Stjórnarráðið | Eftir Tögum

Leita eftir efnisorðum

Sýnir 2401–2450 af 2697

Raða eftir:

Dagsetningu

Mikilvægi

05. nóv. 2018Forsætisráðuneytið, Utanríkismál, Utanríkisráðuneytið, Evrópusamvinna, Alþjóðasamningar

Forgangsmál fyrir hagsmunagæslu gagnvart Evrópusambandinu

Ríkisstjórnin samþykkti í morgun lista yfir þau mál sem eru í undirbúningi á vettvangi Evrópusambandsins og íslensk stjórnvöld ætla að vakta sérstaklega.

01. nóv. 2018Utanríkisráðuneytið

Nýr fjölmiðlafulltrúi utanríkisráðuneytisins

Sveinn H. Guðmarsson hefur verið ráðinn fjölmiðlafulltrúi utanríkisráðuneytisins.

31. okt. 2018Utanríkisráðuneytið, Norrænt samstarf, Utanríkismál

Norrænir utanríkisráðherrar sýna Danmörku samstöðu

Guðlaugur Þór Þórðarson utanríkisráðherra tók í dag þátt í fundi utanríkisráðherra Norðurlandanna í Osló. Á fundinum gerði utanríkisráðherra Danmerkur grein fyrir nýlegum lögregluaðgerðum sem komu í veg fyrir morð á írönskum stjórnarandstæðingum búsettum í Danmörku.

31. okt. 2018Innviðaráðuneytið, Norrænt samstarf, Utanríkisráðuneytið, Utanríkismál

Sigurður Ingi mælti fyrir fjárhagsáætlun Norrænu ráðherranefndarinnar

Sigurður Ingi Jóhannsson, samstarfsráðherra Norðurlanda, mælti fyrir fjárhagsáætlun Norrænu ráðherranefndarinnar á þingi Norðurlandaráðs í dag en framlög nema um 950 m. dkr. á ári.

30. okt. 2018Utanríkisráðuneytið, Utanríkisviðskipti, Utanríkismál, Brexit

Ræddu réttindi íslenskra borgara í Bretlandi eftir Brexit

Guðlaugur Þór Þórðarson utanríkisráðherra lýsir yfir ánægju með yfirlýsingu forsætisráðherra Íslands og Bretlands um að réttur íslenskra ríkisborgara í Bretlandi og breskra ríkisborgara á Íslandi til áframhaldandi búsetu eftir útgöngu Bretlands úr Evrópusambandinu verði tryggður.

30. okt. 2018Utanríkisráðuneytið, Öryggis- og varnarmál, Utanríkismál

Tvíhliða fundir utanríkisráðherra í tengslum við afvopnunarráðstefnu

Í tengslum við ráðstefnu Atlantshafsbandalagsins í Reykjavík, sem lauk fyrr í dag, átti Guðlaugur Þór Þórðarson utanríkisráðherra tvíhliða fundi með háttsettum embættismönnum á sviði öryggis- og afvopnunarmála.

30. okt. 2018Forsætisráðuneytið, Norrænt samstarf, Utanríkisráðuneytið, Utanríkismál

Forsætisráðherra á Northern Future Forum (NFF) og Norðurlandaráðsþingi í Ósló

Katrín Jakobsdóttir, forsætisráðherra, tók þátt í Northern Future Forum (NFF) í Ósló í dag og kynnti formennskuáætlun Íslands í Norrænu ráðherranefndinni fyrir árið 2019 á Norðurlandaráðsþingi.

30. okt. 2018Innviðaráðuneytið, Utanríkisráðuneytið, Norðurslóðir, Norrænt samstarf, Nýsköpun, Utanríkismál

Umbætur á samstarfi Norðurlandanna halda áfram

Samstarfsráðherrar Norðurlandanna ákváðu á fundi í tengslum við þing Norðurlandaráðs í Osló að breyta og bæta norrænt samstarf þannig að það nýtist íbúum sem best.

30. okt. 2018Utanríkisráðuneytið, Norðurslóðir, Norrænt samstarf, Nýsköpun, Forsætisráðuneytið, Innviðaráðuneytið

Umbætur á Norðurlandasamstarfinu halda áfram

Á fundi samstarfsráðherra Norðurlandanna í tengslum við þing Norðurlandaráðs í Osló var ákveðið að halda áfram með að breyta og bæta norrænu samstarfi þannig að það nýtist íbúum sem best.

