Nýsköpunarráðstefna um heilbrigðistæknilausnir og þjónustu, miðvikudaginn 1. október

Alma D. Möller heilbrigðisráðherra og Logi Einarsson, menningar- nýsköpunar- og háskólaráðherra boða sameiginlega til nýsköpunarráðstefnu um heilbrigðistæknilausnir og þjónustu á grundvelli þeirra. Markmiðið er að leiða saman haghafa til samtals um tækifærin sem felast í nýsköpun og nýjum lausnum í opinberri heilbrigðisþjónustu til að efla heilbrigðisþjónustu við landsmenn. Fjallað verður um stöðuna eins og hún er í dag, um hönnun lausna til að mæta raunverulegum áskorunum, um innleiðingu þeirra, sjónarhorn sjúklinga o.fl. Einnig verður reynt að varpa ljósi á hvernig skýra megi lagaumgjörð og verkferla við innleiðingu stafrænnar tækni og gervigreindar í heilbrigðisþjónustu.

Allir með: Áframhaldandi stuðningur við verkefni sem eykur þátttöku fatlaðra barna og ungmenna í íþróttastarfi

Inga Sæland, félags- og húsnæðismálaráðherra, Alma Möller heilbrigðisráðherra og Guðmundur Ingi Kristinsson, mennta- og barnamálaráðherra, ætla að veita 60 milljónum króna til að auka þátttöku og virkni fatlaðs fólks í íþróttastarfi, einkum fatlaðra barna og ungmenna. Verkefnið er liður í að ná markmiðum 30. greinar samnings Sameinuðu þjóðanna um réttindi fatlaðs fólks sem fjallar meðal annars um þátttöku fatlaðs fólks í íþróttum.

Allir með: Áframhaldandi stuðningur við verkefni sem eykur þátttöku fatlaðra barna og ungmenna í íþróttastarfi

Inga Sæland, félags- og húsnæðismálaráðherra, Alma Möller heilbrigðisráðherra og Guðmundur Ingi Kristinsson, mennta- og barnamálaráðherra, ætla að veita 60 milljónum króna til að auka þátttöku og virkni fatlaðs fólks í íþróttastarfi, einkum fatlaðra barna og ungmenna. Verkefnið er liður í að ná markmiðum 30. greinar samnings Sameinuðu þjóðanna um réttindi fatlaðs fólks sem fjallar meðal annars um þátttöku fatlaðs fólks í íþróttum.

Upptökur, myndir, fyrirspurnir og svör frá vel heppnaðri nýsköpunarráðstefnu

Húsfyllir var á nýsköpunarráðstefnu heilbrigðisráðuneytisins og menningar-, nýsköpunar- og háskólaráðuneytisins í Grósku í liðinni viku þar sem fjallað var um stafrænar lausnir og nýsköpun í heilbrigðisþjónustu. Megináhersla ráðstefnunnar var á leiðir til að skýra umgjörð og farveg fyrir nýsköpunarsamfélagið til að þróa lausnir sem mæta þörfum heilbrigðiskerfisins. Einnig að skýra leikreglur, styrkja innviði og efla samstarf á þessu sviði með áherslu á að innleiða nýjungar á öruggan og skilvirkan hátt.

Úrskurður nr. 9/2025

Útdráttur: Kærandi kærði ákvörðun embættis landlæknis um að veita honum áminningu vegna mistaka við lyfjaávísun við undirbúning og í kjölfar aðgerðar auk hirðuleysis í samskiptum við embættið. Ráðuneytið taldi, með vísan til meðalhófsreglu, að því markmiði sem að var stefnt með ákvörðun landlæknis yrði náð með vægara móti, þ.e. með tilmælum um úrbætur. Ákvörðun embættis landlæknis var því felld úr gildi og lagt fyrir embættið að beina tilmælum til kæranda um úrbætur.

Mat á stafrænni þróun á landsvísu

september 2025 / Heilbrigðisráðuneytið Mat á stafrænni þróun á landsvísu Mat á stafrænni þróun á landsvísu

Stafræn þróun í heilbrigðiskerfinu – vegvísir til framtíðar

Yfirgripsmikilli vinnu á vegum heilbrigðisráðuneytisins við formlegt mat á stafrænni þróun og gagnamálum í heilbrigðiskerfinu er lokið og hefur lokaskýrsla verkefnisins nú verið birt. Í skýrslunni eru settar fram tillögur sem miða að skýrari forgangsröðun og samfellu í þjónustu, auknu aðgengi að gögnum og sameiginlegum innviðum sem tryggja skilvirkan og öruggan rekstur. Greiningunni og þeim tillögum sem birtast í skýrslunni er ætlað að vera vegvísir að stefnu til framtíðar.

