Efnisorð
Tegund

Leita eftir efnisorðum

Sýnir 201–250 af 2554
Raða eftir:
21. nóv. 2025Heilbrigðisráðuneytið, Líf og heilsa

Fjölmennasta heilbrigðisþingið til þessa – viðfangsefnið var endurhæfing

Um 500 manns sóttu heilbrigðisþing um endurhæfingu – leiðir til betra lífs sem fram fór í gær og mikill fjöldi fylgdist með í beinu streymi. Þessi mikla þátttaka endurspeglar áhugann á viðfangsefninu, enda má ætla að um þriðjungur fólks þurfi á endurhæfingu að halda einhvern tíma á lífsleiðinni og fjöldi fagstétta með margvíslega menntun og sérhæfingu starfar á sviði endurhæfingar. Alma D. Möller heilbrigðisráðherra setti þingið og sagði þar meðal annars frá yfirstandandi vinnu við mótun stefnu og framtíðarsýnar í þessum mikilvæga málaflokki. Þingið var haldið sem liður í því viðamikla verkefni en fjölmargir aðilar hafa þegar komið að verkinu, meðal annars á fjölmennri vinnustofu nýverið.

21. nóv. 2025Heilbrigðisráðuneytið, Líf og heilsa

Breytingar á lögum um sjúkraskrár samþykktar á Alþingi

Skýr ákvæði um aðgengi fólks að eigin sjúkraskrárupplýsingum og breytingar sem stuðla að þróun stafrænna lausna, betri þjónustu og bættu öryggi sjúklinga eru meginefni frumvarps Ölmu D. Möller heilbrigðisráðherra til breytinga á lögum um sjúkraskrár sem samþykkt var á Alþingi í vikunni. Markmið breytinganna er einnig að auka skilvirkni heilbrigðisþjónustu við landsmenn og draga úr skriffinnsku.

20. nóv. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 17/2025

Útdráttur: Kærð var ákvörðun embættis landlæknis um að synja kæranda um sérfræðileyfi í ljósmóðurfræðum. Í ákvörðun embættisins kom fram að synjun þess væri byggð á því að nám kæranda, sem umsóknin sótti stoð sína í væri ekki skilgreint innan þess sérsviðs sem umsóknin tók til skv. reglugerð nr. 1089/2012. Kærandi byggði á að synjun embættisins væri í ósamræmi við langa stjórnsýsluframkvæmd og hefði verið breytt án fyrirvara án þess að vera kynnt. Í niðurstöðu ráðuneytisins kom fram að embætti landlæknis hefði ekki kynnt breytinguna með neinum hætti áður en hún öðlaðist fyrirvaralaust gildi í byrjun árs 2025. Þá hafði kærandi ekkert svigrúm til að grípa til aðgerða áður en breyting á stjórnsýsluframkvæmdinni tók gildi.…

20. nóv. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 16/2025

Útdráttur: Kærð var ákvörðun embættis landlæknis um að synja kæranda um sérfræðileyfi í ljósmóðurfræðum. Í ákvörðun embættisins kom fram að synjun þess væri byggð á því að nám kæranda, sem umsóknin sótti stoð sína í væri ekki skilgreint innan þess sérsviðs sem umsóknin tók til skv. reglugerð nr. 1089/2012. Kærandi byggði á að synjun embættisins væri í ósamræmi við langa stjórnsýsluframkvæmd og hefði verið breytt án fyrirvara án þess að vera kynnt. Í niðurstöðu ráðuneytisins kom fram að embætti landlæknis hefði ekki kynnt breytinguna með neinum hætti áður en hún öðlaðist fyrirvaralaust gildi í byrjun árs 2025. Þá hafði kærandi ekkert svigrúm til að grípa til aðgerða áður en breyting á stjórnsýsluframkvæmdinni tók gildi.…

19. nóv. 2025Heilbrigðisráðuneytið, Líf og heilsa

Fullt hús á heilbrigðisþingi um endurhæfingu – bein útsending

Endurhæfing – leiðir til betra lífs, er yfirskrift árlegs heilbrigðisþings heilbrigðisráðherra sem fram fer fimmtudaginn 20. nóvember á Hótel Hilton Nordica. Á sjötta hundrað manns hafa skráð sig á þingið og ekki húsrúm fyrir fleiri, en hægt verður að fylgjast með í beinu streymi. Dagskráin er fjölbreytt og margir áhugaverðir fyrirlestrar um endurhæfingu ásamt pallborðsumræðum um skipulag endurhæfingar, áskoranir og framtíðarsýn. Alma D. Möller heilbrigðisráðherra hefur ýtt úr vör vinnu við stefnumótun í endurhæfingu innan heilbrigðiskerfisins og er þingið liður í því starfi.

