Efnisorð
Tegund

Leita eftir efnisorðum

Sýnir 151–200 af 2554
Raða eftir:
02. mar. 2026Heilbrigðisráðuneytið, Líf og heilsa

Ísland aðili að erindi frá framkvæmdastjórnarfundi WHO í Genf um langvinna sjúkdóma

Framkvæmdastjórnarfundur Alþjóðaheilbrigðismálastofnunarinnar (WHO) fer nú fram í Genf, þar sem aðildarríki WHO fjalla um lykilmálefni í alþjóðlegu heilbrigðissamstarfi. Á fundinum tók Ísland undir sameiginlega yfirlýsingu um forvarnir og viðbrögð til að sporna gegn langvinnum sjúkdómum. Hægt er að fylgjast með fundinum í beinu streymi á vef WHO.

27. feb. 2026Heilbrigðisráðuneytið

Skipulagning nýrrar bráðamatsdeildar Landspítala í Fossvogi

Nú standa yfir framkvæmdir við Landspítala í Fossvogi, þar sem innan skamms verður opnuð bráðamatsdeild í nýrri viðbyggingu við bráðamóttöku spítalans. Deildin er viðbót við bráðaþjónustu Landspítala og er ætlað að dreifa álagi þannig að betur verði hægt að ráða við vaxandi verkefni. Skipulag deildarinnar verður að breskri fyrirmynd og hafa sérfræðingar þaðan verið Landspítala innan handar við undirbúning.

27. feb. 2026Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 11/2026

Útdráttur: Kærð var ákvörðun Landspítala um að synja umsókn kæranda um niðurfellingu fæðisgjalds á sjúkrahóteli Landspítala. Kærandi byggði á að samkvæmt munnlegu samkomulagi hefði verið samið um gjaldtöku að hluta vegna fæðisgjalds á Landspítala. Reikningur vegna fæðisgjalds hafi hins vegar ekki verið í samræmi við samkomulagið. Samkvæmt Landspítala var ekki rukkað í fullu samræmi við reglugerð nr. 429/2019. Kærandi hefði í raun verið gert að greiða lægra gjald en samkvæmt reglugerðinni. Í niðurstöðu ráðuneytisins kom fram samkvæmt réttri beitingu reglugerðarinnar hafi gjaldtaka Landspítala verið lægri en hún hefði átt að vera.…

26. feb. 2026Heilbrigðisráðuneytið, Líf og heilsa

Heyrnar- og talmeinastöðin lögð niður 1. maí og Heilsugæsla höfuðborgarsvæðisins tekur við verkefnum hennar

Heyrnar- og talmeinastöð Íslands verður lögð niður 1. maí næstkomandi og tekur Heilsugæsla höfuðborgarsvæðisins við verkefnum hennar og þjónustuþegum. Frumvarp heilbrigðisráðherra þessa efnis hefur verið samþykkt á Alþingi. Starfsmenn Heyrnar- og talmeinastöðvar verða starfsmenn Heilsugæslu höfuðborgarsvæðisins með sömu ráðningarkjörum og áður.

24. feb. 2026Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 9/2026

Útdráttur: Kærð var ákvörðun embættis landlæknis um að synja einstaklingi um sérfræðileyfi í hjúkrun. Kærandi byggði á að sérfræðileyfi hefði áður verið gefið út á grundvelli sambærilegra forsendna og hún sótti um vegna. Þá hefði meistaranám í heilbrigðisvísindum verið talið uppfylla skilyrði reglugerðar nr. 512/2013, um veitingu sérfræðileyfis. Í niðurstöðu embættis landlæknis kom fram að ekki væri rétt að sérfræðileyfi hefði áður verið veitt á þeim grundvelli sem kærandi sótti um á. Þá væri meistaranám í heilbrigðisvísindum ekki sérsvið innan hjúkrunar. Umsókn kæranda hafi verið send til umsagnar umsagnarnefndar hjúkrunarfræðideildar Háskóla Íslands sem hafi ekki talið að kærandi uppfyllti skilyrði reglugerðarinnar til að hljóta sérfræðileyfi.…

23. feb. 2026Heilbrigðisráðuneytið

Styrking lágþrepageðheilbrigðisþjónustu fyrir börn og foreldra

Alma D. Möller heilbrigðisráðherra hefur tryggt 53 milljónir króna til næstu þriggja ára til að innleiða á landsvísu stafræna heilbrigðistæknilausn sem valdeflir foreldra barna á aldrinum 5 – 12 ára með kvíðavanda, með gagnreyndum aðferðum hugrænnar atferlismeðferðar. Lausnin er fullþróuð og hefur verið ákveðið að fela Heilsubrú Heilsugæslu höfuðborgarsvæðisins tímabundna ábyrgð á stjórnun verkefnisins og faglegri umgjörð þess á landsvísu. Verkefnið hefur fengið heitið FLIKK – Netmeðferð fyrir foreldra barna með kvíða.

