Efnisorð
Tegund

Leita eftir efnisorðum

Sýnir 851–900 af 1835
Raða eftir:
31. mar. 2021Heilbrigðisráðuneytið, Líf og heilsa

Samkomulag um yfirfærslu Hulduhlíðar og Uppsala til Heilbrigðisstofnunar Austurlands

Öllu starfsfólki dvalar- og hjúkrunarheimilanna Hulduhlíðar á Eskifirði og Uppsala á Fáskrúðsfirði verða boðin áframhaldandi störf og á sömu kjörum þegar Heilbrigðisstofnun Austurlands tekur við rekstri heimilisins 1. maí næstkomandi. Starfsfólkið mun jafnframt halda áunnum réttindum sínum. Þetta er megininntak samkomulags sem heilbrigðisráðuneytið og Fjarðabyggð hafa gert með sér vegna yfirfærslunnar. Samkomulagið í heild sinni verður kynnt fyrir starfsfólki og hlutaðeigandi stéttarfélögum strax eftir páska.

31. mar. 2021Heilbrigðisráðuneytið, Covid-19, Líf og heilsa

COVID-19: Spánn tekinn af lista yfir lönd sem skilgreind eru sem áhættusvæði

Heilbrigðisráðuneytið hefur ákveðið að fjarlægja meginland Spánar af landalista sóttvarnalæknis þar sem tilgreint er hvaða lönd eru skilgreind áhættusvæði vegna mikils nýgengis COVID-19 smita. Þetta er gert í ljósi þess mats ráðuneytisins að skilgreiningin samræmist ekki gildandi reglugerð heilbrigðisráðherra um sóttkví, einangrun og sýnatöku á landamærum Íslands vegna COVID-19 þótt gögn skorti um smitstöðu í einu héraði landsins. Farþegar frá meginlandi Spánar skulu sæta sóttkví í heimahúsi eftir breytinguna en ekki á sóttkvíarhóteli.

31. mar. 2021Heilbrigðisráðuneytið, Líf og heilsa, Menntamál, Mennta- og barnamálaráðuneytið

COVID-19: Skólastarf eftir páska

Staðnám getur hafist að nýju á öllum skólastigum eftir páskafrí með ákveðnum takmörkunum, í samræmi við tillögur sóttvarnalæknis. Meðfylgjandi reglugerð heilbrigðisráðherra um takmörkun á skólastarfi var unnin í samráði við mennta- og menningarmálaráðuneytið og tekur í meginatriðum mið af appelsínugulum lit í litakóða viðvörunarkerfis fyrir skólastarf sem kynnt var að loknu umfangsmiklu samráði við skólasamfélagið fyrr í vetur. Gildistími reglugerðarinnar er frá 1. apríl til og með 15. apríl.

30. mar. 2021Heilbrigðisráðuneytið, Líf og heilsa

Samkomulag um yfirfærslu Hraunbúða til Heilbrigðisstofnunar Suðurlands

Öllu starfsfólki dvalar- og hjúkrunarheimilisins Hraunbúða í Vestmannaeyjum verða boðin áframhaldandi störf og á sömu kjörum þegar Heilbrigðisstofnun Suðurlands tekur við rekstri heimilisins 1. maí næstkomandi. Starfsfólkið mun jafnframt halda áunnum réttindum sínum. Þetta er megininntak samkomulags sem heilbrigðisráðuneytið og Vestmannaeyjabær hafa gert með sér vegna yfirfærslunnar. Samkomulagið í heild sinni verður kynnt fyrir starfsfólki og hlutaðeigandi stéttarfélögum strax eftir páska.

30. mar. 2021Heilbrigðisráðuneytið, Covid-19, Líf og heilsa

COVID-19: Breyttar reglur á landamærum um sýnatöku og sóttkví 1. apríl

Allir farþegar frá skilgreindum áhættusvæðum þurfa frá 1. apríl að dvelja í sóttkví eða einangrun milli fyrri og síðari sýnatöku. Farþegum sem framvísa bólusetningarvottorði eða vottorði um fyrri sýnatöku fara í eina sýnatöku við komuna til landsins. Farþegar skulu forskrá fyrir komuna til landsins áætlaðan brottfarardag. Frá 11. apríl verður innheimt gjald af þeim sem dvelja í sóttvarnahúsi.

