Efnisorð
Tegund

Leita eftir efnisorðum

Sýnir 1651–1700 af 2554
Raða eftir:
20. feb. 2020Heilbrigðisráðuneytið, Heilbrigðismál, Líf og heilsa

Jóhanna Fjóla skipuð forstjóri Heilbrigðisstofnunar Vesturlands

Svandís Svavarsdóttir heilbrigðisráðherra hefur ákveðið að skipa Jóhönnu Fjólu Jóhannesdóttur forstjóra Heilbrigðisstofnunar Vesturlands til næstu fimm ára. Ákvörðun ráðherra um skipun hennar í embættið er tekin að undangengnu mati lögskipaðrar hæfnisnefndar sem metur hæfni umsækjenda um stöður forstjóra heilbrigðisstofnana.

19. feb. 2020Heilbrigðisráðuneytið, Líf og heilsa

Níutíu milljónum úthlutað úr lýðheilsusjóði til 144 verkefna

Svandís Svavarsdóttir heilbrigðisráðherra úthlutaði í gær styrkjum úr Lýðheilsusjóði til fjölbreyttra verkefna á svið i geðræktar, næringar, hreyfingar og tannverndar, auk áfengis-, vímu- og tóbaksvarna. Alls bárust 247 umsóknir í sjóðinn. Upphæðir styrkja til einstakra verkefna nema á bilinu 125.000 krónum upp í þrjár milljónir króna til þeirra verkefna sem hlutu hæstu styrkina.

14. feb. 2020Heilbrigðisráðuneytið, Heilbrigðismál, Líf og heilsa

Þróun þjónustu Heilsugæslu höfuðborgarsvæðisins 2014 – 2019

Fjallað er um þjónustu Heilsugæslu höfuðborgarsvæðisins í máli og myndum, um þróun hennar og árangur, í nýrri samantekt á vef stofnunarinnar. Aðgengi að þjónustu heilsugæslunnar hefur verið bætt til muna með nýjungum og breyttu skipulagi, sálfræðingar og sjúkraþjálfarar starfa nú á öllum heilsugæslustöðvunum 15 og skipulögð heilsuvernd fyrir aldraða er í sókn. Um þetta og margt fleira má lesa um í samantektinni, auk tölfræðiupplýsinga um notkun þjónustunnar og hvernig hún hefur þróast frá ári til árs.

13. feb. 2020Heilbrigðisráðuneytið, Heilbrigðismál, Líf og heilsa

Landspítali, stærsta stofnun landsins, kominn með jafnlaunavottun

Landspítali hefur hlotið jafnlaunavottun samkvæmt jafnlaunastaðlinum ÍST85, í kjölfar úttektar Versa vottunar ehf. Í janúar síðastliðnum hlaut Sjúkrahúsið á Akureyri einnig jafnlaunavottun og nýverið bættist Lyfjastofnun í hóp þeirra stofnana heilbrigðisráðuneytisins sem hafa innleitt jafnlaunakerfi í samræmi við jafnlaunastaðalinn og hlotið jafnlaunavottun.

12. feb. 2020Heilbrigðisráðuneytið, Líf og heilsa

Stofnað verði landsráð um mönnun og menntun í heilbrigðisþjónustu

Hafinn er undirbúningur að gerð þingsályktunartillögu heilbrigðisráðherra um stofnun landsráðs sem verður ráðgefandi vettvangur um mönnun heilbrigðisþjónustunnar og menntun heilbrigðisstétta. Markmiðið er að tryggja til framtíðar nægan fjölda hæfs starfsfólks og að menntun þess fullnægi þörfum heilbrigðisþjónustunnar á hverjum tíma. Svandís Svavarsdóttir heilbrigðisráðherra fjallaði um þetta í ávarpi á nýafstöðnu heilbrigðisþingi þar sem mönnun, menntun og nýsköpun í heilbrigðisþjónstu var meginumfjöllunarefnið.

11. feb. 2020Heilbrigðisráðuneytið, Líf og heilsa

Samið um áframhaldandi þjónustu geðheilsuteymis fanga

Sjúkratryggingar Íslands (SÍ) og Heilsugæsla höfuðborgarsvæðisins (HH) hafa gert með sér samkomulag um að HH sinni áfram geðheilbrigðisþjónustu við fanga í öllum fangelsum landsins. Gjörbreytt fyrirkomulag geðheilbrigðisþjónustu í fangelsum landsins með stofnun sérstaks geðheilsuteymis varð að veruleika í fyrra og markaði tímamót. Heilbrigðisráðherra hefur staðfest samkomulag SÍ og HH sem felur í sér samning um óbreytta þjónustu til loka árs 2021.