Starfshópur um eflingu og þróun dagdvala á landsvísu skilar tillögum

Inga Sæland, félags- og húsnæðismálaráðherra, hefur tekið á móti skýrslu starfshóps um eflingu og þróun dagdvala á landsvísu. Verkefni hópsins var að koma með tillögur um endurskilgreiningu á hlutverki og markmiðum þjónustu dagdvala þannig að úrræðið styddi betur við þarfir fólks sem býr heima. Þá skyldi hópurinn greina og leggja fram gögn um það hver þörfin væri fyrir dagdvalarrými, bæði almenn og sérhæfð – og hver þörfin væri fyrir lengdan og/eða sveigjanlegan opnunartíma dagdvala.

Úrskurður nr. 3/2025

Útdráttur: Kærð var málsmeðferð embættis landlæknis í kvörtunarmáli samkvæmt 12. gr. laga nr. 41/2007, um landlækni og lýðheilsu. Af kæru kæranda mátti ráða að hann hefði talið að óháður sérfræðingur ætti að kalla hann til skoðunar og meta afleiðingar þeirrar heilbrigðisþjónustu sem hann naut þegar hann gekkst undir aðgerðir á hendi. Í úrskurði ráðuneytisins kom fram að óháður sérfræðingur í málinu hefði lagt mat á það hvort hann þyrfti að skoða hendi kæranda. Það hefði landlæknir einnig gert þegar hann ritaði álit vegna kvörtunarinnar. Í málinu lá fyrir umtalsvert magn gagna um aðgerðirnar sem kærandi gekkst undir svo og myndir af aðgerðarsvæðinu. Þá hafði töluverður tími liðið frá því að aðgerðin átti sér stað og þangað til kærandi kvartaði til landlæknis.…

Mikilvægur áfangi um úrbætur í öryggisráðstöfunum

Ríkisstjórn Kristrúnar Frostadóttur hefur tekið afgerandi skref um úrbætur í þjónustu og úrræðum fyrir einstaklinga sem sæta þurfa sérstökum öryggisráðstöfunum. Um er að ræða einstaklinga sem geta verið sjálfum sér og öðrum hættulegir en hafa fallið milli þjónustukerfa ríkis og sveitarfélaga. Þessir einstaklingar glíma gjarnan við alvarlegar þroska- og/eða geðraskanir og geta verið ósakhæfir, en einnig sakhæfir sem lokið hafa afplánun og þurfa mikinn stuðning í samfélaginu utan réttarvörslukerfis.

Breytingar á sjúklingatryggingu tóku gildi 1. janúar

Ný lög um sjúklingatryggingu tóku gildi 1. janúar síðastliðinn, ásamt nýrri reglugerð um iðgjöld vegna sjúklingatryggingar. Lögin fela í sér ýmsar breytingar sem styrkja réttarstöðu sjúklinga sem verða fyrir heilsutjóni í tengslum við veitta heilbrigðisþjónustu. Verklag við meðferð bótamála hefur verið samræmt og hámarksbætur hækkaðar um 50%, úr u.þ.b. 14 m.kr. í 21 m.kr.

Tillögur spretthóps til að styrkja geislameðferð á Landspítala

Alma D. Möller heilbrigðisráðherra hefur fengið í hendur tillögur spretthóps um aðgerðir til að styrkja geislameðferð á Landspítala og stytta bið sjúklinga eftir þessari þjónustu. Hópurinn var stofnaður í lok júní vegna upplýsinga um að bið krabbameinssjúklinga eftir geislameðferð væri að lengjast og líkur á að sú þróun héldi áfram ef ekki væri gripið til aðgerða. Í meðfylgjandi skýrslu hópsins eru lagðar til margþættar aðgerðir til að tryggja öryggi og tímanlega meðferð sjúklinga. Ráðherra skoðaði aðstæður á geislameðferðardeild Landspítala í gær og ræddi við forstjóra spítalans og stjórnendur á deildinni um útfærslur og leiðir til að hrinda tillögum spretthópsins sem hraðast í framkvæmd.