26. mar. 2021Heilbrigðisráðuneytið, Covid-19, Líf og heilsa

COVID-19 Bólusetningardagatalið uppfært

Bóluefnadagatal heilbrigðisráðuneytisins og sóttvarnalæknis hefur verið uppfært í samræmi við nýjustu upplýsingar um afhendingu bóluefna gegn COVID-19. Gert er ráð fyrir að á öðrum ársfjórðungi, þ.e. í apríl, maí og júní berist bóluefni fyrir samtals fyrir rúmlega 193.000 einstaklinga. Gangi það eftir hefur Ísland þá fengið bóluefni fyrir samtals 240.000 einstaklinga frá því að bólusetningar hófust í lok desember.

25. mar. 2021Heilbrigðisráðuneytið, Líf og heilsa

Aðgerðaáætlun um líknarþjónustu um allt land

Heilbrigðisráðherra hefur sett fram aðgerðaáætlun til fimm ára um líknarþjónustu. Áætlunin byggist á greiningu sem gerð hefur verið á þörf fyrir líknar- og lífslokameðferð og tillögum um bætta þjónustu þar að lútandi í öllum landshlutum. Lagðar eru til aðgerðir til að efla og byggja upp líknarþjónustu á sérgreinasjúkrahúsum, á hjúkrunarheimilum og í þjónustu við fólk í heimahúsum. Aðgerðaáætlunin tekur mið af heilbrigðisstefnu til ársins 2030. Einnig voru höfð til hliðsjónar fyrirmæli Alþjóðaheilbrigðismálastofnunarinnar um að líknarmeðferð skuli vera hluti af heilbrigðisþjónustu aðildarríkja hennar. Einstakar aðgerðir í áætluninni eru tímasettar og sett fram mælanleg markmið með hverri þeirra.…

25. mar. 2021Heilbrigðisráðuneytið, Covid-19, Líf og heilsa

COVID-19: Undanþágur fyrir þjóðhagslega mikilvæg fyrirtæki halda gildi sínu

Heilbrigðisráðherra veitti síðastliðið vor undanþágur frá samkomutakmörkunum fyrir þjóðhagslega mikilvæg fyrirtæki svo unnt væri að halda starfsemi þeirra órofinni. Heilbrigðisráðherra hefur ákveðið að áður veittar undanþágur haldi gildi sínu þannig að hertar sóttvarnaráðstafanir raski ekki umræddri starfsemi. Sömu skilyrði fyrir undanþágum gilda og áður, en þær voru veittar að undangengnu samráði við sóttvarnalækni, almannavarnadeild ríkislögreglustjóra og Matvælastofnun.

24. mar. 2021Heilbrigðisráðuneytið, Covid-19, Líf og heilsa

COVID-19: Ákvörðun ESB um útflutning bóluefna raskar ekki afhendingu þeirra til Íslands

Íslensk stjórnvöld hafa gengið úr skugga um að ákvörðun Evrópusambandsins um að banna útflutning bóluefna gegn Covid-19 frá ríkjum sambandsins til landa utan þess mun ekki raska afhendingu bóluefna til Íslands. Ísland er aðili að samstarfi Evrópuþjóða um kaup á bóluefnum og situr við sama borð og ríki Evrópusambandsins varðandi þau bóluefni sem samningar framkvæmdastjórnar Evrópusambandsins taka til og afhendingu þeirra. Bóluefnunum er útdeilt hlutfallslega jafnt til þeirra þjóða sem aðild eiga að samningunum miðað við íbúafjölda og Ísland er aðili að þeim samningum.

24. mar. 2021Heilbrigðisráðuneytið, Covid-19, Líf og heilsa

Bakvarðarsveit heilbrigðisþjónustunnar endurvakin

Ákveðið hefur verið að endurvekja bakvarðasveit heilbrigðisþjónustu. Óskað er eftir liðsinni heilbrigðisstarfsfólks sem er reiðubúið að koma tímabundið til starfa með skömmum fyrirvara, hvort heldur í fullt starf, hlutastarf eða í tímavinnu, eftir því sem aðstæður leyfa. Þeir sem voru skráðir í bakvarðasveitina og sjá sér enn fært að veita liðsinni eru beðnir um að skrá sig þar á ný.

