Efnisorð
Tegund

Leita eftir efnisorðum

Sýnir 301–350 af 497
Raða eftir:
30. apr. 2019Félags- og húsnæðismálaráðuneytið, Félags- og fjölskyldumál

Ný framkvæmdaáætlun í barnavernd – stórsókn í þjónustu við börn og fjölskyldur þeirra

Ásmundur Einar Daðason, félags- og barnamálaráðherra, mælti á Alþingi í gær fyrir tillögu til þingsályktunar um framkvæmdaáætlun á sviði barnaverndar til fjögurra ára. Um er að ræða fjórðu framkvæmdaáætlun ríkisins í barnavernd en með henni er blásið til stórsóknar í þjónustu við börn og fjölskyldur þeirra.

27. mar. 2019Heilbrigðisráðuneytið, Félags- og fjölskyldumál, Líf og heilsa, Félags- og húsnæðismálaráðuneytið, Norrænt samstarf

Framtíð Norðurlandaþjóða byggist á velferð barna og ungmenna

Norrænt samstarf á sviði velferðarmála var í brennidepli þegar norrænir ráðherrar félags- og heilbrigðismála hittust á árlegum fundi sínum í dag sem að þessu var haldinn í Reykjavík. Sem fyrr kom glöggt fram á fundinum hvað norrænu þjóðirnar eru skyldar í mörgum efnum, hafa svipaðar áherslur og leggja allar sem ein ríka áherslu á velferðarkerfin sem einn af mikilvægustu hornsteinum samfélagsins. ​

23. mar. 2019Félags- og húsnæðismálaráðuneytið, Félags- og fjölskyldumál

Fæðingar- og foreldraorlof lengt í 12 mánuði samhliða heildarendurskoðun laga

Ásmundur Einar Daðason, félags- og barnamálaráðherra, hyggst setja af stað vinnu við heildarendurskoðun laga um fæðingar- og foreldraorlof í samráði við hagsmunaaðila. Þetta kynnti hann á ríkisstjórnarfundi fyrir helgi og sagði vel við hæfi enda verða liðin 20 ár frá gildistöku laganna árið 2020. Samhliða þessu er stefnt að því að fæðingarorlof verði lengt í 12 mánuði.

22. mar. 2019Félags- og húsnæðismálaráðuneytið, Félags- og fjölskyldumál

Skýrsla um aðgerðir til að endurvekja traust og trúnað í barnavernd

Skýrsla um aðgerðir til þess að endurvekja traust og trúnað í málaflokki barnaverndar á Íslandi liggur nú fyrir. Samskipti og samstarf Barnaverndarstofu og starfsmanna barnaverndarnefnda voru til skoðunar í velferðarráðuneytinu, sem nú hefur verið skipt upp í félagsmálaráðuneytið og heilbrigðisráðuneytið, samkvæmt beiðni barnaverndarnefnda á höfuðborgarsvæðinu í lok árs 2017. Í skýrslunni er að finna tillögur að verklagsreglum um samskipti.

14. mar. 2019Félags- og húsnæðismálaráðuneytið, Félags- og fjölskyldumál

Óskað eftir víðtækri aðkomu að stefnumótun í málefnum barna

Ásmundur Einar Daðason, félags- og barnamálaráðherra, kallar eftir samráði um stefnumótum í málefnum barna. Ásmundur hefur boðað heildarendurskoðun barnaverndarlaga og endurskoðun á félagslegri umgjörð og stuðningi við börn á Íslandi með áherslu á snemmtæka íhlutun og samvinnu kerfa. Við vinnuna er lögð áhersla á víðtækt samstarf og samvinnu, hvort sem um ræðir breytingar á lögum, á reglugerðum eða framkvæmd þjónustu.

15. feb. 2019Rit og skýrslur, Barnaréttur, Félags- og fjölskyldumál, Mannréttindi og jafnrétti, Mannréttindi, Barnasáttmálinn, Skýrslur frá Íslandi, Dómsmálaráðuneytið

Fimmta og sjötta skýrsla Íslands um framkvæmd samnings Sameinuðu þjóðanna um réttindi barnsins, feb. 2019

Í samræmi við 44. gr. samnings Sameinuðu þjóðanna um réttindi barnsins (barnasáttmálann) hefur íslenska ríkið tekið saman þessa skýrslu um framkvæmd barnasáttmálans og tveggja valfrjálsra bókana við sáttmálann um sölu á börnum, barnavændi og barnaklámi og þátttöku barna í vopnuðum átökum.

