Efnisorð
Tegund

Leita eftir efnisorðum

Sýnir 501–550 af 1359
Raða eftir:
02. jan. 2023Umhverfis-٫ orku- og loftslagsráðuneytið, Loftslagsmál, Nýsköpun, Orka, Umhverfi og náttúruvernd

Sóknarfæri í nýsköpun

Umhverfis-, orku- og loftslagsráðuneytið hefur styrkt Samtök sunnlenskra sveitarfélaga vegna viðskiptahraðalsins Sóknarfæri í nýsköpun. Markmið verkefnisins er að auka hvata til nýsköpunar á Suðurlandi, með sérstakri áherslu á hringrásarhagkerfið. Jafnframt því að kynna stoðkerfi nýsköpunar á Suðurlandi og hrinda af stað fjölbreyttum nýsköpunarverkefnum á sviði umhverfis-, orku- og loftslagsmála.

02. jan. 2023Umhverfis-٫ orku- og loftslagsráðuneytið, Umhverfi og náttúruvernd, Loftslagsmál, Náttúruvernd, Orka, Auðlindir

Vindorkuhópur skilar verkefni sínu í áföngum

Guðlaugur Þór Þórðarson, umhverfis-, orku- og loftslagsráðherra, hefur fallist á beiðni starfshóps um málefni vindorku, sem ráðherra skipaði í sumar, að skila verkefninu í áföngum. Ráðherra greindi frá þessu á ríkisstjórnarfundi í morgun, en hópurinn átti að skila niðurstöðum sínum og drögum að lagafrumvarpi 1. febrúar.

02. jan. 2023Umhverfis-٫ orku- og loftslagsráðuneytið, Loftslagsmál, Náttúruvernd, Umhverfi og náttúruvernd, Orka, Menningarmál

Þrjár öflugar stofnanir í stað tíu

Guðlaugur Þór Þórðarson, umhverfis-, orku- og loftslagsráðherra, kynnti á fundi ríkisstjórnar í gær þau áform að sameina tíu af stofnunum ráðuneytisins í þrjár öflugar stofnanir — Náttúruverndar- og minjastofnun, Náttúruvísindastofnun og Loftslagsstofnun. Megináhersla er þar lögð á að tryggja áfram fyrirliggjandi mannauð og þekkingu og að starfsfólk njóti forgangs til nýrra starfa.

20. des. 2022Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Samstarf um starfstöð í náttúrurannsóknum á Bakkafirði

Umhverfis-, orku- og loftslagsráðuneytið og Samtök sveitarfélaga og atvinnuþróunar á Norðurlandi eystra (SSNE) hafa gert með sér samning sem hefur það að markmiði að koma á samstarfi um stofnun starfsstöðvar í náttúrurannsóknum á Bakkafirði. Auk SSNE taka Langanesbyggð og Náttúrustofa Norðausturlands þátt í verkefninu, en aðkoma fleiri aðila verður skoðuð í þeirri vinnu sem er framundan.

10. des. 2022Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Drög að frumvarpi um bann við losun úrgangs í náttúrunni kynnt í samráðsgátt

Umhverfis-, orku- og loftslagsráðuneytið hefur sett til kynningar í samráðsgátt stjórnvalds drög að frumvarpi til breytinga á lögum um náttúruvernd. Með frumvarpinu er kveðið með skýrum hætti á um bann við losun úrgangs í náttúrunni og um leið að um meðferð úrgangs fari samkvæmt lögum um meðhöndlun úrgangs.

30. nóv. 2022Umhverfis-٫ orku- og loftslagsráðuneytið, Alþjóðasamningar, Loftslagsmál, Umhverfi og náttúruvernd

Nauðsynlegt að stöðva plastmengun í hafi

Ísland lýsir yfir ánægju með að viðræður um gerð nýs alþjóðasamnings um plast og plastmengun eru hafnar og hvetur til þess að samningurinn verði metnaðarfullur og að hann verði til þess að stöðva plastmengun í hafi. Þetta kom fram í ávarpi Íslands á fyrsta fundi samninganefndar um plastmengun, sem nú stendur yfir í Punta del Este í Úrúgvæ.

21. nóv. 2022Atvinnuvegaráðuneytið, Utanríkisráðuneytið, Umhverfi og náttúruvernd, Alþjóðamál, Alþjóðasamningar, Heimsmarkmiðin, Umhverfis-٫ orku- og loftslagsráðuneytið

Matvælaráðherra fundaði með formanni Milliríkjanefndar Sameinuðu þjóðanna

Svandís Svavarsdóttir, matvælaráðherra, fundaði fyrir hönd Íslands með Hoesung Lee, formanni Milliríkjanefndar Sameinuðu þjóðanna um loftslagsmál (IPCC) á aðildarríkjaþingi loftslagssamnings Sameinuðu þjóðanna, COP27. Þingið er haldið í Sharm el Sheikh í Egyptalandi.

17. nóv. 2022Umhverfis-٫ orku- og loftslagsráðuneytið, Utanríkisráðuneytið, Umhverfi og náttúruvernd, Alþjóðamál, Loftslagsmál, Atvinnuvegaráðuneytið

Ísland og Síle leiða alþjóðlegt átak til verndar freðhvolfinu

Á aðildarríkjaþingi loftslagssamnings Sameinuðu þjóðanna COP27 sem haldið er í Sharm El Sheikh í Egyptalandi, undirrituðu ráðherrar 13 ríkja yfirlýsingu til að ýta úr vör alþjóðlegu átaki sem ætlað er að vekja athygli á mikilvægi þess að vernda freðhvolfið (e. Cryosphere). Sex ríki til viðbótar hafa einnig staðfest þátttöku.