Gott að eldast í Hveragerði

Heilbrigðisstofnun Suðurlands og Hveragerðisbær undirrituðu í dag samning við Ás hjúkrunarheimili um samþætta heimaþjónustu við íbúa í Hveragerði frá 1. september nk. Verkefnið er tilraunaverkefni sem byggist á Gott að eldast. Ás mun þannig sinna heimahjúkrun og félagslegum heimastuðningi við íbúa Hveragerðisbæjar 60 ára og eldri sem sækja um og fá samþykkta slíka þjónustu. Áður hefur í Ási verið starfrækt dagdvöl ásamt því að þaðan hafa íbúar Hveragerðisbæjar sem óskað hafa eftir fengið mat sendan heim.

Vinnuhópur stofnaður um þjónustu við sjúklinga með ME, langvinnt COVID, POTS og skylda sjúkdóma

Alma D. Möller heilbrigðisráðherra hefur falið landlækni að setja á fót og leiða vinnuhóp til að fjalla um heilbrigðisþjónustu við sjúklinga með sjúkdómaheilkenni sem á ensku kallast post-acute infection syndromes, skammstafað PAIS. Undir þetta falla meðal annars langvinnt COVID, ME-sjúkdómur og POTS en talsverð skörun getur verið þarna á milli og einkenni geta verið afar fjölbreytt og mismunandi.

Beint streymi frá morgunverðarfundi um einstaklingssniðna heilbrigðisþjónustu

Bein útsending frá morgunverðarfundi um einstaklingssniðna heilbrigðisþjónustu (EHÞ) hefst kl. 08.00 miðvikudaginn 27. ágúst. Þar verður kynnt skýrsla starfshóps sem heilbrigðisráðherra fól að móta drög að stefnu um einstaklingssniðna heilbrigðisþjónustu, og efni hennar rætt frá ýmsum hliðum. Alma D. Möller heilbrigðisráðherra boðar til fundarins í samvinnu við starfshópinn og Landspítala.

Heilbrigðisráðuneytið flytur á Skúlagötu 4

Mánudaginn 1. september næstkomandi tekur heilbrigðisráðuneytið til starfa á nýjum stað, í nýendurgerðu húsnæði ráðuneyta á Skúlagötu 4. Flutningar úr núverandi húsnæði ráðuneytisins í Síðumúla fara fram næstkomandi fimmtudag og föstudag. Þá verður húsnæði ráðuneytisins lokað en símsvörun með óbreyttum hætti í síma 545 8700.

Sveinn Magnússon skipaður formaður stjórnar Landspítala

Alma D. Möller heilbrigðisráðherra hefur skipað Svein Magnússon, lækni og fyrrverandi skrifstofustjóra í heilbrigðisráðuneytinu, formann stjórnar Landspítala út skipunartíma sitjandi stjórnar sem er 11. júlí 2026. Sveinn Magnússon er menntaður í lyflækningum og heimilislækningum. Hann á að baki langan starfsferil sem héraðslæknir og heilsugæslulæknir, m.a. sem framkvæmdastjóri heilsugæslunnar í Garðabæ. Árið 1998 var hann skipaður skrifstofustjóri í heilbrigðisráðuneytinu yfir málefnum heilsugæslu, sjúkrahúsa og öldrunarmála allt til ársins 2011 þegar velferðarráðuneytið varð til við sameiningu ráðuneyta félags- og heilbrigðismála. Í velferðarráðuneytinu var hann skrifstofustjóri á skrifstofu ráðuneytisstjóra og staðgengill hans til starfsloka árið 2018.

Morgunverðarfundur um einstaklingssniðna heilbrigðisþjónustu (EHÞ) 27. ágúst

Starfshópur sem heilbrigðisráðherra fól að móta drög að stefnu um einstaklingssniðna heilbrigðisþjónustu (EHÞ) hefur skilað skýrslu sinni til heilbrigðisráðherra. Alma D. Möller heilbrigðisráðherra boðar til morgunverðarfundar í samvinnu við starfshópinn og Landspítala, þar sem skýrslan verður kynnt og efni hennar rætt frá ýmsum hliðum. Fundurinn verður haldinn miðvikudaginn 27. maí kl. 8.00-10.00 í Hringsal Landspíala við Hringbraut. Hér er birt dagskrá fundarins og upplýsingar um skráningu þátttöku.

