Efnisorð
Tegund

Leita eftir efnisorðum

Sýnir 251–300 af 562
Raða eftir:
06. jún. 2024Utanríkisráðuneytið, Alþjóðamál, Utanríkisviðskipti, Utanríkismál, Sendiráð Íslands í París, Sendiskrifstofa

Aukin samvinna rædd á reglulegum samráðsfundi Íslands og Frakklands

Tvíhliða samráð utanríkisráðuneyta Íslands og Frakklands fór fram þann 5. júní í Reykjavík. Þetta er í þriðja sinn sem Ísland og Frakkland eiga samráð af þessu tagi, en fundir hafa verið haldnir með 18 mánaða millibili frá árinu 2021. Viðskiptaskrifstofa utanríkisráðuneytisins leiddi samráðið fyrir Íslands hönd, en einnig tóku þátt fulltrúar skrifstofu alþjóðapólitískra málefna og sendiráðs Íslands í París. Pierre-Alexandre Miquel, staðgengill skrifstofustjóra á Evrópumálaskrifstofu franska utanríkisráðuneytisins fór fyrir sendinefnd Frakklands.

31. maí 2024Utanríkisráðuneytið, Alþjóðamál, Öryggis- og varnarmál, Úkraína, Utanríkismál

Stuðningur við Úkraínu efst á baugi á fundi utanríkisráðherra Atlantshafsbandalagsins

Þórdís Kolbrún Reykfjörð Gylfadóttir utanríkisráðherra tók þátt í óformlegum fundi utanríkisráðherra Atlantshafsbandalagsins í Prag í dag og í gær. Meginefni fundarins var áframhaldandi stuðningur bandalagsríkja við Úkraínu og annar undirbúningur fyrir leiðtogafund bandalagsins sem haldinn verður í Washington í júlí.

17. maí 2024Utanríkisráðuneytið, Alþjóðamál, Utanríkismál

Tvíhliða samstarf Íslands og Þýskalands til umræðu á fundum ráðuneytisstjóra

Ráðuneytisstjóri utanríkisráðuneytisins, Martin Eyjólfsson, átti pólitískt samráð í vikunni með kollegum sínum í utanríkis-, varnarmála- og þróunarsamvinnuráðuneytum Þýskalands. Fundað var með ráðuneytisstjórum sem fara með mannréttindi og fríverslun, alþjóða- og öryggispólitík, varnarpólitík og alþjóðlega þróunarsamvinnu, auk þess sem fundað var með Evrópumálaráðherra Þýskalands. Umræður snerust að miklu leyti um stuðning ríkjanna við Úkraínu, ástandið fyrir botni Miðjarðarhafs og stöðu alþjóðamála í víðara samhengi, sem og mögulega samstarfsfleti Íslands og Þýskalands í Evrópu og víðar.

14. maí 2024Utanríkisráðuneytið, Alþjóðamál, Öryggis- og varnarmál, Úkraína, Utanríkismál

Utanríkisráðherra ávarpaði málþing í tilefni af 75 ára afmælis Atlantshafsbandalagsins

Grunngildin sem Atlantshafsbandalaginu er ætlað að verja, tengsl friðar og varna auk framlags Íslands til Atlantshafsbandalagsins fyrr og nú voru meginstef opnunarávarps Þórdísar Kolbrúnar Reykfjörð Gylfadóttur utanríkisráðherra á málþingi í tilefni af 75 ára afmæli Atlantshafsbandalagins sem fram fór í hátíðarsal Háskóla Íslands í dag.

06. maí 2024Utanríkisráðuneytið, Alþjóðamál, Öryggis- og varnarmál, Utanríkismál

Sameiginlega viðbragðssveitin æfir eftirlit með mikilvægum neðansjávarinnviðum

Sameiginlega viðbragðssveitin (Joint Expeditionary Force, JEF) hóf í vikunni mánaðarlanga æfingu undir heitinu Nordic Warden sem felur í sér aukið eftirlit með mikilvægum neðansjávarinnviðum í Norður-Evrópu. Verkefnið er hluti af viðbragðsáætlunum JEF og fylgir á eftir svipaðri æfingu frá því í desember síðastliðnum.