19. nóv. 2025Heilbrigðisráðuneytið

Stöðuskýrsla um umbreytingar í geðheilbrigðisþjónustu fyrir börn

Heilbrigðisráðuneytið birtir nú stöðuskýrslu um fyrsta fasa umbreytinga í geðheilbrigðisþjónustu fyrir börn og ungmenni. Markmið verkefnisins er í samræmi við stefnu ríkisstjórnarinnar um að geðheilbrigðisþjónusta sé aðgengileg um allt land, með skýrum, einföldum þjónustuleiðum, samfelldri þjónustu og samþættingu milli kerfa, sérstaklega þegar kemur að börnum og öðrum viðkvæmum hópum. Fjölmennur þverfaglegur vinnuhópur skipaður fulltrúum frá átta stofnunum vinnur að verkefninu. Frá upphafi verkefnisins hefur verið lögð rík áhersla á notendasamráð til að öðlast dýpri skilning á þjónustunni frá sjónarhóli notenda og úrbætur

18. nóv. 2025Heilbrigðisráðuneytið, Líf og heilsa

Vill auka öryggi sérhæfðra sjúkraflutninga

Alma D. Möller hefur falið Sjúkratryggingum Íslands (SÍ) að undirbúa kaup á sjúkrabíl til sérhæfðra sjúkraflutninga, á grundvelli samnings SÍ við Rauða krossinn á Íslandi (RKÍ). Slíkur bíll myndi auðvelda og auka öryggi við flutning mjög veikra sjúklinga milli gjörgæsludeilda Landspítala eða fyrir sjúkraflug, við sérhæfðan sjúkraflutning nýbura og fyrirbura og aðra sjúkraflutninga milli stofnana þar sem öryggi er best tryggt með sérhæfðum búnaði.

18. nóv. 2025Heilbrigðisráðuneytið, Líf og heilsa

Vitundarvakning um sýklalyf og sýklalyfjaónæmi

Sóttvarnastofnun Evrópu helgar 18. nóvember vitundarvakningu um sýklalyf og í dag hefst jafnframt vitundarvika Alþjóðaheilbrigðismálastofnunarinnar um sýklalyfjaónæmi. Tilgangurinn er að minna almenning, stjórnvöld, heilbrigðisstarfsfólk og aðra aðila á þá ógn sem stafar af útbreiðslu sýklalyfjaónæmra baktería í heiminum. Hér á landi er notkun sýklalyfja og byrði af völdum ónæmra sýkla mest hjá elstu aldurshópunum. Sóttvarnalæknir helgar því árlegt málþing sitt um sýklalyfjanotkun því hjúkrunarheimilum.

17. nóv. 2025Heilbrigðisráðuneytið

Þjónustutengd fjármögnun við HVE í undirbúningi

Alma D. Möller heilbrigðisráðherra hefur falið Sjúkratryggingum Íslands að semja við Heilbrigðisstofnun Vesturlands um þjónustutengda fjármögnun sjúkrahússþjónustu stofnunarinnar á Akranesi. Góð reynsla er komin af þessari tegund fjármögnunar við Landspítala og Sjúkrahúsið á Akureyri (SAk). „Áhrifin eru margþætt og stuðla að aukinni skilvirkni, hagkvæmni og gæðum þjónustunnar. Síðast en ekki síst eykur þetta gagnsæi við ákvarðanir um fjármögnun þjónustu af hálfu hins opinbera og eykur fyrirsjáanleika gagnvart þjónustuveitendum svo þetta er allra hagur“ segir heilbrigðisráðherra.

