Efnisorð
Tegund

Leita eftir efnisorðum

Sýnir 1251–1300 af 1473
Raða eftir:
26. jún. 2019Atvinnuvegaráðuneytið, Auðlindir, Sjávarútvegur, Atvinnuvegir

Ráðherra fylgir ráðgjöf Hafrannsóknastofnunar

Kristján Þór Júlíusson, sjávarútvegs- og landbúnaðarráðherra, hefur gefið út reglugerð um leyfilegan heildarafla í íslenskri fiskveiðilögsögu fyrir næsta fiskveiðiár og fylgir hún alfarið ráðgjöf Hafrannsóknastofnunar. Ráðgjöfin er gerð á grundvelli langtímamarkmiða um sjálfbæra nýtingu og er varúðarnálgun Alþjóðahafrannsóknaráðsins höfð að leiðarljósi.

24. jún. 2019Ferðaþjónusta, Atvinnuvegir, Atvinnuvegaráðuneytið

Framtíðarsýn ferðaþjónustunnar og Jafnvægisás ferðamála í Samráðsgátt stjórnvalda

Stefnumótun til langs tíma fyrir íslenska ferðaþjónustu er eitt af forgangsmálum Þórdísar Kolbrúnar ferðamála-, iðnaðar- og nýsköpunarráðherra. Nú hafa verið lögð fram í Samráðsgátt stjórnvalda tvö grunnskjöl á þessari vegferð; þ.e. Framtíðarsýn og leiðarljós íslenskrar ferðaþjónustu til 2030 og Jafnvægisás ferðamála.

14. jún. 2019Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Atvinnuvegir

Norrænir sérfræðingar funduðu um ríkisaðstoð

Í dag komu sérfræðingar af Norðurlöndunum á sviði ríkisaðstoðar saman til fundar í fjármála- og efnahagsráðuneytinu. Norrænir fundir um ríkisaðstoð hafa verið haldnir óslitið í tvo áratugi og var fundurinn í Reykjavík sá 21. í röðinni. Á fundinum deila löndin reynslu sinni af ríkisaðstoðarmálum og þeim takmörkunum sem EES-samningurinn og sáttmálinn um starfshætti ESB kveða á um.

31. maí 2019Menntamál, Nýsköpun, Orka, Atvinnuvegir, Umhverfis-٫ orku- og loftslagsráðuneytið, Menningar-٫ nýsköpunar- og háskólaráðuneytið

Undirritun samnings um samstarf á sviði sjálfbærni, orku, nýsköpunar og loftslagsmála

Ferðamála-, iðnaðar- og nýsköpunarráðherra undirritaði í dag samning við Háskólann í Reykjavík, Orkuklasann og GRP ehf., um samstarf á sviði sjálfbærni, orku, nýsköpunar og loftslagsmála. Undanfarin ár hafa íslenski Orkuklasinn og GRP ehf., ásamt stjórnvöldum, verið í samstarfi við Cornell háskóla í Bandaríkjunum með það að markmiði að vinna að þekkingaryfirfærslu í orkumálum og sjálfbærni, auk samstarfs í vísindarannsóknum og menntamálum. Með samningnum er efnt til áframhaldandi samstarfs við Cornell háskóla til næstu fjögurra ára og er markmiðið að samstarfið muni leiða af sér aukin tækifæri í nýsköpun, þekkingaryfirfærslu, sjálfbærni, grænum orkulausnum og verðmætaaukningu fyrir íslenskt samfélag.

20. maí 2019Atvinnuvegaráðuneytið, Líf og heilsa, Landbúnaður, Lýðheilsa og forvarnir, Sjávarútvegur, Atvinnuvegir

Innkaupastefna matvæla fyrir ríkisaðila

Á fundi ríkisstjórnarinnar á föstudag var samþykkt tillaga Kristjáns Þórs Júlíussonar, sjávarútvegs- og landbúnaðarráðherra, um innkaupastefnu matvæla fyrir ríkisaðila. Íslenska ríkið kaupir matvæli fyrir um þrjá milljarða króna á ári og sem stórkaupandi getur það haft víðtæk áhrif á eftirspurn eftir matvælum, stuðlað að umhverfisvænum innkaupum, dregið úr kolefnisspori og eflt nýsköpun. Vonast er til að stefnan verði fordæmisgefandi fyrir sveitarfélög og aðra. Kjarni stefnunnar er að innkaup ríkisaðila á matvælum byggi á markmiðum um sjálfbærni, góða lýðheilsu og umhverfisvitund.

