Efnisorð
Tegund

Leita eftir efnisorðum

Sýnir 1101–1150 af 1835
Raða eftir:
03. jún. 2020Heilbrigðisráðuneytið, Heilbrigðismál, Líf og heilsa

Göngudeildarþjónusta SÁÁ mikilvægur hluti af meðferð og endurhæfingu

Svandís Svavarsdóttir heilbrigðisráðherra kynnti sér starfsemi göngudeildarþjónustu SÁÁ þegar hún heimsótti starfsstöð samtakanna í Efstaleiti í gær. Valgerður Rúnarsdóttir, framkvæmdastjóri lækninga, segir göngudeildarþjónustuna mjög mikilvægan hluta af meðferð og endurhæfingu vegna neyslu- og fíknivanda og hluta af heilsteyptri meðferð á mismunandi stigum. ​Þá sé unnið að því að tryggja samfellu og samstarf þeirra sem veita heilbrigðisþjónustu og félagsþjónustu á þessu sviði.

01. jún. 2020Heilbrigðisráðuneytið, Heilbrigðismál, Líf og heilsa

Árið 2020 helgað hjúkrunarfræðingum og ljósmæðrum

Alþjóðaheilbrigðismálastofnunin (WHO) tileinkar árið 2020 hjúkrunarfræðingum og ljósmæðrum. Stofnunin bendir á að þessar starfsstéttir gegni þýðingarmiklu í heilbrigðisþjónustu hvers samfélags og standi jafnvel alfarið undir opinberri heilbrigðisþjónustu í sumum þeirra. Markmiðið er að vekja athygli á þessu mikilvæga hlutverki, stuðla að því að það sé metið og viðurkennt og ýta undir að þjóðir heims fjárfesti í menntun og störfum hjúkrunarfræðinga og ljósmæðra.

28. maí 2020Heilbrigðisráðuneytið, Covid-19, Líf og heilsa

Netspjall við hjúkrunarfræðinga verði í boði alla daga frá kl. 8.00 – 22.00

Heilsugæsla höfuðborgarsvæðisins stefnir að því tryggja landsmönnum aðgang að ráðgjöf og leiðsögn um heilbrigðiskerfið í gegnum netspjall á www.heilsuvera.is alla daga vikunnar frá kl. átta á morgnana til tíu á kvöldin. Heilbrigðisráðherra hefur fallist á tillögu stofnunarinnar þessa efnis og ákveðið að veita 30 milljónir króna á ársgrundvelli til verkefnisins í tvö ár. Netspjall heilsuveru hefur gefið góða raun á tímum COVID-19 og hefur þeim sem nýta sér þessa þjónustu fjölgað jafnt og þétt.

27. maí 2020Heilbrigðisráðuneytið, Lyfjamál, Líf og heilsa

Aðild Íslands að norrænum samningskaupum á dýrum frumlyfjum lofar góðu

Danmörk, Finnland, Ísland, Noregur og Svíþjóð hafa boðið BlueBird Bio, markaðsleyfishafa lyfsins Zynteglo, í sameiginleg norræn samningskaup. Þetta er fyrsta lyfið sem til greina kemur að semja um á þennan hátt í samstarfi þjóðanna. Vonast er til að með aðild að norrænum samningskaupum geti Ísland náð mun hagstæðari kjörum við kaup á dýrum frumlyfjum en hingað til, aukið möguleikana á innleiðingu nýrra lyfja og betur tryggt sjúklingum sambærilega meðferð og stendur til boða sjúklingum hjá hinum Norðurlandaþjóðunum.

27. maí 2020Heilbrigðisráðuneytið, Atvinnuvegir, Líf og heilsa, Vísindi nýsköpun og rannsóknir, Covid-19, Heilbrigðismál, Lýðheilsa og forvarnir, Nýsköpun, Opinber innkaup, Fjármála- og efnahagsráðuneytið, Menningar-٫ nýsköpunar- og háskólaráðuneytið

Stafrænt heilbrigðismót: Stefnumót heilbrigðisþjónustu og frumkvöðla

Stafrænt heilbrigðismót er hafið og stendur til 15.júlí 2020. Þar geta aðilar sem veita heilbrigðisþjónustu sett fram raunverulegar áskoranir um lausnir í heilbrigðisþjónustu og komið á samstarfi við fyrirtæki og frumkvöðla sem bjóða fram hugmyndir að lausnum.

