Efnisorð
Tegund

Leita eftir efnisorðum

Sýnir 301–350 af 732
Raða eftir:
23. maí 2022Menningar-٫ nýsköpunar- og háskólaráðuneytið, Menningarmál, Atvinnuvegir

Ráðherra mælti fyrir frumvarpi um kvikmyndaendurgreiðslur

„Mikill áhugi er á þessum áformum ríkisstjórnarinnar, bæði hér heima fyrir og ekki síður erlendis. Þannig bíða nokkur stór og áhugaverð erlend verkefni, sem reiðubúin eru að hefja tökur á þessu ári, eftir formlegri ákvarðanatöku stjórnvalda og umræddri lagabreytingu,“ sagði Lilja Dögg Alfreðsdóttir, menningar- og viðskiptaráðherra í framsöguræðu sinni á Alþingi þar sem hún fjallaði um breytingar á lögum um tímabundnar endurgreiðslur vegna kvikmyndagerðar á Íslandi. Ráðherra sagði mikið til þess unnið að afgreiða frumvarpið sem lög frá Alþingi fyrir þinglok á vorþingi.

19. maí 2022Menningar-٫ nýsköpunar- og háskólaráðuneytið, Vísindi nýsköpun og rannsóknir, Nýsköpun, Menningarmál

Þróun gervigreindartækni nýtist tungumálum eins og íslensku

„Eitt af því sem liðsinnt getur framþróun tungumála eins og íslensku er ör þróun gervigreindar, þar felast mörg tækifæri sem flest eru ókönnuð enn,“ segir Lilja Alfreðsdóttir menningar- og viðskiptaráðherra heimsótti fyrirtækið OpenAi í San Fransisco í vikunni. Heimsóknin var liður í fundaröð sendinefndar Guðna Th. Jóhannessonar forseta Íslands til Bandaríkjanna sem miðar að því tryggja að íslenska verði hluti af stafrænum tæknilausnum framtíðarinnar.

17. maí 2022Atvinnuvegaráðuneytið, Neytendamál, Upplýsingatæknimál ríkisins, Vísindi nýsköpun og rannsóknir, Nýsköpun, Rafræn viðskipti, Menningarmál, Menntamál

Forseti og ráðherra funda með stórfyrirtækjum um íslenskuna

Markmið ferðarinnar er að sýna forsvarsmönnum þessara fyrirtækja fram á mikilvægi þess að íslensk tunga eigi sinn sess í þróun á nýjustu máltæknilausnum svo unnt verði að tala íslensku við tölvur og tæki og tryggja þannig framtíð íslenskunnar í stafrænum heimi.

13. maí 2022Menningar-٫ nýsköpunar- og háskólaráðuneytið, Menningarmál

Endurnýjuðu samning um Film in Iceland: Kynna landið sem stórkostlegan tökustað

Vaxandi áhugi hefur verið á Íslandi sem tökustað og verkefni Film in Iceland, er að kynna Ísland sem áhugaverðan tökustað, endurgreiðslukerfi vegna framleiðslu kvikmynda- og sjónvarpsefnis, innviði íslenska kvikmyndaumhverfisins og að taka við fyrirspurnum erlendra framleiðanda og aðstoða þá eftir fremsta megni. Rennir þetta mikilvægum stoðum undir þau markmið stjórnvalda að efla íslenskan kvikmyndaiðnað og gera Ísland að eftirsóknarverðum tökustað fyrir fjölbreytt kvikmynda- og sjónvarpsverkefni.

13. maí 2022Menningar-٫ nýsköpunar- og háskólaráðuneytið, Covid-19, Menningarmál

Rekstrarsamningar undirritaðir við ÚTÓN og Tónverkamiðstöð

„Það er alltaf gleðilegt að renna styrkari stoðum undir íslenska tónlist, tónlistarmenn, og tónverkasöguna eins og við gerum með þessum samningum. ÚTÓN og Tónverkamiðstöð hafa staðið í stafni í þessum málum. Viðspyrnustyrkurinn vegna heimsfaraldursins mun einnig hafa mikið að segja. Við ætlum að halda vel á spilunum í þessum málum, segir Lilja.

30. apr. 2022Menningar-٫ nýsköpunar- og háskólaráðuneytið, Menntamál, Barnaréttur, Jafnrétti, Menningarmál

Lilja afhjúpaði risastórt lestrarrúm á Borgarbókasafninu: Segðu mér sögu til heiðurs barnabókahöfundum

„Barnabókmenntir eru oft fyrsta snerting barnsins við heim menningar og lista og skapar rætur fjölbreyttra blóma sem blómstra í börnunum okkar og eru mikilvægur hlekkur í skapandi og gefandi uppeldi. Undanfarin ár hafa stjórnvöld lagt aukna áherslu á að styðja við barnabókmenntir og hefur útgáfa á barnabókum stóraukist í kjölfarið. Við eigum barnabókahöfundum mikið að þakka fyrir að auðga barnæsku okkar og samfélag. Við þá vil ég segja kærar þakkir“ segir Lilja Alfreðsdóttir.