14. nóv. 2025Heilbrigðisráðuneytið, Líf og heilsa

Geðheilsuteymi fangelsa fært til Landspítala

Heilbrigðisráðherra hefur ákveðið að geðheilsuteymi fangelsa verði fært frá Heilsugæslu höfuðborgarsvæðisins (HH) til Landspítala (LSH). Ákvörðunin byggir á sameiginlegri greiningu stjórnenda og fagfólks HH og LSH sem telja rík fagleg rök mæla með tilfærslunni. Þar vegi þungt samlegðaráhrif við þjónustu Réttar- og öryggisgeðdeildar spítalans og einfaldari þjónustuferlar fyrir fanga. Þessi breyting fellur að markmiðum um að efla aðgengi og gæði heilbrigðisþjónustu við viðkvæma hópa og tryggja samfellda, samþætta og faglega þjónustu innan heilbrigðiskerfisins. Undirbúningur að yfirfærslunni hefst strax og er gert ráð fyrir að geðheilsuteymi fangelsa verði að fullu tekið til starfa á Landspítala 1. maí á næsta ári.

13. nóv. 2025Heilbrigðisráðuneytið, Líf og heilsa

Vitundarvakning um viðeigandi notkun myndgreiningar

Samtök evrópskra geislavarnastofnana (HERCA) hafa sett af stað samskiptaherferð til að vekja athygli á og ýta undir notkun viðeigandi myndgreiningar. Geislavarnir ríkisins aðilar að samtökunum og stýra verkefninu hér á landi. Yfirskrift herferðarinnar er „Rétt myndgreining fyrir sjúklinginn minn“ og er markmiðið að vekja lækna sem senda sjúklinga í myndgreiningarrannsóknir til umhugsunar um hvað best sé fyrir sjúklinginn í hvert sinn og auka vitund um viðeigandi læknisfræðilega notkun jónandi geislunar til myndgreiningar.

12. nóv. 2025Heilbrigðisráðuneytið, Líf og heilsa

Inflúensufaraldur á uppleið – einstaklingar í áhættuhópum hvattir til bólusetningar

Einstaklingar í áhættuhópum eru hvattir til að þiggja bólusetningu gegn inflúensu, einnig þótt þeir hafi þegar veikst af inflúensu í haust eða vetur. Heilbrigðisstofnanir og hjúkrunarheimili eru hvött til að gera eigin ráðstafanir varðandi almennar sóttvarnir til að minnka smitdreifingu innan stofnunar á flensutímanum. Inflúensan er fyrr á ferðinni en síðastliðna vetur, faraldurinn stendur yfir og er enn á uppleið. Fyrstu vikuna í desember lágu 27 einstaklingar á Landspítala með inflúensu.

09. nóv. 2025Heilbrigðisráðuneytið, Líf og heilsa

Ráðherra heimsótti Heilbrigðisstofnun Vestfjarða

Alma D. Möller heilbrigðisráðherra heimsótti í liðinni viku Heilbrigðisstofnun Vestfjarða, skoðaði aðstæður stofnunarinnar á Ísafirði þar sem er rekin sjúkradeild og heilsugæsla, auk þess að heimsækja hjúkrunarheimilið Eyri og hjúkrunarheimilið Berg í Bolungarvík. Ráðherra nýtti jafnframt ferðina vestur til að heimsækja höfuðstöðvar Kerecis á Ísafirði.

03. nóv. 2025Heilbrigðisráðuneytið

Að sofa vel án svefnlyfja

Sofduvel.is er nýr upplýsinga- og fræðsluvefur átaks til vitundarvakningar um skaðsemi svefnlyfja. Markmið er að fræða fólk um virkni og margvíslegar aukaverkanir svefnlyfja, stuðla að skynsamlegri notkun þeirra og leiðbeina fólki hvernig það getur bætt svefn sinn án lyfja. Alma D. Möller heilbrigðisráðherra var meðal gesta þegar vitundarvakningunni var ýtt úr vör og ræddi þar um ýmsar skuggahliðar svefnlyfjanotkunar, ekki síst þegar eldra fólk á í hlut. Hún fagnar vitundarvakningunni og leggur áherslu á að til séu öruggari og betri lausnir við svefnvanda en lyf.