05. feb. 2019Félags- og húsnæðismálaráðuneytið, Félags- og fjölskyldumál

Rekstraraðilar sem reka félagsþjónustu og þjónustu við fatlað fólk sæki um starfsleyfi fyrir 27. maí

Félög, félagasamtök, sjálfseignarstofnanir og aðrir þjónustu- og rekstraraðilar sem veita eða hyggjast veita þjónustu samkvæmt lögum um þjónustu við fatlað fólk með langvarandi stuðningsþarfir eða samkvæmt lögum um félagsþjónustu sveitarfélaga, þurfa að afla starfsleyfis félagsmálaráðuneytisins.

04. jan. 2019Félags- og húsnæðismálaráðuneytið, Félags- og fjölskyldumál

Barnahús opnar útibú á Norðurlandi

Í tilefni af tuttugu ára afmæli Barnahúss í fyrra fékk Barnaverndarstofa gjöf frá félags- og barnamálaráðherra, dómsmálaráðherra og lögreglunni á Norðurlandi eystra svo hægt væri að koma á fót útibúi fyrir Barnahús á Norðurlandi. Frá þeim tíma hefur verið unnið hörðum höndum að því að undirbúa opnun þess. Var það gert með formlegum hætti á Akureyri í dag.

21. des. 2018Félags- og húsnæðismálaráðuneytið, Félags- og fjölskyldumál

Nýtt meðferðarheimili fyrir börn í Garðabæ

Ásmundur Einar Daðason, félags- og jafnréttismálaráðherra, Heiða Björg Pálmadóttir, forstjóri Barnaverndarstofu og Gunnar Einarsson, bæjarstjóri í Garðabæ, undirrituðu í dag sameiginlega viljayfirlýsingu um uppbyggingu nýs meðferðarheimilis fyrir börn í Garðabæ. Ásmundur Einar segist hafa lagt mikla áherslu á úrbætur í þessum málaflokki og það sé afar ánægjulegt að búið sé að finna heimilinu stað.

19. des. 2018Húsnæðis- og mannvirkjamál, Félags- og fjölskyldumál, Félags- og húsnæðismálaráðuneytið

Ásmundur Einar fundaði með Peter Eriksson ráðherra húsnæðismála í Svíþjóð í dag

Ásmundur Einar Daðason, félags-og jafnréttismálaráðherra, átti fund í dag með Peter Eriksson, ráðherra húsnæðismála og stafrænnar þróunar í Svíþjóð og Anders Gertsen, skrifstofustjóra hjá Norrænu ráðherranefndinni. Á sameiginlegum fundi húsnæðismálaráðherra Norðurlanda fyrr á þessu ári samþykktu löndin að hefja vinnu við samræmingu byggingarreglna. Ísland mun taka við formennsku í Norrænu ráðherranefndarinnar á næsta ári og kemur það í hlut Íslands að fylgja þessu verki eftir.

18. des. 2018Félags- og húsnæðismálaráðuneytið, Félags- og fjölskyldumál, Almannatryggingar og lífeyrir

Hámarksgreiðslur í fæðingarorlofi hækka um 80.000 kr. á mánuði

Ásmundur Einar Daðason, félags- og jafnréttismálaráðherra, hefur undirritað reglugerð um hækkun á greiðslum til foreldra í fæðingarorlofi frá 1. janúar 2019. Óskertar greiðslur hækka úr 520.000 kr. í 600.000 kr. á mánuði. Ásmundur Einar segir þessa hækkun mikilvæga og sýna í verki áherslur stjórnvalda á að efla stuðning við börn og barnafjölskyldur.

17. des. 2018Félags- og fjölskyldumál, Félags- og húsnæðismálaráðuneytið

Stóraukin framlög í þróunarsjóð innflytjendamála í þágu barna

Auglýst er eftir umsóknum um styrki úr þróunarsjóði innflytjendamála. Framlög til sjóðsins hafa verið aukin úr 10 milljónum króna í 25 milljónir króna samkvæmt ákvörðun Ásmundar Einars Daðasonar félags- og jafnréttismálaráðherra sem leggur áherslu á að veittir verði styrkir til verkefna í þágu barna og ungmenna. Umsóknarfrestur er til 31. janúar næstkomandi.

14. des. 2018Félags- og húsnæðismálaráðuneytið, Vinnumál, Félags- og fjölskyldumál

Félagsmálaráðherra skipar í þrjár stöður embættismanna

Ásmundur Einar Daðason, félags- og jafnréttismálaráðherra, hefur ákveðið hverjir munu skipa embætti ráðuneytisstjóra í nýju félagsmálaráðuneyti sem tekur til starfa um áramótin, embætti skrifstofu fjárlaga í ráðuneytinu og embætti forstjóra Vinnueftirlits ríkisins. Einstaklingarnir sem í hlut eiga eru allir starfandi embættismenn en hafa orðið við ósk ráðherra um að taka að sér framangreindar stöður á grundvelli heimildar um flutning embættismanna í starfi í lögum um réttindi og skyldur opinberra starfsmanna.