Samstarfsyfirlýsing tengd mönnun heilbrigðisþjónustu í umdæmi HVE

Fulltrúar Heilbrigðisstofnunar Vesturlands (HVE) og Samtaka sveitarfélaga á Vesturlandi (SSV) undirrituðu í liðinni viku yfirlýsingu um samstarf sem miðar að því að laða að aukinn mannauð og gera starfsstöðvar HVE og búsetu á Vesturlandi að eftirsóknarverðum valkosti fyrir heilbrigðisstarfsfólk. Alma D. Möller heilbrigðisráðherra staðfesti samkomulagið á stuttum fundi þessara aðila við undirritunina sem fram fór í Stykkishólmi. Hún segist viss um að samstarf sem þetta sé líklegt til að skila árangri fyrir byggðir og búsetu fólks á landsbyggðinni.

Einstaklingssniðin heilbrigðisþjónusta – drög að stefnu kynnt á morgunverðarfundi

Starfshópur sem heilbrigðisráðherra fól að móta drög að stefnu um einstaklingssniðna heilbrigðisþjónustu (EHÞ) hefur skilað skýrslu sinni til ráðherra. Formaður starfshópsins var Kári Stefánsson fyrrverandi forstjóri Íslenskrar erfðagreiningar. EHÞ felur í sér að forvarnir, greining og meðferð er sniðin sérstaklega að hverjum einstaklingi, eftir því sem kostur er, m.a. á grunni erfðafræði, lífvísa og klínískra upplýsinga. Markmiðið er að velja besta meðferðarkostinn á hverjum tíma, forðast ónauðsynlegar meðferðir og draga úr aukaverkunum. Ráðherra boðar til morgunverðarfundar 27. ágúst þar sem skýrslan verður kynnt og rætt um málefnið frá ýmsum sjónarhornum.

Heimsótti Heilbrigðisstofnun Vesturlands

Alma D. Möller heilbrigðisráðherra heimsótti í vikunni Heilbrigðisstofnun Vesturlands (HVE), skoðaði starfsstöðvar stofnunarinnar í Borgarfirði og á Snæfellsnesi og ræddi við starfsfólk og stjórnendur. Starfssvæði HVE er víðfeðmt, starfsstöðvar stofnunarinnar eru átta talsins og íbúar á þjónustusvæði hennar eru um 20.000. Að auki rekur stofnunin hjúkrunarheimilin Systraskjól í Stykkishólmi og Silfurtún í Búðardal.

Úrskurður nr. 7/2025

Útdráttur: Kærð var ákvörðun embættis landlæknis um að taka kvörtun kæranda ekki til frekari rannsóknar á grundvelli 2. mgr. 12. gr. laga nr. 41/2007, um landlækni og lýðheilsu. Kærandi byggði á að kvörtun hennar hafi gefið nægar ástæður til rannsóknar og að ljúka ætti málsmeðferð kvörtunarinnar með útgáfu álits landlæknis. Embætti landlæknis benti á að með lögum nr. 103/2023 hafi ákvæði 12. gr. laga nr. 41/2007 verið breytt með þeim hætti að nú tæki landlæknir ákvörðun um hvort kvörtun sem berst gæfi nægar ástæður til rannsóknar og hvort líklegt sé að niðurstöður rannsóknar geti leitt til aukinna gæða og aukins öryggis heilbrigðisþjónustu. Af gögnum málsins hafi ekkert bent til heilbrigðisþjónustan sem kærandi naut hafi verið ófullnægjandi.…

Vill draga úr vottorðaskrifum vegna veikindafjarvista

Alma D. Möller heilbrigðisráðherra telur brýnt að skoða með haghöfum hvernig fækka megi veikindavottorðum og breyta verklagi við útgáfu þeirra með skilvirkni og gæði þjónustunnar að leiðarljósi. Heilbrigðisráðuneytið vinnur að því að fækka útgáfum vottorða og tilvísana til að draga úr skriffinnsku og hafa þegar verið stigin skref í þá átt. Markmiðið er að auka tíma lækna og annars heilbrigðisstarfsfólks til að sinna sjúklingum, bæta þannig aðgengi að heilsugæslunni og styrkja hlutverk hennar sem fyrsta viðkomustaðar fólks í heilbrigðiskerfinu.

