Efnisorð
Tegund

Leita eftir efnisorðum

Sýnir 651–700 af 1835
Raða eftir:
04. des. 2021Heilbrigðisráðuneytið, Líf og heilsa

Nýr samningur við HL-stöðina um endurhæfingu hjarta- og lungnasjúklinga

Heilbrigðisráðherra hefur staðfest samning milli Sjúkratrygginga Íslands og HL-stöðvarinnar í Reykjavík um endurhæfingu hjarta- og lungnasjúklinga. Samningurinn er gerður í framhaldi af eldri samningi frá árinu 2017 og gildir til 31. mars 2022. Áætlaður árlegur kostnaður við samninginn er um 60 milljónir króna. Samningurinn kveður á um sérhæfða endurhæfingu og felst í þjálfun sjúklinga undir eftirliti, auk fræðslu og ráðgjöf sjúkraþjálfara og lækna.

01. des. 2021Heilbrigðisráðuneytið, Covid-19, Líf og heilsa

COVID 19: Börn sæti sóttkví við komu til landsins frá 13. janúar

Frá og með morgundeginum 13. janúar verður börnum fæddum 2005 eða síðar skylt að sæta sóttkví með foreldri eða forráðamanni við komu til landsins, samkvæmt reglugerð um sóttkví og einangrun og sýnatöku við landamæri Íslands vegna COVID-19. Heilbrigðisráðherra hefur staðfest reglugerð þessa efnis. Ákvörðunin er í samræmi við tillögu sóttvarnalæknis. Reglugerðin hefur verið send Stjórnartíðindum til birtingar, öðlast gildi 13. janúar og gildir til og með 31. janúar næstkomandi.

01. des. 2021Heilbrigðisráðuneytið, Covid-19, Líf og heilsa

COVID-19: Fyrsta sending bóluefnis Moderna komið til landsins

Tekið var á móti fyrstu sendingu bóluefnis Moderna í dag. Þetta er annað bóluefnið gegn COVID-19 sem hlýtur markaðsleyfi Evrópsku lyfjastofnunarinnar og tekið er í notkun hér á landi. Áður var bóluefni Pfizer komið með markaðsleyfi og hófst bólusetning með því fyrir áramót. Vonir standa til þess að þriðja bóluefnið, þ.e. frá AstraZeneca fái markaðsleyfi innan tíðar en Lyfjastofnun Evrópu tilkynnti í dag að hún áformi að halda matsfund um bóluefnið 29. janúar næstkomandi.

29. nóv. 2021Heilbrigðisráðuneytið, Líf og heilsa

Willum Þór Þórsson tekinn við heilbrigðisráðuneytinu af Svandísi Svavarsdóttur

Ráðherraskipti urðu í heilbrigðisráðuneytinu í morgun þegar Willum Þór Þórsson tók við embætti heilbrigðisráðherra af Svandísi Svavarsdóttur. Willum segir það mikla áskorun að taka við þeim stóru og mikilvægu verkefnum sem heyra undir ráðuneytið. Hann muni leggja sig allan fram í þeirri vinnu sem framundan er og taki stoltur við keflinu af Svandísi.

26. nóv. 2021Heilbrigðisráðuneytið, Líf og heilsa, Landsráð

Tillögur frá landsráði um endurskoðun verkaskiptingar heilbrigðisstétta o.fl.

Landsráð um mönnun og menntun í heilbrigðisþjónustu hefur skilað Svandísi Svavarsdóttur heilbrigðisráðherra tillögum sem lúta að endurskoðun verkaskiptingar heilbrigðisstétta. Tillögurnar fela í sér aðgerðir sem miða að því að gera ólíkum heilbrigðisstéttum kleift að nýta sérhæfni sína sem best við dagleg störf, færa minna sérhæfðu starfsfólki aukin verkefni og gera þannig heilbrigðisstarfsfólki kleift að verja sem mestum hluta vinnutíma síns við hámark sinnar hæfni. Ráðherra hefur samþykkt tillögur landsráðs. Landsráð skiptir verkefnunum sem hafa þetta að markmiði í úrlausnarefni sem ráðist verði í innan sex mánaða annars vegar og innan tveggja ára hins vegar.…

