Efnisorð
Tegund

Leita eftir efnisorðum

Sýnir 1151–1200 af 2554
Raða eftir:
29. jún. 2021Heilbrigðisráðuneytið, Heilbrigðismál, Líf og heilsa

Kvennamóttaka sett á fót hjá Heilsugæslu höfuðborgarsvæðisins

Svandís Svavarsdóttir heilbrigðisráðherra hefur ákveðið í samráði við Heilsugæslu höfuðborgarsvæðisins að ráðast í tilraunaverkefni um sérstaka móttöku fyrir konur innan heilsugæslunnar. Þetta er gert þar sem vísbendingar eru um að þörfum kvenna fyrir heilbrigðisþjónustu þegar um ræðir sértæk heilsufarsvandamál kvenna, sé ekki mætt sem skyldi. Heilsugæslan hefur fengið 60 milljóna króna viðbótarframlag vegna verkefnisins, þar af fær Þróunarmiðstöð íslenskrar heilsugæslu 15 milljónir króna. Hlutverk þróunarmiðstöðvarinnar verður að tryggja þekkingaröflun á þessu sviði og koma þeim á framfæri á landsvísu.

28. jún. 2021Heilbrigðisráðuneytið, Líf og heilsa

Vinnustofa um rétta geðheilbrigðisþjónusta á réttum stað

Um 100 fulltrúar veitenda geðheilbrigðisþjónustu og notenda þjónustunnar komu saman á vinnustofu nýverið í þeim tilgangi að rýna þjónustuferla í geðheilbrigðisþjónustu og gera tillögur að úrbótum. Markmiðið er að bæta þjónustu við fólk með geðrænan vanda, auka skilvirkni hennar og draga úr biðlistum. Landspítalinn annaðist skipulag og utanumhald vinnustofunnar sem efnt var til að frumkvæði heilbrigðisráðuneytisins.

28. jún. 2021Heilbrigðisráðuneytið, Heilbrigðismál, Líf og heilsa

Blóðgjafafélagið styrkt um hálfa milljón á afmælisári

Þann 15. júlí næstkomandi eru 40 ár liðin frá formlegri stofnun Blóðgjafafélags Íslands. Í tilefni afmælisársins hitti Svandís Svavarsdóttir heilbrigðisráðherra forsvarmenn félagsins í liðinni viku og veitti félaginu 500.000 króna styrk. Blóðgjafafélagið hefur það markmið að efla blóðgjafastarfsemi og gæta hagsmuna blóðgjafa. Félagið sinnir öflugu kynningarstarfi og vinnur markvisst að því að fjölga blóðgjöfum, enda mikið í húfi eins og endurspeglast í kjörorði félagsins; Blóðgjöf er lífgjöf. Til að mæta þörf fyrir blóðgjöf hér á landi þarf Blóðbankinn um 12.000 blóðgjafir á ári, eða um 250 blóðgjafir á viku.

25. jún. 2021Heilbrigðisráðuneytið

COVID-19: Aflétting allra samkomutakmarkana 26. júní

Svandís Svavarsdóttir heilbrigðisráðherra hefur ákveðið að frá og með 26. júní næstkomandi falli úr gildi allar takmarkanir á samkomum innanlands. Í þessu felst m.a. fullt afnám grímuskyldu, nándarreglu og fjöldatakmarkana. „Í raun erum við að endurheimta á ný það samfélag sem okkur er eðlilegt að búa í og sem við höfum þráð, allt frá því að heimildir sóttvarnalaga til að takmarka samkomur voru virkjaðar vegna heimsfaraldurs fyrir rúmu ári, þann 16. mars 2020“ segir heilbrigðisráðherra. Ákvörðun um afléttingu allra samkomutakmarkana er í samræmi við tillögur sóttvarnalæknis. Þann 1. júlí taka gildi breyttar reglur varðandi sýnatökur á landamærum.