Fjármögnunarlíkan heilsugæslu á höfuðborgarsvæðinu - júlí 2025

ágúst 2025 / Heilbrigðisráðuneytið Fjármögnunarlíkan heilsugæslu á höfuðborgarsvæðinu - júlí 2025 Fjármögnunarlíkan heilsugæslu á höfuðborgarsvæðinu júlí 2025

Fjármögnunarlíkan heilsugæslu á landsbyggðinni - júlí 2025

ágúst 2025 / Heilbrigðisráðuneytið Fjármögnunarlíkan heilsugæslu á landsbyggðinni - júlí 2025 Fjármögnunarlíkan heilsugæslu á landsbyggðinni - júlí 2025

Unnið að verkefnum til að stytta bið barna eftir greiningum og þjónustu

Heilbrigðisráðuneytið hefur á liðnum mánuðum unnið að umfangsmikilli greiningu á geðheilbrigðisþjónustu við börn á öllum þjónustustigum heilbrigðiskerfisins. Markmiðið er að skipuleggja umbreytingar með áherslu á að stytta biðtíma, einfalda boðleiðir, auka skilvirkni og bæta þjónustu. Gert er ráð fyrir að hægt verði að kynna fyrsta áfanga fyrirhugaðra breytinga í haust.

Stækkun bráðamóttöku Landspítala – verklok í desember

Bráðamóttaka Landspítala í Fossvogi verður stækkuð með 700 fermetra viðbótarhúsnæði sem á að vera tilbúið í fyrir lok þessa árs. Samningur Nýs Landspítala og Verkheima ehf. um verkið var undirritaður í dag. „Þetta mun stórbæta aðstæður sjúklinga og starfsfólks og skipta sköpum fyrir þessa mikilvægu starfsemi þar til ný bráðamóttaka verður opnuð í meðferðarkjarnanum við Hringbraut“ segir Alma D. Möller heilbrigðisráðherra.

Samstíga um málefni offitu á Íslandi

Heilbrigðisráðuneytið stóð fyrir þverfaglegri vinnustofu undir heitinu Samstíga um málefni offitu á Íslandi þann 5. maí síðastliðinn á veitingastaðnum Nauthól. Vinnustofan er hluti af vinnu við innleiðingu tillagna starfshóps ráðuneytisins um stefnumarkandi áherslur í forvörnum, heilsueflingu og meðferð, sem lagðar voru fram í skýrslu í mars 2024. Alls voru þátttakendur 60, frá 12 stofnunum og þremur félagasamtökum, fólk með fjölbreyttan bakgrunn og breiða þekkingu.

Uppbygging ríflega 600 hjúkrunarrýma 2026-2028

Ráðgert er að afla ríflega 600 nýrra hjúkrunarrýma á árunum 2026-2028, til viðbótar við þau 120 rými sem tekin verða í notkun á þessu ári.

Uppbygging ríflega 600 hjúkrunarrýma 2026-2028

Ráðgert er að afla ríflega 600 nýrra hjúkrunarrýma á árunum 2026-2028, til viðbótar við þau 120 rými sem tekin verða í notkun á þessu ári.

Fagráð um forgangsröðun í heilbrigðiskerfinu Hlutverk fagráðsins er að stuðla að gagnreyndri, sanngjarnri og gagnsærri forgangsröðun heilbrigðisþjónustu. Ráðið skal vinna að því að tryggja að heilbrigðisþjónusta sé nýtt á skilvirkan hátt, að forgangur sé veittur þeim sem mest þurfa þjónustu og að heilbrigðiskerfið sé sjálfbært til framtíðar. Ráðið er ráðgefandi og skal skila tillögum til ráðherra

Varað við fölsuðum OxyContin töflum

Heilbrigðisráðuneytið vekur athygli á því að í gær birtist viðvörun Rannsóknastofu í lyfja- og eiturefnafræði um falsaðar OxyContin töflur sem bárust þeim nýverið til greiningar, annars vegar frá Norðurlandi og hins vegar frá höfuðborgarsvæðinu.