24. mar. 2021Heilbrigðisráðuneytið, Covid-19, Líf og heilsa

COVID-19: Stórhertar sóttvarnaaðgerðir taka gildi á miðnætti - fjöldatakmörk 10 manns

Hertar reglur um sóttvarnarráðstafanir á landsvísu taka gildi á miðnætti í kvöld. Tíu manna fjöldatakmörkun verður meginregla og aðeins börn fædd 2015 og síðar verða þar undanskilin. Grunn-, framhalds-, tónlistar- og háskólum verður lokað þar til páskafrí tekur við. Margvísleg starfsemi sem rúmast ekki innan reglu um 10 manna fjöldatakmörkun verður stöðvuð. Ákvörðun heilbrigðisráðherra um hertar sóttvarnaaðgerðir byggist á tillögum sóttvarnalæknis um að grípa tafarlaust til ráðstafana vegna hópsýkinga innanlands að undanförnu til að sporna gegn frekari útbreiðslu veirunnar. Hertar reglur munu gilda í 3 vikur.

23. mar. 2021Heilbrigðisráðuneytið, Covid-19, Líf og heilsa

COVID-19: Sóttvarnaráðstafanir á landamærum hertar

Heilbrigðisráðherra hefur ákveðið að herða sóttvarnaráðstafanir á landamærum í samræmi við tillögur sóttvarnalæknis. Meginreglan verður að börn fædd 2005 eða síðar fari í sýnatöku á landamærum og sæti fimm daga sóttkví. Þá skulu allir sem koma frá löndum þar sem nýgengi smita er yfir tilteknum viðmiðum dvelja í sóttvarnahúsi meðan á fimm daga sóttkví stendur, nema þeir hafi framvísað gildu bólusetningarvottorði eða vottorði um fyrra smit. Reglugerð heilbrigðisráðherra um þessar breytingar tekur gildi 1. apríl og gildir til loka mánaðarins.

19. mar. 2021Heilbrigðisráðuneytið, Líf og heilsa

Polskojęzyczny doradca do spraw komunikacji w Ministerstwie Zdrowia

​Ministerstwo Zdrowia zatrudniło Annę Karen Svövudóttir na okres 6 miesięcy, na 40% etatu, na stanowisko doradcy ds. komunikacji z polskojęzyczną społecznością. Do jej zadań należy poprawienie i usprawnienie przekazu informacji polskojęzycznej społeczności w zakresie służby zdrowia. Na Islandii mieszka ponad 20 000 obywateli polskiego pochodzenia i są oni zdecydowanie najliczniejszą grupą imigrantów w tym kraju, czyli około 37%.

19. mar. 2021Heilbrigðisráðuneytið, Líf og heilsa

Samskiptaráðgjafi pólskumælandi til starfa í heilbrigðisráðuneytinu

Heilbrigðisráðuneytið hefur ráðið Önnu Karenu Svövudóttur til 6 mánaða í 40% starf samskiptaráðgjafa pólskumælandi. Verkefni hennar snúa að því að efla og bæta upplýsingagjöf við pólskumælandi íbúa landsins á sviði heilbrigðisþjónustu. Á Íslandi búa yfir 20.000 Pólverjar og þeir eru langfjölmennastir í hópi innflytjenda hér á landi eða um 37%.

19. mar. 2021Heilbrigðisráðuneytið, Líf og heilsa

Hlutur heimilanna í kostnaði við heilbrigðisþjónustu fer lækkandi

Greiðsluhlutfall íslenskra heimila af heilbrigðisútgjöldum hefur lækkað úr 18,3% árið 2013 niður í 15,6% árið 2019. Á kjörtímabilinu hefur 700 milljónum nú þegar verið varið í lækkun greiðsluþátttöku sjúklinga og í gildandi fjármálaáætlun til næstu fjögurra ára er gert ráð fyrir að verja 4 milljörðum kr. til að lækka greiðsluþátttökuna enn frekar. Því má ætla að hlutfallið verði komið niður í 13–14% við lok gildistíma hennar. Þetta kemur fram í nýrri skýrslu heilbrigðisráðherra til Alþingis.

