Efnisorð
Tegund

Leita eftir efnisorðum

Sýnir 1801–1850 af 2554
Raða eftir:
07. sep. 2019Forsætisráðuneytið, Efnahagsmál og opinber fjármál, Heilbrigðisráðuneytið, Félags- og húsnæðismálaráðuneytið, Dómsmálaráðuneytið, Fjármála- og efnahagsráðuneytið, Utanríkisráðuneytið

Ársskýrslur ráðherra birtar

Ársskýrslur ráðherra eru nú gefnar út í annað sinn. Aukið gagnsæi um ráðstöfun og nýtingu fjármuna er markmiðið með skýrslunum sem er einnig ætlað að vera grundvöllur fyrir umræðu um stefnumörkun og forgangsröðun hins opinbera.

06. sep. 2019Heilbrigðisráðuneytið, Heilbrigðismál, Líf og heilsa

Ný heilbrigðisstefna kynnt á opnum fundi á Akureyri 12. júní

Efnt verður til opinna kynningarfunda um nýsamþykkta heilbrigðisstefnu til ársins 2030 í öllum heilbrigðisumdæmum landsins og verður fyrsti fundurinn haldinn í Hofi á Akureyri 12. júní næstkomandi. Fjallað verður um hvað felst í stefnunni, hvaða breytingar hún er líkleg til að hafa í för með sér og hvers vegna hún skiptir svo miklu máli, hvort heldur í þéttbýli eða í dreifðari byggðum landsins.

04. sep. 2019Heilbrigðisráðuneytið, Heilbrigðismál, Lyfjamál, Líf og heilsa

Heilbrigðisráðherra fjallaði um norræna baráttu gegn sýklalyfjaónæmi

Svandís Svavarsdóttir heilbrigðisráðherra gerði grein fyrir vinnu Norrænu ráðherranefndarinnar gegn auknu sýklalyfjaónæmi á þingi Norðurlandaráðs sem haldið er í Kaupmannahöfn í dag. Norðurlandaþjóðirnar hafa aukið samstarf sitt í þessum efnum, enda er sýklalyfjaónæmi alvarlegt og vaxandi heilbrigðisvandamál í heiminum.

30. ágú. 2019Heilbrigðisráðuneytið, Heilbrigðismál, Líf og heilsa

Horft til framtíðar – málþing um menntakerfið og heilbrigðisþjónustuna 5. september

Menntun og mönnun í heilbrigðisþjónustunni, staða rannsókna og vísindastarfs og forysta til árangurs. Þetta verða viðfangsefni fundar sem heilbrigðisráðherra boðar til 5. september nk. Markmiðið er að fjalla um þessar mikilvægu stoðir heilbrigðiskerfisins í ljósi nýrrar heilbrigðisstefnu til ársins 2030. Fundurinn verður haldinn í Veröld, húsi Vigdísar kl. 17. – 19. Umræðustjórar verða Ævar Kjartansson og Magnús Karl Magnússon sem fá til sín í sófaspjall marga góða gesti með víðtæka þekkingu og reynslu á þessum sviðum. Fundarstjóri verður Björg Magnúsdóttir. Fundurinn er öllum opinn meðan húsrúm leyfir og aðgangur ókeypis.

29. ágú. 2019Heilbrigðisráðuneytið, Heilbrigðismál, Líf og heilsa

Mönnun heilbrigðisþjónustunnar til umfjöllunar í ríkisstjórn

Ríkisstjórnin samþykkti í gær að setja á fót starfshópa þar sem heilbrigðis-, mennta- og menningarmálaráðuneytið og fjármálaráðuneytið munu koma saman að því að finna leiðir til að bæta mönnun í heilbrigðisþjónustunni. Menntun heilbrigðisstarfsfólks og mönnun heilbrigðisþjónustunnar verður meðal annars til umfjöllunar á opnum fundi sem ber yfirskriftina Horft til framtíðar og haldinn verður í Veröld, húsi Vigdísar 5. september nk.

28. ágú. 2019Heilbrigðisráðuneytið, Heilbrigðismál, Líf og heilsa

Heilbrigðisstefnan kynnt á opnum fundi í Reykjavík, 4. september kl. 17 - 19

Svandís Svavarsdóttir heilbrigðisráðherra boðar til kynningarfundar um heilbrigðisstefnu til ársins 2030 í heilbrigðisumdæmi höfuðborgarsvæðisins 4. september. Fundurinn er haldinn í samvinnu við Landspítalann og Heilsugæslu höfuðborgarsvæðisins. Að þeim fundi loknum hefur heilbrigðisstefnan verið kynnt í öllum heilbrigðisumdæmum landsins.