Heilsugæsla Uppsveita tekin til starfa á Flúðum

Fjölmenni var við opnunarhátíð nýrrar heilsugæslustöðvar Heilbrigðisstofnunar Suðurlands á Flúðum í Hrunamannahreppi í vikunni. Nýja stöðin sem leysir af hólmi gömlu heilsugæslustöðina í Laugarási, er við Hrunamannaveg 3, í vel búnu, sérhönnuðu húsnæði sem hentar fyrir starfsemina. Heilsugæslustöðin þjónustar íbúa Bláskógarbyggðar, Grímsness- og Grafningshrepps, Hrunamannahrepps og Skeiða- og Gnúpverjahrepps. Íbúar á svæðinu eru um 3.500.

Heilbrigðisráðherra heimsótti Geislavarnir ríkisins

Alma D. Möller heilbrigðisráðherra heimsótti í liðinni viku Geislavarnir ríkisins. Verkefni stofnunarinnar eru á breiðu sviði og felast í eftirliti með allri notkun geislavirkra efna og geislatækja, rannsóknum, vöktun á geislavirkum efnum í umhverfinu og viðbúnaði vegna geislavár, auk fræðslu og gerð leiðbeininga um geislavarnir.

Brugðist við vegna heilbrigðisógnar af völdum falsaðra ópíóíða (Nitazene)

Heilbrigðisráðuneytið efndi til skyndifundar í dag með fulltrúum Lyfjastofnunar, Landspítala, embætti landlæknis, tollayfirvalda, lögreglunnar, Rannsóknarstofu í lyfja- og eiturefnafræði, Afstöðu og Matthildi skaðaminnkun, um leiðir til að bregðast við innflutningi ólöglegra og lífshættulegra ópíóíða. Tilefnið var haldlagning Tollsins á miklu magni af fölsuðum töflum sem litu út eins og oxycontin (80 mg.) en innihéldu nitazene. Nitazene er mjög sterkur ópíóíði, framleiddur á ólöglegum tilraunastofum. Vegna mikils styrks efnisins, er veruleg hætta á öndunarstoppi hjá þeim sem neyta þess sem leitt getur til dauða og eru þess mörg dæmi víða um Evrópu þar sem efnið hefur komist í umferð á ólöglegum fíkniefnamarkaði.

Geðheilbrigði og stefnumótun í brennidepli á fundi með WHO

Geðheilbrigðismál á Íslandi voru efni samráðsfundar íslenskra heilbrigðisyfirvalda með Alþjóðaheilbrigðismálastofnuninni (WHO) sem fram fór nýverið. Fundurinn er hluti af fundaröð WHO í tengslum við Evrópusambandsverkefnið Addressing Mental Health Challenges in EU Member States, and Norway and Iceland. Markmiðið er að stuðla að framförum í geðheilbrigðismálum með víðtækum og samhæfðum aðgerðum í aðildarríkjum Evrópusambandsins, auk Íslands og Noregs.

Fjármagn verði aukið í áfengis- og fíkniefnameðferð á þessu ári

Þörf er á auknu fjármagni til að efla áfengis- og vímuefnameðferð og ljóst að innviðaskuld er í þessum málaflokki, sagði Alma D. Möller heilbrigðisráðherra í sérstakri umræðu á Alþingi í gær. Í sáttmála ríkisstjórnarinnar er fjármögnun meðferðarúrræða vegna vímuefnavanda sérstakt áherslumál og sagði ráðherra stefnt að því að veita 350 milljóna króna viðbótarfjármagni inn í málaflokkinn strax á þessu ári. Heildarfjármagn til málaflokksins er nú rúmlega 3,2 milljarðar króna á ári en nauðsynlegt er að bæta þar við og stendur yfir vinna við greiningu á fjárþörfinni sagði ráðherra. Hún vísaði jafnframt til vinnu starfshóps sem vinnur að heildarstefnu í áfengis- og vímuvörnum sem taka mun til forvarna, meðferðar, eftirfylgni, endurhæfingar og lagaumhverfis.

Geðheilsumiðstöð barna efld með áherslu á styttri bið eftir þjónustu

Alma D. Möller heilbrigðisráðherra tilkynnti í dag um aukið fjármagn til Geðheilsumiðstöðvar barna (GMB). Þetta gerir GMB kleift að fjölga stöðugildum í greiningarteymum miðstöðvarinnar um tvö í því skyni ​að stytta bið barna eftir þjónustu. Miðstöðin veitir annars stigs geðheilbrigðisþjónustu fyrir börn og fjölskyldur þeirra um allt land. „Þessi ákvörðun endurspeglar áherslu ríkisstjórnarinnar á að stytta bið barna eftir mikilvægri þjónustu og setja geðheilbrigðismál í forgang. Ég er sannfærð um að þetta er góð ákvörðun, því þörfin er brýn og með þessu fjárfestum við jafnframt í framtíðinni“ segir Alma.

