Efnisorð
Tegund

Leita eftir efnisorðum

Sýnir 401–450 af 2565
Raða eftir:
16. des. 2024Ferðaþjónusta, Atvinnuvegaráðuneytið

Velkomin: Útgefin ferðamálastefna og aðgerðaáætlun til 2030

„Það skiptir miklu máli að vel takist til að móta ferðaþjónustunni hagfelld skilyrði til þess að vaxa og dafna með sjálfbærum hætti svo greinin geti áfram skapað aukin verðmæti og lífsgæði fyrir okkar samfélag. Nú er búið að varða margar lykilaðgerðir í nýrri ferðamálastefnu og við erum þegar byrjuð að hrinda mörgum þeirra í framkvæmd. Ég vil þakka öllum þeim sem komu að þessari vönduðu og yfirgripsmiklu vinnu innilega fyrir frábært samstarf,“ segir Lilja Alfreðsdóttir ferðamálaráðherra.

03. des. 2024Atvinnuvegaráðuneytið, Auðlindir, Landbúnaður, Atvinnuvegir

Skýrsla um stuðningskerfi íslensks landbúnaðar, markmið og leiðir

Stuðningskerfi íslensks landbúnaðar auk markmiða og leiða er umfjöllunarefni nýútkominnar skýrslu Landbúnaðarháskóla Íslands (Lbhí). Skýrslan er unnin að beiðni matvælaráðuneytisins og er hluti samstarfssamnings þar sem ráðuneytið felur Lbhí að vinna að rannsóknum, þróun og nýsköpun á sviði landbúnaðar og matvælaframleiðslu.

12. nóv. 2024Úrskurðir, Úrskurðir ferðaþjónusta, Atvinnuvegaráðuneytið

Úrskurður vegna stjórnsýslukæru: Stjórnvaldssekt - MVF23110238

Með bréfi dags. 29. september 2021 bar [A] fram kæru f.h. [B], og [C], (hér eftir kærendur), vegna ákvörðunar Sýslumannsins á höfuðborgarsvæðinu, (hér eftir sýslumaður) frá 19. október 2020, um að leggja stjórnvaldssekt á kærendur að fjárhæð 4.012.500 kr. á hvorn kæranda fyrir sig með vísan til 22. gr. a. laga nr. 85/2007, um veitingastaði, gististaði og skemmtanahald, vegna gististarfsemi að [D]. (hér eftir [E]).

15. okt. 2024Atvinnuvegaráðuneytið, Ferðaþjónusta

Samið um stuðning við jarðvanga Íslands: Einstök svæði á heimsvísu

Nýverið fór fram alþjóðleg ráðstefna samtaka evrópskra jarðvanga í Reykjanesbæ (European Geoparks Network Conference). Jarðvangar (e. geoparks) eru samfelld landfræðileg svæði, þar sem minjum og landslagi sem eru jarðfræðilega mikilvæg á heimsvísu og er stýrt eftir heildrænni stefnu um verndun, fræðslu og sjálfbæra þróun. Ráðstefnan er haldin annað hvert ár og fór nú fram í sautjánda sinn. Alls sóttu um 400 gestir ráðstefnuna, þar sem fram fóru um 200 kynningar og vinnustofur með fulltrúum háskóla og jarðvanga um alla Evrópu. Kynnt voru fjölbreytt verkefni jarðvanga sem meðal annars snúa að jarðfræði, verndun náttúruminja, rannsóknum, menntun og fræðslu, ferðaþjónustu, menningu og samfélagsþróun.

09. okt. 2024Atvinnuvegaráðuneytið, Auðlindir, Auðlindin okkar, Sjávarútvegur, Atvinnuvegir

Matvælaráðherra leggur fram tillögur um breytingar á lögum um sjávarútveg

Bjarkey Olsen Gunnarsdóttir matvælaráðherra mun leggja fram tillögur á komandi þingi að breytingum á lögum varðandi sjávarútveg. Breytingarnar byggja m.a. á þeim tillögum sem starfshópar verkefnisins Auðlindarinnar okkar lögðu fram í samráðsgátt stjórnvalda í nóvember árið 2023. Að auki er áformað að leggja fram tillögu til þingsályktunar um sjávarútvegsstefnu en drög stefnunnar hafa einnig verið lagðar fram í samráðsgátt stjórnvalda.

09. okt. 2024Atvinnuvegaráðuneytið, Ferðaþjónusta, Fjárlög

Fjárlagafrumvarp 2025: Nýrri ferðamálastefnu komið í framkvæmd

Nýrri ferðamálastefnu, sem menningar- og viðskiptaráðherra lagði fram á Alþingi síðastliðið vor, verður hrint í framkvæmd af krafti og fyrstu aðgerðir kynntar í vikunni. Samkvæmt nýbirtu frumvarpi til fjárlaga fyrir árið 2025 er heildarfjárheimild til málaflokks ferðaþjónustu áætluð 2.415,3 m.kr. Undir málaflokkinn heyrir meðal annars Ferðamálastofa, Flugþróunarsjóður og Framkvæmdasjóður ferðamannastaða.