27. maí 2020Heilbrigðisráðuneytið, Líf og heilsa

Ný reglugerð um viðurkenningu á faglegri menntun og hæfi heilbrigðisstétta

Heilbrigðisráðherra hefur sett nýja reglugerð sem felur í sér innleiðingu Evróputilskipunar um viðurkenningu á faglegri menntun og hæfi heilbrigðisstarfsmanna frá öðrum ríkjum Evrópska efnahagssvæðisins og Sviss. Reglugerðin öðlast gildi við birtingu í Stjórnartíðindum 28. maí. Frá sama tíma fellur úr gildi reglugerð mennta- og menningarmálaráðherra um sama efni nr. 461/2011.

26. maí 2020Heilbrigðisráðuneytið, Covid-19, Líf og heilsa, Landamæraeftirlit, Dómsmálaráðuneytið

Skýrsla um sýnatöku fyrir COVID-19 á landamærum

Verkefnisstjórn sem heilbrigðisráðherra skipaði til að undirbúa framkvæmd vegna sýnatöku og greiningar á COVID-19 meðal farþega sem koma til landsins, líkt og stjórnvöld áforma, skilaði skýrslu með niðurstöðum sínum í gær. Í stuttu máli er niðurstaða hópsins sú að miðað við gefnar forsendur sem lagðar voru til grundvallar sé verkefnið framkvæmanlegt en að leysa þurfi úr mörgum verkþáttum áður en hægt verður að hefjast handa við skimun á landamærum. Skýrslan var kynnt á fundi ríkisstjórnar í morgun og ákveðið að forsætisráðuneytið muni leiða næstu skref.

25. maí 2020Rit og skýrslur, Líf og heilsa, Covid-19, Landamæraeftirlit, Heilbrigðisráðuneytið

Skýrsla verkefnisstjórnar um sýnatöku fyrir COVID19 á landamærum

Skýrsla verkefnisstjórnar sem heilbrigðisráðherra skipaði til að undirbúa framkvæmd vegna sýnatöku og greiningar á COVID-19 meðal farþega sem koma til landsins. Skýrslunni var skilað í lok maí 2020. Í stuttu máli er niðurstaða verkefnisstjórnar að miðað við gefnar forsendur sem lagðar voru til grundvallar sé verkefnið framkvæmanlegt en að leysa þurfi úr mörgum verkþáttum áður en hægt verður að hefjast handa við skimun á landamærum.

22. maí 2020Heilbrigðisráðuneytið, Covid-19, Líf og heilsa

COVID-19: Fjöldamörk úr 50 í 200 manns og fleiri tilslakanir

Ný auglýsing heilbrigðisráðherra um takmörkun á samkomum vegna farsóttar tekur gildi mánudaginn 25. maí. Þar með verður allt að 200 manns heimilt að koma saman í stað 50 nú, heimilt verður að opna líkamsræktarstöðvar með sömu takmörkunum og gilda um sund- og baðstaði og öllum veitingastöðum, þar með töldum krám og skemmtistöðum, og einnig spilasölum, verður heimilt að hafa opið til kl. 23.00. Hvatt er til þess að viðhalda tveggja metra nálægðarmörkum eftir því sem kostur er, eins og nánar er fjallað um í auglýsingunni. Auglýsingin er í fullu samræmi við tillögur sóttvarnalæknis. Ráðherra kynnti ákvörðun sína um breytingar á takmörkun á samkomum á fundi ríkisstjórnar í morgun.