24. nóv. 2021Heilbrigðisráðuneytið, Líf og heilsa

Niðurstöður vinnustofu um rétta geðheilbrigðisþjónustu á réttum stað

Heilbrigðisráðherra fól forstjóra Landspítala síðastliðið vor að halda vinnustofu um þjónustuferla undir formerkjunum „rétt geðheilbrigðisþjónusta á réttum stað“ með fulltrúum notenda og fulltrúum allra þjónustuveitenda geðheilbrigðisþjónustu í landinu. Markmiðið var að móta tillögur um bætt þjónustuferli sem mætir þörfum notenda og fjölskyldna þeirra. Meðfylgjandi er skýrsla með niðurstöðum vinnustofunnar og tillögum til ráðherra. Niðurstöðurnar verða nýttar inn í stefnumótun um framtíðarsýn í geðheilbrigðismálum til ársins 2030.

23. nóv. 2021Heilbrigðisráðuneytið, Líf og heilsa

Sjúkrahúsið á Akureyri fær 290 milljónir króna til tækjakaupa

Svandís Svavarsdóttir heilbrigðisráðherra hefur ákveðið að úthluta Sjúkrahúsinu á Akureyri 290 milljónum króna af safnliðum fjárlaga til kaupa á tveimur sneiðmyndatækjum. Stærstum hluta fjárins verður varið til kaupa á öflugu tæki sem kostar um 250 milljónir króna. Sjúkrahúsið hefur nú aðeins yfir einu sneiðmyndatæki að ræða sem er orðið 14 ára gamalt og farið að valda vandræðum vegna tíðra bilana. Hildigunnur Svavarsdóttir, forstjóri Sjúkrahússins á Akureyri, segir að þessi nýi tækjakostur muni skipta sköpum fyrir sjúkrahúsið og öryggi sjúklinga á þjónustusvæði þess. Þetta séu mikilvægustu greiningartækin þegar um bráð veikindi er að ræða eða þegar slys ber að höndum. Greiningarhæfnin muni stóraukast og unnt verði að tryggja meiri áreiðanleika og samfellu í þjónustu við sjúklinga.…

17. nóv. 2021Heilbrigðisráðuneytið, Líf og heilsa

Leiðrétting á ítrekuðum rangfærslum um hjúkrunarrými

Ítrekað hefur komið fram í umræðum og yfirlýsingum fólks um fjölgun hjúkrunarrýma að heilbrigðisráðuneytið hafi afþakkað liðsinni aðila sem boðið hafi fram hjúkrunarrými, bæði húsnæði og rekstur, af því að ráðuneytinu hafi ekki hugnast rekstrarform á hendi einkaaðila. Þetta er í öllum atriðum rangt. Síðast í gær komu í Kastljósi fram staðhæfingar um þetta þar sem skilja mátti að á þriðja hundrað hjúkrunarrýma væru tilbúin til rekstrar hjá einkaaðilum ef ráðuneytið væri reiðubúið að semja við þá. Fullyrt var að Hrafnistuheimilin væru tilbúin að taka við á annað hundrað öldruðum „í umönnun og búsetu“ og einnig að fyrir einu og hálfu ári hefðu verið boðin fram hjúkrunarrými fyrir 130 einstaklinga í Urðarhvarfi í Kópavogi. Hvoru tveggja er rangt.

06. nóv. 2021Heilbrigðisráðuneytið, Covid-19, Líf og heilsa

COVID-19: Óbreyttar reglur á landamærum til 1. júlí

Heilbrigðisráðherra hefur ákveðið í samræmi við tillögu sóttvarnalæknis að halda óbreyttu fyrirkomulagi sóttvarnaaðgerða á landamærum til 1. júlí næstkomandi. Frá þeim tíma verður slakað á aðgerðum, þar sem hætt verður að skima þá sem framvísa vottorðum um bólulsetningu eða fyrri sýkingu af völdum Covid-19. Einnig verður hætt að skima börn fyrir Covid-19 við komuna til landsins.