30. apr. 2022Atvinnuvegaráðuneytið, Menningarmál, Neytendamál, Ferðaþjónusta, Efnahagsmál og opinber fjármál

Lilja fundaði með sendinefnd Alþjóðagjaldeyrissjóðsins

Lilja Alfreðsdóttir, menningar- og viðskiptaráðherra, fundaði með sendinefnd Alþjóðagjaldeyrissjóðsins í tilefni af árlegri heimsókn starfsmanna sjóðsins. Á fundinum með ráðherra var fjallað um þróun alþjóðlegra efnahagsmála og alþjóðsviðskipta ásamt umræðu um efnahagsþróun innanlands þ.m.t. þátt ferðaþjónustunnar og viðskipta- og menningarmála.

29. apr. 2022Menningar-٫ nýsköpunar- og háskólaráðuneytið, Covid-19, Menningarmál

Listamannalaun fyrir ungt sviðslista- og tónlistarfólk samþykkt á Alþingi

„Við getum verið ótrúlega stolt af þeirri miklu frumsköpun og framleiðslu á menningu sem okkar frábæra listafólk drífur áfram, jafnvel þótt á móti blási. Mannsandinn nærist meðal annars á menningu, því að skemmta sér í góðra vina hópi, sækja tónleika, leiksýningar eða aðra menningarviðburði. Við höfum einsett okkur að styðja við menningu og listir í gegnum faraldurinn og stjórnvöld munu halda áfram að skapa menningu í landinu góð skilyrði,“ segir ráðherra.

21. apr. 2022Menningar-٫ nýsköpunar- og háskólaráðuneytið, Atvinnuvegir, Menningarmál

Lilja opnaði íslenska skálann í Feneyjum

Lilja Alfreðsdóttir, menningarmálaráðherra, opnaði íslenska skálann á alþjóðlegu listahátíðinni Feneyjatvíæringnum í dag við hátíðlega athöfn. Tvíæringurinn hefur verið haldinn í Feneyjum annað hvert ár, með nokkrum undantekningum, allar götur síðan 1895. Hátíðin er þungamiðja í alþjóðlegum listum og menningu. Að þessu sinni taka 213 listamenn frá 58 löndum þátt. Ísland tók fyrst þátt í hátíðinni árið 1960 þegar þeir Jóhannes Sveinsson Kjarval og Ásmundur Sveinsson voru valdir til þátttöku.

10. apr. 2022Menningar-٫ nýsköpunar- og háskólaráðuneytið, Menningarmál

Evrópska kvikmyndaakademían heiðrar Kaffibarinn sem dýrmætan tökustað í evrópskri kvikmyndasögu

Evrópska kvikmyndaakademían stofnaði nýlega arfleifðardeild sem á að varðveita evrópska kvikmyndasögu. Hugmyndin er að vekja athygli á tökustöðum sem eru táknrænir fyrir evrópska kvikmyndagerð og veita þeim viðurkenningu. Tuttugu og tveir kvikmyndatökustaðir í Evrópu verða í ár heiðraðir og fá nafngiftina, „Treasures of European Film Culture“. Kaffibarinn var valinn á Íslandi fyrir hlutverk sitt í 101 Reykjavík en frumraun Baltasar Kormáks sem leikstjóri hefur hlotið fjöldann allan af verðlaunum á kvikmyndahátíðum víðsvegar um heim.

07. apr. 2022Menningar-٫ nýsköpunar- og háskólaráðuneytið, Menntamál, Lýðheilsa og forvarnir, Menningarmál, Mennta- og barnamálaráðuneytið, Forsætisráðuneytið

Lesum leikinn og skrifum söguna!

„Nú er um að gera að setja sér metnaðarfull markmið. Við fylgjumst vel með stelpunum okkar á EM og styðjum þær með ráðum og dáð. Landsliðið er okkur mikill innblástur og að þessu sinni hverfist lestrarhvatningin um bæði lestur og sköpun,“ segir Lilja Alfreðsdóttir menningar- og viðskiptaráðherra og lestrarhestur..