11. feb. 2020Heilbrigðisráðuneytið, Covid-19, Líf og heilsa

Breyttar reglur: Börn fædd 2011 eða síðar þurfa ekki að bera grímu

Heilbrigðisráðherra hefur staðfest breytingu á reglugerð um takmörkun á samkomum vegna farsóttar sem felur í sér að börn fædd 2011 eða síðar þurfa ekki að bera grímu. Breytingin er gerð í samráði við sóttvarnalækni. Með reglugerðarbreytingunni er jafnframt kveðið á um að spilakassar eigi að vera lokaðir líkt og spilasalir og er það í samræmi við minnisblað sóttvarnalæknis til heilbrigðisráðherra frá 29. október. Reglugerðin verður birt í Stjórnartíðindum í dag og tekur þegar gildi.

10. feb. 2020Heilbrigðisráðuneytið

Þingmál heilbrigðisráðherra á 151. löggjafarþingi

Svandís Svavarsdóttir heilbrigðisráðherra áformar að leggja 11 lagafrumvörp og tvær þingsályktunartillögur fyrir Alþingi á 151. löggjafarþingi sem sett var í gær. Af einstökum þingmálum má nefna frumvarp til breytinga lögum um lífsýnasöfn sem tryggja á að gagnagrunnar og lífsýnasöfn innan heilbrigðiskerfisins séu opin vísindamönnum sem hafa tilskilin leyfi til vísindarannsókna. Frumvarp um endurskoðun sóttvarnalaga verður lagt fram í janúar og tillaga til þingsályktunar um lýðheilsustefnu í mars. Hér á eftir eru talin öll þingmál ráðherra ásamt stuttri umfjöllun um hvert þeirra.

10. feb. 2020Heilbrigðisráðuneytið

Auglýst eftir þátttakendum í tilraunaverkefni um rafræna fylgiseðla

Fyrsti áfangi tilraunaverkefnis um innleiðingu rafrænna fylgiseðla er hafinn og hefur Lyfjastofnun auglýst eftir þátttakendum í verkefninu. Verkefnið snýst um að nota rafrænan fylgiseðil í stað pappírsseðils og takmarkast við lyf sem notuð eru á heilbrigðisstofnunum (H-merkt lyf). Markmið verkefnisins er að meta hvort notkun rafrænna fylgiseðla tryggi með fullnægjandi hætti örugga lyfjameðferð sjúklings. Jafnframt verður kannað hvort notkun rafrænna fylgiseðla leiði til þess að H-merktum lyfjum á markaði fjölgi.

10. feb. 2020Heilbrigðisráðuneytið, Covid-19, Líf og heilsa

Að lifa með veirunni: umsagnarfrestur framlengdur til 7. október

Frestur til að skila umsögnum um efni frá samráðsfundinum „Að lifa með veirunni“ sem haldinn var 20. ágúst síðastliðinn hefur verið framlengdur til 7. október. Á fundinum var m.a. fjallað um tilteknar spurningar sem snúa að áhrifum sóttvarnaaðgerða á daglegt líf og helstu áskoranir sem þeim tengjast. Markmiðið með samráðsfundinum og því efni sem tekið var saman á fundinum og birt til umsagnar, er að stilla saman strengi og móta áherslur og leiðarljós sem geti nýst í áframhaldandi vinnu við mótun aðgerða vegna COVID-19 á næstu misserum.

09. feb. 2020Heilbrigðisráðuneytið, Covid-19, Líf og heilsa

Vinnuhópur um bóluefni gegn Covid-19

Undirbúningur sem snýr að framkvæmd kaupa á bóluefni gegn Covid-19 er hafinn í vinnuhópi sem heilbrigðisráðherra skipaði 26. ágúst síðastliðinn og er verið að skoða hvaða leiðir eru færar í þessum efnum. Fyrir liggur að kaup Íslands á bóluefnum gegn COVID-19 munu fara fram á grundvelli samninga Evrópusambandsins við lyfjaframleiðendur, líkt og kynnt var á fundi ríkisstjórnarinnar síðastliðinn föstudag.