06. nóv. 2021Heilbrigðisráðuneytið, Covid-19, Líf og heilsa

COVID-19: Almennar fjöldatakmarkanir verða 300 manns og nándarregla 1 metri

Frá og með 15. júní fara fjöldatakmörk úr 150 manns í 300 og nándarregla verður 1 metri í stað tveggja. Á sitjandi viðburðum verður engin nándarregla en öllum skylt að bera grímu. Opnunartími veitingastaða lengist um klukkustund, þ.e. til miðnættis. Heilbrigðisráðherra hefur ákveðið þessar breytingar á reglugerð um takmarkanir á samkomum innanlands og eru þær í samræmi við tillögur sóttvarnalæknis.

05. nóv. 2021Heilbrigðisráðuneytið, Líf og heilsa

Greining á legutíma sjúklinga eftir kyni og sjúkdómum

Heilbrigðisráðherra hefur ákveðið að ráðast í greiningu á mun á legutíma eftir kyni vegna tiltekinna sjúkdóma. Þetta er í samræmi við framkvæmdaáætlun um leiðir til að vinna að úrbótum innan heilbrigðisþjónustunnar með hliðsjón af ólíkri stöðu kynjanna. Áætlunin byggist á nýlegri skýrslu Finnborgar Salome Steinþórsdóttur þar sem heilsufar kynjanna var kortlagt út frá kynja- og jafnréttissjónarmiðum til að leggja mat á hvort heilbrigðisþjónustan mæti ólíkum þörfum kynjanna.

02. nóv. 2021Auðlindir, Líf og heilsa, Covid-19, Ferðaþjónusta, Fiskeldi, Framkvæmd búvörusamninga, Landbúnaður, Nýsköpun, Sjávarútvegur, Atvinnuvegir, Atvinnuvegaráðuneytið

Skýrslu um fæðuöryggi á Íslandi skilað

Innlend matvælaframleiðsla stendur fyrir stórum hluta fæðuframboðs á Íslandi og þá sérstaklega próteini. Garðyrkjan sér fyrir um 43% af framboði grænmetis, búfjárrækt um 90% af kjöti, 96% af eggjum og 99% af mjólkurvörum. Mikilvægt er að marka stefnu um hvernig tryggja megi fæðuöryggi þjóðarinnar. Þetta eru​niðurstöður skýrslu um fæðuöryggi á Íslandi sem unnin var af Landbúnaðarháskóla Íslands að beiðni Kristjáns Þórs Júlíussonar.

02. nóv. 2021Heilbrigðisráðuneytið, Covid-19, Líf og heilsa

COVID 19: Fyrirliggjandi upplýsingar um afhendingu bóluefna

Ísland hefur samið við fimm lyfjaframleiðendur um bóluefni gegn COVID-19. Bóluefni þriggja þeirra eru komin með markaðsleyfi og bólusetning með þeim hafin hér á landi. Samningar Íslands um þessi þrjú bóluefni, þ.e. Pfizer, AstraZeneca og Moderna, kveða á um skammta sem duga til að bólusetja 304.000 einstaklinga. Samkvæmt fyrirliggjandi áætlunum um afhendingu þessara bóluefna er gert ráð fyrir að í lok mars hafi Íslandi borist bóluefni fyrir samtals um 45.000 einstaklinga.

28. okt. 2021Heilbrigðisráðuneytið, Covid-19, Líf og heilsa

COVID-19: Sóttkví og einangrun – reglur um styttri tíma

Sóttvarnalæknir hefur lokið endurskoðun á reglum um sóttkví og einangrun vegna Covid-19 og er niðurstaðan sú að stytta megi einangrun smitaðra og sóttkví þeirra sem hafa verið útsettir fyrir Covid, án þess að auka hættu á útbreiðslu veirunnar. Heilbrigðisráðherra hefur gert breytingu á reglugerð nr. 1100/2021 þessa efnis, í samræmi við tillögur sóttvarnalæknis. Að uppfylltum skilyrðum getur tími í einangrun orðið skemmstur sjö dagar. Almenn krafa um dvöl í sóttkví styttist úr sjö dögum í fimm, að því gefnu að henni ljúki með neikvæðri niðurstöðu úr PCR prófi. Ef einstaklingur undirgengst ekki PCR próf til að ljúka sóttkví þarf hann að sæta henni í 14 daga. Reglugerðin tekur gildi frá og með 29. október og taka breyttar reglur einnig til þeirra sem þegar eru í sóttkví eða einangrun.