14. maí 2019Ferðaþjónusta, Atvinnuvegir, Atvinnuvegaráðuneytið

Miklum árangri heimagistingarvaktar fylgt eftir

Að frumkvæði ferðamálaráðherra var eftirlit sýslumannsins á höfuðborgarsvæðinu með heimagistingu stóraukið í fyrra með átaksverkefninu Heimagistingarvakt. Árangurinn var ótvíræður: Tíðni nýskráninga í heimagistingu fimmfaldaðist í kjölfar átaksins, skráðum eignum fjölgaði um nær 100% á milli ára og áætlað er að óskráðum og leyfislausum gististöðum hafi fækkað um meira en 30%. Engu að síður er áætlað að um helmingur allrar skammtímaleigu fari enn fram án tilskilinna leyfa eða skráningar.

06. maí 2019Ferðaþjónusta, Nýsköpun, Atvinnuvegir, Atvinnuvegaráðuneytið

Virkjum hugvitið í ferðaþjónustu – námskeið og vinnuaðstaða

Í dag undirrituðu atvinnuvega- og nýsköpunarráðuneytið og Íslenski ferðaklasinn samstarfssamning varðandi framkvæmd á verkefninu Virkjum hugvitið. Það er til komið vegna breyttra aðstæðna í ferðaþjónustu og gengur út á að virkja viðskiptahugmyndir á sviði nýsköpunar í ferðaþjónustu. Verkefnið er sérstaklega miðað að þeim dýrmæta mannauði í ferðaþjónustu sem hefur orðið fyrir atvinnumissi á síðustu vikum og mánuðum. Verkefnið skiptist í tvo meginþætti, annars vegar tímabundna vinnuaðstöðu í Húsi ferðaklasans og hins vegar vinnustofur og fræðslu. Innifalið í fræðsluhlutanum er stöðumat og greining á viðskiptahugmynd.

04. maí 2019Auðlindir, Landbúnaður, Orka, Atvinnuvegir, Umhverfis-٫ orku- og loftslagsráðuneytið

Skýrsla starfshóps varðandi raforkumálefni garðyrkjubænda

Starfshópur um raforkumálefni garðyrkjubænda var skipaður af ferðamála-, iðnaðar- og nýsköpunarráðherra 27. apríl 2018. Starfshópnum var ætlað að kortleggja þróun framleiðslukostnaðar garðyrkjubænda og hlut raforku í honum, þróun gjaldskrárbreytinga, taxta og niðurgreiðslna vegna raforkunotkunar garðyrkjubænda, kanna möguleika til aukinnar nýsköpunar, þróunarverkefna og samstarfs í greininni og skoða hvaða möguleikar og verðmæti kunni að felast í kolefnisfótspori garðyrkjunnar eða öðrum loftlagstengdum áherslum.

04. maí 2019Atvinnuvegaráðuneytið, Landbúnaður, Atvinnuvegir

Ræða sjávarútvegs- og landbúnaðarráðherra á aðalfundi sauðfjárbænda

Kristján Þór Júlíusson, sjávarútvegs og landbúnaðarráðherra, hélt í gær ræðu aðalfundi Landssamtaka sauðfjárbænda. Í ræðunni fór Kristján Þór yfir þau mál sem eru efst á baugi á vettvangi sauðfjárræktar og íslensks landbúnaðar og má þar nefna endurskoðun samnings um starfsskilyrði sauðfjárræktar, átak um betri merkingar á matvælum, aðgerðir gegn útbreiðslu sýklalyfjaónæmra baktería og aðgerðaáætlun í tengslum við frumvarp um innflutning á ófrystu kjöti sem miðar að því að efla matvælaöryggi, tryggja vernd búfjárstofna og bæta samkeppnisstöðu innlendrar matvælaframleiðslu.

