Efnisorð
Tegund

Leita eftir efnisorðum

Sýnir 351–400 af 1898
Raða eftir:
16. okt. 2024Mennta- og barnamálaráðuneytið, Gervigreind

Málþing: Kynferðisofbeldi gegn börnum með notkun gervigreindar

Mennta- og barnamálaráðuneytið og Háskóli Íslands boða til málþings um hættuna á misnotkun gervigreindar og tækninýjunga til að brjóta kynferðislega á börnum. Með nýrri tækni blasir við nýr veruleiki sem vekur upp spurninguna um hvernig rétt sé að bregðast við. Málþingið fer fram föstudaginn 25. október kl. 13:30–15:15 í Veröld, húsi Vigdísar, að Brynjólfsgötu 1 í Reykjavík og í streymi.

10. okt. 2024Mennta- og barnamálaráðuneytið

Tímamótasamningar um svæðisbundin farsældarráð í öllum sveitarfélögum landsins

Ásmundur Einar Daðason, mennta- og barnamálaráðherra, undirritaði í dag samninga við sjö landshlutasamtök sveitarfélaga um ráðningu verkefnisstjóra sem leiða mun undirbúning að stofnun svæðisbundins farsældarráðs í hverjum landshluta fyrir sig. Með samningunum hafa öll sveitarfélög landsins skuldbundið sig til þess að hefja vinnu við að hrinda 5. grein laga um samþættingu þjónustu í þágu farsældar barna í framkvæmd. Markmiðið er að börn og foreldrar geti fengið aðgang að samþættri þjónustu við hæfi, án hindrana.

01. okt. 2024Fjármála- og efnahagsráðuneytið, Forsætisráðuneytið, Mennta- og barnamálaráðuneytið

Stórt skref í átt að nýrri þjóðarhöll

Stofnað hefur verið félag sem mun standa að byggingu nýrrar þjóðarhallar í innanhússíþróttum í Laugardal, Þjóðarhöll ehf. Katrín Jakobsdóttir forsætisráðherra, Ásmundur Einar Daðason, mennta- og barnamálaráðherra, Þórdís Kolbrún R. Gylfadóttir fjármála- og efnahagsráðherra og Dagur B. Eggertsson borgarstjóri undirrituðu samning milli ríkis og Reykjavíkurborgar um stofnun félagsins í dag. Fyrsta verk Þjóðarhallar ehf. er að efna til forvals og samkeppni um hönnun og byggingu þjóðarhallarinnar. Auk þess tekur félagið við verkefnum framkvæmdanefndar um þjóðarhöll í Laugardal sem lætur af störfum.

01. okt. 2024Menntastefna, Mennta- og barnamálaráðuneytið

Úthlutun styrkja til nýsköpunar og skólaþróunarverkefna á vettvangi leik-, grunn- og framhaldsskóla og frístundastarfs

Mennta- og barnamálaráðuneytið hefur úthlutað styrkjum til nýsköpunar- og skólaþróunarverkefna á vettvangi leik-, grunn- og framhaldsskóla og frístundastarfs. Um nýja tímabundna styrki er að ræða til að innleiða aðgerð 2 í menntastefnu stjórnvalda til ársins 2030 um aukna skólaþróun um allt land.

08. sep. 2024Mennta- og barnamálaráðuneytið

Námskeið fyrir foreldra um uppeldi og nám að hefjast

Akranes er fyrsta sveitarfélagið til að bjóða upp á foreldranámskeið á vegum þróunarverkefnisins Föruneyti barna – samstarf um stuðning við uppeldi og nám. Þessa dagana hljóta 25 leiðbeinendur frá Akranesi og víðar þjálfun í að halda námskeiðin. Markmið námskeiða er að valdefla foreldra í uppeldishlutverki sínu og efla þjónustu við börn og foreldra. Stefnt er að því að hafa þau aðgengileg í sem flestum leik- og grunnskólum landsins.

