Efnisorð
Tegund

Leita eftir efnisorðum

Sýnir 701–750 af 1898
Raða eftir:
07. júl. 2022Forsætisráðuneytið, Heilbrigðisráðuneytið, Félags- og húsnæðismálaráðuneytið, Dómsmálaráðuneytið, Fjármála- og efnahagsráðuneytið, Utanríkisráðuneytið, Menningar-٫ nýsköpunar- og háskólaráðuneytið, Innviðaráðuneytið, Mennta- og barnamálaráðuneytið, Atvinnuvegaráðuneytið, Umhverfis-٫ orku- og loftslagsráðuneytið

Ársskýrslur ráðherra fyrir árið 2021 birtar

Ársskýrslur ráðherra fyrir árið 2021 hafa verið birtar. Skýrslurnar koma nú út í fimmta sinn en markmiðið með útgáfu þeirra er að auka gagnsæi um ráðstöfun og nýtingu fjármuna. Þá er þeim ætlað að vera grundvöllur fyrir umræðu um stefnumörkun og forgangsröðun hins opinbera.

29. jún. 2022Mennta- og barnamálaráðuneytið

Umsóknarfrestur um embætti skrifstofustjóra mennta- og barnamálaráðuneytisins og forstjóra Menntamálastofnunar framlengdur

Mennta- og barnamálaráðuneytið leitar að starfsmönnum í embætti skrifstofustjóra með stjórnunar- og leiðtogahæfni auk framúrskarandi hæfni í mannlegum samskiptum til að mæta þeim miklu áskorunum sem verða við samþættingu menntunar, íþrótta og æskulýðsmála við grunnhugmyndir farsældar á næstu árum. Þá leitar ráðuneytið einnig að stjórnanda með brennandi áhuga og framúrskarandi hæfni í að leiða árangursríkar breytingar í embætti forstjóra Menntamálastofnunar.

25. jún. 2022Mennta- og barnamálaráðuneytið

Ráðherra ræðir við íþróttahreyfinguna

Ásmundur Einar Daðason, mennta- og barnamálaráðherra, átti gott samtal við íþróttahreyfinguna á fundum með Íþrótta- og Ólympíusambandi Íslands, Knattspyrnusambandi Íslands og Fimleikasambandi Íslands í vikunni. Rætt var um eflingu íþróttastarfs, framtíð þjóðarleikvanga, íþróttaiðkun barna af erlendum uppruna og aldraðra, réttindi íþróttafólks og stuðning og samstarf við íþróttahreyfinguna.

23. jún. 2022Menntamál, Mennta- og barnamálaráðuneytið

Nýtt diplómanám á sviði farsældar barna hefst í haust

Nýtt diplómanám á sviði farsældar barna verður kennt í fyrsta skipti veturinn 2022–2023 við Félagsráðgjafardeild Háskóla Íslands. Námið er þverfaglegt og því er ætlað að styðja við innleiðingu nýrra laga um samþættingu þjónustu í þágu farsældar barna með því að veita nemendum þekkingu á barnamiðaðri nálgun, samþættingu þjónustu, hlutverkum tengiliða og málstjóra auk mælinga á árangri. Færni í teymisvinnu og þverfaglegri samvinnu verður í forgrunni með áherslu á fyrsta stigs þjónustu við börn, þ.e. grunnþjónustu.

15. jún. 2022Mennta- og barnamálaráðuneytið

Streymi: Ráðherra kynnir nýtt skipulag í mennta- og barnamálaráðuneyti

Ásmundur Einar Daðason, mennta- og barnamálaráðherra, kynnir nýtt skipulag og áherslur í mennta- og barnamálaráðuneyti á Reykjavik Nordica Hilton á morgun, fimmtudaginn 16. júní kl. 8:30 – 9:30. Er fundurinn öllum opinn og eru áhugasamir sérstaklega hvattir til að mæta. Fundinum verður streymt beint á vef Mennta- og barnamálaráðuneytisins (linkur). Streymi á kynninguna (linkur).

13. jún. 2022Forsætisráðuneytið, Covid-19, Félags- og húsnæðismálaráðuneytið, Heilbrigðisráðuneytið, Mennta- og barnamálaráðuneytið, Menningar-٫ nýsköpunar- og háskólaráðuneytið

Skýrsla starfshóps um félags- og heilsufarslegar aðgerðir vegna áhrifa heimsfaraldurs á viðkvæma hópa

Starfshópur sem ríkisstjórnin fól að vinna tillögur um félags- og heilsufarslegar aðgerðir vegna áhrifa heimsfaraldurs kórónuveiru á viðkvæma hópa hefur skilað skýrslu til forsætisráðherra.

