Efnisorð
Tegund

Leita eftir efnisorðum

Sýnir 351–400 af 562
Raða eftir:
24. jan. 2023Utanríkisráðuneytið, Alþjóðamál, Utanríkisviðskipti, Utanríkismál

Efnahagssamráð Íslands og Bandaríkjanna

Efnahagssamráð Íslands og Bandaríkjanna fór fram í utanríkisráðuneytinu í dag. Þetta er í fjórða skipti sem árlegt samráð ríkjanna á sviði efnahagsmála er haldið en það var formlega sett á fót árið 2019. Samráðið hefur reynst mikilvægur vettvangur til að taka upp mál sem varða hagsmuni Íslands og vekja athygli á hindrunum í vegi fyrirtækja og fjárfesta ásamt því að vera góður vettvangur til að skiptast á upplýsingum, skilgreina sameiginlega hagsmuni og efla enn frekar tvíhliða samskipti Íslands og Bandaríkjanna á sviði viðskipta- og efnahagsmála.

19. jan. 2023Utanríkisráðuneytið, Alþjóðamál, Utanríkismál

Ráðherra kynnti áherslur Íslands í Evrópuráðinu fyrir fastafulltrúum ÖSE

Staða Evrópu í kjölfar innrásarstríðs Rússlands í Úkraínu og mikilvægi þess að Evrópuráðið og ÖSE standi vörð um lýðræðislegar stofnanir, alþjóðalög og mannréttindi voru í brennidepli í ávarpi Þórdísar Kolbrúnar Reykfjörð Gylfadóttur utanríkisráðherra á fundi fastafulltrúa Öryggis- og samvinnustofnunar Evrópu (ÖSE) í Vín í dag.

12. jan. 2023Utanríkisráðuneytið, Alþjóðamál, Utanríkismál

Utanríkisráðherra á ráðherrafundi ÖSE í breyttu öryggislandslagi í Evrópu

Utanríkisráðherra sótti ráðherrafund Öryggis- og samvinnustofnunar Evrópu (ÖSE) í Skopje, höfuðborg Norður-Makedóníu, sem hófst á óformlegum kvöldverðarfundi ráðherra þann 29. nóvember en formleg dagskrá stendur yfir frá 30. nóvember til 1. desember. Efst á baugi voru innrásarstríð Rússlands í Úkraínu og örðugleikar í starfi ÖSE vegna ósamvinnuþýðra stjórnvalda í Rússlandi og Belarús.

12. jan. 2023Utanríkisráðuneytið, Alþjóðamál, Evrópusamvinna, Sjávarútvegur, Utanríkisviðskipti, Utanríkismál

Aukin tækifæri til útflutnings sjávarafurða með nýju samkomulagi við ESB

Í gær lauk samningaviðræðum milli EFTA-ríkjanna innan EES (Íslands, Noregs og Liechtenstein) og Evrópusambandsins (ESB) um framlög til Uppbyggingarsjóðs EES fyrir tímabilið 1. maí 2021 til 30. apríl 2028. Samningaviðræður hafa staðið yfir frá júní 2022. Samhliða þeim hafa farið fram viðræður um endurnýjun samnings um tollfrjálsa innflutningskvóta fyrir sjávarafurðir frá Íslandi inn á markað ESB.

04. des. 2022Utanríkisráðuneytið, Alþjóðamál, Öryggis- og varnarmál, Utanríkismál

Fulltrúar bandaríska sjóhersins og Atlantshafsbandalagsins funduðu með utanríkisráðherra

Utanríkisráðherra fundaði í dag með Eugene Black aðmírál 6. flota bandaríska sjóhersins og Daniel W. Dwyer, yfirmanni herstjórnarmiðstöðvar Atlantshafsbandalagsins í Norfolk. Black er stjórnandi varnaræfingarinnar Norður-Víkings sem nú stendur yfir en Dwyer er þátttakandi í henni sem fulltrúi Atlantshafsbandalagsins.

28. nóv. 2022Utanríkisráðuneytið, Alþjóðamál, Úkraína, Utanríkismál

Utanríkisráðherrar Norðurlanda og Eystrasaltsríkja í Kænugarði

Þórdís Kolbrún Reykfjörð Gylfadóttir utanríkisráðherra heimsótti Kænugarð í Úkraníu í dag ásamt utanríkisráðherrum frá öðrum Norðurlöndum og Eystrasaltsríkjum. Í heimsókninni áttu ráðherrarnir fundi með úkraínskum ráðamönnum, þar á meðal Volodomir Selenskí forseta, Denys Shmyhal forsætisráðherra, Olgu Stefanishynu aðstoðarforsætisráðherra og Dmytro Kuleba utanríkisráðherra. Á fundunum var ástandið í Úkraínu rætt og kölluðu stjórnvöld eftir áframhaldandi stuðningi.