24. jún. 2021Heilbrigðisráðuneytið, Covid-19, Líf og heilsa

COVID-19: Ákvæði um forgangsröðun við bólusetningu afnumin

Samkvæmt áætlun verður í lok þessarar viku búið að bjóða öllum bólusetningu gegn Covid-19 sem skilgreindir eru í forgangshópum samkvæmt gildandi reglugerð um bólusetningar. Heilbrigðisráðherra hefur ákveðið að fella brott ákvæði reglugerðar sem kveður á um forgangshópa. Bólusetning gegn Covid-19 byggist þar með á sömu reglugerðarheimildum og bólusetning við öðrum smitsjúkdómum hér á landi. Með þessari reglugerðarbreytingu verður ákvörðun um bólusetningu vegna Covid-19 alfarið á forræði sóttvarnalæknis samkvæmt læknisfræðilegu mati hverju sinni.

23. jún. 2021Heilbrigðisráðuneytið, Líf og heilsa

Umsækjendur um embætti skrifstofustjóra á skrifstofu innviða heilbrigðisþjónustu

Alls bárust 18 umsóknir um embætti skrifstofustjóra skrifstofu innviða heilbrigðisþjónustu í heilbrigðisráðuneytinu. Umsóknarfrestur rann út 21. júní síðastliðinn. Hæfnisnefnd skipuð þremur einstaklingum mun nú meta hæfni umsækjenda og skila greinargerð til heilbrigðisráðherra. Nefndin starfar samkvæmt reglum um ráðgefandi nefndir um embætti við Stjórnarráð Íslands.

23. jún. 2021Heilbrigðisráðuneytið, Covid-19, Líf og heilsa

COVID-19: Hraðpróf í heilsugæslu

Heilsugæslan hefur tekið í notkun hraðpróf til greiningar á kórónuveirunni sem veldur Covid-19. Hraðprófin eru ekki notuð við einkennasýnatöku, heldur eru þau eingöngu ætluð þeim sem þurfa á þeim að halda, t.d. vegna ferðalaga, þar sem krafist er neikvæðrar niðurstöðu úr sýnatöku á landamærum og niðurstaða úr hraðprófi er tekin gild. Gjald fyrir sýnatöku með hraðprófi er 4.000 krónur, hvort sem hlutaðeigandi einstaklingur er sjúkratryggður hér á landi eða ekki.

22. jún. 2021Heilbrigðisráðuneytið

Til umsagnar: Skýrsla um framtíðarsýn í geðheilbrigðismálum til ársins 2030

Heilbrigðisráðuneytið birtir til umsagnar skýrslu um framtíðarsýn í geðheilbrigðismálum til ársins 2030 með áherslu á árangur, skilvirkni og gæði þjónustunnar. Skýrslan er afrakstur vinnu sem fram fór í tengslum við fjölmennt geðheilbrigðisþing sem heilbrigðisráðherra efndi til 9. desember síðastliðinn. Umsagnarfrestur er til 6. júlí næstkomandi.

16. jún. 2021Heilbrigðisráðuneytið, Líf og heilsa

Hækkun styrkja til kaupa á hjálpartækjum 1. júlí

Fjárhæðir styrkja vegna kaupa á hjálpartækjum hækka umtalsvert 1. júlí með nýrri heildarreglugerð heilbrigðisráðherra. Með reglugerðinni eru styrkirnir færðir upp til verðlags sem ekki hefur verið gert frá árinu 2008. Áætlað er að framlög til niðurgreiðslu vegna kaupa á hjálpartækjum aukist með þessu um 214 milljónir króna á ársgrundvelli. Um er að ræða hjálpartæki sem auðvelda fólki að takast á við athafnir daglegs lífs.