14. des. 2018Félags- og húsnæðismálaráðuneytið, Félags- og fjölskyldumál

Samningur um starfsemi Aflsins á Akureyri

Aflið á Akureyri, samtök gegn kynferðis- og heimilisofbeldi, fær 18 milljóna króna framlag til að standa straum af starfsemi sinni sem felst í þjónustu við þolendur kynferðis- og heimilisofbeldi, samkvæmt nýjum samningi sem Ásmundur Einar Daðason, félags- og jafnréttismálaráðherra, hefur gert við samtökin. Ásmundur Einar og Hjalti Ómar Ágústsson fyrir hönd Aflsins undirrituðu samninginn á Akureyri í gær. Samningurinn er til eins árs.

13. des. 2018Húsnæðis- og mannvirkjamál, Félags- og fjölskyldumál, Félags- og húsnæðismálaráðuneytið

Sjö sveitarfélög taka þátt í tilraunaverkefni um húsnæðisuppbyggingu á landsbyggðinni

Ásmundur Einar Daðason, félags- og jafnréttismálaráðherra, kynnti í dag á fundi á Húsavík þau sjö sveitarfélög sem verða fyrst til að taka þátt í tilraunaverkefni um uppbyggingu íbúðarhúsnæðis á landsbyggðinni. Meðal fyrirmynda að verkefninu eru lausnir frá Noregi en stórt hlutfall sveitarfélaga þar hefur tekist á við sambærilegar áskoranir og íslensk sveitarfélög á landsbyggðinni.

29. nóv. 2018Félags- og húsnæðismálaráðuneytið, Félags- og fjölskyldumál

Birting nýrra reglugerða sem lúta að þjónustu við fatlað fólk

Birtar hafa verið fimm nýjar reglugerðir félags- og jafnréttismálaráðherra sem allar snúa að því að bæta þjónustu við fatlað fólk og efla eftirlit með aðbúnaði á heimilum og stofnunum sem þjóna fötluðum. Reglugerðirnar eru settar með stoð í lögum um þjónustu við fatlað fólk með langvarandi stuðningsþarfir sem tóku gildi 1. október síðastliðinn.

09. nóv. 2018Félags- og fjölskyldumál, Félags- og húsnæðismálaráðuneytið

Fjárlagafrumvarpið: Helstu áherslur á sviði félags- og jafnréttismála

Bætt kjör öryrkja, hækkun greiðslna til foreldra í fæðingarorlofi, aukinn stuðningur við börn og barnafjölskyldur, áhersla á uppbyggingu félagslegs húsnæðis og aukinn stuðningur við atvinnuleitendur eru megináherslur á málefnasviði félags- og jafnréttismálaráðherra sem birtast í fjárlagafrumvarpinu. Framlög til að bæta kjör öryrkja og til endurbóta á almannatryggingakerfinu vega þyngst og nemur aukningin 4,0 milljörðum króna.

05. nóv. 2018Félags- og húsnæðismálaráðuneytið, Félags- og fjölskyldumál

Erna Kristín Blöndal annast verkefnisstjórn í málefnum barna

Markviss vinna að endurskoðun félagslega kerfisins eins og það snýr að börnum og fjölskyldum þeirra er hafin, líkt og boðað var á fjölsóttri ráðstefnu velferðarráðuneytisins um snemmtæka íhlutun í málefnum barna í liðinni viku. Velferðarráðuneytið hefur samið við Ernu Kristínu Blöndal um að leiða vinnuna sem framundan er og lýtur m.a. að því að endurskoða barnaverndarlögin, innleiða í auknum mæli snemmtæka íhlutun og styrkja réttindi barna almennt.

31. okt. 2018Dómsmálaráðuneytið, Mannréttindi og jafnrétti, Félags- og fjölskyldumál

Jafnréttisvogin kynnt á ráðstefnunni Rétt´upp hönd

Ásmundur Einar Daðason, félags- og jafnréttismálaráðherra, ræddi um hlut kvenna í stjórnunarstöðum stofnana og fyrirtækja og hver þróunin hefur verið síðustu ár í þessum efnum á ráðstefnu Félags kvenna í atvinnulífinu (FKA) í dag. Á ráðstefnunni var fjallað um hreyfiaflsverkefnið Jafnvægisvogina sem FKA vinnur að samkvæmt samstarfssamningi við velferðarráðuneytið.