16. mar. 2021Heilbrigðisráðuneytið, Covid-19, Líf og heilsa

COVID-19: Breytingar á sóttvarnaráðstöfunum innanlands 18. mars

Heilbrigðisráðherra hefur ákveðið breytingar á sóttvarnaráðstöfunum sem taka gildi 18. mars og byggja í meginatriðum á tillögum sóttvarnalæknis. Þær fela fyrst og fremst í sér auknar kröfur um skráningu gesta og smitgát í tengslum við viðburði. Þá eru einnig gerðar ríkari kröfur til sóttvarnaráðstafana þar sem boðið er upp á hlaðborð. Gildistími reglugerðar um þessar breytingar er til 9. apríl næstkomandi.

16. mar. 2021Heilbrigðisráðuneytið, Covid-19, Líf og heilsa

COVID-19: Vottorð um bólusetningu eða fyrri sýkingu tekin gild á landamærum óháð uppruna

Heilbrigðisráðherra hefur ákveðið, í samræmi við tillögur sóttvarnalæknis, að vottorð um bólusetningu gegn COVID-19 og vottorð um fyrri covid sýkingu verði tekin gild á landamærum Íslands, hvort sem þau eru upprunnin innan EES svæðisins eða utan þess, að því tilskyldu að þau uppfylli sömu kröfur og leiðbeiningar sóttvarnalæknis. Einstaklingar sem framvísa slíkum vottorðum þurfa hvorki að fara í sýnatöku eða sóttkví né framvísa vottorði um neikvætt PCR-próf á landamærunum.

12. mar. 2021Heilbrigðisráðuneytið, Covid-19, Líf og heilsa

Landspítali fær fjármagn til að útvista tilteknum aðgerðum og stytta þannig biðlista

Willum Þór Þórsson heilbrigðisráðherra hefur ákveðið að veita Landspítala 60 milljónir króna sem gerir spítalanum kleift að útvista vel á annað hundrað valdra aðgerða og stytta með því biðlista. Um er að ræða tiltölulega einfaldar aðgerðir sem ekki er líklegt að kalli á innlögn á sjúkrahús eða gjörgæsluþjónustu.

12. mar. 2021Heilbrigðisráðuneytið, Covid-19, Líf og heilsa

Kaup á nýju lyfi gegn alvarlegum veikindum af völdum Covid-19

Heilbrigðisyfirvöld hafa ákveðið kaup á nýju lyfi sem heitir Sotrovimab frá GlaxoSmithKline og þykir gefa góða raun til að draga úr hættu á alvarlegum veikindum fólks vegna Covid-19 við vissar aðstæður. Lyfið er svokallað einstofna mótefni. Meðferð með einstofna mótefnum gagnast best þeim sem eru óbólusettir og/eða þeim sem mynda illa mótefni vegna lyfja eða sjúkdóma og er notkunin bundin við upphaf veikinda hjá þeim sem eru í aukinni hættu á að þróa með sér alvarlegan sjúkdóm. Til að byrja með hefur verið ákveðið að kaupa 72 skammta af lyfinu sem svokallað undanþágulyf og er það væntanlegt er til landsins síðar í þessum mánuði.

11. mar. 2021Heilbrigðisráðuneytið, Líf og heilsa, Landsráð

Fjármögnun og framboð á námsstöðum í sér- og framhaldsnámi heilbrigðisstétta

Landsráð um mönnun og menntun í heilbrigðisþjónustu vinnur nú að því að kortleggja hve margar náms- og sérnámsstöður eru fyrir hendi á heilbrigðisstofnunum, greint eftir heilbrigðisstéttum. Heilbrigðisráðuneytið fól landsráði í ágúst sl. að rýna fjármögnun sérnáms á heilbrigðisstofnunum. Í kjölfarið lagði landsráð fram skilgreindar tillögur til heilbrigðisráðherra um leiðir til að tryggja að ávallt liggi fyrir upplýsingar um framboð og mat á þörf fyrir þessar stöður. Heilbrigðisráðherra féllst á tillögur landsráðs sem fela einnig í sér kröfu um að fjármagn til framhaldsnáms og sérnáms í heilbrigðisgreinum verði skilgreint sérstaklega.