04. maí 2024Mannréttindi og jafnrétti, Utanríkismál, Alþjóðamál, Átök fyrir botni Miðjarðarhafs, Mannréttindi, Úkraína, Fastanefnd og sendiráð Íslands í Genf, Utanríkisráðuneytið, Mannréttindaráð SÞ

Mannréttindaráð Sameinuðu þjóðanna endurnýjar ályktun um stöðu mannréttinda í Íran

Mannréttindaráð Sameinuðu þjóðanna hefur samþykkt ályktun um stöðu mannréttinda í Íran sem lögð var fram af ríkjahópi undir forystu Íslands. Ályktunin tryggir annars vegar áframhaldandi umboð sérstaks skýrslugjafa til þess að vakta og gefa reglubundna skýrslu um stöðu mannréttinda í Íran, og framlengir hins vegar um eitt ár umboð tímabundinnar óháðrar rannsóknarnefndar sem safnar upplýsingum og gögnum vegna hrinu grófra mannréttindabrota íranskra stjórnvalda í kjölfar víðtækra mótmæla eftir andlát Jina Mahsa Amini haustið 2022.

01. maí 2024Heilbrigðisráðuneytið, Utanríkisráðuneytið, Almannatryggingar og lífeyrir, Utanríkismál, Alþjóðamál, Félags- og húsnæðismálaráðuneytið

Samningur við Bretland um réttindi á sviði almannatrygginga tekur gildi

Samningur Íslands, Liechtenstein og Noregs við Bretland um samræmingu almannatrygginga sem undirritaður var í sumar, tók formlega gildi um áramótin eða 1. janúar sl. Hann kveður á um framtíðarfyrirkomulag réttinda á sviði almannatrygginga, aðallega hvað varðar lífeyrisréttindi og sjúkratryggingar þeirra sem ferðast eða flytjast milli landanna.

26. apr. 2024Utanríkismál, Alþjóðamál, Utanríkisráðuneytið, UNHCR, Sameinuðu þjóðirnar

Ísland undirritar nýjan rammasamning við Flóttamannastofnun Sameinuðu þjóðanna

Nýr rammasamningur um áframhaldandi stuðning íslenskra stjórnvalda við Flóttamannastofnun Sameinuðu þjóðanna (UNHCR) til næstu fimm ára var undirritaður í Genf í gær. Martin Eyjólfsson, ráðuneytisstjóri utanríkisráðuneytisins, undirritaði samninginn fyrir hönd Íslands ásamt Filippo Grandi, framkvæmdastjóra UNHCR.

24. apr. 2024Utanríkismál, Alþjóðamál, Átök fyrir botni Miðjarðarhafs, Öryggis- og varnarmál, Þróunarsamvinna, Úkraína, Utanríkisráðuneytið

Sjálfstæð þjóð með sterka rödd á alþjóðavettvangi

Víðsjárverð staða alþjóðamála, átökin fyrir botni Miðjarðarhafs, varnarbarátta Úkraínu sem og staða og stefna Íslands á alþjóðlegum vettvangi var í brennidepli í opnunarávarpi Þórdísar Kolbrúnar Reykfjörð Gylfadóttur utanríkisráðherra á árlegri ráðstefnu um alþjóðamál sem fram fór í Norræna húsinu í dag.

23. apr. 2024Utanríkisráðuneytið, Alþjóðamál, Fæðuöryggi, Utanríkismál, Fastanefnd Íslands í Róm

Aukinn stuðningur við Matvælaáætlun Sameinuðu þjóðanna

Nýr rammasamningur um áframhaldandi stuðning íslenskra stjórnvalda við Matvælaáætlun Sameinuðu þjóðanna (WFP) til næstu fimm ára var undirritaður í Róm í dag. Matthías G. Pálsson, fastafulltrúi Íslands hjá alþjóðastofnunum í Róm, undirritaði samninginn ásamt Cindy McCain, framkvæmdastjóra WFP.

19. apr. 2024Utanríkisráðuneytið, Alþjóðamál, Úkraína, Utanríkismál, Sendiráð Íslands í Washington DC

Stuðningur við Úkraínu efst á dagskrá á fundi með varautanríkisráðherra Bandaríkjanna

Þórdís Kolbrún Reykfjörð Gylfadóttir utanríkisráðherra hitti í dag Kurt Campbell, varautanríkisráðherra Bandaríkjanna, á fundi í bandaríska utanríkisráðuneytinu. Tvíhliða samstarf Íslands og Bandaríkjanna, stuðningur við Úkraínu og málefni Miðausturlanda bar hæst á fundinum, sem og málefni norðurslóða og leiðtogafundur Atlantshafsbandalagsins sem haldinn verður í Washington í sumar. Samskipti við Kína voru sömuleiðis til umræðu.