31. okt. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 13/2025

Kærð var ákvörðun Landspítala um að synja einstaklingi um niðurfellingu sjúklingagjalda vegna heilbrigðisþjónustu sem einstaklingurinn naut á Landspítala í tilgreint skipti. Kærandi í málinu hélt því fram að þar sem hún hefði ekki haft kost á því að fara í blóðprufu fyrir viðtalstíma hefði hún ekki geta nýtt hann sem skildi. Í umsögn Landspítala kom fram að kærandi hefði vissulega farið í viðtalið og að sjúkraskrárgögn bentu til þess að heilsa hennar hefði verið yfirfarin þrátt fyrir að hún hefði ekki farið í blóðprufu. Kærandi hafi síðan farið í blóðprufu eftir tímann og fengið niðurstöður úr henni í skilaboðum. Í niðurstöðu ráðuneytisins kom fram að samkvæmt gögnum málsins þá hefði kærandi mætt í tímann og að heilsufarssaga hennar hefði verið skoðuð af sérfræðingi.…

30. okt. 2025Heilbrigðisráðuneytið, Líf og heilsa

Breyting á lögum til að styrkja heilbrigðisviðbúnað í vá

Frumvarp Ölmu D. Möller heilbrigðisráðherra um breytingu á lyfjalögum og lögum um lækningatæki hefur verið samþykkt á Alþingi. Lagabreytingin felur í sér lögfestingu á Evrópureglugerð (ESB) 2022/123 um að styrkja hlutverk Lyfjastofnunar Evrópu að því er varðar viðbúnað við krísu og krísustjórnun varðandi lyf og lækningatæki. Lögfest eru ​ákvæði um upplýsingaskyldu til Lyfjastofnunar Evrópu er varðar lyf og lækningatæki sem talin eru mikilvæg þegar bráð ógn við lýðheilsu eða meiriháttar atburður sem ógnar lýðheilsu stendur yfir, og til Lyfjastofnunar sem miðlar þeim áfram, hafi þær upplýsingar ekki þegar verið veittar, til Lyfjastofnun Evrópu.

27. okt. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 12/2025

Útdráttur: Kærð var ákvörðun embættis landlæknis um að synja einstaklingi um sérfræðileyfi í innkirtlalækninugm barna. Kærandi byggði á að ekki væri hægt að fá útgefið sérfræðileyfi í undirsérgreininni í námslandi hennar þar sem hún væri ekki lögvernduð. Jafna ætti námslokavottorði hennar við útgefið sérfræðileyfi. Embætti landlæknis synjaði kæranda á þeim grundvelli að hún væri ekki með útgefið sérfræðileyfi og að ekki væri til staðar marklýsing sem hefði verið staðfest á Íslandi. Í niðurstöðu ráðuneytisins kom fram að embætti landlæknis hefði ekki kannað hver staða undirsérgreinarinnar og náms vegan hennar væri í námslandi né hvort rétt væri að líta á námslokavottorð kæranda sem ígildi útgefins sérfræðileyfis. Af þeim sökum teldist málið ekki rannsakað með fullnægjandi hætti.…

24. okt. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 11/2025

Útdráttur: Kærð var ákvörðun embættis landlæknis um að svipta einstakling starfsleyfi sínu sem læknir. Kærandi byggði á að ekki væru skilyrði til að svipta hann starfsleyfi og að embætti landlæknis hefði ekki heimild til að svipta hann starfsleyfi. Embætti landlæknis byggði sviptinguna á að kærandi hefði um langan tíma og í mörg skipti gerst sekur um alvarleg brot gegn starfsskyldum sínum sem hefðu lagt sjúklinga sem hann sinnti eða bar ábyrgð á í hættu.…

20. okt. 2025Heilbrigðisráðuneytið, Líf og heilsa, Hagsýn í rekstri

Krafa um tilvísun til sjúkraþjálfara afnumin og verklagi breytt

Núgildandi fyrirkomulag tilvísana og fyrirkomulag beiðna til Sjúkratrygginga Íslands (SÍ) um aukinn meðferðafjölda í sjúkraþjálfun hefur reynst tímafrekt, ómarkvisst og kostnaðarsamt. Krafa um tilvísun sérfræðings, þurfi sjúkratryggður fleiri meðferðarskipti en sex, verður því afnumin 1. apríl 2026. Fleiri breytingar verða gerðar á fyrirkomulagi þessara mála samhliða afnámi tilvísanaskyldunnar. Alma D. Möller heilbrigðisráðherra segir markmiðið að bæta stjórnsýslu, auka skilvirkni og draga úr sóun.