29. okt. 2018Utanríkisráðuneytið, Alþjóðamál, Öryggis- og varnarmál, Utanríkismál

Ráðstefna Atlantshafsbandalagsins um afvopnun og takmörkun á útbreiðslu gereyðingarvopna hafin

Guðlaugur Þór Þórðarson utanríkisráðherra lagði áherslu á afvopnun og frið í ræðu sinni á ráðstefnu Atlantshafsbandalagsins um takmörkun á útbreiðslu gereyðingarvopna og afvopnun sem hófst í Reykjavík í morgun. Varaframkvæmdastjóri Atlantshafsbandalagsins flutti einnig ávarp við upphaf ráðstefnunnar.

26. okt. 2018Utanríkisráðuneytið, Alþjóðamál, Utanríkisviðskipti, Utanríkismál, Sendiráð Íslands í London, Sendiskrifstofa

Utanríkisráðherra fundaði með breskum ráðamönnum um Brexit

Guðlaugur Þór Þórðarson utanríkisráðherra átti í vikunni fundi með breskum ráðamönnum um framgang samninga vegna útgöngu Bretlands úr Evrópusambandinu.

21. okt. 2018Utanríkisráðuneytið

Sjálfbærni leiðarljós í formennsku Íslands í Norðurskautsráðinu

Sjálfbærni verður leiðarljós í formennsku Íslands í Norðurskautsráðinu sem hefst á næsta ári og málefni hafsins, loftslagsmál og vistvænar lausnir í orkumálum og lífshættir íbúa norðurskautsins verða meðal áhersluatriða Íslands á formennskutímanum. Þetta kom fram í máli Guðlaugs Þórs Þórðarsonar, utanríkisráðherra, sem hélt lokaræðu Hringborðs norðurslóða sem haldið var hér á landi í sjötta skipti og lauk nú síðdegis.

21. okt. 2018Utanríkisráðuneytið

Utanríkisráðherra tekur þátt í Hringborði norðurslóða

Guðlaugur Þór Þórðarson utanríkisráðherra flutti í gær ávarp um loftslagsmál á hliðarviðburði Hringborðs norðurslóða sem nú stendur yfir í Hörpu og tók jafnframt þátt í opnun sendiskrifstofu Grænlands í Reykjavík. Ráðherra hefur átt fjölmarga tvíhliða fundi um helgina með erlendum gestum ráðstefnunnar.

19. okt. 2018Utanríkisráðuneytið, Norðurslóðir, Utanríkisviðskipti, Utanríkismál

Utanríkisráðherrar Íslands og Japans ræddu norðurslóðamál

Málefni norðurslóða, fríverslun og flug voru til umræðu á fundi Guðlaugs Þórs Þórðarsonar utanríkisráðherra og Taro Kono, utanríkisráðherra Japans, á Keflavíkurflugvelli í morgun.

18. okt. 2018Utanríkisráðuneytið

Árlegt samráð við Bandaríkin um öryggis- og varnarmál

Árlegt samráð við Bandaríkin um öryggis- og varnarmál fór fram í dag í utanríkisráðuneytinu og voru tvíhliða samskipti ríkjanna, samstarf innan Atlantshafsbandalagsins og málefni norðurslóða meðal helstu umræðuefna, auk varnaræfingarinnar Trident Juncture sem nú stendur yfir á Íslandi.

16. okt. 2018Utanríkisráðuneytið, Öryggis- og varnarmál, Alþjóðamál

Minningarathöfn markar upphaf Trident Juncture 2018 á Íslandi

Guðlaugur Þór Þórðarson utanríkisráðherra og James E. Foggo aðmíráll leiddu í morgun minningarathöfn um þau sem létu lífið vegna átaka á Atlantshafi í síðari heimsstyrjöld. Athöfnin markar upphaf varnaræfingarinnar Trident Juncture 2018 á Íslandi.

12. okt. 2018Utanríkisráðuneytið, Mannréttindi, Utanríkismál

Viðburðir í tilefni sjötíu ára afmælis mannréttindayfirlýsingarinnar

Guðlaugur Þór Þórðarson utanríkisráðherra áréttaði algildi mannréttinda þegar hann ávarpaði ráðstefnu í Háskóla Íslands vegna sjötíu ára afmælis mannréttindayfirlýsingar Sameinuðu þjóðanna. Samstarfssamningur við Mannréttindaskrifstofu Íslands var undirritaður í utanríkisráðuneytinu í dag.