19. apr. 2024Utanríkisráðuneytið, Alþjóðamál, Úkraína, Utanríkismál, Sendiráð Íslands í Washington DC

Utanríkisráðherra á ársfundum Alþjóðabankans

Þórdís Kolbrún Reykfjörð Gylfadóttir utanríkisráðherra tekur þátt í ársfundum Alþjóðabankans í Washington í dag og í gær en Ísland leiðir þátttöku kjördæmis Norðurlandanna og Eystrasaltsríkjanna í þróunarnefnd bankans á árinu 2024. Utanríkisráðherra situr bæði hádegisverð og fund nefndarinnar og flytur þar ávarp fyrir hönd kjördæmisins.

27. mar. 2024Utanríkisráðuneytið, Alþjóðamál, Öryggis- og varnarmál, Utanríkismál

Samstarfssamningur við Varðberg undirritaður

Í tilefni af 75 ára afmæli Atlantshafssáttmálans hefur utanríkisráðuneytið gert samstarfssamning við Varðberg, félag um vestræna samvinnu og alþjóðamál. Samstarfið snýr að kynningu og fræðslu á sviði öryggis- og varnarmála, í tengslum við 75 ára afmæli stofnsáttmála Atlantshafsbandalagsins. Utanríkisráðuneytið og Varðberg hafa átt í góðu samstarfi, bæði formlegu og óformlegu, allt frá stofnun félagsins.

25. mar. 2024Utanríkisráðuneytið, Alþjóðamál, Öryggis- og varnarmál, Úkraína, Utanríkismál

Aukinn stuðningur við varnir Úkraínu

Ísland mun styðja við innkaup Tékklands á skotfærum fyrir Úkraínu og leggja fjármuni í kaup á búnaði fyrir konur í úkraínska hernum. Lítið framboð hefur verið af skotfærum og hefur Tékkland, í samvinnu við helstu samstarfsríki Íslands, tekið að sér að útvega skotfæri fyrir stórskotalið Úkraínu sem gegnir lykilhlutverki við varnir landsins. Gert er ráð fyrir að um tveimur milljónum evra verði varið til verkefnisins af Íslands hálfu.

13. mar. 2024Utanríkisráðuneytið, Alþjóðamál, Þróunarsamvinna, Úganda, Utanríkismál

Skóli og athvarf fyrir þolendur kynbundins ofbeldis afhent í Úganda

Sendiráð Íslands í Kampala í Úganda afhenti í nýliðinni viku héraðsyfirvöldum í Buikwe-héraði annars vegar nýtt athvarf fyrir þolendur kynbundins ofbeldis og hins vegar fullbúinn grunnskóla. Skólinn er sá fimmtugasti sem byggður er fyrir íslenskt þróunarfé frá því byggðaþróunarverkefni Íslands hófst í héraðinu árið 2015. Nemendafjöldinn í þessum skólum er um helmingur íslenskra barna á grunn- og framhaldsskólaaldri.

05. mar. 2024Utanríkisráðuneytið, Alþjóðamál, Utanríkismál

Utanríkisráðherrar Norðurlanda og Afríkuríkja funda í Kaupmannahöfn

Versnandi öryggishorfur, staða alþjóðakerfisins og aukið samstarf á sviði viðskipta og fjárfestinga voru efst á baugi á fundi utanríkisráðherra Norðurlanda og Afríkuríkja sem fram fór í Kaupmannahöfn 2. og 3. maí. Þórdís Kolbrún Reykfjörð Gylfadóttir utanríkisráðherra sótti fundinn og þá tók Pétur Þ. Óskarsson, framkvæmdastjóri Íslandsstofu, þátt í viðskiptadagskrá sem fór fram samhliða.