20. okt. 2025Mennta- og barnamálaráðuneytið, Heilbrigðisráðuneytið, Innviðaráðuneytið, Dómsmálaráðuneytið

Ný stöðutaka undirstrikar þörf á bættri þjónustu og vernd fyrir börn sem eru þolendur ofbeldis

Ný stöðutaka aðgerðahóps stjórnvalda gegn ofbeldi meðal og gegn börnum sýnir að á undanförnum árum hefur orðið veruleg vitundarvakning í íslensku samfélagi um ofbeldi gegn börnum. Í þessari stöðutöku er sjónum beint að börnum sem eru þolendur ofbeldis, en síðasta stöðutaka aðgerðahópsins fjallaði um börn sem sýna áhættuhegðun eða beita ofbeldi.

15. okt. 2025Heilbrigðisráðuneytið, Líf og heilsa

Heilsugæslan þríefld í Hlíðunum

„Heilsugæslan er hjartað í heilbrigðiskerfinu og starfsfólk hennar er púlsinn,“ sagði Alma D. Möller heilbrigðisráðherra þegar hún ávarpaði starfsfólk og gesti við formlega opnun á starfsemi þriggja starfseininga Heilsugæslu höfuðborgarsvæðisins (HH) í Skógarhlíð í gær. Auk heilsugæslu er þar til húsa Heilaörvunarmiðstöð HH og í þessum mánuði fluttist Geðheilsuteymi taugaraskana í þriðja rýmið í húsinu í Skógarhlíð sem HH hefur nú að fullu til umráða fyrir starfsemi sína.

11. okt. 2025Heilbrigðisráðuneytið, Líf og heilsa

Styrkir starf Píeta-samtakanna um 35 milljónir króna

Heilbrigðisráðuneytið og Píeta-samtökin hafa gert með sér samkomulag sem miðar að því að styrkja starf samtakanna til að vinna gegn sjálfsvígum og efla forvarnir og fræðslu vegna sjálfsvígshættu og sjálfsskaða. Alma D. Möller heilbrigðisráðherra, og Hjálmar Karlsson og Gunnhildur Ólafsdóttir fyrir hönd Píeta-samtakanna, undirrituðu samkomulagið í liðinni viku sem kveður á um 35 milljóna króna styrk ráðuneytisins til Píeta.

10. okt. 2025Heilbrigðisráðuneytið

Alþjóðlegi geðheilbrigðisdagurinn helgaður geðheilbrigði og mannúðarkrísum

​Alma D. Möller heilbrigðisráðherra tók þátt í dagskrá tileinkaðri Alþjóðlega geðheilbrigðisdeginum sem er í dag. Alþjóðaheilbrigðismálastofnunin helgar 10. október ár hvert tilteknu þema sem snýr að geðheilsu og geðheilbrigðismálum. Fjölmennt var í Bíó Paradís þar sem geðheilbrigðismál voru í brennidepli og var Alma meðal ræðumanna.

10. okt. 2025Heilbrigðisráðuneytið, Líf og heilsa, Stafræn heilsa

Embætti forstöðumanns Stafrænnar heilsu laust til umsóknar

Heilbrigðisráðuneytið auglýsir laust til umsóknar embætti forstöðumanns nýrrar einingar sem bera mun nafnið Stafræn heilsa - þróunar- og þjónustumiðstöð. Einingin verður hluti af heilbrigðisráðuneytinu og heyra undir yfirstjórn ráðuneytisstjóra. Hlutverk hennar verður að samhæfa öll stafræn verkefni í heilbrigðisþjónustu og tryggja yfirsýn. Einnig að styðja við nýsköpun og þar með aðkomu einkaaðila. Til að byrja með munu verkefni Stafrænnar heilsu lúta að innviðum sjúkraskráa, upplýsingaöryggi, stöðlum og nýsköpun. Auglýsing um embættið hefur verið birt á Starfatorgi. Umsóknarfrestur er til 27. október næstkomandi.

10. okt. 2025Heilbrigðisráðuneytið, Líf og heilsa

Mat á heilbrigðisviðbúnaði við bráðri lýðheilsuvá á Íslandi

Fulltrúar Sóttvarnastofnunar Evrópu (ECDC), Alþjóðaheilbrigðismálastofnunarinnar (WHO) og Evrópusambandsins (EU) luku nýlega mati á stöðu heilbrigðisviðbúnaðar Íslands við bráðum lýðheilsuógnum. Matið var unnið í samræmi við ákvæði reglugerðar ESB um alvarlegar heilbrigðisógnir þvert á landamæri. Aðildarríki EES samningsins undirgangast slíkt mat á þriggja ára fresti. Niðurstaðan liggur nú fyrir í meðfylgjandi skýrslu. Skýrslan sem er á ensku verður þýdd á íslensku og birtist þýðingin innan tíðar.

