Efnisorð
Tegund

Leita eftir efnisorðum

Sýnir 1151–1200 af 1835
Raða eftir:
12. apr. 2020Heilbrigðisráðuneytið, Líf og heilsa

Opið þing um framtíðarsýn í geðheilbrigðismálum 9. desember

Svandís Svavarsdóttir heilbrigðisráðherra boðar til vefþings og samráðs um framtíðarsýn í geðheilbrigðismálum til ársins 2030. Ráðstefnan hefst kl. 9.00 með opnunarávarpi ráðherra. Síðan taka við stutt erindi leik- og fagmanna um efnið sem lýkur með pallborðsumræðum. Þeir sem fylgjast með þinginu geta tekið þátt í umræðum og komið spurningum á framfæri í gegnum forritið Slido.

11. apr. 2020Heilbrigðisráðuneytið, Heilbrigðismál, Líf og heilsa

Bætt aðgengi íbúa Austurlands að þjónustu sérgreinalækna

Heilbrigðisráðherra hefur ákveðið að tryggja Heilbrigðisstofnun Austurlands varanlegt aukið fjármagn til að tryggja áframhaldandi þjónustu sérgreinalækna við íbúa heilbrigðisumdæmisins með samningum við Sjúkrahúsið á Akureyri og Landspítala. Verkefnið hófst sem tilraunaverkefni í fyrra með samningum um þjónustu bæklunarlækna og þvagfæraskurðlækna. Á 12 mánaða tímabili sinntu læknarnir um 850 komum hjá einstaklingum sem annars hefðu þurft að sækja þjónustuna til Akureyrar eða Reykjavíkur.

09. apr. 2020Heilbrigðisráðuneytið, Heilbrigðismál, Líf og heilsa

Yfirlýsing frá heilbrigðisráðherra vegna krabbameinsskimana

Svandís Svavarsdóttir heilbrigðisráðherra segir mikilvægt að konur treysti áfram á þjónustu Krabbameinsfélags Íslands (KÍ) og sinni boðum um reglubundnar skimanir. Hún segir að allt verði gert til að rannsaka til hlítar hvað olli afdrifaríkum mistökum við leghálsskimanir hjá Leitarstöð KÍ og fyrirbyggja að slíkt geti endurtekið sig. Breytingar verða á fyrirkomulagi krabbameinsskimana um næstu áramót, þegar ábyrgð á leghálsskimunum færist frá Krabbameinsfélagi Íslands til heilsugæslunnar og brjóstaskimanir til Landspítala. Þessar breytingar tengjast ekki þeim mistökum sem nú eru til rannsóknar hjá embætti landlæknis. Þetta kemur fram í eftirfarandi yfirlýsingu heilbrigðisráðherra.

09. apr. 2020Heilbrigðisráðuneytið, Covid-19, Líf og heilsa

Rýmri samkomutakmarkanir taka gildi 7. september

Nálægðarreglu verður breytt úr 2 metrum í 1 metra og hámarksfjöldi þeirra sem mega koma saman fer úr 100 manns í 200 þegar nýjar reglur um takmarkanir á samkomum taka gildi á mánudaginn, 7. september. Þetta er meginefni nýrrar reglugerðar Svandísar Svavarsdóttur heilbrigðisráðherra um takmarkanir á samkomum. Breytingarnar eru í samræmi við tillögur sóttvarnalæknis.

06. apr. 2020Heilbrigðisráðuneytið, Heilbrigðismál, Líf og heilsa

Opnun afeitrunardeildar fyrir ólögráða ungmenni mikilvægt framfaraskref

Afeitrunardeild fyrir ólögráða ungmenni var opnuð á Landspítala í vikunni. Deildin heyrir undir fíknigeðdeild sjúkrahússins og verður áhersla lögð á fjölskyldumiðaða þjónustu. Svandís Svavarsdóttir heilbrigðisráðherra segir tilkomu deildarinnar langþráða og um mikilvægt framfaraskref að ræða í þjónustu við afar viðkvæman hóp.