05. mar. 2024Utanríkisráðuneytið, Alþjóðamál, Þróunarsamvinna, Sendiráð Íslands í Freetown, Utanríkismál

Sendiskrifstofa Íslands í Síerra Leóne formlega opnuð

Ný sendiskrifstofa Íslands í Freetown, höfuðborg Síerra Leóne, var formlega opnuð í gærkvöldi og var sérstök hátíðarmóttaka af því tilefni. Sendinefnd frá Íslandi er í Síerra Leóne um þessar mundir og sóttu Diljá Mist Einarsdóttir, formaður utanríkismálanefndar Alþingis og Logi Einarsson þingmaður, opnunina. Timothy M. Kabba, utanríkisráðherra Síerra Leóne, flutti ávarp og þá tóku Ásdís Bjarnadóttir, forstöðumaður sendiskrifstofunnar, og Elín R. Sigurðardóttir, skrifstofustjóri þróunarsamvinnuskrifstofu utanríkisráðuneytisins, einnig til máls.

28. feb. 2024Mannréttindi og jafnrétti, Utanríkismál, Alþjóðamál, Átök fyrir botni Miðjarðarhafs, Mannréttindi, Úkraína, Utanríkisráðuneytið, Mannréttindaráð SÞ

Utanríkisráðherra ávarpaði mannréttindaráð Sameinuðu þjóðanna

Ráðherravika 55. lotu mannréttindaráðs Sameinuðu þjóðanna stendur nú sem hæst í Genf. Aðalframkvæmdastjóri og mannréttindafulltrúi Sameinuðu þjóðanna ávörpuðu ráðið við upphaf lotunnar í vikunni, en Bjarni Benediktsson utanríkisráðherra flutti ræðu Íslands í gegnum fjarfundarbúnað í gær.

22. feb. 2024Dómsmálaráðuneytið, Alþjóðamál, Úkraína, Útlendingar

Dómsmálaráðherra framlengir beitingu 44. gr. laga um útlendinga nr. 80/2016

Dómsmálaráðherra hefur tekið ákvörðun um að framlengja ákvörðun um beitingu 44. gr. laga um útlendinga um sameiginlega vernd vegna fjöldaflótta í kjölfar innrásar Rússlands í Úkraínu til og með 2. mars 2025. Upphaflega var ákvörðun um beitingu ákvæðisins tekin þann 4. mars 2022 og gilti til eins árs. Hinn 1. febrúar 2023 ákvað ráðherra að framlengja beitingu ákvæðisins um eitt ár, eða til og með 2. mars 2024. Ákvörðun um framlengingu er tekin að undangengnu samráði, innan lands sem utan, þ. á m. við Flóttamannastofnun Sameinuðu þjóðanna.

02. feb. 2024Utanríkisráðuneytið, Alþjóðamál, Evrópusamvinna, Utanríkismál

Starfshópur um gullhúðun EES-reglna óskar eftir ábendingum

Starfshópur um aðgerðir gegn gullhúðun, sem skipaður var af utanríkisráðherra 25. janúar síðastliðinn, hefur tekið til starfa og óskar nú eftir ábendingum í Samráðsgátt um tilvik þar sem gullhúðun hefur verið beitt. Þá er óskað eftir mati viðkomandi á þeim áhrifum sem hlotist hafa af slíkri reglusetningu. Umsagnarfrestur er til 26. febrúar næstkomandi.

30. jan. 2024Utanríkisráðuneytið, Alþjóðamál, Evrópusamvinna, Utanríkismál

Utanríkisráðherra leggur fram skýrslu um bókun 35 við EES-samninginn

Utanríkisráðherra hefur lagt fram á Alþingi skýrslu um bókun 35 við EES-samninginn. Skýrslunni er ætlað að vekja umræðu og kalla fram sjónarmið, á grundvelli fyrirliggjandi upplýsinga og skuldbindinga Íslands samkvæmt EES-samningnum. Í skýrslunni eru dregnir fram nokkrir lykilþættir í forsögu og forsendum málsins til að varpa ljósi á þá stöðu sem Alþingi stendur frammi fyrir nú.