30. ágú. 2024Menntamál, Menntastefna, Mennta- og barnamálaráðuneytið

Stuðningur við EDUCHANGE rannsókn á áhrifum félags- og efnahagslegrar stöðu nemenda á námsframvindu

Mennta- og barnamálaráðuneytið styður við framkvæmd rannsóknarverkefnisins EDUCHANGE í viljayfirlýsingu sem undirrituð var í Háskóla Íslands í dag. Markmið verkefnisins er að draga úr áhrifum félags- og efnahagslegrar stöðu nemenda á námsframvindu þeirra og tækifæri til menntunar og auka þannig jöfnuð til lengri tíma. Viljayfirlýsingin undirstrikar festu og vilja ráðuneytisins að draga úr ójöfnuði í menntun og styðja við öfluga innlenda rannsóknarstarfsemi.

16. ágú. 2024Menntamál, Menntastefna, Mennta- og barnamálaráðuneytið

Matsferill – safn matstækja til að meta námsárangur grunnskólabarna – frumvarp til umsagnar

Matsferill er safn matstækja til að meta námsárangur grunnskólabarna sem koma mun í stað samræmdra prófa. Frumvarp um breytingu á lögum um grunnskóla um þróun og innleiðingu á Matsferli hefur verið lagt til umsagnar í Samráðsgátt stjórnvalda. Skyldubundið samræmt námsmat í íslensku og stærðfræði kemur til innleiðingar og framkvæmda í öllum grunnskólum skólaárið 2025–2026.

06. ágú. 2024Félags- og húsnæðismálaráðuneytið, Innflytjendur, Mennta- og barnamálaráðuneytið, Menningar-٫ nýsköpunar- og háskólaráðuneytið

RÚV Orð styður innflytjendur í íslenskunámi

Íslensk stjórnvöld halda áfram að auka aðgengi að fjölbreyttu og einstaklingsmiðuðu íslenskunámi sem stunda má hvar og hvenær sem er. RÚV Orð er nýr vefur fyrir sjálfsnám í íslensku með notkun sjónvarpsefnis frá RÚV. Vonir standa til þess að persónuleg nálgun hvetji innflytjendur til að læra íslensku á sinn hátt og út frá sínu áhugasviði.

05. ágú. 2024Mennta- og barnamálaráðuneytið

Skýrsla Eurydice um nám til sjálfbærni í evrópskum skólum

Mennta- og barnamálaráðuneytið vekur athygli á útgáfu Eurydice-skýrslunnar: Nám til sjálfbærni í evrópskum skólum. Sjálfbærni er hluti af skyldunámi allra evrópskra skólakerfa. Þjóðirnar nálgast þó viðfangsefnið á afar fjölbreyttan hátt. Sumar þjóðir kenna um sjálfbærni, aðrar til sjálfbærni. Í sumum skólakerfum er sjálfbærni skilgreind sem sérstök grunnstoð þvert á faggreinar. Dæmi um slíka nálgun má finna í íslenska skólakerfinu en þar er sjálfbærni skilgreind meðal sex grunnþátta menntunar í aðalnámskrá, á öllum skólastigum.

30. júl. 2024Rit og skýrslur, Mennta- og barnamálaráðuneytið, Menntamál

Ytra mat á grunnskólum

Ytra mat á leik-, grunn- og framhaldsskólum felur í sér úttekt á gæðum skólastarfsins. Markmiðið er að veita upplýsingar um skólastarf, árangur þess og þróun til fræðsluyfirvalda, starfsfólks skóla, viðtökuskóla, foreldra og nemenda. Einnig að tryggja að starfsemi skóla sé í samræmi við ákvæði laga, reglugerða og aðalnámskrár leik, grunn- og framhaldsskóla. Ytra mat á að auka gæði náms og skólastarfs og stuðla að umbótum og tryggja að réttindi barna/nemenda séu virt og að þau fái þá þjónustu sem þau eiga rétt á.

18. júl. 2024Rit og skýrslur, Menntamál, Mennta- og barnamálaráðuneytið

Ytra mat á leikskólum

Ytra mat á leik-, grunn- og framhaldsskólum felur í sér úttekt á gæðum skólastarfsins. Markmiðið er að veita upplýsingar um skólastarf, árangur þess og þróun til fræðsluyfirvalda, starfsfólks skóla, viðtökuskóla, foreldra og nemenda. Einnig að tryggja að starfsemi skóla sé í samræmi við ákvæði laga, reglugerða og aðalnámskrár leik, grunn- og framhaldsskóla. Ytra mat á að auka gæði náms og skólastarfs og stuðla að umbótum og tryggja að réttindi barna/nemenda séu virt og að þau fái þá þjónustu sem þau eiga rétt á.