22. mar. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Kvikmyndaiðnaðurinn samkeppnishæfur: Vinna hafin við endurskoðun laga um endurgreiðslur vegna kvikmyndagerðar

Lilja Dögg Alfreðsdóttir, menningar- og viðskiptaráðherra hefur sett af stað vinnu við breytingar á lögum nr. 43/1999, um tímabundnar endurgreiðslur vegna kvikmyndagerðar á Íslandi. Verið er að setja saman starfshóp sem falið verður að vinna frumvarp til breytinga á lögunum.

09. mar. 2022Atvinnuvegaráðuneytið, Menningarmál, Menntamál, Viðskipti, Ríkisstjórn, Atvinnuvegir

Hálf öld frá einvígi aldarinnar: Haldin verður samkeppni um minnisvarða

Um þessar mundir eru 50 ár liðin frá því að skákeinvígi aldarinnar fór fram í Laugardalshöll milli þeirra Bandaríkjamannsins Bobby Fischers og Sóvíetmannsins Boris Spasskís. Þessara tímamóta var minnst í sal Skáksögufélagsins á Hótel Natura en einvígið er að mörgum talið einn hápunkta kalda stríðsins en skákmennirnir tveir tefldu röð skáka í Reykjavík í júlí og ágústmánuði árið 1972.

28. jan. 2022Menningarmál, Neytendamál, Ferðaþjónusta, Atvinnuvegir, Atvinnuvegaráðuneytið

500 gestir í hverju hólfi á sitjandi viðburðum

„Það er að rofa til, við göngum af stað í afléttingarnar með skipulögðum hætti og nú geta viðburðir farið aftur af stað með 500 gestum í sóttvarnarhólfi. Þetta skiptir sköpum fyrir íslenskt menningarlíf. Það er einnig mikilvægt að hafa rýmkað til fyrir veitingastaði, skemmtistaði og krár,“ segir Lilja Dögg Alfreðsdóttir, ferðamála-, menningar- og viðskiptaráðherra.

27. jan. 2022Utanríkisráðuneytið, Atvinnuvegir, Menningarmál, Norrænt samstarf, Nýsköpun, Sendiráð Íslands í Ottawa, Menningar-٫ nýsköpunar- og háskólaráðuneytið

Menningarátakið Nordic Bridges hefst í dag

„Loksins getum við hleypt Nordic Bridges af stokkunum í Kanada! Það er afar gleðilegt og dagskrá Nordic Bridges er metnaðarfull, fjölbreytt og fræðandi. Með verkefnum eins og þessum minnum við á norræna samtímamenningu og byggjum brýr og styrkjum tengslin. Ég hlakka til að fylgjast með hátíðinni,“ segir Lilja Dögg Alfreðsdóttir, ferðamála-, menningar- og viðskiptaráðherra.

25. jan. 2022Atvinnuvegir, Menningarmál, Covid-19, Menningar-٫ nýsköpunar- og háskólaráðuneytið

450 milljónir í viðspyrnuaðgerðir til tónlistar og sviðslista

„Það er nauðsynlegt að grípa til aðgerða sem miða að því að efla slagkraft tónlistar og sviðslistageiranna til framtíðar. Við veljum að fara þá leið að styrkja þá sjóði og samtök sem báðar greinarnar hafa aðgengi að og ná þannig til sem flestra. Við einsettum okkur að standa með menningunni í gegnum heimsfaraldurinn og eru þessar aðgerðir liður í því,“ segir Lilja Dögg Alfreðsdóttir menningarmálaráðherra.

21. jan. 2022Menningarmál, Menningar-٫ nýsköpunar- og háskólaráðuneytið

Þurfum að rannsaka handritin og kynna börnin okkar fyrir þeim

„Handritin eru mikilvægur hluti menningararfleifðar okkar sem nauðsynlegt er að viðhalda og miðla - og þar eru tækifæri til að gera betur. Við þurfum að rannsaka handritin og kynna börnin okkar fyrir þeim og komandi kynslóðir,“ segir Lilja Dögg Alfreðsdóttir, menningarmálaráðherra sem ræddi við þátt danska ríkisútvarpsins, Deadline, í vikunni um áherslur sínar á að fá fleiri íslensk handrit til Íslands frá Danmörku og hvatningu hennar til danskra stjórnvalda að sinna rannsóknum á handritunum betur.

20. jan. 2022Menningarmál, Evrópusamvinna, Atvinnuvegir, Menningar-٫ nýsköpunar- og háskólaráðuneytið

Lilja Dögg ávarpaði höfundarréttarráð

Aðalefni fundar höfundaréttarráðs að þessu sinni var kynning á tilskipun ESB 2019/790 um höfundarétt og skyld réttindi á stafræna innri markaðnum sem oftast er nefnd DSM tilskipunin. „Innleiðing DSM tilskipunar í íslenskan rétt mun hafa mikilvæg áhrif á hvernig höfundaréttar er höndlaður í netheimi og einnig hafa áhrif á samninga höfunda og listflytjenda um not verka og listflutnings, hvort sem er á netinu eða annars staðar. Þetta eru atriði sem eru hugleikin öllum sem höndla með verk sem háð eru höfundarétti sem og listflutning,“ sagði Lilja.

