Efnisorð
Tegund

Leita eftir efnisorðum

Sýnir 201–250 af 278
Raða eftir:
02. feb. 2018Lög og réttur, Löggæsla, Dómsmálaráðuneytið, Dómstólar, Almannaöryggi, Réttarfar

Auknar fjárveitingar til meðferðar kynferðisbrota hjá lögreglu og héraðssaksóknara

Sigríður Á. Andersen dómsmálaráðherra kynnti í dag á blaðamannafundi í dómsmálaráðuneytinu aðgerðaáætlun um meðferð kynferðisbrota í réttarvörslukerfinu og áform um eflingu löggæslunnar í landinu. Auka á fjárveitingar til að bæta við stöðugildum hjá lögreglu og hjá héraðssaksóknara, til að auka endurmenntun og til að bæta rannsóknarbúnað og verklagsreglur hjá lögreglu.

29. des. 2017Lög og réttur, Dómstólar, Dómsmálaráðuneytið

Landsréttur tekur til starfa 1. janúar 2018

Landsréttur tekur til starfa 1. janúar 2018 næstkomandi og verður fyrst um sinn til húsa að Vesturvör 2 í Kópavogi. Tilkoma Landsréttar hefur í för með sér einar mestu breytingar sem orðið hafa á íslensku réttarkerfi en munnleg sönnunarfærsla verður nú í fyrsta sinn endurmetin fyrir áfrýjunardómstól og Hæstiréttur verður að stefnumótandi æðsta dómstól ríkisins.

19. des. 2017Lög og réttur, Dómstólar, Dómsmálaráðuneytið

Lok dómsmála um skipun dómara við Landsrétt

Hæstiréttur hefur fallist á miskabótakröfur hæstaréttarlögmannanna Ástráðs Haraldssonar og Jóhannesar Rúnars Jóhannssonar að fjárhæð 700.000 krónur vegna skipunar dómara við Landsrétt. Hins vegar sýknaði Hæstiréttur íslenska ríkið af skaðabótakröfu þeirra. Áður hafði Hæstiréttur vísað frá dómi ógildingarkröfu Ástráðs og Jóhannesar en sú krafa laut að ógildingu þeirrar ákvörðunar dómsmálaráðherra að leggja ekki til við Alþingi að þeir yrðu skipaðir í embætti dómara við Landsrétt.

09. des. 2017Lög og réttur, Dómsmálaráðuneytið, Fullnusta refsinga

Fallist á kröfu um aðgang en með takmörkunum

Úrskurðarnefnd um upplýsingamál hefur kveðið upp úrskurð vegna kæru fréttamanns Ríkisútvarpsins á ákvörðun dómsmálaráðuneytis að synja beiðni hans um aðgang að gögnum samkvæmt upplýsingalögum nr. 140/2012. Óskað var eftir aðgangi að afritum af gögnum sem Robert Downey, áður Róbert Árni Hreiðarsson, lagði fram með beiðni um uppreist æru.

17. sep. 2017Lög og réttur, Dómstólar, Dómsmálaráðuneytið

Íslenska ríkið sýknað í máli um dómaraskipan

Íslenska ríkið var í gær sýknað af kröfum tveggja hæstaréttarlögmanna sem voru meðalumsækjenda um stöður dómara við Landsrétt. Stefnendur gerðu kröfu um skaðabætur og miskabætur í kjölfar þess að ráðherra vék frá niðurstöðu hæfnisnefndar umdómaraefni. Þá var í héraðsdómnum fallist á að það sjónarmið ráðherra að það að auka vægi dómarareynslu við mat á umsækjendum væri málefnalegt sjónarmið.

14. sep. 2017Lög og réttur, Fullnusta refsinga, Dómsmálaráðuneytið

Engin sérmeðferð

Í tilefni af umfjöllun fjölmiðla um nýuppkveðinn úrskurð úrskurðarnefndar um upplýsingamál vill dómsmálaráðuneytið taka fram að samkvæmt áralangri stjórnsýsluvenju hefur uppreist æru verið veitt með vísan til 3. mgr. 85. gr. almennra hegningarlaga sem heimilar þegar sérstaklega stendur á að veita uppreist æru þegar 2 ár eru liðin frá afplánun refsingar. Í máli því sem úrskurður nefndarinnar tók til var ekki um að ræða sérmeðferð á máli viðkomandi umsækjenda. Þvert á móti fékk mál hans sömu meðferð og önnur mál sambærileg mál undanfarna áratugi.