Fimm umsækjendur um embætti landlæknis

Fimm sóttu um embætti landlæknis sem auglýst var laust til umsóknar um miðjan desember síðastliðinn. Umsóknarfrestur rann út í gær.

Stefna um mönnun heilbrigðisþjónustu til ársins 2030

Heilbrigðisráðuneytið hefur gefið út stefnu um mönnun heilbrigðisþjónustu til ársins 2030 þar sem meginmarkmiðið er að tryggja sjálfbæra og örugga mönnun heilbrigðisþjónustu á Íslandi með áherslu á gæði þjónustunnar, öryggi sjúklinga og skynsamlega notkun fjármuna. Byggt er á heilbrigðisstefnu til ársins 2030 en nánar fjallað um framtíðarsýnina, helstu áskoranir og á hvaða þætti þarf einkum að leggja á áherslu til að ná markmiðum stefnunnar.

Breyting á lögum um neyslurými til frekari skaðaminnkunar

Alþingi samþykkti í vikunni frumvarp Ölmu D. Möller heilbrigðisráðherra til breytinga á lögum um ávana og fíkniefni. Markmið breytinganna er að mæta betur þörfum jaðarsettra einstaklinga um allt land og draga úr skaða af völdum vímuefnanotkunar. Neyslurými hafa til þessa eingöngu verið ætluð þeim sem nota vímuefni í æð. Með breytingunni verður það ekki skilyrði, heldur geta notendur einnig reykt þar vímuefni eða notað aðra þá aðferð sem þeir kjósa. Þá verður heilbrigðisstofnunum og frjálsum félagasamtökum heimilt að stofna og reka neyslurými en sú heimild var áður bundin við sveitarfélögin.

Áform um lagasetningu: Varnir gegn tóbaki og nikótíni

Birt hafa verið til umsagnar áform Ölmu D. Möller heilbrigðisráðherra um gerð frumvarps til heildarlaga um varnir gegn tóbaki og nikótíní. Með frumvarpinu verður lagt til að sameina ákvæði laga um tóbaksvarnir, nr. 6/2002 og ákvæði laga um nikótínvörur, rafrettur og áfyllingar fyrir rafrettur nr. 87/2018 í eina heildarlöggjöf um varnir gegn tóbaks- og nikótínvörum. Umsagnarfrestur er til 2. júlí. Markmið áformaðrar lagasetningar er að draga úr notkun tóbaks- og nikótínvara, sérstaklega meðal ungmenna.

Tillögur starfshóps um endurbætur á þjónustu talmeinafræðinga við börn

Starfshópur skipaður af heilbrigðisráðherra árið 2023 hefur skilað ráðherra skýrslu með tillögum sínum og greinargerð. Hópurinn leggur til að talmeinaþjónusta við börn verði veitt á þremur stigum í samræmi við lög um samþættingu þjónustu í þágu farsældar barna. Miðað skuli að því að tryggja snemmtækan stuðning, einfaldara þjónustukerfi og að þjónustan fari sem mest fram í nærumhverfi barna.

Útskrift 30 sjúkraliða úr diplómanámi á sviði öldrunar- heimahjúkrunar og samfélagsgeðhjúkrunar

Þriðji hópur sjúkraliða sem lýkur diplómaprófi frá Háskólanum á Akureyri útskrifaðist um nýliðna helgi. Námið er tveggja ára fagnám á tveimur kjörsviðum til diplómaprófs, annars vegar á sviði öldrunar- og heimahjúkrunar og hins vegar samfélagsgeðhjúkrunar. Námið er sveigjanlegt sem gerir nemendum sem vilja auka þekkingu sína á þessum sviðum kleift að sinna náminu samhliða starfi.

Þjónusta við konur með endómetríósu tryggð

Alma D. Möller heilbrigðisráðherra hefur ákveðið að láta vinna samræmt verklag um þjónustu við konur með endómetríósu samkvæmt alþjóðlegum klínískum leiðbeiningum. Jafnframt verður komið á fót einum miðlægum biðlista fyrir þennan sjúklingahóp. Markmiðið er að tryggja yfirsýn, jafnræði og samræmda, faglega þjónustu og skapa grundvöll fyrir langtímaáætlunum um aðgerðafjölda í samræmi við þjónustuþörf. Til að koma í veg fyrir rof í þjónustu við hópinn hefur ráðherra ákveðið að fela Sjúkratryggingum Íslands að semja við Klíníkina um fleiri endómetríósuaðgerðir á þessu ári.