17. feb. 2026Heilbrigðisráðuneytið, Líf og heilsa

Uppbygging og efling réttar- og öryggisgeðþjónustu á Landspítala

Nú stendur yfir stórt og viðamikið verkefni í réttar- og öryggisgeðþjónustu á Landspítala með það að markmiði að styrkja þjónustu við einstaklinga með flókinn og alvarlegan geðrænan vanda. ​Þörf fyrir þessa þjónustu hefur farið vaxandi á síðustu árum og því nauðsynlegt ​að ráðast í umbætur í starfseminni til að mæta henni. Verið er að stíga stór skref í þeirri vegferð með uppbyggingu á nýrri legudeild innan réttar- og öryggisgeðþjónustu spítalans, endurnýjun á húsnæði núverandi öryggisgeðdeildar samhliða eflingu göngudeildarþjónustu. Með breytingunum er gert ráð fyrir að reknar verði þrjár átta rúma legudeildir innan réttar- og öryggisgeðþjónustu.…

09. feb. 2026Heilbrigðisráðuneytið

Farsóttanefnd skipuð samkvæmt nýjum sóttvarnalögum

Alma D. Möller heilbrigðisráðherra hefur skipað farsóttanefnd samkvæmt 8. gr. nýrra laga um sóttvarnir nr. 40/2026 sem tóku gildi í gær. Farsóttanefnd skal vera öðrum sóttvarnayfirvöldum til ráðgjafar og aðstoðar um viðbrögð við hættulegum sjúkdómum og vettvangur fyrir samhæfingu aðgerða innan heilbrigðiskerfisins og almannavarnakerfisins gegn sjúkdómum sem eru samfélagslega hættulegir.

07. feb. 2026Heilbrigðisráðuneytið

Langtímasamningur um endurhæfingu við Heilsustofnun NLFÍ undirritaður

Heilbrigðisráðherra, forstjóri Sjúkratrygginga Íslands og forstjóri Heilsustofnunar NLFÍ undirrituðu í dag nýjan fjögurra ára þjónustusamning um sérhæfða endurhæfingu. Samningurinn markar mikilvægt skref í að efla stöðugleika og fyrirsjáanleika í þjónustu við einstaklinga sem þurfa á endurhæfingu að halda. Hámarksfjárhæð samningsins nemur tæpum 1,5 milljörðum króna á ári. Með honum er tryggður traustur grunnur fyrir áframhaldandi uppbyggingu þjónustunnar en síðasti samningur var gerður árið 2019.

29. jan. 2026Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 6/2026

Útdráttur: Kærð var ákvörðun embættis landlæknis um að synja lækni um sérfræðileyfi í undirsérgrein. Kærandi byggði á að samkvæmt eldri reglugerð hefði hann átt rétt á að fá útgefið sérfræðileyfi en hann sótti um stuttu eftir að reglugerð nr. 856/2023 tók gildi. Í umsögn embættis landlæknis kom fram að skilyrði fyrir veitingu sérfræðileyfis væru ekki uppfyllt. Hvorki væri til marklýsing fyrir námið á Íslandi né hefði kærandi fengið útgefið sérfræðileyfi erlendis frá sem hægt væri að staðfesta á Íslandi. Í niðurstöðu ráðuneytisins kom fram að þar sem umsókn kæranda barst eftir gildistöku reglugerðar nr. 856/2023 væri farið með umsókn hans samkvæmt þeirri reglugerð, en ekki var kveðið á um sólarlagsákvæði í reglugerðinni að því er umsókn kæranda varðaði.…

29. jan. 2026Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 5/2026

Útdráttur: Kærandi kærði ákvörðun embættis landlæknis um að synja henni um starfsleyfi sem félagsráðgjafi á þeim grundvelli að hana skorti þekkingu í íslenskri félagsmálalöggjöf. Kærandi byggði á því að það samræmdist ekki meðalhófsreglu stjórnsýsluréttarins að bjóða henni ekki að nýta uppbótarráðstafanir vegna þess sem upp á vantaði, en félagsráðgjafadeild félagsvísindasviðs Háskóla Íslands hafði komist að þeirri niðurstöðu að nám kæranda væri að öðru leyti í samræmi við íslenskt nám í félagsráðgjöf. Þar sem ekki væri til fjármagn væri hins vegar ekki hægt að útbúa hæfnispróf. Í niðurstöðu ráðuneytisins kom fram að samkvæmt reglugerð nr. 483/2023 væri gert ráð fyrir að hægt væri að bjóða umsækjendum að gangast undir uppbótarráðstafanir, s.s.…