30. jan. 2024Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Áframhaldandi stuðningur við UNRWA til skoðunar

Utanríkisráðherra ákvað á föstudag að fresta greiðslu kjarnaframlags til Palestínuflóttamannaaðstoðar Sameinuðu þjóðanna (UNRWA), í kjölfar ásakana um að tólf starfsmenn stofnunarinnar hafi átt aðild að hryðjuverkaárás Hamas 7. október síðastliðinn, þar til samráð hefur verið haft við samstarfsríki og frekari skýringa leitað hjá stofnuninni. Í framhaldi hefur utanríkisráðuneytið verið í virkum samskiptum við Norðurlöndin og önnur samstarfsríki um viðbrögð við málinu og sótti fund varaframkvæmdastjóra UNRWA í gær, mánudag. Þá ræddi ráðherra málið í ríkisstjórn í dag og mun enn fremur eiga fund sama efnis með utanríkismálanefnd Alþingis á morgun.

30. jan. 2024Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Viðbótarframlög til Rauða krossins og Alþjóðabankans vegna Palestínu

Bjarni Benediktsson utanríkisráðherra hefur ákveðið að veita viðbótarframlög til Rauða krossins á Íslandi vegna þeirrar neyðar sem nú ríkir fyrir botni Miðjarðarhafs. Þá hefur verið ákveðið að Ísland verði aðili að sjóði á vegum Alþjóðabankans sem styðja mun við enduruppbyggingu og endurreisn innviða í Palestínu.

26. jan. 2024Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Viðbrögð utanríkisráðherra vegna niðurstöðu alþjóðadómstólsins

Íslensk stjórnvöld hafa ítrekað kallað eftir vopnahléi af mannúðarástæðum í yfirstandandi átökum til þess að lina þjáningar íbúa Gaza. Ákvörðun Alþjóðadómstólsins í dag um bráðabirgðaráðstafanir er til marks um þá neyð sem ríkir á Gaza og skyldur stríðandi fylkinga til að vernda borgara.

25. jan. 2024Utanríkismál, Alþjóðamál, Utanríkisráðuneytið

Nýir rammasamningar á sviði mannúðarmála undirritaðir í Genf

Nýir rammasamningar um áframhaldandi stuðning íslenskra stjórnvalda við Neyðarsjóð Sameinuðu þjóðanna (CERF) og Samhæfingarskrifstofu aðgerða Sameinuðu þjóðanna í mannúðarmálum (OCHA) til næstu fimm ára voru undirritaðir í síðustu viku. Einar Gunnarsson, fastafulltrúi Íslands hjá alþjóðastofnunum í Genf, undirritaði samningana fyrir hönd Íslands ásamt Ramesh Rajasingham, yfirmanni OCHA í Genf. OCHA og Neyðarsjóðurinn eru meðal áherslustofnana Íslands á sviði mannúðarmála.

20. des. 2023Utanríkisráðuneytið, Alþjóðamál, Þróunarsamvinna, Utanríkismál

Stefna um alþjóðlega þróunarsamvinnu Íslands fyrir árin 2024-2028 samþykkt

Alþingi samþykkti einróma á föstudag þingsályktun um stefnu um alþjóðlega þróunarsamvinnu Íslands fyrir árin 2024-2028. Stefnan byggir á því sem vel hefur tekist á undanförnum árum, niðurstöðum úttekta og nýafstaðinni jafningjarýni Þróunarsamvinnunefndar OECD (DAC) þar sem meðal annars var lögð áhersla á mikilvægi þess að Ísland hafi áfram skýra og einbeitta nálgun í sinni þróunarsamvinnu.

15. des. 2023Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Utanríkisráðherrar Norðurlanda, Benelúx-ríkja og Araba- og múslimaríkja funda um átökin á Gaza

Bjarni Benediktsson utanríkisráðherra sótti fund utanríkisráðherra Norðurlanda og Belgíu, Hollands og Lúxemborgar með utanríkisráðherrum nokkurra Araba- og múslimaríkja í Osló í dag. Tilgangur fundarins var að ræða leiðir til að binda enda á átökin fyrir botni Miðjarðarhafs, hvernig tryggja megi framgang tveggja ríkja lausnar og leiðir til að styrkja og viðhalda stofnunum og stjórnkerfi palestínsku heimastjórnarinnar.