04. maí 2019Rit og skýrslur, Atvinnuvegir, Auðlindir, Orka, Umhverfis-٫ orku- og loftslagsráðuneytið

Skýrsla starfshóps um raforkuflutning í dreifbýli og þrífösun rafmagns

apríl 2019 / Umhverfis-٫ orku- og loftslagsráðuneytið Skýrsla starfshóps um raforkuflutning í dreifbýli og þrífösun rafmagns Skýrsla starfshóps um raforkuflutning í dreifbýli og þrífösun rafmagns --- Í maí 2017 skipaði ráðherra ferðamála-, iðnaðar- og nýsköpunar starfshóp til að greina möguleika og gera tillögur um uppfærslur á raforkuflutningskerfi í dreifbýli með áherslu á þrífösun rafmagns. Í skýrslu starfshópsins er lagt til að útfært verði átaksverkefni um þrífösun rafmagns til næstu fimm ára

15. apr. 2019Rit og skýrslur, Atvinnuvegir, Atvinnuvegaráðuneytið

Áhættumat Preben Willeberg vegna innflutnings hunda og katta til Íslands

apríl 2019 / Atvinnuvegaráðuneytið Áhættumat Preben Willeberg vegna innflutnings hunda og katta til Íslands Áhættumat vegna innflutnings hunda og katta til Íslands Haustið 2017 fól þáverandi sjávarútvegs- og landbúnaðarráðherra dr. Preben Willeberg að vinna áhættumat vegna innflutnings hunda og katta til Íslands með sérstakri áherslu á hjálparhunda

15. apr. 2019Atvinnuvegaráðuneytið, Landbúnaður, Atvinnuvegir

Samningaviðræður um endurskoðun búvörusamnings við nautgripabændur að hefjast

Ríkið og Bændasamtök Íslands hafa skipað samninganefndir sínar vegna endurskoðunar á búvörusamningi um starfsskilyrði nautgriparæktar. Í búvörusamningunum sem gerðir voru árið 2016 og gilda til 10 ára er mælt fyrir um að tvisvar á samningstímanum, þ.e. 2019 og 2023, verði samningarnir teknir til endurskoðunar. Þar verði litið til þess hvort markmið samninganna hafi náðst og hvort ástæða sé til að gera á þeim breytingar.

12. apr. 2019Atvinnuvegaráðuneytið, Auðlindir, Sjávarútvegur, Atvinnuvegir

Heimilt að fullnýta fisk og fiskeldisafurðir til lýsis og fiskimjöls framleiðslu

Kristján Þór Júlíusson, sjávarútvegs- og landbúnaðarráðherra, hefur undirritað breytingu á reglugerð sem heimilar að nota megi allar fiskeldisafurðir og allan fisk við framleiðslu á fiskimjöli og lýsi sem ætlað er til manneldis, svo framarlega sem meðferð hráefnisins uppfylli kröfur um hollustuhætti og matvæli.

06. apr. 2019Innviðaráðuneytið, Atvinnuvegir, Auðlindir, Samgöngur og fjarskipti, Umhverfi og náttúruvernd, Ferðaþjónusta, Loftslagsmál, Orka, Samgöngusáttmálinn, Atvinnuvegaráðuneytið

Markviss uppbygging innviða vegna orkuskipta í samgöngum

Hraðhleðslustöðvum við þjóðveginn verður fjölgað verulega og blásið verður til átaks með ferðaþjónustunni til að stuðla að orkuskiptum hjá bílaleigum, sem hafa víðtæk áhrif á samsetningu bílaflota landsmanna. Þetta kom fram á blaðamannafundi þriggja ráðherra ríkisstjórnarinnar þar sem kynnt voru næstu skref varðandi orkuskipti í samgöngum á Íslandi.

29. mar. 2019Atvinnuvegaráðuneytið, Landbúnaður, Atvinnuvegir

Kristján Þór fundaði með framkvæmdastjóra ESB á sviði heilbrigðis og matvæla

Kristján Þór Júlíusson, sjávarútvegs- og landbúnaðarráðherra, átti í gær fund með Vytenis Andriukaitis, framkvæmdastjóra Evrópusambandsins á sviði heilbrigðis og matvæla. Megintilgangur fundarins var að ræða stöðu mála er varðar innflutning á ófrystu kjöti, eggjum og ógerilsneyddum mjólkurafurðum til Íslands og dóma EFTA-dómstólsins og Hæstaréttar Íslands sem hafa komist að þeirri niðurstöðu að núgildandi leyfisveitingakerfi og frystiskylda brjóti gegn skuldbindingum Íslands gagnvart EES-samningnum.