28. jan. 2026Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 3/2026

Útdráttur: Kærð var ákvörðun embættis landlæknis að svipta lækni starfsleyfi á grundvelli 2. mgr. 15. gr. laga um landlækni og lýðheilsu, nr. 14/2007. Ákvörðun landlæknis var á þeim grunni byggð að kærandi hefði brotið alvarlega gegn starfsskyldum sínum með því að standa að ólögmætum rekstri heilbrigðisþjónustu ásamt því að sýna af sér tómlæti og virðingarleysi við skyldur sínar sem heilbrigðisstarfsmaður. Að mati ráðuneytisins var ljóst að veiting áminningar skv. 14. gr. laga um landlækni og lýðheilsu hefði ekki náð því markmiði sem að var stefnt að með ákvörðuninni, þ.e. að tryggja öryggi sjúklinga og gæði heilbrigðisþjónustu. Ákvörðun embættis landlæknis um að svipta kæranda starfsleyfi var því staðfest.

28. jan. 2026Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 4/2026

Útdráttur: Kærð var ákvörðun færni- og heilsumatsnefndar höfuðborgarsvæðisins um að synja einstaklingi um færni- og heilsumat. Kærandi byggði á að synjun á færni- og heilsumats hafi komið í veg fyrir að hann gæti fengið þá meðferð sem hann þurfi á að halda en jafnframt auki það líkurnar á því að hann fái þjónustu nær aðstandendum sínum ef hann fái slíkt mat. Færni- og heilsumatsnefnd byggði á að kærandi væri haldin sjúkdómi sem líkur væru á að hann læknaðist af að hluta til eða öllu leyti. Færni- og heilsumat gæti þ.a.l. ekki átt sér stað fyrr en ástand hans væri viðvarandi. Í niðurstöðu ráðuneytisins kom fram að kærandi hefði þá fengið tímabundna vistun í hjúkrunarrými en sú ákvörðun væri ekki til meðferðar hjá ráðuneytinu.…

21. jan. 2026Heilbrigðisráðuneytið, Líf og heilsa

Mælaborð um aðgerðir í geðheilbrigðismálum

Heilbrigðisráðuneytið vinnur að framkvæmd aðgerðaáætlunar í geðheilbrigðismálum fyrir árin 2023–2027, sem byggir á samþykktri stefnu í geðheilbrigðismálum til ársins 2030. Í aðgerðaáætluninni eru skilgreindar 27 aðgerðir sem miða að því að efla geðheilbrigðisþjónustu, auka aðgengi og stuðla að heildstæðri og notendamiðaðri þjónustu. Til að auka gagnsæi og aðgengi að upplýsingum um framgang aðgerðanna hefur ráðuneytið sett upp mælaborð geðheilbrigðismála. Mælaborðið veitir yfirsýn yfir stöðu verkefna, helstu mælikvarða og framvindu og er ætlað almenningi og fagfólki sem vilja fylgjast með þróun í málaflokknum.

16. jan. 2026Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 2/2026

Útdráttur: Kærð var ákvörðun embættis landlæknis um að vísa frá tilkynningu kæranda um alvarlegt atvik. Kærandi byggði á því að atvikið hefði sannarlega verið alvarlegt, þá hefði hann að auki heimild til að tilkynna atvikið samkvæmt 10. gr. laga nr. 41/2007, um landlækni og lýðheilsu, sbr. einnig 4. gr. laga nr. 103/2023. Embættinu hafi því borið að taka tilkynningu hans til efnislegrar meðferðar. Embættið byggði ákvörðun sína á því að atvikið hefði gerst fyrir gildistöku laga nr. 103/2023. Fyrir þann tíma hefði sjúklingi ekki verið heimilt að tilkynna alvarlegt atvik til embættisins. Af þeim sökum aðallega vísaði embættið tilkynningu kæranda frá.…

15. jan. 2026Félags- og húsnæðismálaráðuneytið, Málefni eldra fólks, Heilbrigðisráðuneytið

Nýtt 80 rýma hjúkrunarheimili Hrafnistu opnað í Reykjanesbæ

Nýtt 80 rýma hjúkrunarheimili var opnað við Nesvelli í Reykjanesbæ í dag. Opnun heimilisins er mikilvægur áfangi í uppbyggingu hjúkrunarrýma um land allt. Hjúkrunarheimilið er samtengt Hrafnistu Nesvöllum sem er 60 rýma hjúkrunarheimili með heildstæðri þjónustumiðstöð fyrir eldri borgara. Heildarfjöldi rýma á hjúkrunarheimilum á Suðurnesjum er nú orðinn 140.

