Efnisorð
Tegund

Leita eftir efnisorðum

Sýnir 751–800 af 1359
Raða eftir:
11. maí 2021Náttúruvernd, Umhverfi og náttúruvernd, Umhverfis-٫ orku- og loftslagsráðuneytið

Ráðherra opnar kortavefsjá sem sýnir skurðaþekju Íslands

Guðmundur Ingi Guðbrandsson, umhverfis- og auðlindaráðherra, opnaði í gær nýjan upplýsingavef Landgræðslunnar um votlendi og áhrif framræslu þess á lífríki og losun gróðurhúsalofttegunda. Á vefnum er einnig að finna nýja kortavefsjá sem sýnir legu skurða á landinu og byggir hún á upplýsingum frá Landbúnaðarháskóla Íslands.

05. maí 2021Umhverfi og náttúruvernd, Covid-19, Framkvæmd búvörusamninga, Landbúnaður, Nýsköpun, Loftslagsmál, Atvinnuvegir, Menningar-٫ nýsköpunar- og háskólaráðuneytið

Umræðuskjal um Landbúnaðarstefnu fyrir Ísland kynnt

Landnýting, loftslagsmál og umhverfisvernd, nýsköpun og tækni eru þrjár lykilbreytur sem munu marka landbúnaðarstefnu fyrir Ísland til framtíðar. Kristján Þór Júlíusson, sjávarútvegs- og landbúnaðarráðherra, stóð í dag fyrir fjarfundi þar sem kynntvar Ræktum Ísland! umræðuskjal um landbúnaðarstefnu fyrir Ísland.

03. maí 2021Umhverfis-٫ orku- og loftslagsráðuneytið, Umhverfi og náttúruvernd

Reglugerð um meðferð plöntuverndarvara og útrýmingarefna til kynningar í samráðsgátt

Umhverfis- og auðlindaráðuneytið hefur sett til kynningar í samráðsgátt stjórnvalda drög að reglugerð um meðferð plöntuverndarvara og útrýmingarefna. Reglugerðin tekur við af reglugerð um meðferð varnarefna, sem innleiðir tilskipun Evrópuþingsins og ráðsins um aðgerðarramma Evrópusambandsins til að ná fram sjálfbærri notkun varnarefna.

29. apr. 2021Umhverfis-٫ orku- og loftslagsráðuneytið, Loftslagsmál, Umhverfi og náttúruvernd

Frumvarp sem stuðlar að endurvinnslu glers samþykkt á Alþingi

Alþingi samþykkti í vikunni frumvarp Guðmundar Inga Guðbrandssonar, umhverfis- og auðlindaráðherra, um breytingar á lögum um ráðstafanir gegn umhverfismengun af völdum einnota drykkjarvöruumbúða. Samþykkt frumvarpsins hefur í för með sér að hægt verður að hefja markvissa vinnu við endurvinnslu á einnota glerumbúðum á þessu ári.

27. apr. 2021Umhverfis-٫ orku- og loftslagsráðuneytið, Loftslagsmál, Umhverfi og náttúruvernd, Dagur umhverfisins

Viðurkenningar veittar fyrir umhverfismál

Umhverfis- og auðlindaráðherra, Guðmundur Ingi Guðbrandsson, veitti Íslandsbanka í dag Kuðunginn, umhverfisviðurkenningu umhverfis- og auðlindaráðuneytisins, fyrir framúrskarandi starf að umhverfismálum á síðasta ári. Við sama tækifæri voru nemendur í Foldaskóla, Öldutúnsskóla og Húsaskóla útnefndir Varðliðar umhverfisins.

15. apr. 2021Umhverfis-٫ orku- og loftslagsráðuneytið, Loftslagsmál, Umhverfi og náttúruvernd

Ræddu um Norðurlöndin sem fyrirmynd í að flýta fyrir orkuskiptum í samgöngum

Stjórnvöld um allan heim gegna mikilvægu hlutverki í því að flýta fyrir nauðsynlegum orkuskiptum í samgöngum, sagði Guðmundur Ingi Guðbrandsson, umhverfis- og auðlindaráðherra, í ávarpi sínu á rafrænum viðburði World Resources Institute og norrænna sendiráða í Washington í dag. Umfjöllunarefni fundarins var græn umskipti í samgöngum, leiðir Norðurlandanna að því marki og möguleikar Bandaríkjanna til þess að draga af þeim lærdóm.

15. apr. 2021Umhverfis-٫ orku- og loftslagsráðuneytið, Loftslagsmál, Umhverfi og náttúruvernd

Frumvarp til innleiðingar á hringrásarhagkerfi lagt fram á Alþingi

Guðmundur Ingi Guðbrandsson, umhverfis- og auðlindaráðherra hefur mælt fyrir frumvarpi sem felur í sér innleiðingu Evróputilskipana sem er ætlað að skapa skilyrði fyrir myndun hringrásarhagkerfis. Tilgangurinn er að ýta undir bætta endurvinnslu úrgangs, draga úr myndun hans og draga stórlega úr urðun. Frumvarpið felur í sér breytingu á lögum um hollustuhætti og mengunarvarnir, lögum um meðhöndlun úrgangs og lögum um úrvinnslugjald.