07. okt. 2018Forsætisráðuneytið, Utanríkismál, Utanríkisráðuneytið

Forsætisráðherra og utanríkisráðherra sækja leiðtogafund Atlantshafsbandalagsins í Brussel

Katrín Jakobsdóttir, forsætisráðherra, og Guðlaugur Þór Þórðarson, utanríkisráðherra, sækja leiðtogafund Atlantshafsbandalagsins í Brussel sem hefst á morgun, miðvikudaginn 11. júlí og stendur fram á fimmtudag, 12. júlí.

29. sep. 2018Utanríkisráðuneytið, Alþjóðasamningar, Mannréttindi, Utanríkismál

Utanríkisráðherra flutti ræðu á allsherjarþingi SÞ

Guðlaugur Þór Þórðarson, utanríkisráðherra, ávarpaði allsherjarþing Sameinuðu þjóðanna í kvöld. Mannréttindamál, sjálfbær þróun og stríð í Sýrlandi og Jemen voru á meðal þess sem ráðherra fjallaði um í ræðu sinni.

28. sep. 2018Utanríkisráðuneytið, Mannréttindi, Utanríkismál

Fundarlotu mannréttindaráðsins lokið – 23 ályktanir samþykktar

fundarlotu mannréttindaráðs Sameinuðu þjóðanna í Genf lauk í dag. Ísland tók þátt sem aðildarríki ráðsins í fyrsta skipti eftir að hafa verið kosið í ráðið í sérstökum aukakosningum í New York í sumar.

27. sep. 2018Loftslagsmál, Sameinuðu þjóðirnar, Mannréttindi, Öryggis- og varnarmál, Utanríkismál, Utanríkisráðuneytið

Mannréttindi, öryggismál og loftslagsaðgerðir rædd í Sameinuðu þjóðunum

Guðlaugur Þór Þórðarson, utanríkisráðherra, tekur þátt í störfum allsherjarþings Sameinuðu þjóðanna sem nú stendur yfir.

25. sep. 2018Utanríkisráðuneytið, Alþjóðamál, Mannréttindi, Utanríkismál

Utanríkisráðherra á allsherjarþingi Sameinuðu þjóðanna

Allsherjarþing Sameinuðu þjóðanna var sett í dag í 73. sinn. Guðlaugur Þór Þórðarson utanríkisráðherra var viðstaddur setningu þingsins.

19. sep. 2018Utanríkisráðuneytið, Öryggis- og varnarmál

Varnaræfingin Trident Juncture 2018 á Íslandi

Varnaræfing Atlantshafsbandalagsins, Trident Juncture 2018, verður haldin á Norður-Atlantshafi, í Noregi og á Íslandi í október og nóvember næstkomandi. Í aðdraganda aðalæfingarinnar í Noregi fer fram minni æfing hér á landi undir merkjum Trident Juncture 2018.

18. sep. 2018Utanríkisráðuneytið, Alþjóðasamningar, Evrópusamvinna, Öryggis- og varnarmál, Utanríkisviðskipti, Utanríkismál

Annir í utanríkisráðuneytinu

Fundur með þingmannanefnd um Evrópumál, pólitískt samráð við Japan, fríverslunarfundur með kínverskri sendinefnd og viðræður um varnar- og öryggismál við varavarnarmálaráðherra Bandaríkjanna voru á meðal verkefna utanríkisráðherra og starfsfólks utanríkisráðuneytisins í dag.

11. sep. 2018Rit og skýrslur, Utanríkismál, Mannréttindi, Mannréttindi og jafnrétti, Utanríkisráðuneytið

Landsáætlun Íslands um konur, frið og öryggi 2018-2022

Þriðja aðgerðaáætlun Íslands vegna ályktunar öryggisráðs Sameinuðu þjóðanna 1325 um konur, frið og öryggi.

11. sep. 2018Utanríkisráðuneytið, Utanríkismál, Flóttafólk, Mannréttindi, Mannréttindi og jafnrétti

Landsáætlun Íslands um konur, frið og öryggi 2018-2022 komin út

Guðlaugur Þór Þórðarson utanríkisráðherra kynnti á ríkisstjórnarfundi í morgun þriðju aðgerðaáætlun Íslands vegna ályktunar öryggisráðs Sameinuðu þjóðanna um konur, frið og öryggi. Landsáætlun Íslands um konur, frið og öryggi 2018-2022 er komin út.