22. maí 2020Heilbrigðisráðuneytið, Líf og heilsa

Frumvarp um neyslurými samþykkt á Alþingi

Alþingi samþykkti í vikunni frumvar Svandísar Svavarsdóttur um breytingu á lögum um ávana- og fíkniefni. Lagabreytingin felur í sér heimild til sveitarfélaga til að koma á fót lagalega vernduðu umhverfi, neyslurými, þar sem einstaklingar, 18 ára og eldri, geta neytt ávana- og fíkniefna í æð undir eftirliti starfsfólks þar sem gætt er fyllsta hreinlætis, öryggis og sýkingavarna. Neyslurými byggjast á hugmyndafræði skaðaminnkunar en í henni felst að draga úr heilsufarslegum, félagslegum og efnahagslegum afleiðingum notkunar löglegra og ólöglegra ávana- og fíkniefna

20. maí 2020Heilbrigðisráðuneytið, Líf og heilsa

Tillögur um menntun lækna og mönnun til framtíðar

Starfshópur sem heilbrigðisráðherra skipaði til að fjalla um framhaldsmenntun lækna og framtíðarmönnun læknisstarfa í heilbrigðiskerfinu gerir margvíslegar tillögur um umbætur og leiðir sem miða að því tryggja fullnægjandi mönnun á næstu áratugum. Ákvarðanir um hvaða sérnám stendur til boða og í hve miklum mæli hafa grundvallarþýðingu fyrir skipulag og mannafla íslensks heilbrigðiskerfis næstu áratugina að mati hópsins.

20. maí 2020Heilbrigðisráðuneytið, Líf og heilsa

Aukinn stuðningur við Frú Ragnheiði

Heilbrigðisráðherra hefur ákveðið að veita sex milljóna króna styrk til skaðaminnkunarverkefnis Reykjavíkurdeildar Rauða krossins, Frú Ragnheiðar. Markmið verkefnisins er að liðsinna jaðarsettum einstaklingum eins og þeim sem eru húsnæðislausir og einstaklingum sem nota vímuefni um æð. Styrkurinn kemur til viðbótar níu milljóna styrk sem ráðherra veitti til verkefnisins fyrr á þessu ári þegar úthlutað var styrkjum til félagasamtaka sem starfa að heilbrigðismálum.

16. maí 2020Heilbrigðisráðuneytið, Covid-19, Líf og heilsa

Þing Alþjóðaheilbrigðismálastofnunarinnar haldið í skugga Covid-19

þing Alþjóðaheilbrigðismálastofnunarinnar (WHO) hefst á mánudaginn og stendur í tvo daga. Þingið er haldið í skugga COVID-19 heimsfaraldursins. Það fer fram á Netinu og meginumfjöllunarefnið verður faraldurinn og viðbrögð þjóða við honum. Hægt verður að fylgjast beint með þinginu í streymi á vef stofnunarinnar sem hefst með ávarpi Dr Tedros Adhanom Ghebreyesus, framkvæmdastjóra WHO. Svandís Svavarsdóttir heilbrigðisráðherra tekur þátt í þinginu og ávarpar það fyrir Íslands hönd. ​

15. maí 2020Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Arkís vann hönnunarsamkeppni um nýtt hjúkrunarheimili á Húsavík

Á annað hundrað manns fyldust með beinni útsendingu á vefnum í gær þegar Svandís Svavarsdóttir heilbrigðisráðherra kynnti niðurstöður hönnunarsamkeppni um nýtt hjúkrunarheimili á Húsavík fyrir 60 íbúa. Alls bárust 32 tillögur í keppnina sem var að öllu leyti stafræn og því við hæfi að ljúka henni með sama sniði.

15. maí 2020Líf og heilsa, Covid-19, Heilbrigðisráðuneytið

Heimilt að opna sundlaugar og baðstaði 18. maí, með ákveðnum skilyrðum

Heilbrigðisráðherra hefur fallist á tillögu sóttvarnalæknis um að heimila opnun sundlauga og baðstaða 18. maí næstkomandi. Fjöldi sundgesta verður takmarkaður og rík áhersla lögð á hreinlæti og sóttvarnir. Auglýsing sem kveður á um heimildina hefur verið send Stjórnartíðindum til birtingar ásamt ýtarlegum leiðbeiningum sóttvarnalæknis.

