Efnisorð
Tegund

Leita eftir efnisorðum

Sýnir 801–850 af 12929
Raða eftir:
06. nóv. 2025Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 252/2025-Úrskurður

Örorkumat og endurhæfingarlífeyrir. Staðfest ákvörðun Tryggingastofnunar ríkisins um að synja kæranda um örorkulífeyri. Ekki talið að endurhæfing hafi verið fullreynd. Felld úr gildi ákvörðun Tryggingastofnunar ríkisins um að synja umsókn kæranda um endurhæfingarlífeyri. Úrskurðarnefndin fellst á að skilyrði fyrir greiðslum endurhæfingarlífeyris séu uppfyllt og málinu heimvísað til ákvörðunar á tímalengd endurhæfingarlífeyris.

04. nóv. 2025Félags- og húsnæðismálaráðuneytið, Málefni eldra fólks

Mikil eftirspurn eftir efni um félagslega einangrun

Frá því að vitundarvakningin Tölum saman hófst hafa daglega um 150-300 manns kynnt sér fræðsluefni á vefnum um félagslega einangrun. Með vitundarvakningunni vilja stjórnvöld vekja athygli almennings á því hve alvarleg félagsleg einangrun er og hvernig við getum öll verið hluti af lausninni. Samkvæmt greiningu sem kynnt var í gær er 12% eldra fólks á Íslandi stundum einmana og 4% frekar oft, mjög oft eða alltaf einmana. 27% eldra fólks ver meiri tíma eitt en það vildi og 6% segist búa við frekar mikla eða mjög mikla félagslega einangrun.

22. okt. 2025Félags- og húsnæðismálaráðuneytið

Félags- og húsnæðismálaráðherra veitir styrk til starfsemi Þúfunnar

Inga Sæland, félags- og húsnæðismálaráðherra, veitti nýverið 12 milljóna króna styrk til Lítillar þúfu, sem rekur áfangaheimilið Þúfuna (áður Dyngjan) fyrir konur sem hafa lokið meðferð vegna vímuefnanotkunar. Allt að 12 konur geta dvalið á áfangaheimilinu hverju sinni og er markmiðið að búa íbúunum gott heimili og efla með þeim sjálfsöryggi í lífi og starfi. Áfangaheimili eru sérstaklega mikilvæg fyrir konur í bataferli, sérstaklega þær sem glíma við aðrar áskoranir, svo sem bágar félagslegar aðstæður, heimilisleysi, neyslu á heimili, heimilisofbeldi eða barnaverndarmál.

22. okt. 2025Félags- og húsnæðismálaráðuneytið, Vinnumál, Almannatryggingar og lífeyrir

VIRK og Vinnumálastofnun þétta raðirnar til að aðstoða fólk við að fá vinnu

Inga Sæland, félags- og húsnæðismálaráðherra, hefur sett af stað verkefni sem ganga út á að aðstoða langtímaatvinnulausa við að fá vinnu og styðja við nýtt örorku- og endurhæfingarkerfi. Markmiðið er að grípa fyrr hóp þeirra sem lengi hafa verið án atvinnu og aðstoða nýjan hóp hlutaörorkulífeyrisþega við að fá vinnu.

21. okt. 2025Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 523/2025-Úrskurður

Örorkumat. Staðfest ákvörðun Tryggingastofnunar ríkisins um að synja kæranda um örorkulífeyri og tengdar greiðslur. Kæranda hafði ekki verið veitt alþjóðleg vernd sem flóttamaður og uppfyllti því ekki skilyrði til þess að vera tryggður í íslenskum almannatryggingum frá komudegi. Ekki fallist á að ákvörðun Tryggingastofnunar brjóti í bága við jafnræðisreglu 11. gr. stjórnsýslulaga og 65. gr. stjórnarskrár lýðveldisins Íslands nr. 33/1944.

21. okt. 2025Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 370/2025-Úrskurður

Ellilífeyrir. Staðfest ákvörðun Tryggingastofnunar ríkisins í máli kæranda um endurreikning og uppgjör tekjutengdra bóta ársins 2022. Það er mat úrskurðarnefndar velferðarmála að þær ellilífeyrisgreiðslur sem kærandi fær frá Þýskalandi séu ekki sambærilegar ellilífeyrisgreiðslum samkvæmt lögum um almannatryggingar. Að mati úrskurðarnefndar hafa þær meiri líkindi við greiðslur frá skyldubundnum atvinnutengdum lífeyrisssjóðum

21. okt. 2025Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 478/2025-Úrskurður

Endurhæfingarlífeyrir. Afturköllun. Felld úr gildi ákvörðun Tryggingastofnunar um að afturkalla ákvörðun stofnunarinnar um greiðslu endurhæfingarlífeyris og málinu vísað aftur til Tryggingastofnunar til nýrrar meðferðar. Tryggingastofnun hefur ekki heimild til að afturkalla ákvörðun stofnunarinnar um greiðslu endurhæfingarlífeyris til kæranda nema uppfyllt séu skilyrði afturköllunar samkvæmt 25. gr. stjórnsýslulaga. Stofnunin tók enga afstöðu til þess hvort skilyrði framangreinds lagaákvæðis væru uppfyllt.

16. okt. 2025Félags- og húsnæðismálaráðuneytið, Vinnumál

Samráðsgátt: Hætt verði að miða við fæðingardag barns þegar breytingar eru gerðar á fæðingar- og foreldraorlofi

Inga Sæland, félags- og húsnæðismálaráðherra, hefur birt í samráðsgátt stjórnvalda frumvarp til laga um breytingu á lögum um fæðingar- og foreldraorlof og lögum um sorgarleyfi. Lagt er til að breytingar á fjárhæðum greiðslna til foreldra sem nýta rétt sinn innan fæðingarorlofskerfisins miði ekki lengur við fæðingardag barns, frumættleiðingu eða töku barns í varanlegt fóstur heldur skuli slíkar breytingar eiga við um alla foreldra í fæðingarorlofi og þá sem eiga rétt á slíkum greiðslum þegar breytingarnar taka gildi.

14. okt. 2025Félags- og húsnæðismálaráðuneytið, Almannatryggingar og lífeyrir

Mælti fyrir frumvarpi sem felur í sér að greiðslur almannatrygginga fylgi launavísitölu

Inga Sæland, félags- og húsnæðismálaráðherra, mælti í dag fyrir frumvarpi sem kveður á um að greiðslur almannatrygginga skuli fylgja launavísitölu. Í frumvarpinu er lagt til að greiðslur almannatrygginga muni framvegis fylgja þróun launavísitölu sem Hagstofa Íslands reiknar út og birtir, í stað þess að taka mið af spá um launaþróun. Greiðslur almannatrygginga eru að stærstum hluta ellilífeyrir og greiðslur vegna örorku og endurhæfingar.

12. okt. 2025Félags- og húsnæðismálaráðuneytið, Fatlað fólk

Stuðningur við auðlesið mál

Inga Sæland, félags- og húsnæðismálaráðherra, hefur veitt Miðstöð um auðlesið mál styrk að upphæð 15 milljónum króna. Styrkurinn er hluti af Landsáætlun í málefnum fatlaðs fólks en ein af aðgerðunum í henni fjallar um auðlesið efni. Auðlesið mál er íslenska sem hefur verið einfölduð á skipulegan hátt og var miðstöðinni komið á laggirnar árið 2022 með stuðningi ráðuneytisins.