27. okt. 2021Heilbrigðisráðuneytið, Covid-19, Líf og heilsa

COVID-19: Bakvarðasveit heilbrigðisþjónustu virkjuð – heilbrigðisstarfsfólk óskast á skrá

Vegna fjölgunar COVID-19 smita hefur verið ákveðið að virkja bakvarðasveit heilbrigðisþjónustunnar. Þetta er nauðsynlegt viðbragð til að mæta mönnunarvanda sem skapast getur vegna veikinda eða tímabundinnar sóttkvíar heilbrigðisstarfsfólks ef smit kemur upp á heilbrigðisstofnunum, líkt og gerst hefur á Landspítala þar sem deild 12G er nú í sóttkví. Biðlað er til heilbrigðisstarfsfólks sem hefur tök á að veita tímabundið liðsinni ef á reynir um að skrá sig í bakvarðasveitina. Á Landspítala vantar nú einkum hjúkrunarfræðinga og sjúkraliða.

25. okt. 2021Heilbrigðisráðuneytið, Covid-19, Líf og heilsa

COVID-19: Staða bólusetninga, horfur og næstu skref

Smitum af völdum Covid-19 hér á landi hefur fjölgað nokkuð undanfarið og þróun í ýmsum ríkjum Evrópu þar sem fjölgun smita er enn hraðari og sjúkrahúsinnlögnum fjölgar ört, kallar á stöðumat hér. Vitað er að bólusetning gegn veirunni veitir góða vörn og ver fólk fyrir alvarlegum veikindum. Um 76% landsmanna eru nú fullbólusett en til að fyrirbyggja hraðari útbreiðslu og mikil veikindi hér þarf að gera enn betur. Um 34.400 einstaklingar 12 ára og eldri eru óbólusettir.

21. okt. 2021Líf og heilsa, Vísindi nýsköpun og rannsóknir, Heilbrigðismál, Landbúnaður, Nýsköpun, Sjávarútvegur, Atvinnuvegir, Heilbrigðisráðuneytið, Menningar-٫ nýsköpunar- og háskólaráðuneytið

Sýklalyfjaónæmis- og súnusjóður auglýsir eftir umsóknum

Auglýst er eftir umsóknum um styrki úr Sýklalyfjaónæmis- og súnusjóði. Sjóðurinn starfar í samræmi við þingsályktun nr. 40/149 um aðgerðaáætlun um matvælaöryggi og vernd búfjárstofna, og nýtur framlaga frá heilbrigðisráðuneytinu og atvinnuvega- og nýsköpunarráðuneytinu samtals 30 milljónir kr. á ári í þrjú ár, þ.e. til ársloka 2022.

19. okt. 2021Heilbrigðisráðuneytið, Covid-19, Líf og heilsa

COVID-19: Verulegar afléttingar innanlandstakmarkana strax og að fullu 18. nóvember

Almennar fjöldatakmarkanir verða 2.000 manns, grímuskyldu verður aflétt, opnunartími veitingastaða lengdur um klukkustund og skráningarskyldu gesta aflétt. Regla um nándarmörk verður áfram 1 metri. Þetta er megininntak breytinga á reglugerð um samkomutakmarkanir sem tekur gildi 20. október samkvæmt ákvörðun heilbrigðisráðherra. Stefnt er að fullri afléttingu samkomutakmarkana innanlands frá og með 18. nóvember.