22. mar. 2017Dómsmálaráðuneytið, Löggæsla, Réttarfar, Lög og réttur

Gunnar Örn Jónsson skipaður í embætti lögreglustjóra á Norðurlandi vestra

Sigríður Á. Andersen dómsmálaráðherra hefur skipað Gunnar Örn Jónsson í embætti lögreglustjóra á Norðurlandi vestra frá 1. apríl næstkomandi og afhenti hún honum skipunarbréf í dag. Embættið var auglýst í janúar og rann umsóknarfrestur út 30. janúar. Níu manns sóttu um embættið og ein umsókn til viðbótar var dregin tilbaka.

08. jan. 2017Dómstólar, Dómsmálaráðuneytið, Réttarfar, Lög og réttur

Hæstiréttur eyðir óvissu um skipan Landsréttar

Með úrskurði héraðsdóms 12. júní síðastliðinn var vísað frá dómi ógildingarkröfu Ástráðs Haraldssonar og Jóhannesar Rúnars Jóhannssonar um að ógilt verði sú ákvörðun dómsmálaráðherra að leggja ekki til að þeir yrðu skipaðir í stöðu dómara við Landsrétt á þeim grundvelli að ekki yrði séð að úrlausn kröfunnar myndi leiða til afgerandi niðurstöðu um sakarefni málsins. Þá var kröfu um viðurkenningu á skaðabótaskyldu íslenska ríkisins vísað frá dómi á þeim grundvelli að ekki hefði verið sýnt fram á tjón Ástráðs og Jóhannesar vegna athafna ráðherra.

28. okt. 2016Rit og skýrslur, Forsætisráðuneytið, Lagasetning, Lög og réttur

Skýrsla um þróun reglubyrði atvinnulífsins á 143. til 145. löggjafarþingi

Sumarið 2015 fór ráðgjafarnefnd um opinberar eftirlitsreglur þess á leit við forsætisráðuneytið að taka saman yfirlit yfir þau frumvörp sem urðu að lögum á 143. til 145. löggjafarþingi og leggja auknar byrðar á atvinnulífið eða einfalda það regluverk sem fyrirtæki starfa eftir. Er niðurstöðuna að finna í skýrslu þessari.

26. maí 2016Rit og skýrslur, Dómsmálaráðuneytið, Lög og réttur, Fullnusta refsinga

Skýrsla um framtíð Hegningarhússins við Skólavörðustíg

Vegna umfjöllunar um framtíð Hegningarhússins við Skólavörðustíg í Reykjavík minnir innanríkisráðuneytið á skýrslu starfshóps sem innanríkisráðherra skipaði til að skoða hugmyndir að framtíðarnýtingu hússins. Skýrsluna má sjá <a href="/media/innanrikisraduneyti-media/media/frettir-2016/Hegningarhus-vid-Skolavordustig---endanlegt--2016.pdf">hér</a>.

11. mar. 2015Rit og skýrslur, Lög og réttur, Dómsmálaráðuneytið, Löggæsla

Breytingar á lögreglunámi undirbúnar

Verið er að undirbúa breytingar á lögreglunámi og stefnt er að því að lögreglunemar verði teknir inn næsta haust og stundi þá námið samkvæmt nýrri námskrá og breyttri tilhögun námsins. Við undirbúninginn er byggt á tillögum starfshópa á vegum innanríkisráðuneytisins sem hafa meðal annars lagt til að stofnað verði mennta- og starfsþróunarsetur löggæslunnar sem falin verði ábyrgð á útfærslu lögreglunámsins.

09. mar. 2015Rit og skýrslur, Lög og réttur, Dómsmálaráðuneytið, Löggæsla

Starfshópur leggur til að stofnað verði mennta- og starfsþróunarsetur löggæslunnar

<p>Starfshópur um endurskoðun á lögreglunámi hefur skilað innanríkisráðherra skýrslu sinni og er aðal tillaga hópsins að sett verði á stofn mennta- og starfsþróunarsetur löggæslunnar. Lagt er til að grunnnám lögreglu verði tvö ár sem ljúki með diplómaprófi á háskólastigi. Þeir sem ljúki ársnámi til viðbótar verði lögreglufræðingar. Tillögurnar eru nú til skoðunar í ráðuneytinu.</p>

26. nóv. 2014Rit og skýrslur, Lög og réttur, Dómsmálaráðuneytið, Löggæsla

Óskað umsagna um framtíðarskipan lögreglumenntunar

<p>Ráðuneytið óskar eftir umsögnum um tillögur starfshóps um framtíðarskipan lögreglumenntunar á Íslandi. Tillögurnar gera meðal annars ráð fyrir að námið verði þriggja ára nám á háskólastigi, að skólinn verði sjálfstæð eining en menntun útvistað til menntakerfis að stórum hluta og að Lögregluskólinn verði fræðslu- og rannsóknarsetur lögreglu.</p>