Efnisorð
Tegund

Leita eftir efnisorðum

Sýnir 1501–1550 af 1835
Raða eftir:
15. nóv. 2018Félags- og húsnæðismálaráðuneytið, Málefni eldra fólks, Líf og heilsa

Aukin úrræði fyrir hjúkrunarsjúklinga með alvarlegar geðraskanir

Svandís Svavarsdóttir heilbrigðisráðherra hefur fallist á ósk stjórnenda hjúkrunarheimilisins Markar í Reykjavík um að breyta tíu almennum hjúkrunarrýmum í sérhæfð geðhjúkrunarrými. Þörf fyrir fjölgun sértækra úrræða sem þessara er brýn til að tryggja hjúkrunarsjúklingum með alvarleg geðræn vandamál þjónustu við hæfi.

10. nóv. 2018Heilbrigðisráðuneytið, Lyfjamál, Líf og heilsa

Úttekt á heildsölu lyfja á Íslandi

Velferðarráðuneytið hefur samið við Hagfræðistofnun Háskóla Íslands um úttekt á heildsölu lyfja hér á landi, í samræmi við ákvörðun heilbrigðisráðherra. Skoðað verður hvernig heildsala hefur þróast í kjölfar lagabreytinga árið 1996, hver sé þörf heildsölu- og dreifingarfyrirtækja fyrir álagningu og hvernig samkeppni á heildsölumarkaði með lyf hér á landi er háttað.

09. nóv. 2018Heilbrigðisráðuneytið, Heilbrigðismál, Líf og heilsa

Fjárlagafrumvarpið: Helstu áherslur á sviði heilbrigðismála

Greiðara aðgengi að heilsugæslu, lækkun greiðsluþátttöku sjúklinga, framkvæmdir við nýjan Landspítala, öflugri göngudeildarþjónusta, styrking heilbrigðisþjónustu á landsbyggðinni, uppbygging hjúkrunarrýma og bætt geðheilbrigðisþjónusta, – þetta eru megináherslurnar á sviði heilbrigðismála sem birtast í fjárlagafrumvarpi ársins 2019. Hækkun framlaga til heilbrigðismála nemur 12,6 milljörðum króna að frátöldum launa- og verðlagshækkunum.

06. nóv. 2018Heilbrigðisráðuneytið, Heilbrigðismál, Líf og heilsa

Starfshópur um ákominn heilaskaða

Svandís Svavarsdóttir heilbrigðisráðherra hefur skipað starfshóp sem falið er að greina stöðu þjónustu við fólk með ákominn heilaskaða og gera tillögur til úrbóta eftir því sem þörf krefur. Fagráð um heilaskaða og Hugarfar sem eru félagasamtök um málefni þessa hóps hafa óskað eftir vinnu sem þessari en báðir aðilar telja skort á greiningu, meðferð og þjónustu fyrir þá sjúklinga sem um ræðir.

29. okt. 2018Heilbrigðisráðuneytið, Heilbrigðismál, Líf og heilsa

Heilbrigðisþing 2. nóvember – heilbrigðisþjónusta fyrir alla

Minnt er á heilbrigðisþingið 2. nóvember næstkomandi. Þingið verður vettvangur fyrir kynningu og umræður um drög að heilbrigðisstefnu til ársins 2030: „Ég er fullviss um að með markvissri vinnu muni takast að skapa skýra stefnu sem felur í sér öfluga heilbrigðisþjónustu fyrir alla landsmenn“ segir Svandís Svavarsdóttir heilbrigðisráðherra.

25. okt. 2018Heilbrigðisráðuneytið, Heilbrigðismál, Líf og heilsa

Um þungunarrof og frumvarp að nýrri löggjöf

Svandís Svavarsdóttir heilbrigðisráðherra hefur ákveðið að leggja frumvarp til laga um þungunarrof fyrir Alþingi með rýmri heimildum varðandi tímamörk en miðað var við í drögum að frumvarpinu sem birt voru í samráðsgátt stjórnvalda. Ráðherra leggur áherslu á að í nýrri löggjöf verði jafnræðis gætt og farið að samningi Sameinuðu þjóðanna um réttindi fatlaðs fólks.