05. apr. 2020Heilbrigðisráðuneytið, Covid-19, Líf og heilsa

Nýjar reglur um takmarkanir á samkomum hafa tekið gildi

Á miðnætti aðfaranótt 4. maí tóku gildi nýjar reglur heilbrigðisráðherra um takmarkanir á samkomum. Fjöldamörk hafa verið hækkuð úr 20 í 50 manns, takmarkanir á fjölda nemenda í leik- og grunnskólum hafa verið felldar niður og sömuleiðis vegna íþróttaiðkunar og æskulýðsstarfs barna á leik- og grunnskólaaldri. Framhalds- og háskólar hafa verið opnaðir á ný og ýmsir þjónustuveitendur opnuðu í morgun dyr sínar fyrir viðskiptavinum. Áfram gildir reglan um tveggja metra nálægðartakmörk hjá fullorðnum og gæta þarf að hreinlæti og sóttvörnum líkt og áður.

02. apr. 2020Heilbrigðisráðuneytið, Líf og heilsa

Reglugerð til umsagnar: Viðurkenning á faglegri menntun og hæfi heilbrigðisstarfsfólks frá öðrum ríkjum EES

​Birt hafa verið til umsagnar drög að nýrri reglugerð heilbrigðisráðherra sem varðar viðurkenningu á faglegri menntun og hæfi heilbrigðisstarfsmanna frá öðrum ríkjum Evrópska efnahagssvæðisins og Sviss. Reglugerðin helst í hendur við frumvarp ráðherra menntamála um breytingu á lögum nr. 26/2010 sem miðast við að leiða í lög öll nauðsynleg nýmæli tilskipunar Evrópusambandsins 2013/55/EB hvað þetta varðar.

31. mar. 2020Heilbrigðisráðuneytið, Heilbrigðismál, Líf og heilsa, Covid-19

COVID-19: Myndrænar leiðbeiningar til fólks í mismunandi aðstæðum

Heilsugæsla höfuðborgarsvæðisins (HH) hefur birt á myndrænan hátt skýrar leiðbeiningar til fólks um hvað má og hvað má ekki gera meðan COVID-19 faraldurinn gengur yfir. Leiðbeiningarnar eru sniðnar að mismunandi aðstæðum fólks, t.d. fyrir fólk sem er í sóttkví eða fólk í áhættuhópi. Upplýsingaspjöldin eru aðgengileg til útprentunar og eru á íslensku og ensku.

27. mar. 2020Heilbrigðisráðuneytið, Almannaöryggi, Líf og heilsa, Covid-19, Réttarfar, Dómsmálaráðuneytið

Sektir fyrir brot gegn sóttvarnalögum vegna COVID-19

Vegna ákvörðunar heilbrigðisráðherra um opinberar sóttvarnaráðstafanir í samræmi við sóttvarnalög nr. 19/1997, sem eru viðbrögð við COVID-19 heimsfaraldrinum, hefur ríkissaksóknari sent öllum lögreglustjórum á landinu fyrirmæli vegna brota á reglum heilbrigðisráðherra sem fjalla um samkomubann, lokun samkomustaða og starfsemi, sem og um einangrun smitaðra og um sóttkví.

27. mar. 2020Heilbrigðisráðuneytið, Covid-19, Líf og heilsa

Ráðist í stækkun Grensáss: framkvæmdir fyrir 1,6 milljarða króna

Heilbrigðisráðherra hefur ákveðið að setja stækkun endurhæfingardeildar Landspítala við Grensás í forgang og er ráðgert að hefja framkvæmdir strax. Gert er ráð fyrir að verja 200 milljónum króna til framkvæmdanna á þessu ári. Áætlaður heildarkostnaður er 1,6 milljarðar sem áformað er að fjármagna að fullu á næstu þremur árum.