21. ágú. 2019Heilbrigðisráðuneytið, Heilbrigðismál, Líf og heilsa

Mikilvægt að kynna heilbrigðisstefnuna í hverju umdæmi

Heilbrigðisráðherra í samvinnu við stjórnendur stjórnendur Heilbrigðisstofnunar Suðurlands og Vesturlands kynnti heilbrigðisstefnu til ársins 2030 í heilbrigðisumdæmum stofnananna í liðinni viku. Búið er að kynna heilbrigðisstefnuna í fimm heilbrigðisumdæmum af sjö. Næsti fundur verður á Egilsstöðum á morgun, 22. ágúst og loks er fundur í Reykjavík 4. september.

20. ágú. 2019Heilbrigðisráðuneytið, Heilbrigðismál, Líf og heilsa

Heilbrigðisstefnan kynnt í Valaskjálf á Egilsstöðum 22. ágúst

Heilbrigðisráðherra í samvinnu við Heilbrigðisstofnun Austurlands boðar til opins kynningarfundar um heilbrigðisstefnu til ársins 2030 í Valaskjálf á Egilsstöðum, fimmtudaginn 22. ágúst kl. 17.00 –19.00. Frummælendur auk ráðherra eru Guðjón Hauksson, forstjóri Heilbrigðisstofnunar Austurlands og María Heimisdóttir, forstjóri Sjúkratrygginga Íslands.

03. ágú. 2019Heilbrigðisráðuneytið, Heilbrigðismál, Líf og heilsa

Yfirlýsing vegna rekstrar og endurnýjunar sjúkrabíla

Sjúkratryggingar Íslands hafa að ósk heilbrigðisráðuneytisins fengið opnun útboðs vegna kaupa á sjúkrabílum frestað fram í ágúst. Ástæðan eru samningaviðræður milli ráðuneytisins og Rauða krossins á Íslandi sem þarf að leiða til lykta, en forsenda þess að útboð geti farið fram er að samkomulag náist í viðræðum milli aðila. Heilbrigðisráðuneytið og Rauði krossinn hafa sammælst um eftirfarandi yfirlýsingu til upplýsingar um stöðu viðræðnanna.

02. ágú. 2019Atvinnuvegaráðuneytið, Líf og heilsa, Atvinnuvegir, Heilbrigðisráðuneytið

Sameiginlegt átak til að draga úr útbreiðslu sýklalyfjaónæmra baktería á Íslandi

Kristján Þór Júlíusson, sjávarútvegs- og landbúnaðarráðherra og Svandís Svavarsdóttir, heilbrigðisráðherra undirrituðu í dag yfirlýsingu um sameiginlegt átak til að draga úr útbreiðslu sýklalyfjaónæmra baktería á Íslandi. Samkvæmt Alþjóðaheilbrigðismálastofnuninni, Alþjóðadýraheilbrigðismálastofnuninni, Sóttvarnastofnun Evrópusambandsins og Matvælaöryggisstofnun Evrópusambandsins er útbreiðsla sýklalyfjaónæmis ein helsta heilbrigðisógn sem steðjar að mönnum. Sýklalyfjaónæmi á Íslandi hefur verið umtalsvert minna vandamál en í nálægum löndum en mikilvægt þykir að stemma stigu við frekari útbreiðslu.

22. júl. 2019Heilbrigðisráðuneytið, Heilbrigðismál, Líf og heilsa

Heilbrigðisráðherra skrifar um forsendur forgangsröðunar í heilbrigðiskerfinu

Svandís Svavarsdóttir heilbrigðisráðherra fjallar um forgangsröðun í heilbrigðiskerfinu í blaðagrein í dag. Kröfur um forgangsröðun fari vaxandi og þá sé mikilvægt að byggt sé á skýrum viðmiðum og siðferðilegum gildum sem sátt ríki um í samfélaginu. Þetta verður viðfangsefni Heilbrigðisþings 2019 sem haldið verður 15. nóvember. „Vonir mínar standa til þess að ég geti á vorþingi 2020 lagt fyrir Alþingi tillögu til þingsályktunar um þau siðferðilegu gildi og viðmið sem leggja beri til grundvallar við forgangsröðun í heilbrigðiskerfinu“ segir meðal annars í grein ráðherra. Umfjöllun um þessi mál er jafnframt liður í framkvæmd Heilbrigðisstefnu til ársins 2030 sem samþykkt var á Alþingi sem þingsályktun í júní síðastliðnum.