15. jún. 2021Heilbrigðisráðuneytið, Líf og heilsa

Til umsagnar: Framtíðarskipulag heilbrigðisþjónustu við börn og ungmenni með neyslu- og fíknivanda

Birt hefur verið til umsagnar skýrsla starfshóps heilbrigðisráðherra með tillögum að heildstæðu framtíðarskipulagi heilbrigðisþjónustu fyrir börn og ungmenni með neyslu- og fíknivanda. Þar eru m.a. skilgreind viðfangsefni fyrsta, annars, og þriðja stigs heilbrigðisþjónustu út frá samfelldum forvörnum til endurhæfingar og bata. Til grundvallar tillögunum liggur samþætting fræðilegra kenninga og þekkingar um þróun vímuefnanotkunar barna og ungmenna og samspil áhættu og verndandi þátta í því ferli. Frestur til að skila umsögnum er til 29. júní næstkomandi. Í framhaldinu mun heilbrigðisráðuneytið vinna aðgerðaáætlun um framkvæmd tillagnanna.

05. jún. 2021Heilbrigðisráðuneytið, Covid-19, Líf og heilsa

Bólusetning í Höllinni: „Stórkostlegt skipulag og gaman að taka þátt“

Nokkrir heilbrigðismenntaðir starfsmenn heilbrigðisráðuneytisins lögðu Heilsugæslu höfuðborgarsvæðisins lið við bólusetningu gegn COVID-19 í Laugardagshöll í dag. Þetta er stærsta bólusetningarvikan til þessa þar sem í heildina verða bólusettir um 40.000 manns á landsvísu. Bólusetningin krefst mikils skipulags, felur í sér mörg handtök og krefst mikillar nákvæmni við hvern einasta verkþátt svo allt gangi snurðulaust fyrir sig og hver og einn fái sína sprautu hratt, vel og af fyllsta öryggi.

04. jún. 2021Heilbrigðisráðuneytið, Covid-19, Líf og heilsa

COVID-19: Staðfestar áætlanir um afhendingu bóluefna í apríl

Heilbrigðisráðuneytið hefur tekið saman yfirlit þar sem birtar eru staðfestar áætlanir framleiðenda um vikulega afhendingu bóluefna gegn COVID-19 í apríl, auk upplýsinga um fjölda bóluefnaskammta sem þegar hafa verið afhentir. Í apríl er von á tæplega 65.300 bóluefnaskömmtum frá þeim fjórum framleiðendum sem eru með markaðsleyfi hér á landi. Pfizer er eini framleiðandinn sem hefur staðfest afhendingaráætlun til lengri tíma og samkvæmt henni er von á 117.000 bóluefnaskömmtum samtals í maí – júní.

04. jún. 2021Heilbrigðisráðuneytið, Covid-19, Líf og heilsa

COVID-19 Staða bólusetninga við lok fyrsta ársfjórðungs

Fyrsta sending af bóluefni við Covid 19 barst til landsins 28. desember á síðasta ári og hófst bólusetning daginn eftir. Nú þegar fyrsta ársfjórðungi 2021 er lokið hafa þegar 49.300 einstaklingar verið bólusettir. Bólusetningu miðar því vel og nú hafa rúmlega 12% þeirra sem áætlað er að bólusetja fengið bólusetningu eða myndað mótefni gegn veirunni.

31. maí 2021Heilbrigðisráðuneytið, Líf og heilsa

Til umsagnar: Afhending lyfja og umboð fyrir þriðja aðila - reglugerðarbreyting

Heilbrigðisráðuneytið birti í dag til umsagnar drög að reglugerð sem kveður m.a. á um skýrari reglur um umboð vegna afhendingar lyfja til þriðja aðila fyrir hönd annarra. Sérstaklega er kveðið á um úrbætur hvað þetta varðar vegna þeirra sem hvorki geta nálgast lyfin sín né veitt sjálfir umboð til að innleysa þau, eins og átt getur við um langveika og fatlaða einstaklinga.