09. mar. 2021Heilbrigðisráðuneytið, Líf og heilsa

Fyrsta skóflustungan að nýju rannsóknahúsi

Heilbrigðisráðherra, Svandís Svavarsdóttir, tók í dag fyrstu skóflustungu að nýju rannsóknahúsi ásamt Páli Matthíassyni, forstjóra Landspítala, Unni Brá Konráðsdóttur, formanni stýrihóps Landspítala, og Jóni Atla Benediktssyni, rektor Háskóla Íslands. Rannsóknahúsið, sem mun rísa vestan Læknagarðs HÍ, er ein af byggingum í heildaruppbyggingu Nýs Landspítala við Hringbraut og verður um 17.400 fermetrar að stærð.

03. mar. 2021Heilbrigðisráðuneytið, Líf og heilsa

Heilbrigðisstofnun Austurlands falinn rekstur hjúkrunarheimila í Fjarðabyggð

Heilbrigðisstofnun Austurlands (HSA) tekur við rekstri hjúkrunarheimilanna Hulduhlíðar á Eskifirði og Uppsala á Fáskrúðsfirði 1. apríl næstkomandi. Á hvoru heimili um sig eru hjúkrunarrými fyrir 20 íbúa. Forstjóri HSA segir að stofnunin muni leggja metnað sinn í að tryggja íbúunum áframhaldandi góða þjónustu og leggur áherslu á að hagsmunir þeirra verði hafðir í forgrunni.

26. feb. 2021Heilbrigðisráðuneytið, Heilbrigðismál, Líf og heilsa

Svör við spurningum þriggja lækna um krabbameinsskimanir

Heilbrigðisráðuneytið birtir hér með svör við sjö tölusettum spurningum þriggja lækna til heilbrigðisráðherra varðandi krabbameinsskimanir sem birtust í grein eftir þá í Morgunblaðinu í gær. Svörin veita meðal annars upplýsingar um aðdraganda þess að samið var við rannsóknarstofu sjúkrahússins í Hvidovre í Danmörku um úrlestur sýna, en eins og fram kemur m.a. í meðfylgjandi svörum sá Landspítali ýmis tormerki á því að sinna þeirri þjónustu og taldi „ekki ástæðu til að óska eftir að sinna þessari rannsóknarstarfsemi“ eins og segir í svarbréfi spítalans við erindi Heilsugæslu höfuðborgarsvæðisins þegar eftir þessu var leitað.

25. feb. 2021Heilbrigðisráðuneytið, Líf og heilsa

Til umsagnar: Frumvarp til breytinga á lögum vegna vinnslu iðnaðarhamps

Birt hafa verið í samráðsgátt drög að frumvarpi heilbrigðisráðherra til breytinga á lögum um ávana- og fíkniefni vegna vinnslu iðnaðarhamps. Með frumvarpinu er lagt til að stjórnsýsla og verkefni sem varða innflutning á fræjum til landsins til ræktunar á iðnaðarhampi verði færð frá Lyfjastofnun til Matvælastofnunar. Umsagnarfrestur er til 4. mars.

24. feb. 2021Heilbrigðisráðuneytið, Líf og heilsa

Nýtt fjármögnunarkerfi heilsugæslu á landsbyggðinni

Um síðustu áramót tók gildi nýtt fjármögnunarlíkan fyrir heilsugæslu á landsbyggðinni. Þetta er liður í að innleiða þjónustutengda fjármögnun heilbrigðisþjónustu um allt land í samræmi við Heilbrigðisstefnu til ársins 2030. Nýja kerfið byggist í meginatriðum á sömu þáttum og liggja til grundvallar fjármögnunarlíkani heilsugæslu á höfuðborgarsvæðinu sem innleitt var árið 2017 og hefur gefið góða raun. Markmiðið er að auka gæði og skilvirkni þjónustunnar og stuðla að því að grunnheilbrigðisþjónusta sé veitt í sem mestum mæli á heilsugæslustöðvum.

23. feb. 2021Heilbrigðisráðuneytið, Covid-19, Mennta- og barnamálaráðuneytið, Líf og heilsa

COVID-19: Létt á takmörkunum í skólastarfi frá 24. febrúar

Almennt verður heimilaður hámarksfjöldi nemenda 150 í hverju rými og blöndun milli sóttvarnahólfa heimil á öllum skólastigum, líka í háskólum. Regla um nándarmörk verður 1 metri í stað tveggja og gildir það jafnt milli nemenda og starfsfólks. Aðeins þarf að bera grímur ef ekki er unnt að virða 1 metra regluna. Á öllum skólastigum öðrum en á háskólastigi verður foreldrum, aðstandendum og öðrum utanaðkomandi heimilt að koma inn í skólabyggingar, að uppfylltum reglum um sóttvarnir. Þetta eru meginbreytingarnar á takmörkun skólastarfs sem heilbrigðisráðherra hefur ákveðið, í samræmi við tillögur sóttvarnalæknis og að höfðu samráði við mennta- og menningarmálaráðuneytið.