27. mar. 2019Ferðaþjónusta, Atvinnuvegir, Norrænt samstarf, Atvinnuvegaráðuneytið

Miklir möguleikar í norrænu samstarfi um ferðamál

Norðurlönd hafa til mikils að vinna með því að starfa saman á sviði ferðamála. Meðal annars getur borgað sig að eiga samstarf á sviði nýsköpunar, stafrænnar þróunar og markaðsmála. Þetta kemur fram í nýrri skýrslu sem Norræna ráðherranefndin hefur látið gera. Ragnheiður Elín Árnadóttir, fyrrum iðnaðar- og viðskiptaráðherra, vann greininguna og varpar fram allmörgum tillögum að því hvernig styrkja megi samstarfið. Efni skýrslunnar er ætlað að nýtast í vinnu að norrænni ferðamálaáætlun sem nú stendur yfir og verður kynnt síðar á þessu ári.

27. mar. 2019Atvinnuvegir, Auðlindir, Skipulagsmál, Umhverfi og náttúruvernd, Ferðaþjónusta, Náttúruvernd, Atvinnuvegaráðuneytið, Félags- og húsnæðismálaráðuneytið

Áframhaldandi uppbygging um allt land til verndar náttúrunni

Guðmundur Ingi Guðbrandsson, umhverfis- og auðlindaráðherra og Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, tilkynntu í dag um úthlutun til uppbyggingar innviða og annarra verkefna á 130 fjölsóttum stöðum í náttúru Íslands og á öðrum ferðamannastöðum vítt og breitt um landið. Markmiðið er halda áfram þeirri miklu uppbyggingu innviða sem hafin er til verndar náttúru landsins og menningarsögulegum minjum, sem og uppbyggingar ferðamannastaða.

27. mar. 2019Atvinnuvegaráðuneytið, Sjávarútvegur, Auðlindir, Atvinnuvegir

Verkefnisstjórn um bætt eftirlit með fiskveiðiauðlindinni

Kristján Þór Júlíusson sjávarútvegs- og landbúnaðarráðherra, hefur skipað verkefnisstjórn til að koma með tillögur um bætt eftirlit með fiskveiðiauðlindinni. Sérstakur samráðshópur skipaður fulltrúum allra þingflokka og helstu hagaðila mun starfa með verkefnisstjórninni. Gert er ráð fyrir að verkefnisstjórnin skili skýrslu til ráðherra á haustmánuðum 2019.

22. mar. 2019Neytendamál, Landbúnaður, Atvinnuvegir, Atvinnuvegaráðuneytið

Skipað í samráðshóp um betri merkingar matvæla

Kristján Þór Júlíusson, sjávarútvegs- og landbúnaðarráðherra, hefur skipað í samráðshóp um betri merkingar matvæla. Í síðasta mánuði var undirritað samkomulag milli sjávarútvegs- og landbúnaðarráðherra, Bændasamtaka Íslands, Neytendasamtakanna, Samtaka verslunar og þjónustu og Samtaka iðnaðarins um að gera gangskör í því að bæta merkingar á matvælum og tryggja þannig betur rétt neytenda til upplýsinga um uppruna, framleiðsluhætti, lyfjanotkun og umhverfisáhrif þeirra.

21. mar. 2019Neytendamál, Landbúnaður, Atvinnuvegir, Atvinnuvegaráðuneytið

Til umsagnar: Drög að innkaupastefnu matvæla fyrir opinbera aðila

Í innkaupastefnunni er m.a. lögð áhersla á tryggja neytendum matvæli úr heilnæmum afurðum með tilliti til framleiðsluhátta og umhverfisáhrifa. Máltíðir taka mið af ráðleggingum embættis landlæknis um mataræði og áhersla er lögð á aðgang neytenda í opinberum mötuneytum að uppruna og næringargildi og í náinni framtíð um kolefnisspor máltíða.