08. sep. 2018Utanríkisráðuneytið, Borgaraþjónusta, Utanríkismál

Vegna ferðalaga til Indónesíu

Nokkuð hefur verið um að fólk hafi haft samband við borgarþjónustu utanríkisráðuneytisins að undanförnu vegna jarðskjálftanna í Indónesíu. Utanríkisráðuneytið gefur sjaldan út ferðaviðvaranir en bendir í staðinn á viðvaranir helstu samstarfsþjóða.

05. sep. 2018Utanríkisráðuneytið, Mannréttindi og jafnrétti, Dómsmálaráðuneytið, Forsætisráðuneytið

Istanbúlsamningurinn fullgildur á Íslandi

Fulltrúar ýmissa félagasamtaka, þingmenn og ýmsir fleiri komu saman í dag í tilefni af fullgildingu Istanbúlsamningsins.

03. sep. 2018Utanríkisráðuneytið, Utanríkisviðskipti, Utanríkismál

Utanríkisráðherra ávarpar Breta búsetta á Íslandi

Guðlaugur Þór Þórðarson utanríkisráðherra ávarpaði í gær borgarafund fyrir Breta búsetta á Íslandi um Brexit og sér í lagi réttindi breska borgara á Evrópska efnahagssvæðinu

31. ágú. 2018Utanríkisráðuneytið, Þróunarsamvinna, Utanríkismál

Styrkir til mannúðarverkefna í Sýrlandi

Utanríkisráðuneytið kallar eftir umsóknum um styrki til mannúðarverkefna borgarasamtaka til að bregðast við neyðarástandi vegna átakanna í Sýrlandi.

30. ágú. 2018Utanríkisráðuneytið, Evrópusamvinna, Utanríkisviðskipti, Utanríkismál

Utanríkisráðherra skipar starfshóp um EES-skýrslu

Utanríkisráðherra hefur skipað starfshóp sem vinna á skýrslu um aðild Íslands að samningnum um Evrópska efnahagssvæðið. Hópurinn er skipaður þremur einstaklingum sem hafa víðtæka þekkingu og fjölbreytta reynslu á þessu sviði.

29. ágú. 2018Utanríkisráðuneytið, Þróunarsamvinna, Utanríkismál

Samráðsgátt: þróunarsamvinnustefna 2019-2023

Utanríkisráðuneytið óskar eftir athugasemdum eða hugmyndum almennings og annarra haghafa um stefnu um alþjóðlega þróunarsamvinnu Íslands 2019–2023

20. ágú. 2018Utanríkisráðuneytið, Þróunarsamvinna, Forsætisráðuneytið

Elíza Gígja spennt að sjá Úganda með augum unglingsins

Elíza Gígja Ómarsdóttir fimmtán ára reykvísk stúlka hefur verið valin til að taka þátt í gerð heimildarmyndar um Heimsmarkmið Sameinuðu þjóðanna sem utanríkisráðuneytið fyrir hönd íslenskra stjórnvalda stendur að í samvinnu við auglýsingastofuna Hvíta húsið og RÚV. Katrín Jakobsdóttir forsætisráðherra tilkynnti Elízu Gígju óvænt niðurstöðuna í gær á Víkingsvellinum í Fossvogi. “Fimmtán ára stúlka trúði vart sínum eigin augu og eyrum í dag þegar forsætisráðherra tilkynnti henni óvænt að hún færi fyrir Íslands hönd til Úganda,” sagði í frétt RÚV í gærkvöldi.

15. ágú. 2018Utanríkisráðuneytið, Alþjóðamál, Evrópusamvinna, Landbúnaður, Norðurslóðir, Norrænt samstarf, Utanríkisviðskipti, Utanríkismál

Norski utanríkisráðherrann í vinnuheimsókn

Utanríkisráðherra Noregs heimsótti í dag bændur í Borgarfirði sem ætla að selja hey til norskra bænda. Þau Guðlaugur Þór Þórðarsson utanríkisráðherra ræddu ýmis málefni í vinnuheimsókn hennar hingað til lands.

12. ágú. 2018Utanríkisráðuneytið, Sendiráð Íslands í Nýju Delhi, Sendiskrifstofa

Fundur utanríkisráðherra Íslands og Indlands

Fríverslun, loftslagsmál og alþjóðamál voru á meðal umræðuefna á fundi Guðlaugs Þórs Þórðarsonar utanríkisráðherra og Sushma Swaraj, utanríkisráðherra Indlands sem haldinn var í Nýju Delí fyrr í dag.