15. jan. 2026Félags- og húsnæðismálaráðuneytið, Málefni eldra fólks, Heilbrigðisráðuneytið

Nýtt 80 rýma hjúkrunarheimili Hrafnistu opnað í Reykjanesbæ

Nýtt 80 rýma hjúkrunarheimili var opnað við Nesvelli í Reykjanesbæ í dag. Opnun heimilisins er mikilvægur áfangi í uppbyggingu hjúkrunarrýma um land allt. Hjúkrunarheimilið er samtengt Hrafnistu Nesvöllum sem er 60 rýma hjúkrunarheimili með heildstæðri þjónustumiðstöð fyrir eldri borgara. Heildarfjöldi rýma á hjúkrunarheimilum á Suðurnesjum er nú orðinn 140.

09. jan. 2026Heilbrigðisráðuneytið

Fjölgun hjúkrunarrýma - gjörbreytt staða á Landspítala

„Staðan á Landspítala varðandi sjúklinga með færni og heilsumat hefur ekki verið betri það sem af er þessari öld.“ Svohljóðandi tölvupóstur barst heilbrigðisráðuneytinu frá Landspítala í gær. Í stefnuyfirlýsingu ríkisstjórnar Kristrúnar Frostadóttur var kveðið á um að ríkisstjórnin myndi leiða þjóðarátak í umönnun eldra fólks, m.a. með fjölgun hjúkrunarrýma og eflingu heimahjúkrunar.

07. jan. 2026Heilbrigðisráðuneytið, Líf og heilsa

Styrkir Matthildarsamtökin um 7 milljónir króna vegna Reyks

Heilbrigðisráðherra hefur ákveðið að styrkja Matthildarsamtökin um tæpar sjö milljónir króna vegna reksturs skaðaminnkunarverkefnisins Reyks. Verkefnið snýst um að veita einstaklingum sem reykja ópíóíða eða örvandi vímuefni skaðaminnkandi þjónustu og viðeigandi búnað, einföld vímuefnapróf, naloxone nefúða við ofskömmtun o.fl. Þjónusta Reyks er veitt notendum án endurgjalds og hefur náð til einstaklinga sem af ýmsum ástæðum hafa ekki nýtt sér önnur úrræði en eru í verulegri áhættu vegna vímuefnanotkunar.

06. jan. 2026Forsætisráðuneytið, Heilbrigðisráðuneytið, Innviðaráðuneytið, Umhverfis-٫ orku- og loftslagsráðuneytið, Atvinnuvegaráðuneytið, Fjármála- og efnahagsráðuneytið, Dómsmálaráðuneytið

Ný upplýsingagátt um almyrkvann

Ný upplýsingagátt um almyrkvann 12. ágúst er kominn í loftið á Ísland.is. Þar eru á einum stað upplýsingar um allt sem snertir almyrkvann og svör við spurningum sem kunna að brenna á fólki; hvar er best að fylgjast með almyrkvanum, hvenær verður hann og hvernig á að bera sig að þegar fylgst er með honum en líka hvort og hvar verður gripið til takmarkana á umferð og hvaða götur verða lokaðar.

06. jan. 2026Forsætisráðuneytið, Heilbrigðisráðuneytið, Innviðaráðuneytið, Umhverfis-٫ orku- og loftslagsráðuneytið, Atvinnuvegaráðuneytið, Fjármála- og efnahagsráðuneytið, Dómsmálaráðuneytið

Ný upplýsingagátt um almyrkvann

Ný upplýsingagátt um almyrkvann 12. ágúst er kominn í loftið á Ísland.is. Þar eru á einum stað upplýsingar um allt sem snertir almyrkvann og svör við spurningum sem kunna að brenna á fólki; hvar er best að fylgjast með almyrkvanum, hvenær verður hann og hvernig á að bera sig að þegar fylgst er með honum en líka hvort og hvar verður gripið til takmarkana á umferð og hvaða götur verða lokaðar.