28. maí 2021Heilbrigðisráðuneytið, Líf og heilsa

Styrkir veittir til hjálpartækjakaupa fyrir börn sem eiga tvö heimili

Heimili barna sem búa á tveimur heimilum verða jafnsett við kaup á tilteknum hjálpartækjum sem styrkt eru af Sjúkratryggingum Íslands. Svandís Svavarsdóttir heilbrigðisráðherra hefur staðfest reglugerð þessa efnis sem heimilar stofnuninni að veita styrki til beggja heimila barns vegna kaupa á sjúkrarúmum, dýnum, stuðningsbúnaði og hjálpartækjum tengdum salernisferðum.

28. maí 2021Heilbrigðisráðuneytið, Líf og heilsa, Landsráð

Landsráð skipað um mönnun og menntun í heilbrigðisþjónustu

Svandís Svavarsdóttir heilbrigðisráðherra hefur skipað landsráð sem hefur það hlutverk að vera ráðgefandi fyrir undirbúning ákvarðana á sviði mönnunar og menntunar í heilbrigðisþjónustu, auk þess að vera samráðsvettvangur á þessu sviði með virku samráði, t.d. við sjúklinga, sjúklingasamtök, fagfélög og aðra hagsmunaaðila og menntastofnanir sem koma að menntun heilbrigðisstarfsfólks. Stofnun landsráðsins tengist einnig markmiðum heilbrigðisstefnu á þessu sviði. Fyrirhugað er að ráðið skili ráðherra ár hvert tillögum að aðgerðaráætlun um aðgerðir í þágu mönnunar og menntunar í heilbrigðisþjónustu.

28. maí 2021Heilbrigðisráðuneytið, Líf og heilsa

Verklag heilbrigðisstofnana vegna þjónustu við þolendur heimilisofbeldis verður samræmt

Svandís Svavarsdóttir heilbrigðisráðherra hefur ákveðið að láta móta og innleiða samræmt verklag fyrir heilbrigðisstofnanir vegna þjónustu við þolendur heimilisofbeldis. Drífa Jónasdóttir, afbrotafræðingur hefur verið ráðin til verksins. Ákvörðun um að móta samræmt verklag hvað þetta varðar byggist á niðurstöðum skýrslu sem unnin var fyrir heilbrigðisráðuneytið og felur í sér mat á því hvernig heilbrigðisþjónustan mætir ólíkum þörfum kynjanna og tillögur að úrbótum.

26. maí 2021Heilbrigðisráðuneytið, Covid-19, Líf og heilsa

COVID-19: Breyttar reglur um dvöl í sóttvarnahúsi sem taka gildi 31. maí

Frá og með 31. maí fellur brott regla sem skyldar fólk frá skilgreindum hááhættusvæðum til að dvelja í sóttvarnahúsi meðan á sóttkví stendur. Frá þeim tíma verður þeim einum skylt að dvelja í sóttvarnahúsi sem ekki hafa aðstöðu til að vera í heimasóttkví. Þeir sem koma frá skilgreindum hááhættusvæðum dagana 29. og 30. maí geta sótt um heimild til að dvelja allan þann tíma sem sóttkví er áskilin í heimahúsi. Þeir sem koma til landsins fyrir 29. maí og er skylt að fara í sóttvarnahús skulu ljúka sóttkví þar. Öllum sem koma til landsins og þurfa að sæta sóttkví ber sem fyrr að forskrá dvalarstað. Heilbrigðisráðherra hefur gefið út reglugerð þessa efnis sem tekur gildi 31. maí.

26. maí 2021Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Rúmum 380 milljónum króna úthlutað úr Framkvæmdasjóði aldraðra

Svandís Svavarsdóttir heilbrigðisráðherra hefur úthlutað framlögum úr Framkvæmdasjóði aldraðra til endurbóta og viðhaldsverkefna á hjúkrunarheimilum víðsvegar um landið. Stærsta úthlutunin, rúmar 117 milljónir króna, fer til endurbóta á dvalarheimilinu Höfða á Akranesi sem miða að því að bæta aðbúnað og breyta fjölbýlum í einbýli.