18. okt. 2021Heilbrigðisráðuneytið, Líf og heilsa

Álagi létt af Landspítala – fjölgun legurýma og 30 ný rými á Landakoti

Ný 16 rýma endurhæfingardeild verður opnuð á við Landspítala á Landakoti í byrjun nóvember og í byrjun febrúar fjölgar þeim um 14 til viðbótar. Þá verða níu líknarrými opnuð á Landakoti í lok október. Í ágúst sl. voru opnuð á Reykjalundi 14 endurhæfingarrými sem aðeins eru ætluð sjúklingum frá Landspítala. Í sama mánuði var sjúkrarýmum fjölgað um samtals 20 við heilbrigðisstofnanirnar á Suðurlandi og Suðurnesjum, 10 á hvorum stað með það að markmiði að draga úr álagi á Landspítala. Ráðist hefur verið í mörg önnur verkefni í þessu skyni. Sum þeirra eru þegar komin til framkvæmda en önnur í sjónmáli. Opnun líknarrýma á Landakoti felur í sér breytingu á þjónustu þar sem ekki hafa verið rekin þar líknarrými síðan árið 2011.

18. okt. 2021Heilbrigðisráðuneytið, Líf og heilsa

Framlengdur umsóknarfrestur um embætti forstjóra Landspítala

Heilbrigðisráðherra hefur ákveðið að framlengja umsóknarfrest um embætti forstjóra Landspítala til 8. nóvember næstkomandi. Í upphaflegri auglýsingu um embættið var veittur tveggja vikna lögbundinn lágmarksfrestur en ráðherra hefur nú ákveðið að veita mögulegum umsækjendum rýmri tíma en áskilið er í lögum nr. 70/1996. Ráðherra hefur jafnframt lengt setningartíma Guðlaugar Rakelar Guðjónsdóttur í embætti forstjóra um tvo mánuði, þ.e. til 1. mars næstkomandi.

15. okt. 2021Heilbrigðisráðuneytið, Líf og heilsa

Embætti forstjóra Landspítala laust til umsóknar

Heilbrigðisráðuneytið auglýsir laust til umsóknar embætti forstjóra Landspítala. Landspítali er aðalsjúkrahús landsins og háskólasjúkrahús. Á spítalanum er veitt sérhæfð sjúkrahúsþjónusta, m.a. á göngu- og dagdeildum, fyrir alla landsmenn og almenn sjúkrahúsþjónusta fyrir íbúa heilbrigðisumdæmis höfuðborgarsvæðisins. Á Landspítala starfa á sjötta þúsund starfsmenn og er spítalinn einn stærsti vinnustaður landsins.

09. okt. 2021Umhverfis-٫ orku- og loftslagsráðuneytið, Atvinnuvegir, Líf og heilsa, Umhverfi og náttúruvernd, Vísindi nýsköpun og rannsóknir, Covid-19, Fiskeldi, Framkvæmd búvörusamninga, Landbúnaður, Lýðheilsa og forvarnir, Lyfjamál, Matvælasjóður, Nýsköpun, Sjávarútvegur, Heilbrigðisráðuneytið, Menningar-٫ nýsköpunar- og háskólaráðuneytið

Mikilvægt að takmarka útbreiðslu sýklalyfjaónæmis

Á árinu 2019 undirrituðu Kristján Þór Júlíusson, sjávarútvegs- og landbúnaðarráðherra og Svandís Svavarsdóttir, heilbrigðisráðherra, yfirlýsingu um sameiginlegt átak til að draga úr útbreiðslu sýklalyfjaónæmra baktería á Íslandi. Í kjölfarið skipuðu ráðherrarnir stýrihóp um varnir gegn sýklalyfjaónæmum bakteríum sem vinnur að framgangi aðgerðaáætlunar sem markar stefnu stjórnvalda í málaflokknum. Auk þess settu ráðherrarnir á fót Sýklalyfjaónæmis- og súnusjóð sem fjármagnar verkefni í baráttunni gegn sýklalyfjaónæmi, fjármögnuðu nýjar stöður sérfræðinga í sýklalyfjaónæmi í þremur stofnunum auk fleiri verkefna. Ríkisstjórnin lýsti því yfir á árinu 2019 að hún ætli að vera í fararbroddi í aðgerðum til að draga úr útbreiðslu sýklalyfjaónæmis.