15. maí 2020Heilbrigðisráðuneytið, Líf og heilsa, Dómsmálaráðuneytið, Covid-19

Verkefnisstjórn falinn undirbúningur að sýnatöku hjá komufarþegum

Verkefnisstjórn sem heilbrigðisráðherra skipar mun stýra undirbúningi og framkvæmd við sýnatöku og greiningar á COVID-19 meðal farþega sem koma til landsins, í samræmi við ákvörðun stjórnvalda. Heilbrigðisráðherra og dómsmálaráðherra kynntu minnisblað varðandi þetta á fundi ríkisstjórnarinnar í dag. Stefnt er að því að eigi síðar en 15. júní geti ferðamenn sem koma til landsins farið í skimun á Keflavíkurflugvelli eða framvísað vottorði sem sóttvarnalæknir metur gilt kjósi þeir það fremur en að fara í sóttkví. Tveimur vikum eftir að skimun hefst verður verkefnið metið og tekin ákvörðun um framhaldið á grundvelli þess.

13. maí 2020Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Niðurstöður hönnunarsamkeppni um nýtt hjúkrunarheimili á Húsavík kynntar

Á morgun, 14. maí, kl 15:00, verður beint streymi frá verðlaunaathöfn hönnunarsamkeppni um uppbyggingu nýs hjúkrunarheimilis á Húsavík. Svandís Svavarsdóttir heilbrigðisráðherra kynnir verðlaunatillöguna og veitir viðurkenningar. Allir áhugasamir eru hvattir til að fylgjast með útsendingunni sem verður í streymi á YouTube-rás Þekkingarnets Þingeyinga.

13. maí 2020Heilbrigðisráðuneytið, Líf og heilsa

Tillögur starfshóps: Reglur um þvingaða meðferð nauðsynlegar

Knýjandi þörf er á reglum sem kveða skýrt á um hvers konar þvinganir eru heimilar í meðferð sjúklinga ef víkja þarf frá meginreglunni um sjálfsákvörðunarrétt sjúklings til að þiggja eða hafna meðferð. Þetta er meginniðurstaða starfshóps heilbrigðisráðherra sem fjallað hefur um efnið. Drög að reglugerð byggð á niðurstöðu hópsins verða birt til umsagnar í samráðsgátt stjórnvalda.

11. maí 2020Félags- og húsnæðismálaráðuneytið, Heilbrigðismál, Málefni eldra fólks, Líf og heilsa, Heilbrigðisráðuneytið

Samið um rekstur sérhæfðrar COVID-19 hjúkrunardeildar

Sjúkratryggingar Íslands hafa samið við Hlíðarskjól ehf. um opnun 10 rýma hjúkrunardeildar fyrir aldraða hjúkrunarsjúklinga sem smitast hafa af COVID-19. Heilbrigðisráðherra hefur staðfest samninginn. Deildin er ætluð íbúum hjúkrunarheimila sem veikst hafa af COVID-19 og þurfa tímabundið á sérhæfðri þjónustu að halda svo sem í framhaldi af sjúkrahúsmeðferð.

11. maí 2020Heilbrigðisráðuneytið, Heilbrigðismál, Líf og heilsa

Sérnámsstöðum í geðlækningum fjölgað

Heilbrigðisráðherra hefur lagt Heilsugæslu höfuðborgarsvæðisins (HH) til 23 milljóna króna fjárveitingu til að fjölga sérnámsstöðum í geðlækningum. Þetta gerir kleift að fjármagna stöður tveggja sérnámslækna við geðheilsuteymi heilsugæslunnar. Undanfarin tvö ár hefur rík áhersla verið lögð á að efla annars stigs geðheilbrigðisþjónustu, meðal annars með stofnun geðheilsuteyma í öllum heilbrigðisumdæmum landsins, sérstöku geðheilsuteymi fanga og geðheilsuteymi í fjölskylduvernd sem starfar á landsvísu líkt og geðheilsuteymi fanga, undir stjórn HH.

11. maí 2020Heilbrigðisráðuneytið, Mannréttindi og jafnrétti, Heilbrigðismál, Líf og heilsa

Til umsagnar: Áform um lagasetningu – réttindi sjúklinga (þvinguð meðferð o.fl.)