27. mar. 2020Heilbrigðisráðuneytið, Covid-19, Líf og heilsa

Stöndum saman - heilbrigðisráðherra skrifar:

"Stjórn­völd vinna að því hörðum hönd­um að bregðast við og lág­marka skaðann sem óhjá­kvæmi­lega verður af inn­rás veirunn­ar í sam­fé­lagið. En þetta er líka sam­fé­lags­verk­efni, því við erum öll al­manna­varn­ir. Við þurf­um öll að leggja okk­ar lóð á vog­ar­skál­arn­ar og erum að því. Ég finn fyr­ir því að við erum öll að gera okk­ar besta í aðstæðum sem ekk­ert okk­ar hef­ur áður reynt. Stönd­um sam­an í því áfram. Samstaðan mun koma okk­ur í gegn­um þetta." Svandís Svavarsdóttir heilbrigðisráðherra skrifar um mikilvægi samstöðu og markvissra aðgerða á tímum kórónuveiru.

27. mar. 2020Heilbrigðisráðuneytið, Covid-19, Líf og heilsa

Aðgengi að heilbrigðisþjónustu bætt með stafrænum lausnum

Sjúkratryggingar Íslands hafa gefið út gjaldskrá fyrir fjarþjónustu sérgreinalækna sem starfa á stofum utan sjúkrahúsa, ásamt upplýsingum um skilyrði sem slík þjónusta þarf að uppfylla. Þetta er liður í því að bæta aðgengi sjúklinga að heilbrigðisþjónustu við þær aðstæður sem nú ríkja vegna COVID-19. Sjúkratryggingar munu endurgreiða sjúklingum fyrir þjónustu sérgreinalækna vegna fjarheilbrigðisþjónustu, þegar það hentar sjúklingi og þegar skilyrði um slíka þjónustu eru uppfyllt, s.s. fyrirmæli landlæknis um upplýsingaöryggi við veitingu fjarheilbrigðisþjónustu.

26. mar. 2020Heilbrigðisráðuneytið, Covid-19, Líf og heilsa

Milljarður króna til innviðauppbyggingar í heilbrigðiskerfinu á þessu ári

Byggt verður við endurhæfingardeild Landspítalans við Grensás, ráðist í endurbætur á húsnæði heilbrigðisstofnana á landsbyggðinni og sérstakt framlag veitt til nýsköpunar í heilbrigðisþjónustu. Einum milljarði króna verður varið í þessi verkefni á árinu samkvæmt tillögu til þingsályktunar um tímabundið fjárfestingarátak stjórnvalda til að vinna gegn samdrætti í hagkerfinu í kjölfar heimsfaraldurs kórónuveiru. Þingsályktunartillagan verður tekin til umfjöllunar á Alþingi í dag.

24. mar. 2020Heilbrigðisráðuneytið, Líf og heilsa, Covid-19

Samkomubann: Aðeins fáar undanþágur með ströngum skilyrðum ef almannahagsmunir eru í húfi

Margar umsóknir hafa borist heilbrigðisráðuneytinu um undanþágur frá takmörkun á samkomum sem heilbrigðisráðherra setti með auglýsingu 243/2020 til að sporna við útbreiðslu Covid-19. Flestum þeirra hefur verið hafnað. Undanþágur eru því aðeins veittar að afar brýnir hagsmunir liggi að baki sem varði velferð almennings og þjóðarhag.

23. mar. 2020Heilbrigðisráðuneytið, Covid-19, Heilbrigðismál, Líf og heilsa

Auglýsing um takmörkun á samkomum vegna farsóttar birt í Stjórnartíðindum

Birt hefur verið í Stjórnartíðindum auglýsing heilbrigðisráðherra um takmörkun á samkomum vegna farsóttar. Eins og fram kom í tilkynningu á vef Stjórnarráðsins í gær ákvað heilbrigðisráðherra í samræmi við tillögu sóttvarnalæknis að takmarka samkomur enn frekar en áður vegna hraðari útbreiðslu Covid-19 í samfélaginu. Viðburðir þar sem fólk kemur saman verða takmarkaðir við 20 manns í stað 100 áður. Ákvörðunin tekur gildi á miðnætti í kvöld.