08. okt. 2021Heilbrigðisráðuneytið, Covid-19, Líf og heilsa

COVID-19: Gildandi samkomutakmarkanir innanlands framlengdar um tvær vikur

Heilbrigðisráðherra hefur ákveðið í samræmi við tillögu sóttvarnalæknis að framlengja gildandi reglugerð um samkomutakmarkanir um tvær vikur, þ.e. til og með 27. ágúst. Áfram verður því kveðið á um 200 manna fjöldatakmarkanir, 1 metra nálægðarreglu m.a. í verslunum og öðru opinberu húsnæði og óbreyttar reglur um grímunotkun. Meðfylgjandi minnisblað sóttvarnalæknis með tillögu um framlengingu samkomutakmarkana ásamt áhættumati var rætt á fundi ríkisstjórnar í dag.

08. okt. 2021Heilbrigðisráðuneytið, Covid-19, Líf og heilsa

COVID 19: Bólusetningar 12-15 ára barna hefjast í ágúst

Heilbrigðisráðherra hefur fallist á tillögu sóttvarnalæknis um að gefa börnum á aldrinum 12 til 15 ára kost á bólusetningu við Covid-19 með það að markmiði að veita þeim vörn gegn sjúkdómnum. Bólusett verður með bóluefni Pfizer þar sem meiri reynsla er fyrirliggjandi um bólusetningar þessa aldurshóps með því efni en bóluefni Moderna sem einnig hefur fengið markaðsleyfi til notkunar fyrir börn á þessum aldri. Ef allir þiggja boð um bólusetningu þarf um 35.000 bóluefnaskammta til að fullbólusetja allan aldurshópinn. Miðað við birgðir af Pfizer og afhendingaráætlanir á næstu vikum ætti að vera unnt að ljúka bólusetningu hópsins með síðari bólusetningu um miðjan september.

08. okt. 2021Heilbrigðisráðuneytið, Covid-19, Líf og heilsa

COVID-19: Framvinda aðgerða til að styðja við heilbrigðiskerfið í heimsfaraldri

Heilbrigðisráðuneytið í samvinnu við Landspítala, heilbrigðisstofnanir og fleiri aðila, vinnur nú að ýmsum aðgerðum sem miða að því að styðja við Landspítala, styrkja getu hans til að takast á við kórónaveirufaraldurinn og sinna annarri mikilvægri þjónustu við sjúklinga. Ráðuneytið hefur fengið til starfa tímabundið Vilborgu Hauksdóttur, fyrrverandi skrifstofustjóra í ráðuneytinu, til að liðsinna við áætlanir og framkvæmd þessara aðgerða í samvinnu við hlutaðeigandi stjórnendur og ábyrgðaraðila.

08. okt. 2021Líf og heilsa, Covid-19, Heilbrigðisráðuneytið

COVID-19: Óskað eftir fleirum á skrá í bakvarðasveit heilbrigðisþjónustunnar

Um 120 einstaklingar úr tíu heilbrigðisstéttum eru nú skráðir í bakvarðasveit heilbrigðisþjónustunnar. Heilbrigðisstofnanir, einkum Landspítali, eru nú undir miklu álagi vegna Covid-19 og því þörf á frekari stuðningi við mönnun. Heilbrigðisráðuneytið hvetur heilbrigðisstarfsfólk sem vill og getur ráðið sig til tímabundinna starfa í heilbrigðisþjónustu ef eftir því er óskað, til að skrá sig í bakvarðasveitina. Sérstaklega er óskað eftir hjúkrunarfræðingum, sjúkraliðum og læknum á skrá.

05. okt. 2021Heilbrigðisráðuneytið, Líf og heilsa

Haraldur Briem vinnur skýrslu um leghálsskimanir til Alþingis

Haraldur Briem fyrrverandi sóttvarnalæknir hefur fallist á beiðni heilbrigðisráðherra um að vinna skýrslu til Alþingis um breytingar á skipulagi og framkvæmd skimunar fyrir krabbameini í leghálsi. Gerð skýrslunnar er í samræmi við beiðni Alþingis þessa efnis. Skýrslubeiðendur óskuðu eftir því að skýrslan yrði unnin af óháðum aðila og varð niðurstaða ráðherra sú að leita til Haraldar um verkefnið. Óskað hefur verið eftir framlengdum tímafresti á skilum skýrslunnar til þingsins. Gert er ráð fyrir að hún verði tilbúin til afhendingar í lok fyrstu viku júnímánaðar.