21. nóv. 2022Atvinnuvegaráðuneytið, Utanríkisráðuneytið, Umhverfi og náttúruvernd, Alþjóðamál, Alþjóðasamningar, Heimsmarkmiðin, Umhverfis-٫ orku- og loftslagsráðuneytið

Matvælaráðherra fundaði með formanni Milliríkjanefndar Sameinuðu þjóðanna

Svandís Svavarsdóttir, matvælaráðherra, fundaði fyrir hönd Íslands með Hoesung Lee, formanni Milliríkjanefndar Sameinuðu þjóðanna um loftslagsmál (IPCC) á aðildarríkjaþingi loftslagssamnings Sameinuðu þjóðanna, COP27. Þingið er haldið í Sharm el Sheikh í Egyptalandi.

17. nóv. 2022Umhverfis-٫ orku- og loftslagsráðuneytið, Utanríkisráðuneytið, Umhverfi og náttúruvernd, Alþjóðamál, Loftslagsmál, Atvinnuvegaráðuneytið

Ísland og Síle leiða alþjóðlegt átak til verndar freðhvolfinu

Á aðildarríkjaþingi loftslagssamnings Sameinuðu þjóðanna COP27 sem haldið er í Sharm El Sheikh í Egyptalandi, undirrituðu ráðherrar 13 ríkja yfirlýsingu til að ýta úr vör alþjóðlegu átaki sem ætlað er að vekja athygli á mikilvægi þess að vernda freðhvolfið (e. Cryosphere). Sex ríki til viðbótar hafa einnig staðfest þátttöku.

11. nóv. 2022Utanríkisráðuneytið, Alþjóðamál, Jafnrétti, Utanríkismál

Utanríkisráðherra fundar með framkvæmdastýru UN Women

Samstarf Íslands og UN Women, jafnréttisáherslur Íslands í formennsku í Evrópuráðinu og staða kvenna í Íran og Afganistan voru helstu umfjöllunarefnin á fundi Þórdísar Kolbrúnar Reykfjörð Gylfadóttur utanríkisráðherra og Sima Bahous, framkvæmdastýru Stofnunar Sameinuðu þjóðanna um kynjajafnrétti og valdeflingu kvenna (UN Women) í gær. Sú síðarnefnda er stödd hér á landi til þess að taka þátt í Heimsþingi kvenleiðtoga en ráðherra ávarpaði þingið einnig í vikunni.

05. nóv. 2022Umhverfis-٫ orku- og loftslagsráðuneytið, Alþjóðamál, Umhverfi og náttúruvernd

Akureyri styrkt sem höfuðstaður norðurslóða

Guðlaugur Þór Þórðarson, umhverfis-, orku- og loftslagsráðherra hefur ákveðið að hækka árleg fjárframlög ráðuneytisins til CAFF og PAME um 50%. Um er að ræða skrifstofur Norðurskautsráðsins sem hafa aðsetur á Akureyri. Ákvörðun ráðherra mun styrkja Akureyri sem höfuðstað norðurslóða og stuðla að því að Ísland verði áfram leiðandi afl í Norðurskautsráðinu.

25. okt. 2022Utanríkisráðuneytið, Utanríkismál, Alþjóðamál, Jafnrétti, Mannréttindi, Mannréttindi og jafnrétti

Kvenkyns utanríkisráðherrar funduðu um stöðu kvenna og mannréttinda í Íran

Alvarleg mannréttindabrot í Íran, ekki síst gegn konum og börnum, voru í brennidepli á fjarfundi sextán kvenkyns utanríkisráðherra sem fram fór á dögunum. Þórdís Kolbrún Reykfjörð Gylfadóttir utanríkisráðherra sótti fundinn sem haldinn var að frumkvæði Mélanie Joly, utanríkisráðherra Kanada. Í kjölfar fundarins gáfu ráðherrarnir út sameiginlega yfirlýsingu þar sem ofbeldi stjórnvalda í Íran er fordæmt, kallað er eftir sjálfstæðri rannsókn á vegum Sameinuðu þjóðanna og stuðningi heitið við konur í Íran.