12. des. 2023Utanríkismál, Alþjóðamál, Átök fyrir botni Miðjarðarhafs, Utanríkisráðuneytið

Yfirgnæfandi stuðningur í allsherjarþinginu við ályktun um mannúðarhlé á Gaza

Ályktun, þar sem kallað er eftir tafarlausu vopnahléi á Gaza af mannúðarástæðum, framfylgd alþjóðalaga, vernd óbreyttra borgara, tafarlausri lausnar gísla og tryggu mannúðaraðgengi, var samþykkt með yfirgnæfandi stuðningi á neyðarfundi allsherjarþings Sameinuðu þjóðanna í kvöld. Ísland kaus með ályktuninni og var meðflytjandi að henni.

29. nóv. 2023Utanríkisráðuneytið, Alþjóðamál, Öryggis- og varnarmál, Utanríkismál

Aukið eftirlit með mikilvægum neðansjávarinnviðum

Varnarmálaráðherrar sameiginlegu viðbragðssveitarinnar (Joint Expeditionary Force, JEF) hafa ákveðið að virkja eina af viðbragðsáætlunum sveitarinnar sem felur í sér aukið eftirlit með mikilvægum neðansjávarinnviðum. Verkefnið hefst í byrjun desember og er því ætlað að auka eftirlit og viðveru í samstarfi við Atlantshafsbandalagið sem einnig sinnir sambærilegum verkefnum á Eystrasaltssvæðinu.

29. nóv. 2023Utanríkisráðuneytið, Alþjóðamál, Öryggis- og varnarmál, Utanríkismál

Samhljómur um aukinn varnarviðbúnað og stuðning við Úkraínu

Stríðsrekstur Rússlands gegn Úkraínu, undirbúningur leiðtogafundar Atlantshafsbandalagsins í Washington í júlí á næsta ári, staðan á Vestur-Balkanskaga og átökin fyrir botni Miðjarðarhafs voru efst á baugi á tveggja daga utanríkisráðherrafundi Atlantshafsbandalagsins sem lauk í Brussel í dag. Bjarni Benediktsson utanríkisráðherra tók þátt í fundinum.

27. nóv. 2023Mannréttindi og jafnrétti, Utanríkismál, Alþjóðamál, Jafnrétti, Mannréttindi, Utanríkisráðuneytið

Íslenska utanríkisþjónustan tekur þátt í 16 daga alþjóðlegu átaki gegn kynbundnu ofbeldi

Utanríkisráðuneytið er nú baðað roðagylltum ljóma til að vekja athygli á alþjóðlegu 16 daga átaki gegn kynbundnu ofbeldi. Sendiskrifstofur Íslands um allan heim taka sömuleiðis þátt í vitundarvakningunni á samfélagsmiðlum. Átakið hófst síðastliðinn laugardag, á alþjóðlegum baráttudegi gegn kynbundu ofbeldi undir yfirskriftinni „Sameinumst! Fjárfestum í aðgerðum til að koma í veg fyrir kynbundið ofbeldi gagnvart konum og stúlkum“ (e. UNiTE! Invest to prevent violence against women and girls).

16. nóv. 2023Utanríkisráðuneytið, Alþjóðamál, Evrópuráðið, Úkraína, Utanríkismál

Róbert Spanó kosinn í stjórn tjónaskrár fyrir Úkraínu

Róbert Spanó var í dag kjörinn í stjórn alþjóðlegrar tjónaskrár fyrir Úkraínu sem tekur til eignaskemmda, manntjóns og alvarlegra meiðsla sem orðið hafa í stríði Rússlands í Úkraínu. Atkvæðagreiðslan fór fram á fundi aðila að tjónaskránni sem fer fram í Strassborg í dag. Róbert, ásamt frambjóðanda Ítalíu, hlaut næstflest atkvæði á eftir frambjóðanda Þýskalands í eitt af sjö sætum stjórnarinnar.

07. nóv. 2023Utanríkisráðuneytið, Alþjóðamál, Utanríkismál

Ráðherra ávarpaði málþing lýðræðisafla Belarús

Staða Belarús var umræðuefni á málsþingi sem haldið var á vegum skrifstofu Sviatlönu Tsikhanouskayu í Vilníus í morgun. Þórdis Kolbrún Reykfjörð Gylfadóttir utanríkisráðherra var meðal frummælenda á fundinum ásamt Tsikhanouskayu, João Cravinho utanríkisráðherra Portúgals, Mantas Adomėnas aðstoðarutanríkisráðherra Litáens og Lauri Tierala ráðherraritara í utanríkisráðuneyti Finnlands.