Áform heilbrigðisráðherra um breytingar á lögum um réttindi sjúklinga hafa verið birt til umsagnar í samráðsgátt. Markmið frumvarpsins er að tryggja fullnægjandi lagaheimildir til að taka ákvarðanir gagnvart frelsissviptum sjúklingum á heilbrigðisstofnunum og tryggja réttindi sjúklinga, m.a. með því að skýrt sé kveðið á um að þvingunum sé ekki beitt nema í algerum undantekningartilvikum, að meðalhófs verði gætt og ​að eftirlit verði með beitingu þeirra.

10. maí 2020Heilbrigðisráðuneytið, Covid-19, Líf og heilsa

Aðgerðir til að létta á útskriftarvanda Landspítala

Heilbrigðisráðuneytið hefur í samvinnu við Landspítala, aðrar heilbrigðisstofnanir og hjúkrunarheimili unnið að því að létta álagi af Landspítala með því að flytja þaðan sjúklinga sem hægt er að sinna annars staðar sem eru einkum aldraðir hjúkrunarsjúklingar. Frá því um nýliðin mánaðamót hafa rúmlega 20 sjúklingar verið færðir frá spítalanum til annarra stofnana og unnið er að fleiri lausnum í þessu skyni.

06. maí 2020Heilbrigðisráðuneytið, Líf og heilsa, Covid-19

Ákvörðun um gjaldtöku fyrir skimun á landamærum

Farþegar sem koma til landsins og kjósa að fara í sýnatöku vegna Covid-19 fremur en að sitja 14 daga í sóttkví, munu frá 1. júlí næstkomandi greiða 15.000 kr. gjald vegna sýnatökunnar. Sýnataka á landamærum hefst 15. júní og verður gjaldfrjáls fyrstu tvær vikurnar. Börn fædd árið 2005 eða síðar þurfa ekki að fara í sýnatöku. Tillaga heilbrigðisráðherra um gjaldtökuna var samþykkt á fundi ríkisstjórnarinnar í dag.

05. maí 2020Heilbrigðisráðuneytið, Covid-19, Líf og heilsa, Ræður og greinar

Bjartari tímar

Svandís Svavarsdóttir heilbrigðisráðherra fjallar í blaðagrein um breytingarnar varðandi takmarkanir á samkomum sem tóku gildi í gær. Hún segir þetta merkan áfanga og til marks um hve vel hefur tekist hér á landi að hafa stjórn á útbreiðslu kórónuveirunnar, verja heilbrigðiskerfið og vernda viðkvæma hópa. Hún minnir á að verkefninu sé þó langt í frá lokið, mikilvægt sé að allir haldi áfram vöku sinni, vinni saman og skilji engan eftir nú þegar bjartari tímar eru framundan og sumarið á næsta leiti.

05. maí 2020Heilbrigðisráðuneytið, Covid-19, Heilbrigðismál, Líf og heilsa

Heilbrigði í okkar höndum

Í dag er alþjóðlegi handþvottadagurinn sem Alþjóðaheilbrigðismálastofnunin hefur staði fyrir ár hvert frá árinu 2009 undir yfirskriftinni „Björgum mannslífum: Þvoum okkur um hendur.“ Að þessu sinni er sjónum beint að heilbrigðisstarfsfólki og þeirra þætti í að tryggja öryggi sjúklinga og fyrirbyggja smit með reglubundnum og góðum handþvotti. COVID-19 faraldurinn er skýrt dæmi um hvað veirusmit geta breiðst hratt út og afgerandi áminning um mikilvægi handþvottar. Því er óhætt að segja að heilbrigði sé í okkar allra höndum þar sem við getum haft mikil áhrif með reglulegum handþvotti.

05. maí 2020Félags- og húsnæðismálaráðuneytið, Heilbrigðismál, Málefni eldra fólks, Líf og heilsa, Heilbrigðisráðuneytið

Málefni fólks með heilabilun: Ný aðgerðaáætlun vekur athygli

Heilbrigðisráðherra kynnti nýverið í ríkisstjórn aðgerðaáætlun í málefnum einstaklinga með heilabilun. Áætlunin var unnin í samræmi við ályktun Alþingis frá árinu 2017 þar sem heilbrigðisráðherra var falið að móta stefnu í málefnum þessa hóps sem fer ört stækkandi. Til þessa hefur engin formleg stefna verið til hér á landi í þessum efnum og því um merk tímamót að ræða. Stefnumótunarvinnan hefur vakið athygli Evrópsku Alzheimersamtakanna (Alzheimer Europe) en aðild að þeim eiga félög alzheimersjúklinga og aðstandenda þeirra frá 39 Evrópuríkjum.