21. okt. 2022Utanríkisráðuneytið, Alþjóðamál, Utanríkismál

Framkvæmdastjóri Matvælaáætlunar Sameinuðu þjóðanna heimsækir Ísland

David Beasley, framkvæmdastjóri Matvælaáætlunar Sameinuðu þjóðanna (WFP), er staddur hér á landi og fundaði með Þórdísi Kolbrúnu Reykfjörð Gylfadóttur utanríkisráðherra í hádeginu. Alvarleg staða mannúðarmála í heiminum og stuðningur Íslands við WFP voru á meðal umræðuefna fundarins en íslensk stjórnvöld tilkynntu í vikunni að þau myndu tvöfalda kjarnaframlag sitt til stofnunarinnar á þessu ári eða sem nemur hundrað milljón krónum.

19. okt. 2022Utanríkisráðuneytið, Alþjóðamál, Flóttafólk, Utanríkismál

Ísland eykur framlag sitt til mannúðarmála

Íslensk stjórnvöld hafa ákveðið að tvöfalda kjarnaframlög sín til tveggja mannúðarstofnana, Flóttamannastofnunar Sameinuðu þjóðanna (UNHCR) og Matvælaáætlunar Sameinuðu þjóðanna (WFP), vegna alvarlegs mannúðarástands víðsvegar um heim. Samkvæmt Sameinuðu þjóðunum þurfa rúmlega 300 milljónir manna á mannúðaraðstoð að halda á þessu ári.

14. okt. 2022Utanríkisráðuneytið, Utanríkismál, Alþjóðamál, Úkraína, Fjármála- og efnahagsráðuneytið, Alþjóðabankinn

Ísland veitir sérstakt framlag til enduruppbyggingar í Úkraínu

Íslensk stjórnvöld eru stofnaðilar í nýjum sjóði á vegum Alþjóðabankans sem er ætlað að styðja stjórnvöld í Úkraínu við að mæta efnahagslegum og samfélagslegum afleiðingum innrásar Rússlands og hefja enduruppbyggingu. Bjarni Benediktsson fjármála- og efnahagsráðherra tilkynnti um stofnaðild og framlag Íslands á sérstökum ráðherrafundi um stuðning við Úkraínu, sem haldinn var í tengslum við ársfundi Alþjóðabankans og Alþjóðagjaldeyrissjóðsins í Washington á miðvikudag. Framlag Íslands í sjóðinn nemur einni milljón Bandaríkjadala eða um 143 milljónum króna.

11. okt. 2022Menningar-٫ nýsköpunar- og háskólaráðuneytið, Menningarmál, Alþjóðamál, Atvinnuvegir

Lilja hitti þingkonu og sendiherra Georgíu

Lilja Dögg Alfreðsdóttir menningar- og viðskiptaráðherra átti fund með Eliso Bolkvadze þingkonu og formanni menningarnefndar georgíska þingsins og Nata Menabde sendiherra Georgíu gagnvart Íslandi. Þær eru hér á landi í tengslum við heimsþing kvenleiðtoga sem nú fer fram í Hörpu þar sem um 500 kvenleiðtogar frá yfir 100 löndum taka þátt.

06. okt. 2022Utanríkisráðuneytið, Alþjóðamál, Evrópusamvinna, Mannréttindi, Norrænt samstarf, Öryggis- og varnarmál, Þróunarsamvinna, Utanríkismál

Þorri þjóðarinnar telur hagsæld hennar byggjast á alþjóðasamvinnu

Rúm 77 prósent landsmanna telja hagsæld Íslands byggjast að miklu leyti á alþjóðlegri samvinnu og 80,5 prósent að hagsæld Íslands byggist að miklu leyti á alþjóðlegum viðskiptum. Þá telja 78,4 prósent að Ísland treysti að miklu leyti á alþjóðalög og alþjóðastofnanir til að tryggja að landamæri og lögsaga séu virt. Þetta er á meðal þess sem fram kemur í nýrri könnun Maskínu um utanríkismál og alþjóðasamstarf.

03. okt. 2022Utanríkisráðuneytið, Alþjóðamál, Utanríkismál

Skýrsla utanríkisráðherra um utanríkis- og alþjóðamál lögð fyrir Alþingi

Skýrsla utanríkisráðherra um utanríkis- og alþjóðamál var til umræðu á Alþingi í dag en skýrslan er sú fyrsta sem Þórdís Kolbrún Reykfjörð Gylfadóttir leggur fram til Alþingis í embætti utanríkisráðherra. Ráðherra hóf ræðu sína á Alþingi á því að fjalla um horfur í alþjóðamálum. Þó svo að skýrslan miðist við almanaksárið 2021 var ekki hjá því komist að minnast á innrás Rússlands í Úkraínu og þá viðsjárverðu tíma sem við horfum nú fram á í öryggismálum í Evrópu.