09. okt. 2025Heilbrigðisráðuneytið, Líf og heilsa, Hagsýn í rekstri

Drög að frumvarpi tengt breyttu skipulagi heyrnar- og talmeinaþjónustu til umsagnar

Unnið er að breytingum á fyrirkomulagi heyrnar- og talmeinaþjónustu sem til fjölda ára hefur verið á hendi Heyrnar og talmeinastöðvar. Sett verður á fót sérhæfð, þverfagleg þjónustueining innan Heilsugæslu höfuðborgarsvæðisins (HH) sem tekur að mestu við verkefnum Heyrnar- og talmeinastöðvarinnar sem verður lögð niður. Drög að frumvarpi heilbrigðisráðherra um niðurlagningu Heyrnar- og talmeinastöðvarinnar hafa verið birt til umsagnar í samráðsgátt stjórnvalda.

09. okt. 2025Heilbrigðisráðuneytið, Líf og heilsa

Innsýn í þingmál heilbrigðisráðherra á 157. löggjafarþingi

Alma D. Möller heilbrigðisráðherra er með þrettán þingmál á þingmálaskrá ríkisstjórnarinnar fyrir 157. löggjafarþing. Þar af eru tíu lagafrumvörp, ein þingsályktunartillaga og tvær skýrslur til Alþingis. Sjö lagafrumvarpanna er áformað að leggja fram á Alþingi fyrir áramót. Þrjú þeirra hafa þegar verið samþykkt í ríkisstjórn og tvö af þeim voru lögð fram á Alþingi við setningu þingsins í gær.

04. okt. 2025Heilbrigðisráðuneytið, Líf og heilsa, Hagsýn í rekstri

Áformar að leggja niður stjórn Sjúkratrygginga Íslands

Birt hafa verið til umsagnar áform heilbrigðisráðherra um lagabreytingu þess efnis að stjórn Sjúkratrygginga Íslands verði lögð niður. Hlutverk forstjóra verður jafnframt skýrt nánar í lögum og hann gerður ábyrgur fyrir þeim verkefnum sem stjórninni hefur hingað til verið falið. Þetta er í samræmi við stefnu stjórnvalda á liðnum árum um að einfalda yfirstjórn stofnana og styður einnig markmið um hagræðingu í ríkisrekstri.

03. okt. 2025Heilbrigðisráðuneytið, Líf og heilsa

Heilsuskóla LSH tryggt aukið fjármagn til að efla þjónustu við börn

Alma D. Möller heilbrigðisráðherra hefur tryggt 36 milljóna kr. aukið framlag til Heilsuskóla Barnaspítala Hringsins á þessu ári til að styrkja þverfaglega þjónustu fyrir börn í verulegri ofþyngd og fjölskyldur þeirra. Markvisst er unnið að því að stytta bið barna eftir þessari þjónustu og mæta betur sértækum þörfum þeirra. Eins hefur þörf fyrir aðkomu sérfræðinga að meðferð aukist, m.a. með tilkomu nýjunga á sviði lyfjameðferðar við offitu.

29. sep. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 10/2025

Útdráttur: Kærð var ákvörðun embættis landlæknis um að synja einstaklingi um sérfræðileyfi í ljósmóðurfræðum. Kærandi hélt því fram að synjun embættisins væri í ósamræmi við langa stjórnsýsluframkvæmd sem hefði breyst eftir að hún sótti um sérfræðileyfið. Í ákvörðun embættisins kom fram að nám kæranda, sem umsóknin sótti stoð sína í væri ekki skilgreint innan þess sérsviðs sem umsóknin tók til skv. reglugerð nr. 1089/2012. Í niðurstöðu ráðuneytisins kom fram að sérfræðileyfi vegna sama náms hafði verið veitt tveimur vikum áður en kærandi sótti um. Í millitíðinni hafði engin breyting orðið á stjórnsýsluframkvæmdinni og raunar ekki fyrr en nokkru síðar. Breytingin á stjórnsýsluframkvæmd embættisins við veitingu sérfræðileyfa væri í betra samræmi við ákvæði reglugerðarinnar.…