03. maí 2020Heilbrigðisráðuneytið, Heilbrigðismál, Líf og heilsa

Tillögur um menntun sjúkraliða

Starfshópur sem heilbrigðisráðherra skipaði í desember sl. til að gera tillögur um menntun og viðbótarmenntun sem leitt geta til fjölgunar útskrifaðra sjúkraliða hefur skilað ráðherra niðurstöðum sínum. Auk tillagna um menntun og viðbótarmenntun eru einnig lagðar til leiðir sem eiga að styrkja störf sjúkraliða, gera störf þeirra áhugaverðari og gefa þeim færi á framgangi í starfi.

02. maí 2020Heilbrigðisráðuneytið, Líf og heilsa

Ásthildur Knútsdóttir skipuð skrifstofustjóri í heilbrigðisráðuneytinu

Svandís Svavarsdóttir heilbrigðisráðherra hefur skipað Ásthildi Knútsdóttur í embætti skrifstofustjóra á skrifstofu lýðheilsu og forvarna í heilbrigðisráðuneytinu til næstu fimm ára. Ráðherra skipar Ásthildi að undangengnu mati ráðgefandi nefndar sem metur hæfni umsækjenda. Niðurstaða nefndarinnar var að Ásthildur væri mjög vel hæf til að gegna starfinu.

02. maí 2020Heilbrigðisráðuneytið, Heilbrigðismál, Líf og heilsa

Félagasamtökum úthlutað 95 m.kr. til verkefna á sviði heilbrigðisþjónustu

Svandís Svavarsdóttir heilbrigðisráðherra úthlutaði í gær 95 milljónum króna af safnliðum fjárlaga til félagasamtaka sem starfa að heilbrigðismálum. Að þessu sinni var áhersla lögð á verkefni tengd heilsueflingu aldraðra og kvennaheilsu. Alls hlutu 27 félagasamtök styrki til 32. aðskilinna verkefna sem miða að því að veita einstaklingum eða hópum stuðning, fræðslu og ráðgjöf.

29. apr. 2020Heilbrigðisráðuneytið, Atvinnuvegir, Líf og heilsa, Upplýsingatæknimál ríkisins, Vísindi nýsköpun og rannsóknir, Covid-19, Heilbrigðismál, Nýsköpun, Fjármála- og efnahagsráðuneytið, Menningar-٫ nýsköpunar- og háskólaráðuneytið

Hakkaþon um nýsköpun í heilbrigðisþjónustu

Almenningur og frumkvöðlar taka höndum saman um að finna nýjar lausnir á sviði heilbrigðisþjónustu til gera heilbrigðiskerfinu betur kleift að fást við nýjar áskoranir vegna COVID-19. Dagana 22.-24. maí verður haldin nýsköpunarkeppni þar sem einstaklingum og frumkvöðlum gefst kostur á aðkeppa um bestu lausnirnar. Vefsíða keppninnar var formlega opnuð í dag hakkathon.island.is.

22. apr. 2020Heilbrigðisráðuneytið, Heilbrigðismál, Dómsmálaráðuneytið, Líf og heilsa, Covid-19

Breyttar reglur um sóttkví og upptaka landamæraeftirlits á innri landamærum

Heilbrigðisráðherra hefur í samræmi við tillögu sóttvarnalæknis breytt gildandi reglum um sóttkví. Með nýjum reglum verður öllum sem koma til landsins skylt að fara í sóttkví í 14 daga frá komu. Samhliða verður tekið upp tímabundið landamæraeftirlit á innri landamærum. Reglurnar koma til framkvæmda föstudaginn 24. apríl og falla að óbreyttu úr gildi 15. maí.