11. ágú. 2018Utanríkisráðuneytið, Utanríkisviðskipti, Utanríkismál

Samkomulag við millilandaráð Viðskiptaráðs undirritað

Guðlaugur Þór Þórðarson utanríkisráðherra undirritaði í dag samkomulag við alþjóðlegu viðskiptaráðin, sem starfa innan vébanda Viðskiptaráðs Íslands, um að efla áralangt samstarf þessara aðila á sviði utanríkisviðskipta.

02. ágú. 2018Forsætisráðuneytið, Utanríkisráðuneytið, Mannauðsmál ríkisins, Menningarmál, Menntamál, Dómsmálaráðuneytið

Stjórnarráð Íslands tekur þátt í Framadögum

Stjórnarráð Íslands tekur þátt í Framadögum sem haldnir eru í Háskólanum í Reykjavík í dag.

18. júl. 2018Utanríkisráðuneytið

Ísland undanþegið verndartollum ESB

EFTA-ríkin innan EES, þar með talið Ísland, eru undanþegin tímabundnum verndartollum ESB á stálvörum sem tilkynnt var um í dag. Undanþágan, sem veitt er á grundvelli EES-samningsins, skapar fordæmi og mun einnig gilda um mögulega verndartolla á innflutning á áli til ESB sem nú eru til skoðunar.

13. júl. 2018Utanríkismál, Mannréttindi, Utanríkisráðuneytið

Ísland kjörið í mannréttindaráð Sameinuðu þjóðanna

Ísland var í dag kjörið í mannréttindaráð Sameinuðu þjóðanna með 172 af 178 greiddum atkvæðum í kosningum sem fóru fram í allsherjarþingi SÞ í New York. Ísland hefur því tekið sæti í ráðinu sem Bandaríkin létu eftir nýverið og mun sitja út kjörtímabilið til ársloka 2019.

12. júl. 2018Utanríkisráðuneytið, Ferðaþjónusta, Orka, Utanríkisviðskipti, Utanríkismál, Sendiráð Íslands í Nýju Delhi, Sendiskrifstofa

Utanríkisráðherra í opinberri heimsókn á Indlandi

Tækifæri á sviði orkumála og ferðaþjónustu var á meðal þess sem Guðlaugur Þór Þórðarson ræddi við indverska ráðamenn á fundum í Nýju-Delí í dag. Opinber Indlandsheimsókn utanríkisráðherra ásamt viðskiptasendinefnd hófst í dag.

12. júl. 2018Utanríkisráðuneytið, Alþjóðamál, Utanríkismál

Ísland tekur þátt í alþjóðasamþykkt um farendur

Ríkisstjórnin ákvað á fundi sínum í dag að Ísland tæki þátt í afgreiðslu nýrrar samþykktar Sameinuðu þjóðanna um örugga, skipulagða og reglubundna fólksflutninga. Gerðir verða ákveðnir fyrirvarar við samþykktina þar sem túlkun Íslands verður áréttuð, í samræmi við það sem helstu grannríki gera.

09. júl. 2018Utanríkisráðuneytið

Viðskiptasamningar undirritaðir í Kína

Guðlaugur Þór Þórðarsson utanríkisráðherra skrifaði í dag undir samkomulag við kínversk stjórnvöld um aukið samstarf á sviði jarðvarma og rafrænna viðskipta. Þá var hindrunum á lambakjötsútflutningi til Kína rutt úr vegi á fundi utanríkisráðherra með ráðherra tollamála í Kína.

06. júl. 2018Utanríkisráðuneytið, Norrænt samstarf, Utanríkismál, Þróunarsamvinna

Norðurlönd og Afríkuríki vinni saman að því að tryggja tækifæri fyrir ungt fólk

Guðlaugur Þór Þórðarson utanríkisráðherra lagði áherslu á tengsl kynjajafnréttis, friðar og öryggis í erindi sínu í morgun á árlegum fundi utanríkisráðherra Norðurlanda og Afríkuríkja í Kaupmannahöfn. Hann lagði einnig áherslu á samstarf þjóðanna í þágu ungs fólks.