30. sep. 2022Utanríkisráðuneytið, Alþjóðamál, Utanríkismál

Ráðuneytisstjóri afhjúpar minnisvarða um samskipti Íslands og Eistlands

Martin Eyjólfsson, ráðuneytisstjóri utanríkisráðuneytisins, afhjúpaði á miðvikudag minnisvarða um samskipti Íslands og Eistlands í eistneska utanríkisráðuneytinu. Minnisvarðinn var settur upp í tilefni af því að þrír áratugir eru liðnir frá því að Ísland varð fyrst allra ríkja til að viðurkenna endurreisn sjálfstæðis Eistlands.

24. sep. 2022Utanríkisráðuneytið, Alþjóðamál, Mannréttindi, Úkraína, Utanríkismál

Utanríkisráðherra hvatti til samstöðu um alþjóðakerfið

Sameiginleg ábyrgð þjóða heims á þeim gildum sem alþjóðakerfið hvílir á var leiðarstefið í ræðu Þórdísar Kolbrúnar Reykfjörð Gylfadóttur utanríkisráðherra á allsherjarþingi Sameinuðu þjóðanna í kvöld. Innrás Rússa í Úkraínu, umhverfis- og loftslagsmál og mannréttindi, meðal annars út frá máli ungrar konu sem lést í varðhaldi Íran, voru á meðal helstu umfjöllunarefna ræðunnar.

23. sep. 2022Utanríkisráðuneytið, Alþjóðamál, Utanríkismál

Ráðherravika allsherjarþingsins stendur sem hæst

Viðbrögð alþjóðasamfélagsins við aðsteðjandi áskorunum, umhverfis- og loftslagsmál og innrás Rússlands í Úkraínu hafa verið helstu umræðuefnin á fundum og öðrum viðburðum sem Þórdís Kolbrún Reykfjörð Gylfadóttir utanríkisráðherra hefur tekið þátt í tengslum við allsherjarþing Sameinuðu þjóðanna í New York. Hún ávarpar þingið annað kvöld.

14. sep. 2022Utanríkisráðuneytið, Alþjóðamál, Þróunarsamvinna, Utanríkismál

Aukin framlög til mannúðarstofnana vegna hamfara í Sómalíu og Pakistan

Utanríkisráðherra hefur ákveðið að bregðast við neyðarástandi í Sómalíu og Pakistan með viðbótarfjármagni til Matvælaáætlunar Sameinuðu þjóðanna (WFP) og Flóttamannastofnunar Sameinuðu þjóðanna (UNHCR). Um er að ræða þrjátíu milljóna króna framlag til WFP vegna afleiðinga langvarandi þurrka í Sómalíu og þrjátíu milljóna króna framlag til UNHCR í kjölfar mannskæðra flóða í Pakistan.

12. sep. 2022Utanríkisráðuneytið, Alþjóðamál, Þróunarsamvinna, Afríka, Malaví, WFP, Utanríkismál

Áratugur frá upphafi samstarfs um heimaræktaðar skólamáltíðir

Ísland var fyrst framlagsríkja til að taka höndum saman við Matvælaáætlun Sameinuðu þjóðanna, WFP, um næringaríkar heimaræktaðar skólamáltíðir fyrir grunnskólanemendur í Malaví. Fyrir réttum tíu árum var samstarfið innsiglað með hátíð í Kankhande skólanum í Mangochi héraði. Þórdís Kolbrún Reykfjörð Gylfadóttir utanríkisráðherra heimsótti einmitt þann skóla í dag í vinnuferð sinni í Malaví til að kynna sér verkefnið.

05. sep. 2022Menningar-٫ nýsköpunar- og háskólaráðuneytið, Alþjóðamál, Úkraína, Menningarmál

Ráðherra ávarpaði UNESCO fund í Perlunni

„Ísland hefur lengi verið hluti af UNESCO og við erum ákaft stuðningsfólk fjölþjóðahyggju. Við vinnum sleitulaust að markmiðum UNESCO og gildum stofnunarinnar og á Íslandi deilum við sýn UNESCO um að stuðla að friði og öryggi á grundvelli samvinnu ríkja með samtali á vettvangi menningar, menntunar , samskipta og vísinda,“ segir Lilja, en Ísland var kjörið í framkvæmdanefnd UNESCO í fyrra.