21. apr. 2020Heilbrigðisráðuneytið, Covid-19, Líf og heilsa

Breyttar reglur um takmarkanir á samkomum frá 4. maí

Fjöldamörk samkomubanns hækka úr 20 í 50 manns 4. maí næstkomandi, unnt verður að opna framhalds- og háskóla og ýmsir þjónustuveitendur geta á ný tekið á móti viðskiptavinum. Frá sama tíma falla alveg niður takmarkanir á fjölda nemenda í leik- og grunnskólum og einnig fjöldatakmarkanir við íþróttaiðkun og æskulýðsstarf barna á leik- og grunnskólaaldri. Þetta er meðal þess sem leiðir af nýrri auglýsingu heilbrigðisráðherra um takmörkun á samkomum vegna farsóttar. Rýmkun á reglum um takmarkanir á skólahaldi og samkomum er í samræmi við tillögur sóttvarnalæknis.

21. apr. 2020Heilbrigðisráðuneytið, Covid-19, Heilbrigðismál, Líf og heilsa

Álagsgreiðslur til heilbrigðisstarfsfólks og efling geðheilbrigðisþjónustu

Svandís Svavarsdóttir heilbrigðisráðherra hefur ákveðið að verja um 1,0 milljarði króna í sérstakar álagsgreiðslur til starfsfólks sjúkrahúsa og heilbrigðisstofnana sem starfar undir miklu álagi vegna Covid-19 heimsfaraldursins. Enn fremur verða framlög til geðheilbrigðisþjónustu aukin um 540 milljónir króna til að efla geðheilbrigðisþjónustu um allt land. Þessar aðgerðir eru liður margþættum aðgerðum stjórnvalda vegna áhrifa Covid-19 hér á landi sem kynntar voru í dag.

21. apr. 2020Heilbrigðisráðuneytið, Heilbrigðismál, Líf og heilsa, Lyfjamál

Til umsagnar: Reglugerð um heimildir til að ávísa getnaðarvarnalyfjum

Birt hafa verið til umsagnar drög að reglugerð heilbrigðisráðherra sem fjalla um heimildir hjúkrunarfræðinga og ljósmæðra til að ávísa hormónatengdum getnaðarvarnalyfjum, um námskröfur og veitingu leyfa. Tilgangurinn með reglugerðinni er að útfæra heimild þessa efnis sem veitt var með lögum nr. 153/2018. Umsagnarfrestur er til 19. maí næstkomandi.

20. apr. 2020Heilbrigðisráðuneytið, Heilbrigðismál, Líf og heilsa

Tillögur að endurhæfingarstefnu kynntar og birtar í samráðsgátt

Sérfræðingar í endurhæfingarmálum sem Svandís Svavarsdóttir heilbrigðisráðherra fól að móta tillögur að endurhæfingarstefnu hafa skilað ráðherra skýrslu með niðurstöðum sínum. Ráðherra segir skýra stefnu fyrir þennan mikilvæga og vaxandi þátt heilbrigðisþjónustunnar bráðnauðsynlega og því mikið fagnaðarefni að fá skýrsluna í hendur. Skýrslan hefur nú verið birt til umsagnar í samráðsgátt stjórnvalda og er umsagnarfrestur til 20. maí.

18. apr. 2020Heilbrigðisráðuneytið, Líf og heilsa

Ræktun iðnaðarhamps verður heimil í kjölfar reglugerðarbreytingar

Svandís Svavarsdóttir heilbrigðisráðherra hefur með breytingu á reglugerð nr. 233/2001 veitt Lyfjastofnun undanþáguheimild með stoð í 2. gr. laga um ávana- og fíkniefni sem gerir innflutning, meðferð og vörslu fræja til ræktunar iðnaðarhamps mögulega. Heimildin er háð skilyrðum og takmörkunum svo tryggt sé að ekki verði fluttar inn eða ræktaðar plöntur sem innihalda vímuefnið THC í nýtanlegu magni, eða að hámarki 0,2%.