17. júl. 2019Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Tólf ný sérhæfð dagdvalarrými verða opnuð í Hafnarfirði

Heilbrigðisráðherra hefur veitt Hafnarfjarðarbæ rekstrarheimild fyrir tólf nýjum dagdvalarrýmum fyrir fólk með heilabilun. Hafnarfjarðarbær mun útvega húsnæði fyrir reksturinn og ábyrgjast að þjónusta við notendur verði veitt á faglegum grunni í samræmi við þarfir fólks með alzheimer og aðra minnissjúkdóma. Leitað verður eftir samvinnu við Alzheimersamtökin sem faglegum bakhjarli þjónustunnar.

11. júl. 2019Heilbrigðisráðuneytið, Heilbrigðismál, Líf og heilsa

Heilsugæslustöðvar á Akureyri verði tvær

Heilbrigðisráðherra hefur ákveðið að við endurnýjun húsnæðis fyrir heilsugæsluþjónustu á Akureyri verði gert ráð fyrir tveimur starfsstöðvum heilsugæslu í bænum. Miðað er við að auglýsa eftir húsnæði fyrir stöðvarnar í byrjun næsta árs. Ákvörðun ráðherra er í samræmi við vilja stjórnenda Heilbrigðisstofnunar Norðurlands og tillögu ráðgjafafyrirtækis sem vann skýrslu um húsnæði heilsugæslunnar á Akureyri fyrir stofnunina í lok síðasta árs.

10. júl. 2019Heilbrigðisráðuneytið, Heilbrigðismál, Líf og heilsa

Landspítali fær styrk til að þróa skilvirkari sérfræðiþjónustu við landsbyggðina

Verkefni sem Landspítali vinnur að og felst í þróun tæknilausna til að stuðla að bættu aðgengi landsbyggðarinnar að sérfræðiþjónustu hlaut nýverið 5. milljóna króna styrk af byggðaáætlun Alþingis. Verkefnið snýr annars vegar að beinum samskiptum sjúklinga við sérfræðinga sjúkrahússins og hins vegar að þróun tæknilegra leiða til að skapa skilvirkan og öruggan farveg fyrir ráðgjöf sérfræðinga Landspítala við heilbrigðisstarfsfólk á landsbyggðinni.

08. júl. 2019Heilbrigðisráðuneytið, Heilbrigðismál, Líf og heilsa

Ný heilbrigðisstefna kynnt á opnum fundi á Selfossi 14. ágúst

Heilbrigðisráðherra stendur fyrir opnum fundi um heilbrigðisstefnu til ársins 2030, í samvinnu við Heilbrigðisstofnun Suðurlands, þann 14. ágúst. Fjallað verður um hvað felst í stefnunni, hvaða breytingar hún er líkleg til að hafa í för með sér og hvers vegna hún skiptir svo miklu máli, hvort heldur í þéttbýli eða í dreifðari byggðum landsins. Fundurinn verður haldinn í fundarsal Heilbrigðisstofnunar Suðurlands á Selfossi kl. 17 – 19.

08. júl. 2019Heilbrigðisráðuneytið, Heilbrigðismál, Líf og heilsa

Díana Óskarsdóttir skipuð forstjóri Heilbrigðisstofnunar Suðurlands

Svandís Svavarsdóttir heilbrigðisráðherra hefur ákveðið að skipa Díönu Óskarsdóttur í embætti forstjóra Heilbrigðisstofnunar Suðurlands til næstu fimm ára. Ákvörðun ráðherra er tekin að undangengnu mati lögskipaðrar hæfnisnefndar sem metur hæfni umsækjenda um stöður forstjóra heilbrigðisstofnana. Sex sóttu um stöðuna.

06. júl. 2019Heilbrigðisráðuneytið, Heilbrigðismál, Líf og heilsa

Lýðheilsuvísar: Heilsa og líðan fólks eftir landshlutum

Tæplega 30% fullorðinna og rúmlega 70% framhaldsskólanema ná ekki nægum svefni. – Dagleg neysla orkudrykkja meðal framhaldsskólanema hefur aukist úr 21,7% árið 2016 í 54,6% árið 2018. – Dregið hefur úr ávísunum sýklalyfja til barna. – Þátttaka í skimun fyrir leghálskrabbameini og brjóstakrabbameini hefur minnkað síðastliðin ár. – Um 60% landsmanna telja sig mjög hamingjusama. Þetta og margt fleira má lesa út úr nýjum lýðheilsuvísum Embættis landlæknis.