23. mar. 2020Heilbrigðisráðuneytið, Covid-19, Líf og heilsa

Spornað við lyfjahamstri með reglugerð

Nokkuð hefur borið á því að undanförnu að einstaklingar hafi keypt tiltekin lausasölulyf í miklum mæli, eða að fólk með fjölnota lyfseðla hafi leyst út margar afgreiðslur samtímis eða með skömmu millibili. Mikilvægt er að fólk hamstri ekki lyf. Slík háttsemi getur valdið tjóni með því að skapa lyfjaskort og þannig stefnt heilsu og jafnvel lífi fólks í hættu að óþörfu. Til að sporna við þessu hefur heilbrigðisráðherra sett reglugerð sem felur í sér takmarkanir á afhendingu lyfja.

23. mar. 2020Heilbrigðisráðuneytið, Heilbrigðismál, Líf og heilsa, Covid-19

Fimm daga skoðun nýbura í heimahúsum vegna COVID-19

Til að draga úr smithættu og létta á Landspítala hafa Sjúkratryggingar Íslands gert tímabundinn samning við ljósmæður um að auka vitjanaþjónustu sína í stað þess að svokölluð fimm daga skoðun fari fram á Landspítala. Vakthafandi nýburalæknir á Landspítala mun styðja við þessa þjónustu í gegnum síma eftir því sem þörf er á. Frá þessu er sagt á vef Sjúkratrygginga Íslands.

22. mar. 2020Heilbrigðisráðuneytið, Heilbrigðismál, Líf og heilsa, Covid-19, Dómsmálaráðuneytið

Hertar takmarkanir á samkomum – mörkin sett við 20 manns

Heilbrigðisráðherra hefur ákveðið, í samræmi við tillögu sóttvarnalæknis, að takmarka samkomur enn frekar en áður vegna hraðari útbreiðslu Covid-19 í samfélaginu. Viðburðir þar sem fólk kemur saman verða takmarkaðir við 20 manns í stað 100 áður. Við öll mannamót þarf auk þess að tryggja að nánd milli manna verði yfir tveimur metrum. Ákvörðunin tekur gildi á miðnætti annað kvöld (þ.e. aðfaranótt þriðjudags). Takmörkun á skólahaldi verður óbreytt.

22. mar. 2020Heilbrigðisráðuneytið, Heilbrigðismál, Líf og heilsa, Covid-19

Frestun valkvæðra skurðaðgerða vegna Covid-19

Heilbrigðisráðherra hefur fallist á erindi landlæknis og staðfest fyrirmæli embættisins um að öllum valkvæðum skurðaðgerðum og öðrum ífarandi aðgerðum, t.d. greiningarrannsóknum verði hætt frá 23. mars til 31. maí næstkomandi. Á þetta við hvort sem um ræðir aðgerðir framkvæmdar innan eða utan spítala, af opinberum aðila eða einkaaðila. Fyrirmælin verða birt í Stjórnartíðindum.

20. mar. 2020Heilbrigðisráðuneytið, Mennta- og barnamálaráðuneytið, Menntamál, Covid-19, Líf og heilsa

Leiðbeinandi viðmið um íþrótta- og æskulýðsstarf í ljósi takmörkunar á skólastarfi og samkomum

Vegna fjölda fyrirspurna hefur heilbrigðisráðuneytið í samvinnu við mennta- og menningarmálaráðuneytið tekið saman leiðbeinandi viðmið um hvernig beri að túlka auglýsingar um takmörkun á samkomum vegna farsóttar og takmörkun á skólastarfi vegna farsóttar þegar kemur að íþrótta og æskulýðsstarfi barna, ungmenna og fullorðinna. Leiðbeiningarnar eru eftirfarandi:

20. mar. 2020Heilbrigðisráðuneytið, Heilbrigðismál, Líf og heilsa, Covid-19

Aukin áhersla á fjarheilbrigðisþjónustu

Sjúkratryggingar Íslands vinna að því að auðvelda sjúklingum aðgengi að heilbrigðisþjónustu við þær aðstæður sem nú ríkja með því að bjóða upp á fleiri þjónustuform. Þannig munu SÍ greiða veitendum fyrir fjarheilbrigðisþjónustu, þ.e. símtöl og myndsímtöl, þegar það hentar sjúklingi og þegar skilyrði um slíka þjónustu eru uppfyllt. Þetta á bæði við um þjónustu heilsugæslu og sérgreinalækna og ef til vill fleiri. Um þetta er fjallað í tilkynningu á vef Sjúkratrygginga Íslands.