10. jún. 2022Menningar-٫ nýsköpunar- og háskólaráðuneytið, Mennta- og barnamálaráðuneytið, Félags- og húsnæðismálaráðuneytið, Menntastefna, Menntamál

Viljayfirlýsing um fagháskólanám í leikskólafræðum undirrituð

Áslaug Arna Sigurbjörnsdóttir, háskóla-, iðnaðar- og nýsköpunarráðherra, Ásmundur Einar Daðason, mennta- og barnamálaráðherra, og Guðmundur Ingi Guðbrandsson, félags- og vinnumarkaðsráðherra, undirrituðu í dag samstarfsyfirlýsingu um þróun og innleiðingu fagháskólanáms í leikskólafræðum á landsvísu. Auk ráðuneytanna koma Háskóli Íslands, Háskólinn á Akureyri og Samband íslenskra sveitarfélaga að yfirlýsingunni, en markmið hennar er að efla menntun starfsfólks leikskóla um land allt.

06. jún. 2022Utanríkisráðuneytið, Barnaréttur, Mannréttindi og jafnrétti, Mennta- og barnamálaráðuneytið

Bragi Guðbrandsson endurkjörinn í nefnd Sameinuðu þjóðanna um réttindi barnsins

Bragi Guðbrandsson var í dag endurkjörinn í nefnd Sameinuðu þjóðanna um réttindi barnsins til næstu fjögurra ára á fundi aðildarríkja Barnasáttmála Sameinuðu þjóðanna í New York. Bragi fékk mjög góða kosningu eða 140 atkvæði af 186 greiddum atkvæðum. Flest atkvæði fékk frambjóðandi Argentínu, sem hlaut 142 atkvæði. Fimmtán frambjóðendur sóttust eftir níu sætum í nefndinni.

25. maí 2022Mennta- og barnamálaráðuneytið

Efling Samskiptaráðgjafa íþrótta- og æskulýðsstarfs

Ásmundur Einar Daðason, mennta- og barnamálaráðherra, hefur ákveðið að styrkja Samskiptaráðgjafa íþrótta- og æskulýðsstarfs um 8 m.kr. á árinu til að bregðast við aukinni eftirspurn eftir þjónustu. Reynslan sýnir að þörf er á þjónustunni og að bæði iðkendur og íþróttafélög nýta sér þennan vettvang í auknum mæli við úrlausn mála sem tengjast áreitni, ofbeldi, einelti og samskiptavanda í íþrótta- og æskulýðsstarfi.

24. maí 2022Mennta- og barnamálaráðuneytið

Nýsköpunarkeppni grunnskóla 2022

Ásmundur Einar Daðason, mennta- og barnamálaráðherra, afhenti verðlaun fyrir nýsköpun í Nýsköpunarkeppni grunnskóla á laugardag. Hilda Rún Hafsteinsdóttir og Thelma Sif Róbertsdóttir í 7. bekk Sandgerðisskóla hlutu aðalverðlaun fyrir hugmynd sína Hjálparljós. Ásta Sigríður Ólafsdóttir, grunnskólakennari í hönnun og smíði í Víðistaðaskóla, er Nýsköpunarkennari grunnskólanna árið 2022.

18. maí 2022Menntamál, Mennta- og barnamálaráðuneytið

Um skipun skólameistara Menntaskólans á Akureyri

Mennta- og barnamálaráðuneytinu hefur borist erindi frá Kennarafélagi Menntaskólans á Akureyri (MA) þar sem skorað er á ráðherra að hefja umsóknarferli við skipun skólameistara menntaskólans á ný með nýrri skólanefnd. Ástæðan er vantraust á störfum núverandi skólanefndar, sem félagið telur að eigi að leysa frá störfum. Til að sátt ríki um skipunina hefur Ásmundur Einar Daðason, mennta- og barnamálaráðherra, ákveðið að skipa sérstaka hæfninefnd utanaðkomandi sérfræðinga til að leggja mat á sömu gögn frá umsækjendum og skólanefndin byggði umsögn sína á.

10. maí 2022Mennta- og barnamálaráðuneytið

Viðbrögð framhaldsskóla við ofbeldi

Mennta- og barnamálaráðuneytið hefur boðað skólastjórnendur á fund um viðbrögð við kynferðisofbeldi í framhaldsskólum. Á fundinum verður farið yfir stöðuna á innleiðingu viðbragðsáætlana og kynningu þeirra í skólunum. Kynnt verður fyrirmynd að viðbragðsáætlun sem skólar geta nýtt þar sem áætlun hefur ekki verið innleidd eða skerpa þarf verklagið. Markmiðið er að bregðast við ákalli um skýrara verklag, tryggja að viðbrögð séu skilvirk og stuðla að öryggi nemenda.