29. des. 2025Heilbrigðisráðuneytið, Líf og heilsa, Félags- og húsnæðismálaráðuneytið

Skjólshús sett á fót – nýtt úrræði í geðheilbrigðisþjónustu

Í dag skrifuðu félags- og húsnæðismálaráðherra og heilbrigðisráðherra undir samstarfssamning við landssamtökin Geðhjálp um stofnun skjólshúss fyrir fólk í tilfinningalegri krísu vegna andlegra áskorana. Um er að ræða tilraunaverkefni til þriggja ára þar sem ráðuneytin tvö leggja til samtals 122 m.kr. á móti 150-180 m.kr. framlagi Geðhjálpar. Stefnt er að því að opna skjólshúsið á fyrri hluta næsta árs (2026).

19. des. 2025Heilbrigðisráðuneytið, Líf og heilsa

Samningur um þjónustu Frú Ragnheiðar með stórauknu fjármagni

Sjúkratryggingar Íslands og Rauði krossinn á Íslandi hafa gert með sér samkomulag um framlengdan og breyttan samning um skaðaminnkandi þjónustu Frú Ragnheiðar fyrir einstaklinga með vímuefnavanda. Fjármagn til starfseminnar hækkar úr tæpum 23 milljónum króna í 50 milljónir króna á ársgrundvelli. „Eins og fram kemur í stjórnarsáttmála leggur ríkisstjórnin sérstaka áherslu á að efla meðferðarúrræði vegna fíknivanda og auka fjármagn til málaflokksins. Skaðaminnkun og lágþröskuldaþjónusta í nærumhverfi þeirra viðkvæmu einstaklinga sem Frú Ragnheiður sinnir er liður í því að bæta þjónustu við fólk sem glímir við fíkn og mikilvægt fyrir samfélagið allt,“ segir Alma D. Möller heilbrigðisráðherra.

18. des. 2025Heilbrigðisráðuneytið, Líf og heilsa

Heimsókn geðheilbrigðisráðherra Írlands – upphaf að samstarfi frændþjóða

Mary Butler, geðheilbrigðisráðherra Írlands kom nýverið í heimsókn til Íslands til að efla samvinnu í geðheilbrigðismálum, deila reynslu og lausnum í þeim áskorunum sem þjóðirnar standa frammi fyrir. Það var heilbrigðisráðherra Ölmu D. Möller sönn ánægja að taka á móti Mary Butler og sendinefnd hennar. Sérfræðingar heilbrigðisráðuneytisins, heilbrigðisþjónustunnar og fulltrúar hagsmunasamtaka kynntu íslenska stefnumótun á sviðinu, þjónustu, áskoranir og tækifæri. Ráðuneytið færir þeim þakkir fyrir þeirra góðu kynningar og gagnlegu umræður.

09. des. 2025Heilbrigðisráðuneytið, Líf og heilsa, Mennta- og barnamálaráðuneytið

Styrkja Bergið-headspace um 20 milljónir króna

Alma D. Möller heilbrigðisráðherra, Guðmundur Ingi Kristinsson mennta- og barnamálaráðherra og Eva Rós Ólafsdóttir, framkvæmdastjóri Bergsins-headspace undirrituðu í dag styrktarsamning sem kveður á um 20 milljóna króna fjárframlag ráðuneytanna til að styðja við starfsemi Bergsins. Hvort ráðuneyti um sig leggur til 10 milljónir króna. Samningurinn gildir til loka þessa árs.

08. des. 2025Heilbrigðisráðuneytið, Líf og heilsa

Fyrstu langtímasamningarnir um liðskiptaaðgerðir og fleiri skurðaðgerðir

Sjúkratryggingar Íslands, Klíníkin Ármúla ehf. og Stoðkerfi ehf. í samstarfi við Læknahúsið DEA Medica hafa gert með sér samning um framkvæmd liðskipta-, bak-, kviðsjár-, og brjóstaminnkunaraðgerða með greiðsluþátttöku sjúkratrygginga til næstu þriggja ára. Heilbrigðisráðherra, forstjóri Sjúkratrygginga Íslands (SÍ) og forsvarsmenn þjónustuveitenda staðfestu samninginn í höfuðstöðvum SÍ í dag. Bætt aðgengi sjúklinga að nauðsynlegri þjónustu, skýrari umgjörð hennar og stytting biðlista eru helstu markmið samningsins.