17. mar. 2020Heilbrigðisráðuneytið, Líf og heilsa, Menntamál, Mennta- og barnamálaráðuneytið, Covid-19

Beiðnir um undanþágur frá takmörkun á skólastarfi vegna farsóttar og meðferð þeirra

Líkt og fram kemur í auglýsingu heilbrigðisráðuneytisins um takmörkun á skólastarfi vegna farsóttar, getur heilbrigðisráðherra veitt undanþágu ef ekki er talin hætta á að slíkt fari gegn markmiðum opinberra sóttvarnaráðstafana. Skólastjórnendur sem telja efni standa til að sækja um slíka undanþágu eiga að beina henni til heilbrigðisráðuneytisins til umfjöllunar og afgreiðslu. Þegar liggja fyrir úrskurðir í þremur slíkum málum og hafa þeir verið birtir á vef Stjórnarráðsins.

13. mar. 2020Heilbrigðisráðuneytið, Líf og heilsa, Mennta- og barnamálaráðuneytið, Dómsmálaráðuneytið, Covid-19

Takmarkanir á samkomu- og skólahaldi til að hægja á útbreiðslu Covid – 19

Svandís Svavarsdóttir heilbrigðisráðherra hefur að tillögu sóttvarnalæknis ákveðið að virkja heimildir sóttvarnalaga til að takmarka samkomur í fjórar vikur frá miðnætti 15. mars næstkomandi. Með takmörkun er átt við viðburði þar sem fleiri en 100 manns koma saman og verða þeir óheimilir. Samhliða verður skólahald takmarkað, einnig í fjórar vikur. Ákvörðun heilbrigðisráðherra var kynnt á fundi ríkisstjórnar í morgun. Markmiðið er að hægja á útbreiðslu Covid – 19 svo að heilbrigðisþjónustan muni eiga auðveldara með að takast á álag í tengslum við veirusjúkdóminn.

12. mar. 2020Heilbrigðisráðuneytið, Covid-19, Líf og heilsa

COVID 19: Helstu staðreyndir um bóluefni hér á landi

Skrifað verður undir samning Íslands við framleiðanda bóluefnis Pfizer í næstu viku um kaup á bóluefni sem dugar fyrir 85.000 einstaklinga. Vonir standa til að Pfizer fái skilyrt markaðsleyfi frá Lyfjastofnun Evrópu 29. desember þegar fjallað verður um hvort stofnunin geti mælt með því að lyfið verði tekið í notkun. Ísland hefur þegar gert samning við fyrirtækið AstraZeneca um kaup á bóluefni sem dugir fyrir 115.000 einstaklinga. Það bóluefni er heldur ekki komið með markaðsleyfi í Evrópu en gert ráð fyrir að Lyfjastofnun Evrópu ljúki umfjöllun sinni um í janúar og þann 12. janúar verður fjallað um markaðsleyfi fyrir Moderna.

12. mar. 2020Heilbrigðisráðuneytið, Líf og heilsa

Nýtt hjúkrunarheimili fyrir 60 íbúa á Akureyri

Svandís Svavarsdóttir heilbrigðisráðherra og Ásthildur Sturludóttir bæjarstjóri Akureyrarbæjar hafa undirritað samning um byggingu 60 rýma hjúkrunarheimilis við Vestursíðu 9 á Akureyri. Áætlaður heildarkostnaður við framkvæmdina er um þrír milljarðar króna sem skiptist þannig að 85% greiðast úr ríkissjóði en Akureyrarbær greiðir 15%. Áætlað er að heimilið verði tilbúið til notkunar í lok árs 2023. Þar með verða hjúkrunarrými á Akureyri rúmlega 230 en þau eru núna um 170.