03. sep. 2022Utanríkisráðuneytið, Alþjóðamál, Úkraína, Utanríkismál

Hlé gert á samstarfi við Rússa á vettvangi Barentsráðsins og Norðlægu víddarinnar

Aðildarríki Barentsráðsins (e. Barents Euro-Arctic Council, BEAC), að Rússlandi frátöldu, hafa birt sameiginlega yfirlýsingu þar sem innrás Rússlands í Úkraínu er harðlega fordæmd. Gert verður tímabundið hlé á samstarfi við Rússland á vettvangi ráðsins þar til annað verður ákveðið. Þá hafa Evrópusambandið, Noregur og Ísland birt sameiginlega yfirlýsingu á vettvangi samstarfsins um Norðlægu víddina (Northern Dimension) þar sem innrás Rússlands í Úkraínu er harðlega fordæmd. Ákvörðun er tekin um að meina Rússlandi þátttöku í starfsemi Norðlægu víddarinnar þar til annað verður ákveðið.

29. ágú. 2022Utanríkisráðuneytið, Alþjóðamál, Úkraína, Utanríkismál

Utanríkisráðherra á ráðstefnunni Bled Strategic Forum

Tvíhliða samskipti og öryggismál í Evrópu í skugga innrásar Rússlands í Úkraínu voru efst á baugi á fundum Þórdísar Kolbrúnar Reykfjörð Gylfadóttur utanríkisráðherra í tengslum við opinbera heimsókn forseta Íslands til Slóveníu. Hún hitti meðal annars utanríkisráðherra Spánar, Slóveníu og Kósovó í heimsókninni og tók þátt í alþjóðlegri ráðstefnu um áskoranir í stjórnmálum og öryggismálum.

23. ágú. 2022Utanríkisráðuneytið, Alþjóðamál, Evrópusamvinna, Öryggis- og varnarmál, Úkraína, Sendiráð Íslands í Berlín, Utanríkismál

Utanríksráðherrar Íslands og Þýskalands funduðu í Berlín

Samskipti Íslands og Þýskalands, innrás Rússlands í Úkraínu og orku- og loftslagsmál voru helstu umfjöllunarefnin á fundi þeirra Þórdísar Kolbrúnar Reykfjörð Gylfadóttur utanríkisráðherra og Önnulenu Baerbock, utanríkisráðherra Þýskalands, í Berlín í dag. Ríkin tvö fagna sjötíu ára stjórnmálasambandsafmæli um þessar mundir.

03. ágú. 2022Utanríkisráðuneytið, Utanríkismál, Alþjóðamál, Mannréttindi og jafnrétti

Kvenkyns utanríkisráðherrar funduðu um stöðu kvenna í Afganistan

Staða kvenna og stúlkna í Afganistan var rædd á fjarfundi kvenkyns utanríkisráðherra í gær en fundurinn var haldinn að frumkvæði Marise Payne, utanríkis- og kvennamálaráðherra Ástralíu. Á fundinum hlýddu ráðherrarnir á erindi frá afgönskum mannréttindafrömuðum sem sögðu frá reynslu sinni og þeirri stöðu sem blasir við konum og stúlkum í Afganistan frá yfirtöku Talibana í ágúst á síðasta ári.

03. ágú. 2022Utanríkisráðuneytið, Utanríkismál, Alþjóðamál, Jafnrétti, Löggæsla, Mannréttindi og jafnrétti

Aðgerðir gegn kynbundnu ofbeldi ræddar á málstofu á alþjóðlegum baráttudegi kvenna

Samningsskuldbindingar Íslands vegna Istanbúl-samningsins, með sérstakri áherslu á stafrænt kynferðisofbeldi og þátttöku karla og drengja í forvarnarstarfi gegn kynbundnu ofbeldi, voru til umræðu á málstofu sem utanríkisráðuneytið stóð fyrir á alþjóðlegum baráttudegi kvenna í dag.

25. júl. 2022Utanríkisráðuneytið, Alþjóðamál, Þróunarsamvinna, Utanríkismál

Ísland veitir 80 milljónum til uppbyggingar í Afganistan

Íslensk stjórnvöld munu veita alls 80 milljónum króna í sérstakan sjóð Sameinuðu þjóðanna fyrir Afganistan (e. Multi Partner Special Trust Fund for Afghanistan) til þess að styðja við þróunarverkefni í landinu samhliða mannúðaraðstoð. Mikil neyð ríkir í Afganistan og áætla Sameinuðu þjóðirnar að rúmlega helmingur þjóðarinnar þurfi á alþjóðlegri mannúðaraðstoð að halda.