05. júl. 2019Heilbrigðisráðuneytið, Líf og heilsa

Brjóstapúðar áfram til skoðunar

Athygli er vakin á tilkynningu Embættis landlæknis og Lyfjastofnunar varðandi brjóstapúða af ákveðinni gerð, vegna tengsla þeirra við sjaldgæft eitilfrumukrabbamein (BIA-ALCL; breast implant-associated anaplastic large cell lymphoma). Púðarnir sem sjónir hafa einkum beinst að eru með hrjúfu yfirborði og framleiddir af lyfjafyrirtækinu Allergan. Hætt var að selja þessa púða í Evrópu í lok síðasta árs, líkt og fram kom í tilkynningu frá Lyfjastofnun í desember síðastliðnum.

28. jún. 2019Líf og heilsa, Heilbrigðismál, Heilbrigðisráðuneytið

Heilbrigðisstefna til ársins 2030 ásamt fimm ára aðgerðaáætlun

Heilbrigðisstefna – stefna fyrir íslenska heilbrigðisþjónustu til ársins 2030 er nú aðgengileg sem skýrsla heilbrigðisráðuneytisins á vef Stjórnarráðsins. Heilbrigðisstefnan var samþykkt sem ályktun frá Alþingi 4. júní síðastliðinn. Fimm ára aðgerðaáætlun heilbrigðisstefnu 2019 til 2023 hefur einnig verið birt á skýrsluformi á vefnum. Aðgerðaáætlunin var lögð fram sem þingskjal 149. löggjafarþingi 2018 – 2019 (Þingskjal 1704 — 961. mál.

24. jún. 2019Heilbrigðisráðuneytið, Heilbrigðismál, Líf og heilsa

Aðgerðaáætlun til að draga úr sykurneyslu landsmanna

Svandís Svavarsdóttir heilbrigðisráðherra kynnti fyrir ríkisstjórn síðastliðinn föstudag áætlun sem Embætti landlæknis hefur unnið um aðgerðir til að draga úr sykurneyslu landsmanna. Á fundi ríkisstjórnarinnar var ákveðið að skipa starfshóp sem falið verður að innleiða áætlunina. Heilbrigðisráðherra fjallar um málið í eftirfarandi blaðagrein í dag.

21. jún. 2019Heilbrigðisráðuneytið, Heilbrigðismál, Líf og heilsa

Til umsagnar: Viðmið fyrir umföllun um geðheilbrigðismál í fjölmiðlum

Heilbrigðisráðherra skipaði í október á liðnu ári starfshóp sem falið var að setja fram ábendingar fyrir fjölmiðla um hvernig best megi fjalla um geðheilbrigðismál án þess að alið sé á fordómum. Starfshópurinn var skipaður í samræmi við ályktun Alþingis um stefnu og aðgerðaáætlun í geðheilbrigðismálum til fjögurra ára. Starfshópurinn hefur samið drög að viðmiðum fyrir fjölmiðla í þessu skyni og eru þau nú til umsagnar í samráðsgátt stjórnvalda.

20. jún. 2019Forsætisráðuneytið, Heimsmarkmiðin, Dómsmálaráðuneytið, Félags- og húsnæðismálaráðuneytið, Fjármála- og efnahagsráðuneytið, Heilbrigðisráðuneytið, Mennta- og barnamálaráðuneytið, Innviðaráðuneytið, Umhverfis-٫ orku- og loftslagsráðuneytið, Utanríkisráðuneytið, Atvinnuvegaráðuneytið

Sameinuðu þjóðirnar birta landsrýniskýrslu Íslands um heimsmarkmiðin

Sameinuðu þjóðirnar hafa birt á vef sínum skýrslu íslenskra stjórnvalda um innleiðingu heimsmarkmiðanna.

19. jún. 2019Heilbrigðisráðuneytið, Heilbrigðismál, Líf og heilsa

Vel heppnaðir kynningarfundir um nýja heilbrigðisstefnu fyrir norðan og vestan

Opinn kynningarfundur sem Svandís Svavarsdóttir heilbrigðisráðherra efndi til um heilbrigðisstefnu til ársins 2030 var haldinn á Ísafirði í gær og annar fundur á Akureyri fyrir viku. Ráðherra mun standa fyrir sambærilegum fundum í öllum heilbrigðisumdæmum landsins í samvinnu við heilbrigðisstofnanir umdæmanna. Umfjöllunin snýst um efni og innleiðingu stefnunnar og líkleg áhrif hennar á heilbrigðisþjónustu við íbúa í viðkomandi heilbrigðisumdæmum og á landsvísu.