05. okt. 2021Heilbrigðisráðuneytið, Covid-19, Líf og heilsa

Svæðisbundnar samkomutakmarkanir vegna hópsmits í Skagafirði

Heilbrigðisráðherra hefur sett reglugerð sem kveður á um svæðisbundnar takmarkanir á samkomum í sveitarfélaginu Skagafirði og Akrahreppi. Í stuttu máli felur reglugerðin í sér að þær afléttingar á landsvísu sem tóku gildi í dag eiga ekki við á þessu svæði. Þar gilda áfram sömu takmarkanir og verið hafa undanfarnar vikur, tímabundið til og með 16. maí næstkomandi.

30. sep. 2021Heilbrigðisráðuneytið, Líf og heilsa

Sýklalyfjanotkun fólks hefur dregist saman um 30% á fjórum árum

Heildarnotkun sýklalyfja í heilbrigðiskerfinu hér á landi hefur dregist saman um 30% á fjórum árum þegar tekið er mið af heildarsölu sýklalyfja hér á landi, mæld í daglegum lyfjaskömmtum á hverja 1.000 íbúa (DID). Heildarsalan var um 24 DID árið 2017 en var komin niður í um 16 DID árið 2020. Notkunin er þó enn töluvert meiri hér en annars staðar á Norðurlöndunum. Þetta er meðal þess sem fram kemur í nýrri ársskýrslu embættis landlæknis um sýklalyfjanotkun árið 2020.

28. sep. 2021Heilbrigðisráðuneytið, Covid-19, Líf og heilsa

COVID-19: Breyttar reglur um takmarkanir á landamærunum 1. október

Felld verður niður krafa um að einstaklingar með tengsl við Ísland þurfi að framvísa vottorði um neikvætt Covid próf við komu til landsins. Farþegar í tengiflugi sem ekki fara út fyrir landamærastöð verða einnig undanþegnir framvísun slíks vottorðs. Sem fyrr þurfa þeir sem eru með tengsl við Ísland að fara í sýnatöku eftir komu til landsins, að undanskildum börnum sem fædd eru 2005 eða síðar. Þetta er meginefni breytinga á takmörkunum á landamærum vegna Covid-19 sem heilbrigðisráðherra hefur ákveðið í samræmi við tillögur sóttvarnalæknis og er gert ráð fyrir að þær gildi til 6. nóvember næstkomandi.

24. sep. 2021Heilbrigðisráðuneytið, Líf og heilsa

Heilsugæsla höfuðborgarsvæðisins tekur að sér ADHD greiningar og meðferð fullorðinna

Heilbrigðisráðherra hefur falið Heilsugæslu höfuðborgarsvæðisins að annast á landsvísu greiningar ADHD hjá fullorðnum. Heilsugæslan hefur um langt skeið sinnt þessari þjónustu við börn en einnig er fyrir hendi hjá stofnuninni mikilvæg reynsla af greiningu og meðferð fullorðinna með ADHD innan geðheilsuteymis fanga. Heilsugæslan mun annast þjónustuna í samvinnu við heilsugæslu og geðheilsuteymi í heilbrigðisumdæmum um allt land. Þess er vænst að með breyttu skipulagi takist að stytta bið eftir greiningum og stuðla að samfelldri þjónustu við einstaklinga með ADHD á viðeigandi þjónustustigi.…