02. júl. 2018Þróunarsamvinna, UNICEF, Sameinuðu þjóðirnar, Utanríkisráðuneytið

Ráðherra á fundum með þremur framkvæmdastjórum SÞ stofnana

Guðlaugur Þór Þórðarson, utanríkisráðherra átti í vikunni fundi með framkvæmdastjórum þriggja stofnana Sameinuðu þjóðanna sem íslensk stjórnvöld eru í samstarfi við, þ.e. Mannfjöldasjóð Sameinuðu þjóðanna (UNFPA), Palestínuflóttamannahjálp Sameinuðu þjóðanna (UNRWA) og Barnahjálp Sameinuðu þjóðanna (UNICEF). Hann undirritaði rammasamning um áframhaldandi stuðning við UNFPA og UNRWA en rammasamningur við UNICEF er nú þegar í gildi.

29. jún. 2018Utanríkisráðuneytið, Dómsmálaráðuneytið, Mannréttindi og jafnrétti, Utanríkismál, Alþjóðasamningar, Mannréttindi

Samstaða um að Ísland taki sæti í mannréttindaráði SÞ

Samstaða hefur náðst í ríkjahópi Vesturlanda hjá Sameinuðu þjóðunum að Ísland gefi kost á sér til að taka það sæti sem losnaði í mannréttindaráði Sameinuðu þjóðanna við úrsögn Bandaríkjanna úr ráðinu nýverið.

29. jún. 2018Utanríkisráðuneytið, Félags- og fjölskyldumál, Utanríkismál, Alþjóðamál, Barnaréttur, Félags- og húsnæðismálaráðuneytið

Bragi kjörinn í barnaréttarnefnd SÞ

Bragi Guðbrandsson var í dag kjörinn í nefnd Sameinuðu þjóðanna um réttindi barnsins til næstu fjögurra ára. Atkvæðagreiðslan fór fram á fundi aðildarríkja Barnasáttmála Sameinuðu þjóðanna sem haldinn var í New York í dag.

27. jún. 2018Utanríkisráðuneytið, Utanríkismál, Vísindi nýsköpun og rannsóknir, Evrópusamvinna, Norrænt samstarf, Orka, Auðlindir

Guðlaugur Þór fundaði með Ann Linde

Guðlaugur Þór Þórðarson, utanríkisráðherra, átti í dag fund með Ann Linde, utanríkisviðskipta- og Evrópumálaráðherra Svíþjóðar, en hún er stödd hér á landi í vinnuheimsókn. Fyrr í dag opnuðu ráðherrarnir nýja lágvarmavirkjun á Flúðum.

26. jún. 2018Dómsmálaráðuneytið, Fjármála- og efnahagsráðuneytið, Mennta- og barnamálaráðuneytið, Innviðaráðuneytið, Umhverfis-٫ orku- og loftslagsráðuneytið, Utanríkisráðuneytið, Mannréttindi og jafnrétti, Menntun fyrir alla, Atvinnuvegaráðuneytið, Heimsmarkmiðin, Forsætisráðuneytið

Forgangsmarkmið Heimsmarkmiða Sameinuðu þjóðanna samþykkt

Ríkisstjórnin samþykkti í morgun að forgangsraða 65 af 169 undirmarkmiðum Heimsmarkmiða Sameinuðu þjóðanna við innleiðingu þeirra á Íslandi.

25. jún. 2018Utanríkisráðuneytið, Alþjóðamál, Evrópusamvinna, Utanríkisviðskipti, Utanríkismál

Ráðherrafundi EFTA á Sauðárkróki lokið

Fríverslunarsamningur við Ekvador og uppfærður fríverslunarsamningur við Tyrkland voru undirritaðir á ráðherrafundi Fríverslunarsamtaka Evrópu sem haldinn var á Sauðárkróki í dag. Guðlaugur Þór Þórðarsson utanríkisráðherra stýrði fundinum en Ísland fer með formennsku í EFTA um þessar mundir.

25. jún. 2018Rit og skýrslur, Utanríkisráðuneytið, Forsætisráðuneytið

Stöðuskýrsla 2018 um framgang heimsmarkmiðanna á Íslandi

Verkefnastjórn heimsmarkmiða Sameinuðu þjóðanna ritaði skýrslu um stöðu Íslands gagnvart markmiðunum á innlendum og erlendum vettvangi. Í skýrslunni eru kortlögð helstu verkefni, áætlanir og áskoranir stjórnvalda gagnvart tilteknum markmiðum en á grunni þeirrar vinnu lagði verkefnastjórnin jafnframt fram forgangsmarkmið sem munu vísa stjórnvöldum veginn við innleiðingu markmiðanna næstu árin.