23. feb. 2021Heilbrigðisráðuneytið, Covid-19, Líf og heilsa

COVID-19: Fjöldatakmörk verða 50 manns frá 24. febrúar

Almennar fjöldatakmarkanir verða 50 manns samkvæmt nýjum reglum um samkomutakmarkanir sem taka gildi 24. febrúar. Heimilt verður að hafa að hámarki 200 viðskiptavini í verslunum, á söfnum, í kirkjum og á tilteknum viðburðum. Sund- og baðstöðum og skíðasvæðum verður heimilt að taka á móti 75% af leyfilegum hámarksfjölda gesta. Sama máli gegnir um heilsu- og líkamsræktarstöðvar en þar er jafnframt óheimilt að hafa fleiri en 50 manns í rými. Á íþróttakeppnum verður nú heimilt að hafa áhorfendur. Þetta er megininntak tilslakana á samkomutakmörkunum sem heilbrigðisráðherra hefur ákveðið að gera í samræmi við tillögur sóttvarnalæknis.

22. feb. 2021Heilbrigðisráðuneytið, Líf og heilsa

Ný reglugerð um notkun leysa, leysibenda og IPL-tækja

Heilbrigðisráðherra hefur sett nýja reglugerð sem kveður á um innflutning og notkun leysa, leysibenda og IPL-tækja. Með reglugerðinni eru settar skýrar kröfur um menntun þeirra sem heimilt er að nota þessi tæki, meðal annars vegna meðferða í fegrunarskyni. Enn fremur er skýrt kveðið á um aðkomu og ábyrgð læknis, hvort sem um er að ræða læknisfræðilega notkun þessara tækja eða notkun þeirra í fegrunarskyni.

19. feb. 2021Heilbrigðisráðuneytið, Covid-19, Líf og heilsa

COVID-19: Bólusetningardagatal

Heilbrigðisráðuneytið í samvinnu við sóttvarnalækni hefur útbúið bólusetningardagatal vegna COVID-19, miðað við fyrirliggjandi upplýsingar um afhendingu bóluefna og áætlanir þar að lútandi. Dagatalinu er ætlað að gefa fólki vísbendingu um hvenær líklegt er að bólusetning hefjist í einstökum forgangshópum. Dagatalið er birt með fyrirvara, enda að hluta til um áætlun að ræða sem mun taka breytingum. Gangi forsendur eftir lýkur bólusetningu gegn COVID-19 hér á landi fyrir lok júní næstkomandi.

19. feb. 2021Heilbrigðisráðuneytið, Líf og heilsa

Endurhæfingarteymi tekið til starfa við Heilbrigðisstofnun Austurlands

Heilbrigðisstofnun Austurlands (HSA) hefur sett á fót þverfaglegt endurhæfingarteymi sem mun styðja við og efla endurhæfingu fyrir íbúa á Austurlandi. Stofnun teymisins er liður í framkvæmd aðgerðaáætlunar um endurhæfingu til fimm ára sem heilbrigðisráðherra kynnti í lok síðasta árs. Áætlunin gerir ráð fyrir að stofnuð verði endurhæfingarteymi í öllum heilbrigðisumdæmum landsins og er teymið við HSA það fyrsta sem tekur til starfa.

19. feb. 2021Heilbrigðisráðuneytið, Líf og heilsa

Til umsagnar: Tillaga til þingsályktunar um lýðheilsustefnu

Birt hafa verið til umsagnar í samráðsgátt stjórnvalda drög að tillögu heilbrigðisráðherra til þingsályktunar um lýðheilsustefnu til ársins 2030. Í stefnudrögunum er skilgreind framtíðarsýn fyrir lýðheilsu á Íslandi og fjallað um hvernig styrkja megi stoðir lýðheilsustarfs hér á landi til framtíðar. Tillagan er sett fram með hliðsjón af heilbrigðisstefnu til ársins 2030 og byggir á sömu meginviðfangsefnum.