09. feb. 2020Heilbrigðisráðuneytið, Líf og heilsa

Skýrsla um dánaraðstoð lögð fyrir Alþingi

Svandís Svavarsdóttir heilbrigðisráðherra hefur lagt fram á Alþingi skýrslu um dánaraðstoð. Í skýrslunni er m.a. fjallað um þróun lagaramma í löndum þar sem dánaraðstoð er leyfð, um tíðni, ástæður og skilyrði dánaraðstoðar í þeim löndum og hver reynslan hefur verið. Einnig er reifuð opinber umræða um dánaraðstoð í nokkrum löndum þar sem dánaraðstoð er ekki leyfð og um mögulegar lagabreytingar hvað það varðar, einkum hjá hinum Norðurlandaþjóðunum, í Þýskalandi og Kanada. Skýrslan er lögð fram í samræmi við beiðni þingmanna þar að lútandi.

09. feb. 2020Fjármála- og efnahagsráðuneytið, Heilbrigðisráðuneytið, Efnahagsmál og opinber fjármál, Líf og heilsa, Rekstur og eignir ríkisins, Vísindi nýsköpun og rannsóknir, Covid-19, Nýsköpun, Menningar-٫ nýsköpunar- og háskólaráðuneytið

12 verkefni fjármögnuð í fjárfestingarátaki um nýsköpun í heilbrigðisþjónustu

Tólf verkefni fá fjármögnun úr fjárfestingarátaki um nýsköpun í heilbrigðisþjónustu sem nemur um 148 milljónum króna. Markmið átaksins var að auka nýsköpun með þarfir heilbrigðisþjónustu að leiðarljósi og fjölga á sama tíma störfum.

04. feb. 2020Heilbrigðisráðuneytið, Covid-19, Líf og heilsa

Yfir 1.000 skráðir í bakvarðasveit heilbrigðisþjónustunnar og 116 komnir til starfa

Í dag, 2. apríl höfðu rúmlega 1.000 manns skráð sig á lista bakvarðasveitar heilbrigðisþjónustunnar. Á skrá eru einstaklingar úr 13 löggiltum heilbrigðisstéttum sem hafa boðið fram aðstoð sína. Stéttarfélögin hafa átt frumkvæði og lagt þessu máli lið, m.a. með því að kynna bakvarðasveitina meðal félagsmanna sinna. Nemar í læknisfræði og hjúkrunarfræði geta einnig skráð sig á lista bakvarðasveitarinnar og hafa þónokkrir liðsmenn bæst í bakvarðasveitina úr þeirra röðum.

31. jan. 2020Heilbrigðisráðuneytið

Til umsagnar: Frumvarp til breytinga á lögum um lífsýnasöfn o.fl.

Birt hefur verið til umsagnar frumvarp heilbrigðisráðherra til breytinga á lögum um lífsýnasöfn, um söfn heilbrigðisupplýsinga og um vísindarannsóknir á heilbrigðissviði. Markmið breytinganna er efla vísindarannsóknir á heilbrigðissviði með auknum aðgangi vísindamanna að heilbrigðisgögnum, líkt og kveðið er á um í heilbrigðisstefnu til ársins 2030. Umsagnarfrestur er til 14. febrúar næstkomandi.

30. jan. 2020Heilbrigðisráðuneytið, Heilbrigðismál, Líf og heilsa

Heilbrigðisráðherra skrifar: Viðbrögð við kórónaveiru

Í lok árs 2019 bárust fregnir af alvarlegum lungnasýkingum í Wuhan-borg í Kína, þá af óþekktum orsökum. Í kjölfarið var staðfest að um sýkingar af völdum kórónaveiruafbrigðis væri að ræða. Sýking af völdum veirunnar hefur nú þegar verið greind hjá um sex þúsund manns, einkum í Kína. Sennilega er veiran upprunin í dýrum en hefur nú öðlast hæfileika til að sýkja menn og staðfest er að hún getur smitast manna á milli en óljóst er hversu smitandi hún er. Ekkert smit hefur verið staðfest á Íslandi.

29. jan. 2020Heilbrigðisráðuneytið, Heilbrigðismál, Líf og heilsa, Almannatryggingar og lífeyrir

Tillögur að breytingum á lögum um slysatryggingar almannatrygginga

Slysahugtak gildandi laga verður rýmkað, skýrt kveðið á um að tryggingavernd laganna nái einnig til bótaskyldra atvinnusjúkdóma og bætt við nýrri lagagrein þar sem atvinnusjúkdómar verða í fyrsta skipti skilgreindir í íslenskum lögum. Þetta eru meðal mikilvægra réttarbóta sem starfshópur á vegum heilbrigðisráðherra sem unnið hefur að endurskoðun laga um slysatryggingar almannatrygginga leggur til að verði gerðar. Hópurinn hefur skilað ráðherra skýrslu með tillögum sínum.