15. apr. 2021Loftslagsmál, Náttúruvernd, Umhverfi og náttúruvernd, Umhverfis-٫ orku- og loftslagsráðuneytið

Ráðherra undirritar Bratislava yfirlýsingu

Guðmundur Ingi Guðbrandsson, umhverfis- og auðlindaráðherra, undirritaði í dag s.k. Bratislava yfirlýsingu er hann tók þátt í fundi Forest Europe, en fjöldi ráðherra skógarmála í Evrópu sátu fundinn. Forest Europe er samstarf ráðherra á því sviði í álfunni sem hefur það markmið að efla og samhæfa, vernd, ræktun og nýtingu skóga í Evrópu.

06. apr. 2021Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Reynsla Íslands gagnleg fyrir endurheimt vistkerfa á heimsvísu

Ísland hefur langa reynslu í baráttu gegn eyðingu gróðurs og jarðvegs og sú reynsla getur gagnast öðrum. Þetta kom fram í máli Guðmundar Inga Guðbrandssonar, umhverfis- og auðlindaráðherra, í pallborðsumræðum á vegum UNESCO, Menningarmálastofnunar Sameinuðu þjóðanna, sem haldnar voru í tilefni þess að Áratug vistheimtar er hleypt af stokkunum á heimsvísu.

24. mar. 2021Umhverfis-٫ orku- og loftslagsráðuneytið, Loftslagsmál, Umhverfi og náttúruvernd

Loftslagssjóður úthlutar 170 milljónum króna til 24 verkefna

Loftslagssjóður hefur úthlutað 170 milljónum króna til 24 verkefna. Alls hlutu 12 nýsköpunarverkefni og 12 kynningar- og fræðsluverkefni styrk að þessu sinni. Hlutverk Loftslagssjóðs er að styðja við nýsköpunarverkefni á sviði loftslagsmála og verkefni sem lúta að kynningu og fræðslu um áhrif loftslagsbreytinga.

19. mar. 2021Umhverfis-٫ orku- og loftslagsráðuneytið, Friðlýsingar, Náttúruvernd, Umhverfi og náttúruvernd

Geysir og Kerlingarfjöll friðlýst gegn orkuvinnslu

Guðmundur Ingi Guðbrandsson, umhverfis- og auðlindaráðherra, undirritaði í dag friðlýsingu Geysis og Kerlingarfjalla gegn orkuvinnslu í samræmi við lög um verndar- og orkunýtingaráætlun (rammaáætlun). Um er að ræða tvær friðlýsingar háhitasvæða í verndarflokki rammaáætlunar. Innan þeirra eru fimm orkukostir sem Alþingi ákvað árið 2013 að myndu fara í verndarflokk.

09. mar. 2021Umhverfis-٫ orku- og loftslagsráðuneytið, Umhverfi og náttúruvernd

Búnaður til Seyðisfjarðar vegna mengunar frá El Grillo

Unnið er að aðgerðum til að bregðast við olíumengun frá flaki El Grillo í Seyðisfirði, eftir að leki kom þar upp í ágústmánuði. Umhverfis- og auðlindaráðuneytið ásamt Umhverfisstofnun hafa mótað viðbrögð í samráði við sveitarstjórn og hafnarstjórn Múlaþings og Landhelgisgæsluna, sem miðast annars vegar við að bregðast við menguninni nú og hins vegar að finna langtímalausn á vandanum.

09. mar. 2021Umhverfi og náttúruvernd, Utanríkismál, Vísindi nýsköpun og rannsóknir, Auðlindir, Heimasendiherrar, Utanríkisráðuneytið

Nýsköpun í matvælaframleiðslu efst á baugi á ráðstefnu Íslands og Singapúr

Guðlaugur Þór Þórðarson utanríkis- og þróunarsamvinnuráðherra lagði áherslu á nýsköpun til að mæta vaxandi matvælaþörf í ávarpi sínu á ráðstefnu Íslandsstofu og utanríkisráðuneytisins með stjórnendum og frumkvöðlum frá Íslandi og Singapúr.

07. mar. 2021Umhverfi og náttúruvernd, Neytendamál, Atvinnuvegaráðuneytið

Bann við algengum einnota plastvörum tekur gildi

Bann við að setja tilteknar, algengar einnota vörur úr plasti á markað tekur gildi í dag. Meðal vara sem bannað er að setja á markað eru einnota bómullarpinnar úr plasti, plasthnífapör og -diskar, sogrör, hræripinnar og blöðrustangir. Matarílát, drykkjarílát, glös og bollar úr frauðplasti eru einnig óheimil. Undantekningar eru gerðar ef vörur flokkast sem lækningatæki.