25. maí 2021Heilbrigðisráðuneytið, Covid-19, Líf og heilsa

COVID-19: Spurt og svarað um grímunotkun

Ný reglugerð heilbrigðisráðherra um takmarkanir á samkomum sem felur í sér verulegar tilslakanir á sóttvarnaráðstöfunum tók gildi í dag. Með reglugerðinni hefur til að mynda verið slakað til muna á kröfum um grímuskyldu sem hefur m.a. verið felld niður í verslunum og á vinnustöðum. Þó er skylt að bera grímu við tilteknar aðstæður. Til leiðbeiningar hefur heilbrigðisráðuneytið tekið saman spurningar og svör um grímunotkun, hvenær þurfi að bera grímu og hvenær ekki, sem fólk er hvatt til að kynna sér.

25. maí 2021Heilbrigðisráðuneytið, Líf og heilsa

Samið um byggingu hjúkrunarheimilis í Reykjavík fyrir allt að 144 íbúa

Svandís Svavarsdóttir heilbrigðisráðherra og Dagur B. Eggertsson borgarstjóri undirrituðu í dag samning um byggingu hjúkrunarheimilis við Mosaveg í Reykjavík fyrir allt að 144 íbúa. Áætlaður heildarkostnaður við framkvæmdina nemur tæpum 7,7 milljörðum króna og fjármagnar ríkið 85% kostnaðarins á móti 15% borgarinnar. Stefnt er að því að hefja undirbúning að framkvæmdum um mitt þetta ár og að heimilið verði tilbúið til notkunar seinni hluta árs 2026.

21. maí 2021Heilbrigðisráðuneytið, Covid-19

Covid-19: Verulega dregið úr samkomutakmörkunum frá 25. maí

Fjöldatakmörk hækka í 150 manns og slakað verður á grímuskyldu og tveggja metra reglunni. Takmörkunum á gestafjölda sund- og baðstaða, skíða- og tjaldsvæða og safna verður aflétt og sömuleiðis á líkamsræktarstöðvum nema hvar þar mega að hámarki vera 150 manns í hverju rými. Hámarksfjöldi áhorfenda eða gesta á sitjandi viðburðum fer úr 150 í 300 manns í hverju sóttvarnahólfi og veitingasala í hléi verður heimil. Veitingastöðum verður kleift að lengja afgreiðslutíma sinn til kl. 23. Í verslunum verður grímuskylda afnumin og regla um 200 manna hámarksfjölda viðskiptavina fellur úr gildi. Þetta er megininntak tilslakana á sóttvarnaráðstöfunum sem taka gildi frá og með 25. maí næstkomandi samkvæmt ákvörðun heilbrigðisráðherra og í samræmi við tillögur sóttvarnalæknis.…

21. maí 2021Covid-19, Forsætisráðuneytið, Heilbrigðisráðuneytið, Dómsmálaráðuneytið

Reglugerð um landamæri framlengd til 15. júní

Heilbrigðisráðherra hefur ákveðið að framlengja reglugerð um sóttkví og einangrun og sýnatöku við landamæri Íslands vegna COVID-19 til 15. júní nk. Á þeim tíma er gert ráð fyrir að a.m.k. 60% þjóðarinnar, sem jafngildir 75% af þeim sem áætlað er að bjóða í bólusetningu, hafi fengið a.m.k. fyrri skammt bólusetningar. Með þessu er tekið undir sjónarmið sóttvarnalæknis um að skynsamlegt sé að halda sýnatöku á landamærum óbreyttri um sinn í því skyni að geta hafið afléttingu sýnatöku á landamærum um miðjan júní.