29. jan. 2020Heilbrigðisráðuneytið, Heilbrigðismál, Líf og heilsa

Fjárframlag til áframhaldandi meðferðar við lifrarbólgu C

Landspítalinn og lyfjafyrirtækið Gilead hafa framlengt samstarfssamning sinn um meðferð sjúklinga með lifrarbólgu C hér á landi. Gilead mun áfram leggja til án endurgjalds lyfið Harvoni handa þeim sem þurfa á meðferð að halda. Heilbrigðisráðherra hefur lagt Landspítala til tæpar 30 milljónir króna vegna eftirstöðva kostnaðar við verkefnið á síðasta ári og veitt vilyrði fyrir áframhaldandi stuðningi á þessu ári og því næsta sem svarar tæpum 30 milljónum króna á ári. Fjármunirnir fara í rekstur og utanumhald verkefnisins, birtingu á rannsóknarniðurstöðum og þátttöku í vísindaþingum.

28. jan. 2020Heilbrigðisráðuneytið, Heilbrigðismál, Líf og heilsa

Upplýsingamiðlun sóttvarnalæknis vegna kórónaveirunnar á íslensku og ensku

Athygli er vakin á upplýsingamiðlun sóttvarnalæknis vegna kórónaveirunnar (2019-nCoV) á vef embættis landlæknis. Þar eru upplýsingar til heilbrigðisstarfsfólks, leiðbeiningar og fræðsla fyrir almenning, upplýsingar og fræðsla tengd alþjóðaflugi og fleira. Sóttvarnalæknir mun birta nýjar og mikilvægar upplýsingar á vef embættisins eftir því sem efni standa til.

27. jan. 2020Heilbrigðisráðuneytið, Heilbrigðismál, Líf og heilsa

Ný skýrsla landlæknis um heilsugæslu á Suðurnesjum

Ráðist hefur verið í ýmsar úrbætur varðandi rekstur og þjónustu heilsugæslu Heilbrigðisstofnunar Suðurnesja sem raktar eru í nýrri eftirfylgniskýrslu embættis landlæknis. Ýmsir gæðavísar hafa verið innleiddir, teymisvinna hefur verið aukin og betur hefur gengið að manna í stöður lækna og hjúkrunarfræðinga. Sem stendur eru allar hjúkrunarstöður fullmannaðar. Þetta er meðal þess sem fram kemur í skýrslu embættisins.

18. jan. 2020Heilbrigðisráðuneytið, Líf og heilsa

Átakshópur skipaður vegna bráðamóttöku Landspítala

Skipaður hefur verið átakshópur um lausnir á vanda bráðamóttöku Landspítala. Í hópnum eiga sæti tveir fulltrúar heilbrigðisráðuneytisins og tveir frá Landspítalanum. Vilborg Hauksdóttir, fyrrverandi skrifstofustjóri og til skamms tíma settur ráðuneytisstjóri í heilbrigðisráðuneytinu mun leiða starf hópsins en einnig verður frá ráðuneytinu sérfræðingur á sviði gagnagreiningar.

17. jan. 2020Heilbrigðisráðuneytið, Heilbrigðismál, Líf og heilsa

Framtíðarsýn um bráðaþjónustu og sjúkraflutninga til 2030

Starfshópur sem heilbrigðisráðherra fól að gera tillögur að framtíðarskipulagi sjúkraflutninga á Íslandi í samræmi við heilbrigðisstefnu til ársins 2030 hefur skilað ráðherra niðurstöðum sínum. Meginniðurstaða hópsins er að umsjón með sjúkraflutningum á landinu öllu þurfi að vera á einni hendi. Lagt er til að sett verði á fót miðstöð bráðaþjónustu og sjúkraflutninga (MBS) sem hafi víðtækt hlutverk með það að markmiði að samræma þjónustuna, veita faglegan stuðning, annast þjálfun og þróun fagstétta á þessu sviði og sinna gæðaeftirliti.