07. maí 2022Mennta- og barnamálaráðuneytið

Opnað fyrir umsóknir um styrki til íþrótta- og æskulýðshreyfingarinnar vegna heimsfaraldurs

Opnað hefur verið fyrir umsóknir um mótvægisstyrki til íþrótta- og æskulýðshreyfingarinnar vegna heimsfaraldurs. Ásmundur Einar Daðason, mennta- og barnamálaráðherra, kynnti ásamt ÍSÍ forsendur úthlutunar og umsóknarferlið á kynningarfundi ráðherra með hreyfingunni í dag. Markmiðið er að bæta að hluta tekjutap og aukin útgjöld af völdum samkomutakmarkana.

04. maí 2022Forsætisráðuneytið, Mennta- og barnamálaráðuneytið

Afmælishátíð „einvígis aldarinnar“ á Íslandi

Forsætisráðherra, mennta- og barnamálaráðherra og forseti Skáksambands Íslands undirrituðu í dag samning um styrk til 50 ára afmælishátíðar „einvígis aldarinnar“ í skák á Íslandi. Meðal fyrirhugaðra viðburða er heimsmeistaramótið í Fischer-slembiskák. Margfaldur heimsmeistari í skák Magnus Carlsen og núverandi heimsmeistari í Fischer-slembiskák Wesley So hafa þegar tilkynnt þátttöku.

29. apr. 2022Mennta- og barnamálaráðuneytið, Menntamál, Menningar-٫ nýsköpunar- og háskólaráðuneytið

Samkomulag um garðyrkjunám og jarðeignir á Reykjum í Ölfusi

Í samkomulagi sem mennta- og barnamálaráðherra og háskóla-, iðnaðar- og nýsköpunarráðherra kynntu í ríkisstjórn í morgun er rekstur starfsmenntanáms í garðyrkju og skyldum greinum tryggður. Þar með getur Fjölbrautaskóli Suðurlands boðið öllu starfsfólki Landbúnaðarháskóla Íslands sem hefur sinnt kennslu og tengdum störfum á Reykjum ráðningu frá 1. ágúst 2022.

22. apr. 2022Mennta- og barnamálaráðuneytið, Útlendingar, Félags- og fjölskyldumál, Menntastefna

Óttarr Proppé leiðir stýrihópa um málefni barna á flótta og barna af erlendum uppruna

Óttarr Ólafur Proppé mun leiða stýrihóp mennta– og barnamálaráðuneytisins um málefni barna á flótta og undirbúa og leiða stýrihóp um málefni barna af erlendum uppruna. Verkefnin eru m.a. þáttur í innleiðingu löggjafar um samþættingu þjónustu í þágu farsældar barna og menntastefnu til ársins 2030.

22. apr. 2022Úkraína, Forsætisráðuneytið, Félags- og húsnæðismálaráðuneytið, Heilbrigðisráðuneytið, Mennta- og barnamálaráðuneytið, Utanríkisráðuneytið, Dómsmálaráðuneytið, Útlendingar

Ísland tekur sérstaklega á móti allt að 140 einstaklingum í viðkvæmri stöðu frá Úkraínu

Ríkisstjórn Íslands samþykkti á fundi sínum í morgun tillögu forsætisráðherra, félags- og vinnumarkaðsráðherra, dómsmálaráðherra, utanríkisráðherra, heilbrigðisráðherra og mennta- og barnamálaráðherra um að fallast á útfærslu flóttamannanefndar um móttöku viðkvæmra hópa flóttafólks frá Úkraínu vegna þess ástands sem hefur skapast í landinu í kjölfar innrásar Rússlands.

19. apr. 2022Forsætisráðuneytið, Fjármála- og efnahagsráðuneytið, Menningar-٫ nýsköpunar- og háskólaráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Félags- og húsnæðismálaráðuneytið, Líf og heilsa, Félags- og fjölskyldumál

Allt að 750 milljónir í aðgerðir til að bregðast við félags- og heilsufarslegum afleiðingum COVID-19

Allt að 750 m.kr. verður varið á þessu ári til sértækra aðgerða til að mæta félags- og heilsufarslegum afleiðingum COVID-19. Þetta var ákveðið á síðasta fundi ríkisstjórnarinnar fyrir páska. Stjórnvöld hafa frá upphafi heimsfaraldursins lagt ​áherslu á að vinna gegn félagslegum og heilsufarslegaum áhrifum hans, einkum á viðkvæma hópa og eru þessar aðgerðir liður í því.