12. mar. 2020Heilbrigðisráðuneytið, Covid-19, Líf og heilsa

Evrópskt markaðsleyfi fyrir bóluefni gegn COVID-19 í sjónmáli

Lyfjastofnun Evrópu hafa borist umsóknir um skilyrt markaðsleyfi fyrir tvö bóluefni við COVID-19. Þetta er annars vegar bóluefni þróað af BioNTech og Pfizer og hins vegar bóluefni sem Moderna Biotech hefur þróað. Stofnunin mun beita flýtimati á umsóknirnar. Niðurstaða gæti legið fyrir innan nokkurra vikna, en það fer eftir því hvort gögnin sem berast sýna með fullnægjandi hætti fram á gæði, öryggi og virkni bóluefnanna. Reynist gögnin fullnægjandi er gert ráð fyrir að endanlegt mat liggi fyrir varðandi bóluefni BioNTech og Pfizer í síðasta lagi 29. desember og 12. janúar fyrir bóluefni Moderna. Ýtarlega er fjallað um málið á vef Lyfjastofnunar.

11. mar. 2020Heilbrigðisráðuneytið, Covid-19, Líf og heilsa

COVID-19: Reglugerðarbreyting varðandi fjölda viðskiptavina í verslunum

Heimilt er að hafa allt að 50 viðskiptavini í einu inni í lyfja- og matvöruverslunum og allt að 10 viðskiptavini samtímis í öðrum verslunum, að því gefnu að hægt sé að hafa a.m.k. 2 metra á milli einstaklinga sem ekki eru í nánum tengslum. Um starfsmenn í þessum verslunum gildir að þeir mega ekki vera fleiri en 10 í sama rými og samgangur á milli rýma starfsmanna er óheimill. Öllum er skylt að bera andlitsgrímu í verslunum. Heilbrigðisráðherra hefur samþykkt breytingu á reglugerð um takmarkanir á samkomum þar sem fjöldatakmörk í verslunum eru skýrð.

11. mar. 2020Heilbrigðisráðuneytið, Lyfjamál, Líf og heilsa

Nýr vefur Lyfjastofnunar tekinn í notkun

Lyfjastofnun hefur ​opnað nýjan vef með breyttu sniði. Hönnun vefsins byggist á þarfagreiningu sem gerð var meðal hagsmunaaðila og helstu notenda vefsins. Í tilkynningu á nýjum vef stofnunarinnar sem er 20 ára um þessar mundir, kemur fram að vefurinn sé mikilvægt samskiptatól fyrir stofnunina og mikið notaður af heilbrigðisstarfsfólki og starfsfólki apótaka. Hann nýtist m.a. vel við miðlun mikilvægra upplýsinga sem stöðugt þarf að uppfæra, eins og t.d. upplýsingar um lyfjaskort.

10. mar. 2020Heilbrigðisráðuneytið, Covid-19, Líf og heilsa

COVID-19: Hertar samkomutakmarkanir taka gildi 5. október

Heilbrigðisráðherra hefur fallist á tillögu sóttvarnalæknis um hertari samfélagslegar aðgerðir til að sporna við útbreiðslu Covid-19. Ný reglugerð þess efnis tekur gildi mánudaginn 5. október og verður birt á morgun. Stærstu einstöku breytingarnar verða 20 manna fjöldatakmörkun með ákveðnum undantekningum en þar má nefna 50 manna hámark í útförum og 100 manna hámark í tilteknum verslunum. Krám, skemmtistöðum, spilasölum og líkamsræktarstöðvum verður lokað. Sundlaugar verða áfram opnar en með þrengri fjöldatakmörkunum, eða 50% af leyfilegum fjölda samkvæmt starfsleyfi. Ekki verða breytingar á starfsemi leik- og grunnskóla. Í framhalds- og háskólum munu gilda 25 manna fjöldatakmarkanir og er þar miðað við algenga bekkjarstærð.…

07. mar. 2020Heilbrigðisráðuneytið, Covid-19, Líf og heilsa

COVID-19: Ákvörðun um breyttar reglur vegna skimunar á landamærum

Sóttvarnalæknir hefur lagt til við heilbrigðisráðherra að breyta reglum um skimun á landamærum vegna COVID-19. Breytingin snýr eingöngu að íslenskum ríkisborgurum og þeim sem eru búsettir hér á landi. Sem fyrr verður hægt að velja á milli 14 daga sóttkvíar eða skimunar á landamærum en gert er ráð fyrir að einstaklingar úr fyrrnefndum hópi sem velja skimun þurfi að fara aftur í skimun 4 – 5 dögum eftir komuna til landsins og vera í sóttkví þar til niðurstaða seinni sýnatökunnar liggur fyrir. Heilbrigðisráðherra hefur fallist á tillögu sóttvarnalæknis þessa efnis og er stefnt að því að breytingin komi til framkvæmda eigi síðar en 13. júlí.