23. okt. 2018Heilbrigðisráðuneytið, Félags- og fjölskyldumál, Líf og heilsa, Mannréttindi og jafnrétti, Menntamál, Almannaöryggi, Félags- og húsnæðismálaráðuneytið

Aðgerðaáætlun gegn ofbeldi og afleiðingum þess

Fjórir ráðherrar ríkisstjórnarinnar kynntu á fundi hennar í dag tillögu til þingsályktunar um aðgerðaáætlun gegn ofbeldi og afleiðingum þess, til næstu fjögurra ára. Stýrihópur með fulltrúum hlutaðeigandi ráðuneyta hefur unnið að áætluninni í samstarfi við fjölda aðila á síðustu misserum.

19. okt. 2018Heilbrigðisráðuneytið, Heilbrigðismál, Líf og heilsa

Heilsa Evrópubúa – mat á markmiðum Evrópudeildar Alþjóðaheilbrigðismálastofnunarinnar

Nýútkomin Heilbrigðisskýrsla Evrópu 2018 gefur vísbendingar um jákvæða þróun á flestum sviðum þegar mat er lagt á lykilmarkmið heilbrigðisstefnu Evrópu til ársins 2020 sem gefin var út árið 2012. Heilsufarslegur ójöfnuður er hins vegar viðvarandi vandamál, t.d. milli kynja og einnig svæðisbundinn ójöfnuður og er nokkuð fjallað um það í skýrslunni.

19. okt. 2018Heilbrigðisráðuneytið, Heilbrigðismál, Líf og heilsa

Ráðgjafanefnd skipuð um fagleg málefni blóðbankaþjónustu

Svandís Svavarsdóttir heilbrigðisráðherra hefur skipað ráðgjafanefnd um fagleg málefni blóðbankaþjónustu, samkvæmt lögum um heilbrigðisþjónustu. Hlutverk nefndarinnar er að vera heilbrigðisyfirvöldum, Landspítala og blóðbanka spítalans til ráðgjafar um hvaðeina sem lýtur að faglegum þáttum og öryggissjónarmiðum blóðbankaþjónustu. Formaður nefndarinnar er Már Kristjánsson, yfirlæknir smitsjúkdómalækninga.

16. okt. 2018Heilbrigðisráðuneytið, Heilbrigðismál, Líf og heilsa

Ljósmæður og hjúkrunarfræðingar fái heimild til að ávísa getnaðarvörnum

Bæta á aðgengi kvenna, einkum ungra kvenna, að kynheilbrigðisþjónustu og nýta betur fagþekkingu hjúkrunarfræðinga og ljósmæðra samkvæmt lagafrumvarpi sem Svandís Svavarsdóttir heilbrigðisráðherra hefur ákveðið að leggja fram á Alþingi. Samkvæmt því verður ljósmæðrum og hjúkrunarfræðingum heimilað að ávísa hormónatengdum getnaðarvörnum. Ráðherra kynnti frumvarpið á fundi ríkisstjórnar í dag.

16. okt. 2018Rit og skýrslur, Líf og heilsa, Heilbrigðismál, Heilbrigðisráðuneytið

Skýrsla um endurskoðun laga nr. 25/1975 um ráðgjöf og fræðslu vrðandi kynlíf, barneignir, fóstureyðingar og ófrjósemisaðgerðir

október 2018 / Heilbrigðisráðuneytið Skýrsla um endurskoðun laga nr. 25/1975 um ráðgjöf og fræðslu vrðandi kynlíf, barneignir, fóstureyðingar og ófrjósemisaðgerðir Skýrsla nefndar sem vann að heildarendurskoðun laga um ráðgjöf og fræðslu vrðandi kynlíf, barneignir, fóstureyðingar og ófrjósemisaðgerðir

16. okt. 2018Heilbrigðisráðuneytið, Heilbrigðismál, Líf og heilsa

Skóflustunga að meðferðarkjarna Landspítalans við Hringbraut

Laugardaginn 13. október var tekin skóflustunga að nýjum meðferðarkjarna Landspítalans við Hringbraut. Ráðherrar ásamt forstjóra, fulltrúum félaga, hagsmunasamtaka og stofnana tóku skóflustunguna að viðstöddum fyrrverandi heilbrigðisráðherra auk fjölmargra annarra gesta. Áætlað er að meðferðarkjarninn verði tekinn í notkun árið 2024.