19. maí 2021Heilbrigðisráðuneytið, Líf og heilsa

Unnið að bættum þjónustuferlum í þágu fólks með geðrænan vanda

Svandís Svavarsdóttir heilbrigðisráðherra hefur falið Landspítala að efna til vinnustofu um þjónustuferla með það að markmiði að bæta þjónustu við fólk með geðrænan vanda, auka skilvirkni hennar og draga úr biðlistum. Til vinnustofunnar verða boðaðir fulltrúar allra veitenda geðheilbrigðisþjónustu á fyrsta, öðru og þriðja stigi heilbrigðisþjónustu sem og fulltrúar notenda. Megináhersla verður lögð á að finna leiðir til að tryggja samvinnu milli þjónustustiga og þjónustuveitenda, auk þess sem hlutverk einstakra þjónustueininga verða skilgreind. Miðað er við að afrakstur vinnustofunnar verði tillögur til úrbóta á þessu sviði sem skilað verði til ráðherra um miðjan ágúst.…

14. maí 2021Heilbrigðisráðuneytið, Covid-19, Líf og heilsa

COVID-19, landamæri: Ný auglýsing um svæði og lönd sem talin eru hááhættusvæði

Þann 18. maí nk. tekur gildi ný auglýsing um svæði og lönd sem talin eru hááhættusvæði vegna COVID-19. Skilgreining hááhættusvæða hefur áhrif á hverjir þurfa að sæta sóttkví í sóttvarnahúsi eða ekki við komuna til Íslands í samræmi við reglugerð nr. 435/2021 um sóttkví og einangrun og sýnatöku við landamæri Íslands vegna COVID-19. Rétt er að árétta að viðmiðin eru áfram þau sömu, eingöngu er um að ræða breytingu á þeim löndum og svæðum sem teljast til hááhættusvæða vegna COVID-19.

11. maí 2021Heilbrigðisráðuneytið, Covid-19, Líf og heilsa

COVID-19: Brýn þörf fyrir fleira fólk í bakvarðasveit heilbrigðisþjónustunnar

Vegna örrar fjölgunar Covid-19 smita með auknu álagi á heilbrigðiskerfið bráðvantar fleira heilbrigðisstarfsfólk á skrá í bakvarðasveit heilbrigðisþjónustunnar. Óskað er eftir liðsinni heilbrigðisstarfsfólks sem er reiðubúið að koma tímabundið til starfa með skömmum fyrirvara, hvort sem er í fullt starf, hlutastarf eða tímavinnu, eftir því sem aðstæður leyfa.

11. maí 2021Heilbrigðisráðuneytið, Covid-19, Líf og heilsa

COVID-19: Bólusetningarátak; örvunarskammtar og óbólusettir

Um 160.000 manns um land allt verða boðaðir í örvunarbólusetningu fyrir áramót. Á höfuðborgarsvæðinu verður bólusett í Laugardalshöllinni á tímabilinu 15. nóvember til 8. desember á mánudögum, þriðjudögum og miðvikudögum. Örvunarskammtar eru ætlaðir þeim sem þegar eru bólusettir og fengu síðari bóluefnaskammtinn fyrir a.m.k. fimm mánuðum. Fólk verður boðað með strikamerki sem send verða í smáskilaboðum (SMS). Þeir sem áður hafa fengið boð í bólusetningu en ekki þegið hana, eru hvattir til að mæta.

11. maí 2021Heilbrigðisráðuneytið, Covid-19, Líf og heilsa

COVID-19: Innanlandsaðgerðir hertar vegna mikillar fjölgunar smita

Skylt verður að bera grímu þegar ekki er unnt að virða 1 metra nálægðarreglu, fjöldatakmarkanir verða 500 manns, veitingastöðum með vínveitingaleyfi verður skylt að loka tveimur tímum fyrr en nú. Með notkun hraðprófa verður heimilt að halda viðburði fyrir allt að 1.500 manns. Heilbrigðisráðherra hefur ákveðið þessar aðgerðir samkvæmt tillögum sóttvarnalæknis sem hefur áhyggjur af mikilli fjölgun smita, auknum veikindum og vaxandi álagi á heilbrigðiskerfið. Reglur um grímunotkun taka gildi á morgun (á miðnætti aðfaranótt 6. nóvember) en aðrar breytingar miðvikudaginn 10. nóvember og gilda í fjórar vikur til þriðjudags 8. desember.