07. mar. 2020Heilbrigðisráðuneytið, Covid-19, Líf og heilsa

Óbreyttar reglur um takmarkanir á samkomum vegna COVID-19

Heilbrigðisráðherra hefur ákveðið, að tillögu sóttvarnalæknis, að framlengja auglýsingu um takmörkun á samkomum óbreytta um þrjár vikur, þ.e. til 26. júlí. Fjöldatakmörk á samkomum miðast því áfram við 500 manns. Opnunartími spilasala og veitingastaða með vínveitingaleyfi verður einnig óbreyttur og heimilt að hafa opið til 23.00 á kvöldin. Upplýsingagjöf til almennings um einstaklingsbundnar sýkingavarnir verður efld.

04. mar. 2020Fjármála- og efnahagsráðuneytið, Efnahagsmál og opinber fjármál, Líf og heilsa, Rekstur og eignir ríkisins, Covid-19, Heilbrigðisráðuneytið

Vaktaálagsauki hjúkrunarfræðinga á Landspítala tryggður

Vaktaálagsauki sem hjúkrunarfræðingar á Landspítala hafa fengið vegna tilraunaverkefnis spítalans verður framlengdur til næstu mánaða og nauðsynlegar fjárveitingar tryggðar. Þetta kemur fram í bréfi sem fjármála- og efnahagsráðherra og heilbrigðisráðherra hafa sent forstjóra Landspítala vegna málsins.

04. mar. 2020Heilbrigðisráðuneytið, Covid-19, Líf og heilsa

Samkomubann framlengt til að hefta útbreiðslu Covid-19

Svandís Svavarsdóttir heilbrigðisráðherra hefur ákveðið að framlengja til 4. maí þær takmarkanir á samkomum og skólahaldi sem áttu að falla úr gildi 13. apríl næstkomandi. Ákvörðunin er í samræmi við tillögu sóttvarnalæknis. Þótt vel hafi gengið að halda útbreiðslu smita í skefjum veldur áhyggjum hve alvarlega veikum einstaklingum sem þurfa á gjörgæslu að halda hefur fjölgað hratt. „Nú skiptir öllu máli að við höldum áfram að standa saman sem einn maður, fylgja fyrirmælum okkar besta fagfólks og koma þannig í veg fyrir að álag á heilbrigðiskerfið fari yfir þolmörkin“ segir heilbrigðisráðherra.

03. mar. 2020Heilbrigðisráðuneytið, Lyfjamál, Líf og heilsa, Covid-19

Lög til að sporna við lyfjaskorti

Lyfjastofnun fær heimild til að leggja bann við því að tilteknar birgðir lyfja séu fluttar úr landi ef nauðsyn krefur til að tryggja framboð tiltekinna lyfja sem stofnunin telur mikilvæg. Frumvarp til breytinga á lyfjalögum þessa efnis hefur verið samþykkt á Alþingi. Um varúðarráðstöfun er að ræða og eru sambærileg ákvæði liður í löggjöf margra þjóða.

27. feb. 2020Heilbrigðisráðuneytið, Heilbrigðismál, Líf og heilsa

Samið um hjúkrunarheimili fyrir 60 íbúa í Reykjanesbæ

Svandís Svavarsdóttir heilbrigðisráðherra og Kjartan Már Kjartansson, bæjarstjóri Reykjanesbæjar, undirrituðu í dag samning um nýtt 60 rýma hjúkrunarheimili í Reykjanesbæ. Gert er ráð fyrir að heimilið verði tekið í notkun um mitt ár 2023. Ákvörðun um að ráðast í þessa uppbyggingu er í samræmi við niðurstöður frumathugunar Framkvæmdasýslu ríkisins á liðnu ári.