Skimun fyrir ofbeldi í grunnskólum og þjónusta við þolendur

Heilbrigðisráðuneytið undirbýr að hefja skimun fyrir ofbeldi í grunnskólum landsins og koma á fót móttöku á Landspítala fyrir börn sem beitt hafa verið ofbeldi. Stefnumótunarvinna stendur yfir og unnið er að gerð tilheyrandi fræðsluefnis og leiðbeininga. Einnig er áformað að setja á fót miðstöð fyrir börn sem þolendur ofbeldis og hafa Stjórnendur Minningarsjóðs Bryndísar Klöru lýst vilja til að styðja myndarlega við verkefnið. Horft er til þess að sjóðurinn kaupi eða fjármagni standsetningu á hentugu húsnæði undir slíka miðstöð sem myndi m.a. hýsa geðheilbrigðisþjónustu fyrir börn sem sætt hafa ofbeldi.

Heilbrigðisráðherra sótti fund Evrópudeildar WHO

Heilsa og vellíðan barna, aðgerðir til að sporna við ofbeldi gegn konum og börnum og nýsköpun á sviði lýðheilsu voru meðal áhersluverkefna sem fjallað var um á fundi Evrópuskrifstofu Alþjóðaheilbrigðismálastofnunarinnar sem haldinn var í Kaupmannahöfn í lok október. Alma D. Möller heilbrigðisráðherra sótti fundinn þar sem samþykkt var aðgerðaáætlun Evrópuskrifstofunnar til ársins 2030 (Second European Programme of Work 2026-2030). Áætlunin birtir forgangsröðun í heilbrigðismálum og sameiginlegar aðgerðir til að tryggja, efla og vernda heilsu fyrir alla og undirbúa heilbrigðiskerfi fyrir áskorunum framtíðarinnar.

Úrskurður nr. 14/2025

Kærð var ákvörðun Lyfjastofnunar um að frávísun beiðni tiltekins markaðsleyfishafa frumlyfs um afturköllun eða ógildingu tiltekinna markaðslyfja samheitalyfja við frumlyf kæranda. Kærandi byggði á því að samheitalyfin uppfylltu ekki skilgreiningu laga á að teljast samheitalyf við frumlyf kæranda og ættu því ekki að geta fengið útgefið markaðsleyfi á grundvelli einfaldrar málsmeðferðar fyrir samheitalyf. Lyfjastofnun vísaði til þess að ekki væri að lögum gert ráð fyrir aðild markaðsleyfishafa frumlyfs.…

Aðgerðaáætlun gegn sýklalyfjaónæmi – eftirlit með innleiðingu

Alma D. Möller heilbrigðisráðherra, Hanna Katrín Friðriksson atvinnuvegaráðherra og Jóhann Páll Jóhannsson umhverfis- orku- og loftslagsmálaráðherra hafa staðfest áætlun um eftirlit með innleiðingu og framvindu verkefna aðgerðaáætlunar gegn sýklalyfjaónæmi.

Úrskurður nr. 6/2025

Útdráttur: Kærð var ákvörðun embættis landlæknis um að gera kröfu um uppbótarráðstafanir sem undanfara að því að veita kæranda starfsleyfi sem talmeinafræðingur á Íslandi. Kærandi byggði á því að hún hefði fengið útgefið starfsleyfi sem talmeinafræðingur í Póllandi og ætti rétt á viðurkenningu á faglegri menntun og hæfi. Þá væri nám hennar ekki svo frábrugðið því námi sem krafa er gerð um á Íslandi til veitingu starfsleyfis sem talmeinafræðingur að hún þyrfti að undirgangast uppbótarráðstafanir áður en hún fengi útgefið slíkt starfsleyfi. Í úrskurði ráðuneytisins kom fram að af gögnum málsins væri ljóst að nám kæranda í Póllandi, sem var grundvöllur starfsleyfis hennar þar, væri töluvert styttra en nám sem krafa er gerð um á Íslandi.…