23. sep. 2021Heilbrigðisráðuneytið, Líf og heilsa

Tímamót: Fjármögnun Landspítala þjónustutengd frá næstu áramótum

Klínísk starfsemi Landspítala verður frá 1. janúar næstkomandi fjármögnuð í samræmi við umfang veittrar þjónustu þar sem byggt er á DRG; alþjóðlegu flokkunarkerfi sjúkdóma. „Þessi breyting er bylting, jafnt fyrir spítalann og fjárveitingarvaldið. Markmiðið er að fjármögnun spítalans sé sanngjörn og raunhæf, í samræmi við þjónustuna sem sjúkrahúsið veitir og skýr markmið fjárveitingarvaldsins um magn hennar og gæði“ sagði Svandís Svavarsdóttir heilbrigðisráðherra við undirritun samnings Sjúkratrygginga Íslands og Landspítala um innleiðingu þjónustutengdrar fjármögnunar Landspítala í dag. Þetta er stærsti samningur um kaup á heilbrigðisþjónustu sem gerður hefur verið hér á landi.

23. sep. 2021Heilbrigðisráðuneytið, Líf og heilsa

Píeta samtökin hljóta 25 milljóna króna styrk til að efla starfsemi sína

Svandís Svavarsdóttir heilbrigðisráðherra hefur veitt Píeta samtökunum 25 milljónir króna í styrk til að efla þjónustu sína við einstaklinga í sjálfsvígshættu sem þurfa á stuðningi og meðferð að halda. Markmið samtakanna er að fækka sjálfsvígum og sjálfsvígstilraunum og efla fræðslu og forvarnir í því skyni. Þjónusta samtakanna er gjaldfrjáls og stendur til boða öllum sem eru 18 ára eða eldri.

23. sep. 2021Líf og heilsa, Heilbrigðisráðuneytið

Þroska- og hegðunarstöðinni veitt aukið fé til að stytta bið barna eftir greiningu

Svandís Svavarsdóttir heilbrigðisráðherra hefur ákveðið að ráðstafa 75 milljónum króna í tímabundið átaksverkefni til að stytta biðlista og þar með bið þeirra barna sem bíða eftir greiningum hjá Þroska- og hegðunarstöðinni. Biðtíminn hefur lengst síðustu misserin og tilvísunum fjölgað. Árlega fara um 360 börn í gegnum greiningarferli hjá stofnuninni en tilvísanirnar eru 600-700 á ári. Algengustu ástæður tilvísana eru ADHD, einhverfa, kvíði, vanlíðan og hegðunar- og samskiptavandi.

22. sep. 2021Heilbrigðisráðuneytið, Líf og heilsa

Sérhæfð þjónusta í geðhjúkrunarrýmum Áss og Fellsenda verður efld

Heilbrigðisráðherra hefur ákveðið að styrkja geðheilbrigðisþjónustu fyrir einstaklinga sem dvelja í geðhjúkrunarrýmum á Ási, dvalar- og hjúkrunarheimili í Hveragerði og Hjúkrunarheimilinu Fellsenda í Dölum. Þetta er gert í samræmi við mat embættis landlæknis sem telur að styrkja þurfi faglega geðheilbrigðisþjónustu á heimilunum þar sem búa einstaklingar með flókna þjónustuþörf á þessu sviði. Í Ási munu geðheilsuteymi Heilbrigðisstofnunar Suðurlands og Ás starfa saman í þessum tilgangi en Fellsendi verður í samstarfi við Fræðslumiðstöð Vesturlands og fagaðila í geðheilbrigðisþjónustu eftir þörfum. Þetta fyrirkomulag er sett af stað sem tilraunaverkefni til eins árs og verður varið til þess 15 milljónum króna.

22. sep. 2021Heilbrigðisráðuneytið, Líf og heilsa

Nýr samningur við ljósmæður og aðgerðaáætlun um barneignaþjónustu

Svandís Svavarsdóttir heilbrigðisráðherra hefur staðfest nýgerðan rammasamning Sjúkratrygginga Íslands við ljósmæður vegna fæðinga og umönnunar sængurkvenna í heimahúsum. Helsta nýmæli samningsins felst í stóraukinni þjónustu við mæður sem þurfa ráðgjöf vegna brjóstagjafar. Ráðherra hefur jafnframt samþykkt aðgerðaáætlun til ársins 2030 sem miðar að því að bæta barneignaþjónustu, jafnt á meðgöngutíma, við fæðingu barns og í kjölfar fæðingar.