16. júl. 2024Menntamál, Menningar-٫ nýsköpunar- og háskólaráðuneytið, Mennta- og barnamálaráðuneytið

Skýrsla Eurydice um viðurkenningu á óformlegu námi fyrir nám á háskólastigi

Mennta- og barnamálaráðuneytið og háskóla-, iðnaðar- og nýsköpunarráðuneytið vekja athygli á nýrri skýrslu Eurydice um viðurkenningu á óformlegu námi fyrir nám á háskólastigi. Evrópuþjóðir fara ólíkar leiðir þegar kemur að því að meta fyrra nám nemenda á framhaldsskólastigi inn á háskólastig, sérstaklega þeirra sem farið hafa óhefðbundnar námsleiðir. Tilgangurinn er m.a. að auka möguleika ungs fólks á vinnumarkaði. Í skýrslunni er skoðað hvort og að hve miklu leyti Evrópuþjóðir viðurkenna og sannreyna nám sem aflað er með óformlegum hætti eða utan framhaldsskóla.

26. jún. 2024Mennta- og barnamálaráðuneytið

Skilnaðarráðgjöf fyrir fjölskyldur á Íslandi

Ásmundur Einar Daðason, mennta- og barnamálaráðherra, undirritaði í dag samning um nýjan stafrænan vettvang á vegum Samvinnu eftir skilnað (SES) með efni fyrir börn frá 3 til 17 ára. Ísland er fyrsta landið til að bjóða upp á þjónustuna á landsvísu en henni er ætlað að hjálpa börnum að takast á við afleiðingar skilnaðar eða sambúðarslita. Samhliða var samið um áframhaldandi þjónustu Samvinnu eftir skilnað sem fjölskyldur hér á landi nýta í auknum mæli.

25. jún. 2024Dómsmálaráðuneytið, Mennta- og barnamálaráðuneytið

Aðgerðir gegn ofbeldi meðal barna

Ásmundur Einar Daðason, mennta- og barnamálaráðherra, og Guðrún Hafsteinsdóttir dómsmálaráðherra kynntu aðgerðir stjórnvalda gegn ofbeldi meðal barna á blaðamannafundi í Hannesarholti í dag. Með fjórtán aðgerðum er ætlunin að sporna við þróun í átt að auknu ofbeldi, auka forvarnarstarf og leiða saman fjölbreytta þjónustu- og viðbragðsaðila í samstilltu átaki gegn vaxandi ofbeldi meðal barna og ungmenna á Íslandi.

13. jún. 2024Evrópusamvinna, Mennta- og barnamálaráðuneytið, Menningar-٫ nýsköpunar- og háskólaráðuneytið

Þátttaka Íslands í Erasmus+ og European Solidarity Corps áhrifarík fyrir íslenskt samfélag

Ný úttekt á árangri Erasmus+ og European Solidarity Corps (ESC) á Íslandi sýnir fram á jákvæð áhrif áætlananna á íslenskt menntakerfi og æskulýðsstarf. Umsóknarferlið mætti einfalda en þjónusta Landskrifstofu veitir umsækjendum og styrkhöfum mikilvægan stuðning.

06. jún. 2024Mennta- og barnamálaráðuneytið, Menningar-٫ nýsköpunar- og háskólaráðuneytið

Alvarleg staða drengja í menntakerfinu

Víðtæk greining á stöðu drengja í íslenska menntakerfinu sýnir alvarlega stöðu sem bregðast þarf við. Þetta er niðurstaða skýrslu sem Ásmundur Einar Daðason, mennta- og barnamálaráðherra, og Áslaug Arna Sigurbjörnsdóttir, háskóla-, iðnaðar- og nýsköpunarráðherra, kynntu á blaðamannafundi í dag. Í skýrslunni er farið yfir helstu áhrifaþætti og lagðar fram tillögur til úrbóta.