25. sep. 2025Heilbrigðisráðuneytið, Líf og heilsa

Blóðbankinn fluttur í Kringluna

Blóðbankinn hefur flutt starfsemi sína í Kringluna. Tímamótunum var fagnað með stuttu opnunarhófi í dag. Vonir eru bundnar við að staðsetning blóðbankans á einum fjölfarnasta stað höfuðborgarinnar verði til þess að fjölgi í hópi blóðgjafa. Til að mæta lágmarksþörfum heilbrigðiskerfisins þarf blóðbankinn um 16.000 blóðgjafir á ári, eða um 70 blóðgjafir á dag. Þörf er á 2.000 nýjum blóðgjöfum á ári í stað þeirra sem hætta að gefa vegna aldurs eða af öðrum ástæðum.

23. sep. 2025Heilbrigðisráðuneytið

Samstaða um að styrkja lífvísindi, aðgerðir gegn sýklalyfjaónæmi og heilbrigðisviðbúnað í Evrópu

Óformlegur fundur heilbrigðisráðherra Evrópusambandsins (EPSCO) fór fram í Kaupmannahöfn dagana 15.–16. september í boði Dana sem fara nú með formennsku í ESB. Heilbrigðisráðherrum EES/EFTA-ríkjanna var einnig boðið til fundarins og sótti Alma D. Möller heilbrigðisráðherra fundinn fyrir hönd Íslands. Ráðherrarnir leggja áherslu á að Evrópa þurfi að efla samstöðu og viðbúnað til að tryggja sjúklingum jafnan aðgang að lyfjum og nýjum meðferðum í breyttu alþjóðlegu samhengi.

22. sep. 2025Heilbrigðisráðuneytið, Líf og heilsa

Vinnustofa um stefnu í áfengis- og vímuefnavörnum

Nýverið stóð stýrihópur um áfengis- og vímuefnameðferðarkerfið fyrir heilsdags vinnustofu með helstu haghöfum áfengis- og vímuefnameðferðarkerfisins og annarra velferðarkerfa. Alma D. Möller heilbrigðisráðherra skipaði stýrihópinn í mars síðastliðnum og fól honum það hlutverk að efla samskipti og samhæfingu milli þjónustuveitenda og stuðla að tímanlegri þjónustu fyrir notendur. Vinnustofan var haldin sem liður í því verkefni.

18. sep. 2025Heilbrigðisráðuneytið, Líf og heilsa

Nýbygging fyrir geðþjónustu Landspítala verði í Fossvogi

Umhverfis- og skipulagsráð Reykjavíkur hefur fallist á umsókn Nýs Landspítala ohf. (NLSH) um að hefja deiliskipulagsgerð í Fossvogi með það fyrir augum að þar rísi framtíðarhúsnæði geðþjónustu Landspítala. Skipulagslýsing vegna verkefnisins var samþykkt á fundi ráðsins í gær. „Þetta eru stór tíðindi og gleðileg því varla er hægt að hugsa sér betri staðsetningu og umhverfi til að byggja upp húsnæði fyrir geðþjónustu sem uppfyllir nútíma kröfur um batamiðaða hönnun“ segir Alma D. Möller heilbrigðisráðherra.

16. sep. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 8/2025

Útdráttur: Kærð var ákvörðun Landspítala um að synja einstaklingi um lækkun eða niðurfellingu sjúklingagjalda vegna heilbrigðisþjónustu sem einstaklingurinn naut á Landspítala í tilgreint skipti. Einstaklingurinn byggði á að heilbrigðisstarfsmaður hefði talið nauðsynlegt að hún hitti annan heilbrigðisstarfsmann. Í umsögn Landspítala kom fram að einstaklingurinn hefði, á þeim tíma sem hún naut heilbrigðisþjónustunnar, verið búsett erlendis og af þeim sökum ekki sjúkratryggð á Íslandi. Var henni því gert að greiða fullt gjald fyrir heilbrigðisþjónustuna sem hún þáði. Undir rekstri málsins upplýsti Landspítali að einstaklingurinn hefði skilað inn upplýsingum um búsetu sína í öðru Norðurlandi og sjúkratryggingastöðu sína.…