19. feb. 2021Heilbrigðisráðuneytið, Líf og heilsa

Styrkir til gæða- og nýsköpunarverkefna í heilbrigðisþjónustu lausir til umsóknar

Heilbrigðisráðuneytið auglýsir eftir umsóknum um styrki til gæða- og nýsköpunarverkefna í heilbrigðisþjónustu. Veittir verða styrkir til afmarkaðra verkefna og tæknilausna sem stuðlað geta að umbótum, nýbreytni eða auknum gæðum. Ekki eru veittir ferðastyrkir. Að þessu sinni er sérstök áhersla lögð á verkefni sem nýtast heilbrigðisþjónustunni í kjölfar heimsfaraldurs. Verkefnin þurfa að hafa skýran ávinning fyrir heilbrigðisþjónustuna og þann hóp sem þjónustan beinist að.

16. feb. 2021Heilbrigðisráðuneytið, Líf og heilsa

Ráðherra staðfestir reglugerð um stofnun og rekstur neyslurýma

Heilbrigðisráðherra hefur staðfest reglugerð um stofnun og rekstur neyslurýma. Reglugerðin er sett með ákvæði til bráðabirgða sem gerir verkefninu Frú Ragnheiði, sem Rauði krossinn í Reykjavík rekur, kleift að nýta annan af tveimur bílum Frú Ragnheiðar tímabundið sem neyslurými þar til varanlegt rými samkvæmt ákvæðum reglugerðarinnar hefur verið opnað.

16. feb. 2021Heilbrigðisráðuneytið, Covid-19, Líf og heilsa

COVID-19: Spornað gegn útbreiðslu smita með hertum aðgerðum á landamærum

Öllum sem koma til landsins frá og með 19. febrúar næstkomandi verður skylt að framvísa nýlegu vottorði um neikvæða niðurstöðu úr PCR-prófi fyrir brottför á leið til Íslands og á landamærum við komuna. Kemur sú ráðstöfun til viðbótar kröfu um tvöfalda skimun. Frá sama tíma verður þeim sem greinast með COVID-19 við skimun á landamærum skylt að dvelja í sóttvarnahúsi ef önnur viðunandi aðstaða til einangrunar er ekki fyrir hendi eða ef einstaklingur er með afbrigði veirunnar sem eru þekkt fyrir að vera meira smitandi en önnur eða valda alvarlegri veikindum. Heilbrigðisráðherra kynnti ákvörðun þessa efnis á fundi ríkisstjórnar í dag og er hún í samræmi við tillögur sóttvarnalæknis um hertar aðgerðir á landamærum.

15. feb. 2021Heilbrigðisráðuneytið, Covid-19, Líf og heilsa

COVID-19: Bólusetning verður langt komin í lok júní

Gera má ráð fyrir að hægt verði að bólusetja tæplega 190.000 einstaklinga hér á landi fyrir lok júní næstkomandi með bóluefnum Pfizer, AstraZeneca og Moderna sem öll eru með markaðsleyfi og komin í notkun hér á landi. Þetta er mun meira en áður var vænst. Mestu munar annars vegar um nýjan samning Evrópusambandsins við Pfizer sem tryggir Íslandi bóluefni fyrir 25.000 til 30.000 manns strax á öðrum ársfjórðungi, til viðbótar fyrri samningum. Gert er ráð fyrir að Ísland undirriti samning um aukið magn bóluefna frá Pfizer á grundvelli nýs samnings Evrópusambandsins fyrir lok þessarar viku. Einnig mun aukin framleiðslugeta AstraZeneca hafa áhrif. Alls verður rúmlega 280.000 einstaklingum boðin bólusetning hér á landi, þ.e. öllum sem eru 16 ára og eldri..…

15. feb. 2021Heilbrigðisráðuneytið, Líf og heilsa, Annað

Styrkir til gæða- og nýsköpunarverkefna í heilbrigðisþjónustu

/ Heilbrigðisráðuneytið Styrkir til gæða- og nýsköpunarverkefna í heilbrigðisþjónustu Heilbrigðisráðuneytið auglýsir árlega eftir umsóknum um styrki til gæða- og nýsköpunarverkefna í heilbrigðisþjónustu. Tilgangur styrkveitinganna er að stuðla að umbótastarfi, nýbreytni og auknum gæðum heilbrigðisþjónustu og jafnframt eru þeir ætlaðir sem hvatning og viðurkenning fyrir störf á þessu sviði. Auglýsing: Styrkir til gæða- og nýsköðunarverkefna í heilbrigðisþjónustu 2023 lausir til umsóknar Efnisorð