16. jan. 2020Heilbrigðisráðuneytið, Heilbrigðismál, Líf og heilsa

Samið til tveggja ára um rekstur og þjónustu hjúkrunarheimila

Tekist hafa samningar milli Sjúkratrygginga Íslands og rekstraraðila hjúkrunarheimila um allt land um rekstur og þjónustu hjúkrunarheimila. Samið var við hvern og einn rekstraraðila en samningarnir eru samhljóða og taka til 2.468 hjúkrunar- og dvalarrýma. Andvirði þeirra nemur um 32,5 milljörðum króna á ári á verðlagi þessa árs. Svandís Svavarsdóttir heilbrigðisráðherra hefur staðfest samningana sem gilda til ársloka 2021.

16. jan. 2020Heilbrigðisráðuneytið, Heilbrigðismál, Líf og heilsa

Staðreyndir um heilbrigðisstofnanir og fjárveitingar síðustu ára

Framlög ríkisins til Heilsugæslu höfuðborgarsvæðisins jukust um 24% á árabilinu 2017 – 2020. Aukningin til Landspítala nam um 12% á sama tímabili, 8% til Sjúkrahússins á Akureyri og 10% að meðaltali til heilbrigðisstofnananna sex sem starfa um allt land. Staðhæfingar sem fram hafa komið í opinberum umræðum, meðal annars um stórfelldan niðurskurð á Landspítala og heilbrigðisstofnunum á landsbyggðinni, eiga ekki við rök að styðjast.

12. jan. 2020Heilbrigðisráðuneytið, Covid-19, Líf og heilsa

COVID 19: Frumvarp um bótarétt vegna bólusetningar

Heilbrigðisráðherra hefur lagt fram á Alþingi frumvarp til breytinga á lögum um sjúklingatryggingu sem hefur að markmiði að styrkja réttarstöðu fólks vegna bólusetningar við COVID-19. Með frumvarpinu er kveðið á um bótarétt komi til þess að einstaklingur verði fyrir tjóni sem hlýst af eiginleikum bóluefnisins eða rangri með­höndlun þess, þar með talið við flutning þess, geymslu, dreifingu eða bólusetningu af hálfu heil­brigðisstarfsmanns þrátt fyrir að öllum reglum og góðum framleiðsluháttum hafi verið fylgt við þróun og framleiðslu viðkomandi bóluefnis. Með fyrirhugaðri lagabreytingu verður réttarstaða fólks hér á landi sambærileg því sem er í Danmörku og Noregi.

11. jan. 2020Líf og heilsa, Covid-19, Heilbrigðisráðuneytið

COVID-19: Takmörkun á skólastarfi frá 3. nóvember

Ný reglugerð heilbrigðisráðherra um takmörkun á skólastarfi vegna hertra sóttvarnaaðgerða tekur gildi 3. nóvember. Sett er það markmið að sem minnst röskun verði á skólastarfi og að starf á leikskólastigi og á fyrsta stigi grunnskóla verði óskert. Að ráði sóttvarnalæknis verður reglu um grímuskyldu breytt þannig að hún eigi ekki við um börn fædd 2011 og síðar.

09. jan. 2020Heilbrigðisráðuneytið, Líf og heilsa, Covid-19

COVID-19: Vinnuhópur um gagnkvæma viðurkenningu vottorða

Svandís Svavarsdóttir heilbrigðisráðherra hefur skipað vinnuhóp til að skoða m.a. hvort stjórnvöld geti viðurkennt erlend vottorð um að einstaklingar hafi sýkst af SARS-CoV-2 veirunni og þar með undanskilið viðkomandi frá kröfum um skimun á landamærum. Liður í þessari vinnu er að kanna hvort taka megi gild vottorð um nýleg neikvæð PCR-próf og jafnvel vottorð sem sýna fram á að einstaklingur hafi myndað mótefni fyrir SARS-CoV-2.

09. jan. 2020Heilbrigðisráðuneytið, Heilbrigðismál, Líf og heilsa

Greining á kynbundnum mun á heilsu og heilbrigðisþjónustu

Svandís Svavarsdóttir heilbrigðisráðherra hefur ákveðið að láta kortleggja heilsufar landsmanna út frá kynja- og jafnréttissjónarmiðum og gera mat á því hvort heilbrigðisþjónustan taki mið af ólíkum þörfum kynjanna. Byggt verður á fyrirliggjandi gögnum úr heilbrigðiskerfinu og almannatryggingakerfinu og niðurstöðum ýmissa kannana sem tengjast lífsháttum og lýðheilsu. Fyrirmynd að verkefninu er sótt í niðurstöður nefndar heilbrigðisráðherra um heilsufar kvenna frá árinu 2000.