09. okt. 2018Heilbrigðisráðuneytið, Lyfjamál, Líf og heilsa, Norrænt samstarf

Sameiginlegt norrænt útboð á lyfjum kynnt í Kaupmannahöfn

Fyrirhugað sameiginlegt lyfjaútboð Danmerkur, Íslands og Noregs verður kynnt í Kaupmannahöfn 28. september næstkomandi. Frá þessu er sagt á vef Landspítalans. Möguleikar á sameiginlegum lyfjainnkaupum Norðurlandaþjóðanna hafa verið til umræðu um langt árabil og því er um tímamót að ræða. Litið er á úboðið sem reynsluverkefni til að afla þekkingar á ýmsum hagnýtum þáttum slíkra útboða

25. sep. 2018Heilbrigðisráðuneytið, Lyfjamál, Líf og heilsa

Tillaga Íslands um rafræna fylgiseðla með lyfjum samþykkt í Strasbourg

Rannsóknarverkefni sem tengist mögulegri innleiðingu rafrænna fylgiseðla með lyfjum hefst í aðildarríkjum Evrópuráðsins í byrjun næsta árs. Verkefninu er ætlað að sýna hvort þessi leið nýtist til að einfalda og bæta hefðbundna upplýsingagjöf um lyf gagnvart notendum. Einnig er horft til þess að með rafrænum fylgiseðlum megi auðvelda fámennum þjóðum að standa sameiginlega að útboðum og innkaupum lyfja.

24. sep. 2018Heilbrigðisráðuneytið, Heilbrigðismál, Líf og heilsa

Dómur í máli sérgreinalæknis undirstrikar þörf á öðru fyrirkomulagi samninga

Heilbrigðisráðherra mun ekki áfrýja niðurstöðu héraðsdóms í máli sérgreinalæknis varðandi aðild að rammasamningi Sjúkratrygginga Íslands. Ráðherra segir niðurstöðu dómsins undirstrika nauðsyn þess að núverandi fyrirkomulag verði endurskoðað með gerð nýrra samninga á öðrum grunni. Byggja þurfi á leiðsögn Ríkisendurskoðunar um að ríkið sem greiðandi þjónustunnar skuli ávallt hafa frumkvæði að því hvaða heilbrigðisþjónusta er keypt, í hvaða magni og af hverjum.

18. sep. 2018Heilbrigðisráðuneytið, Líf og heilsa, Heilbrigðismál, Almannatryggingar og lífeyrir

Endurskoðun reglugerðar til að jafna rétt barna

Svandís Svavarsdóttir heilbrigðisráðherra hefur ákveðið að láta endurskoða ákvæði reglugerðar um greiðsluþátttöku sjúkratrygginga fyrir tannlækningar og tannréttingar barna vegna afleiðinga meðfæddra galla, slysa og sjúkdóma. Ráðherra segir endurskoðun nauðsynlega þar sem gildandi reglugerðarákvæði virðist leiða til mismununar sem sé óverjandi.

17. sep. 2018Heilbrigðisráðuneytið, Heilbrigðismál, Líf og heilsa

Breyting á lyfjalögum og lögum um landlækni og lýðheilsu til umsagnar

Óskað er eftir athugasemdum við drög að frumvarpi heilbrigðisráðherra til lagabreytinga sem heimilar hjúkrunarfræðingum og ljósmæðrum að ávísa hormónatengdum getnaðarvörnum. Markmiðið er að bæta aðgengi kvenna að kynheilbrigðisþjónustu, efla og styrkja þjónustuna og að nýta betur fagþekkingu hjúkrunarfræðinga og ljósmæðra innan heilbrigðisþjónustunnar á þessu sviði.

31. ágú. 2018Heilbrigðisráðuneytið, Líf og heilsa

Tilkynningar um markaðssetningu rafrettna og áfyllinga sem innihalda nikótín

Ný reglugerð heilbrigðisráðherra um tilkynningar til Neytendastofu um markaðssetningu rafrettna og áfyllinga fyrir rafrettur sem innihalda nikótín tekur gildi á morgun, 1. september. Markmiðið er að tryggja að einungis séu seldar rafrettur og áfyllingar fyrir rafrettur sem uppfylla öryggisstaðla og þau viðmið sem gilda um öryggi vöru hér á landi.