17. apr. 2020Heilbrigðisráðuneytið, Heilbrigðismál, Líf og heilsa

Tillögur til fjölgunar útskrifaðra hjúkrunarfræðinga

Starfshópur sem Svandís Svavarsdóttir heilbrigðisráðherra fól að fjalla um menntun hjúkrunarfræðinga og leggja til leiðir sem eru til þess fallnar að fjölga þeim sem ljúka námi í faginu hefur skilað ráðherra tillögum sínum. Tillögur hópsins lúta að menntun, fjölgun námsplássa, útvíkkun á starfssviði hjúkrunarfræðinga, fjölbreyttum starfstækifærum og ímynd hjúkrunar, m.a. með áherslu á sýnileika stéttarinnar.

16. apr. 2020Ræður og greinar, Heilbrigðisráðuneytið, Covid-19, Líf og heilsa

Magnað heilbrigðiskerfi

Svandís Svavarsdóttir heilbrigðisráðherra fjallar um þann styrk sem íslenska heilbrigðiskerfið hefur sýnt í COVID-19 faraldrinum í blaðagrein í dag. Hún segir það hafa sýnt burði sína til að takast á við afleiðingar faraldursins sem birtist meðal annars í miklum sveigjanleika um leið og það vinni sem ein heild: „Allir þeir sem starfa í heilbrigðiskerfinu og veita þjónustuna stilla nú saman strengi til þess að láta allt ganga sem best í viðbrögðum okkar við COVID 19-faraldrinum" segir m.a. í eftirfarandi grein ráðherra sem birtist í Morgunblaðinu í dag.

15. apr. 2020Heilbrigðisráðuneytið, Covid-19, Heilbrigðismál, Líf og heilsa

Hugað að geðheilsunni á tímum C0VID-19

Ljóst er orðið að COVID-19 faraldurinn mun hafa gríðarleg áhrif á almannaheill og efnahag fólks um heim allan. Alþjóðaheilbrigðismálastofnunin varar við neikvæðum áhrifum faraldursins og þeirri efnahagslegu kreppu sem honum mun fylgja á geðheilsu almennings og hvetur til aðgerða. Heilbrigðisráðuneytið hefur tekið saman yfirlit um það helsta af upplýsingum, leiðbeiningum og úrræðum sem almenningi stendur til boða, eins og nánar er greint frá hér. Heilbrigðisráðherra gerði grein fyrir þessu efni á fundi ríkisstjórnar í gær.

14. apr. 2020Heilbrigðisráðuneytið, Covid-19, Heilbrigðismál, Forsætisráðuneytið, Líf og heilsa

Líðan þjóðarinnar á tímum COVID-19 verður rannsökuð

Ríkisstjórnin samþykkti á fundi sínum í dag að veita 1,5 milljónir króna af sameiginlegu ráðstöfunarfé sínu til rannsóknar á líðan þjóðarinnar á tímum COVID-19. Miðstöð í lýðheilsuvísindum við Háskóla Íslands stendur að rannsókninni í samvinnu við Embætti landlæknis og sóttvarnarlækni, en hún er einnig unnin í samvinnu við aðra háskólastofnanir á Norðurlöndunum.

14. apr. 2020Heilbrigðisráðuneytið, Líf og heilsa, Covid-19, Dómsmálaráðuneytið, Forsætisráðuneytið, Almannaöryggi

Dregið úr takmörkunum á samkomum og skólahaldi frá 4. maí

Forsætisráðherra, heilbrigðisráðherra og dómsmálaráðherra kynntu á blaðamannafundi í dag næstu skref stjórnvalda vegna Covid-19. Heilbrigðisráðherra gerði þar grein fyrir ákvörðun sinni um tilslakanir á takmörkunum á samkomum og skólahaldi. Breytingarnar taka gildi 4. maí. Í þeim felst m.a. að opnað verður fyrir hefðbundið skólahald í leik- og grunnskólum, unnt verður að opna framhalds- og háskóla á ný með takmörkunun, fjöldamörk samkomubanns verða hækkuð úr 20 í 50 manns, heimilt verður að hefja á ný ýmsa þjónustu, s.s. á hárgreiðslu- nudd- og snyrtistofum, tannlæknar geta tekið til starfa og söfn geta opnað á ný fyrir viðskiptavinum sínum. Ákvörðun ráðherra er í samræmi við tillögur sóttvarnalæknis sem gerð er ýtarleg grein fyrir hér á eftir.