06. des. 2025Heilbrigðisráðuneytið, Líf og heilsa

Upphafsfundur nefndar WHO um lýðheilsu og loftslagsbreytingar

Alma D. Möller heilbrigðisráðherra tók þátt í upphafsfundi nefndar Alþjóðaheilbrigðisstofnunarinnar (WHO) um lýðheilsu og loftslagsbreytingar sem fram fór í Hörpu í gær. Formaður nefndarinnar er Katrín Jakobsdóttir en í henni sitja ellefu fulltrúar, m.a. fyrrverandi stjórnmálaleiðtogar og áhrifamiklir einstaklingar með þekkingu á sviði loftslags- og heilbrigðismála. Dr. Hans Kluge, framkvæmdastjóri Evrópuskrifstofu WHO kom til Íslands af þessu tilefni. Hann og Alma áttu tvíhliða fund þar sem þau ræddu m.a. um smáríkjasamstarf WHO, lýðheilsu og forvarnir, geðheilbrigðismál, aðgerðir gegn ofbeldi og síðast en ekki síst ástand heilbrigðismála á Gaza.

03. des. 2025Heilbrigðisráðuneytið, Líf og heilsa

Nýjar ráðleggingar um mataræði fyrir landsmenn

„Við þurfum að stefna að því að gera holla valkostinn að auðveldasta kostinum“ sagði Alma D. Möller heilbrigðisráðherra í ræðu hjá embætti landlæknis í dag þegar kynntar voru nýjar íslenskar ráðleggingar um mataræði. Slíkar ráðleggingar voru fyrst gefnar út árið 1986 en hafa síðan þá verið endurskoðaðar fjórum sinnum. Í nýju ráðleggingunum er aukin áhersla á grænmeti, ávexti og heilkornavörur, minna ráðlagt af rauðu kjöti en áður og sérstaklega varað við neyslu á unnum kjötvörum. Fjallað er um neyslu orkudrykkja í leiðbeininingunum sem er nýmæli og eru skilaboð embættisins skýr þess efnis að orkudrykkir séu ekki ætlaðir börnum og ungmennum yngri en 18 ára.

27. nóv. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 15/2025

Útdráttur: Kærandi kærði málsmeðferð embættis landlæknis í kvörtunarmáli. Kærandi byggði á að matslæknir hafi sýnt af sér ótilhlýðilega framkomu árið 2022. Einnig byggði kærandi á að hann hefði orðið fyrir vanrækslu við veitingu heilbrigðisþjónustu árið 2014 í kjölfar vinnuslyss. Í niðurstöðu embættis landlæknis kom fram að starf matslæknis væri ekki veiting heilbrigðisþjónustu var þeim þætti kvörtunarinnar vísað frá embættinu. Þá hefði ekkert bent til þess í sjúkraskrárgögnum kæranda að vanræksla hefði átt sér stað árið 2014. Í niðurstöðu ráðuneytisins féllst ráðuneytið á þá niðurstöðu embættis landlæknis að kærandi hafi ekki notið heilbrigðisþjónustu hjá matslækninum í tilgreint skipti.…

26. nóv. 2025Heilbrigðisráðuneytið, Líf og heilsa

Funduðu með forstjóra, fulltrúum lækna og fagráði SAk vegna læknamönnunar

Alma D. Möller heilbrigðisráðherra, Ásta Valdimarsdóttir ráðuneytisstjóri, aðstoðarmaður ráðherra og sérfræðingur ráðuneytisins á sviði mannauðsmála funduðu í gær með framkvæmdastjórn Sjúkrahússins á Akureyri (SAk), fulltrúum lækna og fagráði SAk vegna erfiðrar stöðu á SAk við mönnun ákveðinna sérgreina, þá sér í lagi lyflækninga.

25. nóv. 2025Heilbrigðisráðuneytið, Líf og heilsa

Styrkjum úthlutað til nýrra verkefna á sviði fjarheilbrigðisþjónustu

Alma D. Möller heilbrigðisráðherra hefur ákveðið úthlutun 50 milljóna króna til sex verkefna sem styðja við markmið byggðaáætlunar stjórnvalda um eflingu fjarheilbrigðisþjónustu. Hæstu styrkirnir renna til verkefnis um fjarvöktun bráðveikra nýbura á landsbyggðinni og til innleiðingar á langtímaeftirliti með langveikum sjúklingum með nýtingu gervigreindar. Heilbrigðisráðuneytið fjármagnar 30 milljónir króna af styrkfjárhæðinni en 20 milljónir króna koma af byggðaáætlun.