breyti bæði hugsunarhætti og hegðun á öllum sviðum,” sagði Áslaug Arna Sigurbjörnsdóttir er hún kynnti íslenska nýsköpun og netöryggi fyrir Vísinda- og tækninefnd NATO.