15. feb. 2021Heilbrigðisráðuneytið, Covid-19, Líf og heilsa

COVID-19: Kröfur til skyndigreiningarprófa

Heilbrigðisráðherra hefur birt í Stjórnartíðindum fagleg fyrirmæli embættis landlæknis um skyndigreiningarpróf sem heimilt verður að nota hér á landi. Aðeins verður heimilt að nota próf sem mæla mótefnavaka (antigen) og þá einungis þau skyndigreiningarpróf sem hlotið hafa tilskilin leyfi heilbrigðisráðuneytisins. Gerð er krafa um að jákvæðar niðurstöður úr skyndigreiningarprófi verði staðfestar með RT-PCR prófi til að tryggja raðgreiningu veirunnar.

12. feb. 2021Heilbrigðisráðuneytið, Covid-19, Líf og heilsa

COVID-19: Ný tölfræði um gagnsemi bólusetningar

Birtar hafa verið á vefnum Covid.is nýjar tölfræðiupplýsingar sem sýna annars vegar samanburð á fjórtán daga nýgengi smita eftir aldurshópum og bóluefnastöðu og hins vegar nýgengi innlagna á sjúkrahús eftir stöðu bólusetningar. Samkvæmt tölfræðinni er nýgengi sjúkrahússinnlagna nú 0,5 hjá fullorðnum sem hafa fengið örvunarbólusetningu, það er um tólf sinnum hærra (5,9) hjá þeim sem eru fullbólusettir og 68 sinnum hærra (34,0) hjá þeim sem ekki eru fullbólusettir en hjá þeim sem fengið hafa örvunarbólusetningu.

11. feb. 2021Heilbrigðisráðuneytið, Líf og heilsa

Efri árin – upplýsingar um þjónustu á Island.is

Heilbrigðisráðuneytið vekur athygli á margvíslegum upplýsingum, m.a. um heilbrigðisþjónustu og þjónustu við fólk á efri árum á vefnum Island.is. Þar eru aðgengilegar á einum stað upplýsingar um þjónustu ríkis og sveitarfélaga, s.s. um heimaþjónustu, heimahjúkrun, þjónustuíbúðir, félagsmiðstöðvar, hjúkrunarrými og fleira og leiðbeiningar um hvernig sótt er um þjónustu.

03. feb. 2021Heilbrigðisráðuneytið, Heilbrigðismál, Líf og heilsa

Óskað upplýsinga um getu Landspítala til að annast greiningu leghálssýna

Í kjölfar ummæla yfirlæknis meinafræðideildar Landspítala í fjölmiðlum um að Landspítali geti annast greiningu leghálssýna vegna krabbameinsskimunar hefur ráðuneytið óskað eftir því að spítalinn staðfesti vilja sinn þessa efnis. Óskað er eftir því að spítalinn geri grein fyrir því til hvaða aðgerða hann þyrfti að grípa til að annast umrædda starfsemi þannig að hún uppfylli viðmið um gæði, öryggi og skilvirkni.

03. feb. 2021Heilbrigðisráðuneytið, Líf og heilsa

Athugasemdir við málflutning formanns velferðarnefndar í fjölmiðlum

Heilbrigðisráðuneytið gerir alvarlegar athugasemdir við málflutning formanns velferðarnefndar í sjónvarpsfréttum RÚV kl. 22.00 í gær. Formaðurinn tjáði sig þar um viðkvæm málefni sem rædd voru á lokuðum nefndarfundi og varða talmeinafræðinga, sjúkraþjálfara og hjúkrunarheimili sem rekin eru á vegum sveitarfélaga. Í þingskaparlögum er afdráttarlaust kveðið á um að trúnaður skuli ríkja um málefni sem rædd eru á lokuðum nefndarfundum. Heilbrigðisráðuneytið verður að geta treyst því að samskipti við velferðarnefnd byggi á heilindum, virðingu fyrir þeim málum sem þar eru til umfjöllunar og að trúnaðar sé gætt líkt og áskilið er í lögum.…