09. okt. 2024Rit og skýrslur, Atvinnuvegir, Lagareldi, Landbúnaður, Matvælasjóður, Sjávarútvegur, Atvinnuvegaráðuneytið

Aðgerðaáætlun matvælastefnu

september 2024 / Atvinnuvegaráðuneytið Aðgerðaáætlun matvælastefnu Aðgerðaáætlun matvælastefnu Matvælastefna Íslands til ársins 2040 var samþykkt á Alþingi í júní 2023. Matvælastefnu er ætlað að vera leiðbeinandi við ákvarðanatöku til að stuðla að aukinni verðmætasköpun í matvælaframleiðslu hér á landi, tryggja fæðu- og matvælaöryggi og auka velferð fólks í sátt við umhverfi og náttúru

04. okt. 2024Atvinnuvegaráðuneytið, Auðlindir, Fiskeldi, Lagareldi, Landbúnaður, Sjávarútvegur, Atvinnuvegir

Bjarkey Olsen Gunnarsdóttir tekur við embætti matvælaráðherra

Bjarkey Olsen Gunnarsdóttir hefur tekið sæti sem matvælaráðherra í ríkisstjórn Bjarna Benediktssonar. Bjarkey tók við lyklavöldum í matvælaráðuneytinu í dag af Svandísi Svavarsdóttur sem tók við embætti sjávarútvegs- og landbúnaðarráðherra í nóvember árið 2021 og við embætti matvælaráðherra við stofnun matvælaráðuneytis 1. febrúar árið 2022.

24. sep. 2024Rit og skýrslur, Atvinnuvegir, Auðlindir, Landbúnaður, Atvinnuvegaráðuneytið

Aðgerðaáætlun landbúnaðarstefnu

september 2024 / Atvinnuvegaráðuneytið Aðgerðaáætlun landbúnaðarstefnu Í landbúnaðarstefnu er sett fram framtíðarsýn fyrir íslenskan landbúnað sem tekur til umhverfis, samfélags og samkeppnishæfni. Meginmarkmið stefnunnar eru að efla og styðja íslenskan landbúnað og styrkja stoðir hans til framtíðar með sjálfbæra þróun að leiðarljósi

20. sep. 2024Atvinnuvegaráðuneytið, Auðlindir, Lagareldi, Landbúnaður, Sjávarútvegur, Atvinnuvegir

Matvælaráðherra heldur áfram að heimsækja landsbyggðina

Bjarkey Olsen Gunnarsdóttir matvælaráðherra mun heimsækja Egilsstaði og Höfn á Hornafirði dagana 25. og 26. september. Fyrr í mánuðinum heimsótti ráðherra Patreksfjörð, Raufarhöfn og Þórshöfn og voru heimsóknirnar gerðar með það markmiði að íbúar byggðarlagana gætu átt milliliðalausar samræður við ráðherra um þau málefni sem undir hana heyra.

16. sep. 2024Atvinnuvegaráðuneytið, Auðlindir, Heimsmarkmiðin, Landbúnaður, Atvinnuvegir

Opið fyrir umsóknir vegna þróunarverkefna búgreina, garðyrkju, sauðfjárræktar, nautgriparæktar og hrossaræktar

Athygli er vakin á að umsóknarfrestur um þróunarverkefni búgreina er til 1. nóvember 2024. Auglýst er eftir umsóknum tvisvar á ári. Opnað hefur verið fyrir umsóknir í Afurð, stafrænu stjórnsýslukerfi matvælaráðuneytisins. Í nautgriparækt eru styrkhæf þau verkefni sem talið er að styrki íslenska nautgriparækt og fela í sér rannsóknir og þróunarverkefni.

12. sep. 2024Atvinnuvegaráðuneytið, Auglýsingar tollkvóta, Atvinnuvegir, Niðurstöður útboða

Niðurstaða úthlutunar á tollkvótum á landbúnaðarvörum sem taka gildi 1. janúar 2025

Nýverið lauk úthlutunarferli tollkvóta á landbúnaðarvörum sem taka allir gildi 1. janúar nk. og gilda ýmist í 6 eða 12 mánuði. Í nær öllum tilvikum var umfram eftirspurn eftir tollkvótum og var þeim því úthlutað með útboði. Um er að ræða tollkvóta sem veita heimild til innflutnings á kjöti, unnum kjötvörum, ostum og plöntum án tolla eða á lægri tollum en tollskrá segir til um. Um niðurstöður hverrar úthlutunar má lesa að neðan.

09. sep. 2024Atvinnuvegaráðuneytið, Auðlindir, Landbúnaður, Atvinnuvegir

Opið er fyrir umsóknir í Afurð fyrir almenna jarðræktarstyrki og landgreiðslur fyrir árið 2024

Umsóknum skal skilað fyrir miðnætti, þriðjudaginn 1. október nk. Til að geta sent inn umsókn í Afurð þarf að liggja fyrir skýrsla um ræktun ársins 2024 í skýrsluhaldskerfinu Jörð. Athygli er vakin á að þeir framleiðendur sem sóttu um jarðræktarstyrk vegna útiræktaðs grænmetis þurfa að sækja sérstaklega um almennan jarðræktarstyrk.

09. sep. 2024Atvinnuvegaráðuneytið, Auðlindir, Sjávarútvegur, Atvinnuvegir

Ný reglugerð um öflun sjávargróðurs í atvinnuskyni

Bjarkey Olsen Gunnarsdóttir, matvælaráðherra hefur undirritað reglugerð um öflun sjávargróðurs í atvinnuskyni. Hin nýja reglugerð markar skýrari ramma fyrir leyfisveitingar til öflunar sjávargróðurs í atvinnuskyni, öflun sjávargróðurs utan netlaga, nýtingaráætlanir og skilyrða fyrir útgáfu leyfa. Samkvæmt áherslum ráðherra skal áfram unnið að stefnumótun á vegum matvælaráðuneytisins um nýtingu sjávargróðurs.