15. jan. 2022Atvinnuvegir, Menningarmál, Menningar-٫ nýsköpunar- og háskólaráðuneytið

Úthlutun listamannalauna árið 2022

„Á Íslandi starfar átta prósent vinnuafls við skapandi greinar. Starfslaun skipta sköpun, þau efla listsköpun, styðja við frumsköpun og listin endurspeglar tíðarandann hverju sinni. Þessi hækkun er ekki síður mikilvæg vegna þeirra fordæmalausu tíma sem menningarlífið hefur staðið frammi fyrir. Við vitum vel að styrkir til menningarmála skila sér margfalt aftur inn í hagkerfið og ég tel að það sé mikilvægt að við hækkum listamannalaun áfram í skrefum,“ segir Lilja Dögg Alfreðsdóttir, menningarmálaráðherra.

13. jan. 2022Atvinnuvegir, Menningarmál, Menningar-٫ nýsköpunar- og háskólaráðuneytið

Lilja við danska ríkisútvarpið: „Vil fá fleiri handrit til Íslands“

Það er nauðsynlegt að Íslendingar fái til sín fleiri handrit frá Danmörku, hinn íslenska fjársjóð, sagði Lilja Dögg Alfreðsdóttir, menningarmálaráðherra, í viðtali við danska ríkisútvarpið, en þar ræddi hún um mikilvægi þess að auka veg og virðingu menningararfsins, að sýna handritin, ræða þau og rannsaka. Um 700 handrit eru í vörslu á söfnum í Danmörku, en sáttmáli var gerður um vörslu þeirra árið 1965 milli Íslands og Danmerkur.

11. jan. 2022Atvinnuvegaráðuneytið, Auðlindir, Menningarmál, Menntamál, Neytendamál, Umhverfi og náttúruvernd, Norrænt samstarf, Atvinnuvegir

Átta íslenskir listamenn og verkefni tilnefnd til verðlauna Norðurlandaráðs

50 verk og verkefni frá átta löndum eru tilnefnd til verðlauna Norðurlandaráðs fyrir árið 2022. Tilkynnt verður um verðlaunahafa á verðlaunahátíð í Helsingfors í 1. nóvember í tengslum við þing Norðurlandaráðs 2022, en hægt er að fylgjast með hátíðinni í beinni útsendingu á RÚV.

02. jan. 2022Atvinnuvegaráðuneytið, Neytendamál, Ferðaþjónusta, Menningarmál

„Ferðamenn eyði 700 milljörðum á Íslandi árið 2030“

„Með samþættingu málefnasviða nýs menningar- og viðskiptaráðuneytis eru skapaðar forsendur fyrir ný tækifæri og sókn í þágu samfélagsins alls og stuðlað að vexti og velsæld til framtíðar,” sagði Lilja Dögg Alfreðsdóttir, ferðamála-, menningar- og viðskiptaráðherra á opnum kynningarfundi í Norðurljósasal Hörpu í dag. Nýtt menningar- og viðskiptaráðuneyti tekur til starfa í dag.

30. des. 2021Atvinnuvegir, Menningarmál, Menningar-٫ nýsköpunar- og háskólaráðuneytið

Listasjóðir hækka árið 2022 - menning vex!

Framlög til verkefnasjóða og styrkja á sviði menningar, að meðtöldum launasjóðum listamanna, munu nema um 3,2 milljörðum króna á fjárlögum næsta árs. Til samanburðar námu framlög til þeirra um 1,9 milljarði árið 2017. Nemur hækkunin um 72%. Fóru framlögin mest í 3,9 milljarða árið 2020 vegna tímabundins framlags í máltækniverkefni fyrir íslensku í stafrænum heimi sem áætlað er að klárist á næsta ári.

20. des. 2021Atvinnuvegir, Menningarmál, Menningar-٫ nýsköpunar- og háskólaráðuneytið

32 söfn fá styrk úr safnasjóði

Alls fá 32 söfn styrkveitingu úr safnasjóði í auka úthlutun sjóðsins í ár að heildarupphæð 17.390.000 kr. Tuttugu og þrjú verkefni fá styrk til stafrænna kynningarmála og 35 styrkir fara til símenntunarverkefnasafna og starfsmanna þeirra. Lilja Alfreðsdóttir, ferðamála-, viðskipta og menningarmálaráðherra, hefur staðfest úthlutun sjóðsins.