14. nóv. 2022Umhverfis-٫ orku- og loftslagsráðuneytið, Loftslagsmál, Norðurslóðir, Umhverfi og náttúruvernd

Breytingar á freðhvolfinu ein sýnilegustu merki hlýnunar jarðar

Takist að halda hlýnun jarðar innan við 1,5 gráðu þá aukast líkur á að koma megi í veg fyrir óafturkræfa bráðnun Grænlandsjökuls og íshellna á Suðurskautslandinu. Þetta kom fram í ávarpi Guðlaugs Þórs Þórðarsonar, umhverfis-, orku- og loftslagsráðherra, á viðburði um málefni þriðja pólsins, sem haldinn var í tengslum við Loftslagsráðstefnu Sameinuðu þjóðanna sem nú stendur yfir í Sharm El Sheikh.

05. nóv. 2022Umhverfis-٫ orku- og loftslagsráðuneytið, Alþjóðamál, Umhverfi og náttúruvernd

Akureyri styrkt sem höfuðstaður norðurslóða

Guðlaugur Þór Þórðarson, umhverfis-, orku- og loftslagsráðherra hefur ákveðið að hækka árleg fjárframlög ráðuneytisins til CAFF og PAME um 50%. Um er að ræða skrifstofur Norðurskautsráðsins sem hafa aðsetur á Akureyri. Ákvörðun ráðherra mun styrkja Akureyri sem höfuðstað norðurslóða og stuðla að því að Ísland verði áfram leiðandi afl í Norðurskautsráðinu.

04. nóv. 2022Umhverfis-٫ orku- og loftslagsráðuneytið, Loftslagsmál, Orka, Umhverfi og náttúruvernd

Yfir hundrað milljónir í styrki til fjölbreyttra umhverfisverkefna

Umhverfis-, orku- og loftslagsráðuneytið hefur úthlutað um 111 milljónum króna til umhverfisverkefna og reksturs félagasamtaka, sem starfa að umhverfismálum, á grundvelli umsókna. Ráðuneytið hefur veitt frjálsum félagasamtökum sem starfa að umhverfismálum rekstrarstyrki ásamt verkefna- og ferðastyrkjum frá árinu 2000, en til stendur að endurskoða úthlutunarreglur vegna styrkjanna.

21. okt. 2022Umhverfis-٫ orku- og loftslagsráðuneytið, Loftslagsmál, Umhverfi og náttúruvernd

Landsáætlun um aðlögun að loftslagsbreytingum - skipun stýrihóps

Guðlaugur Þór Þórðarson, umhverfis-, orku- og loftslagsráðherra, hefur skipað stýrihóp sem hefur það hlutverk að vinna tillögu að efnisþáttum og skipulagi fyrir gerð landsáætlunar um aðlögun að loftslagsbreytingum. Er hópnum falið að gera tillögu að vinnulagi og efnistökum við gerð áætlunarinnar.

17. okt. 2022Umhverfis-٫ orku- og loftslagsráðuneytið, Loftslagsmál, Norðurslóðir, Orka, Umhverfi og náttúruvernd

Hrein orkuskipti rædd á Hringborði Norðurslóða

Guðlaugur Þór Þórðarson umhverfis-, orku- og loftslagsráðherra átti fund með Hákoni Noregsprins, sem kom hingað til lands í tilefni af þingi Hringborðs Norðurslóða. Ráðherra tók einnig þátt í tveimur viðburðum á þinginu og átti tvíhliða fundi, meðal annars með sendinefnd frá skoska þinginu.

13. okt. 2022Umhverfis-٫ orku- og loftslagsráðuneytið, Umhverfi og náttúruvernd, Almannaöryggi

Öryggi barna á leiksvæðum aukið með nýrri reglugerð

Umhverfis-, orku- og loftslagsráðuneytið kynnir nýja reglugerð um öryggi leikvallatækja og leiksvæða og eftirlit með þeim (nr. 1025/2022) sem hefur nú tekið gildi. Reglugerðinni er ætlað að tryggja að hönnun, framleiðsla, frágangur og viðhald leikvallatækja dragi úr hættu á að börn verði fyrir slysi við leik í tækjunum.

22. sep. 2022Utanríkisráðuneytið, Umhverfi og náttúruvernd, Utanríkismál, Loftslagsmál, Orka, Sendiráð Íslands í Washington DC, Forsætisráðuneytið

Íslenskt hugvit í brennidepli á ráðstefnu um loftslagsmál í Washington DC

Íslenskt hugvit á sviði grænna lausna var í brennidepli á ráðstefnu um loftslagsmál og sjálfbæra orkunýtingu sem fram fór í Washington DC í gær. Katrín Jakobsdóttir forsætisráðherra og Þórdís Kolbrún Reykfjörð Gylfadóttir utanríkisráðherra voru á meðal þeirra sem tóku þátt í viðburðinum.

16. sep. 2022Umhverfis-٫ orku- og loftslagsráðuneytið, Friðlýsingar, Náttúruvernd, Umhverfi og náttúruvernd, Dagur íslenskrar náttúru

Blikastaðakró - Leiruvogur friðlýst á Degi íslenskrar náttúru

Guðlaugur Þór Þórðarson, umhverfis-, orku- og loftslagsráðherra, undirritaði í dag — á Degi íslenskrar náttúru friðlýsingu Blikastaðakróar -Leiruvogs í Grafarvogi. Friðlýsingin er unnin í samstarfi ráðuneytisins, Umhverfisstofnunar, Reykjavíkurborgar og Mosfellsbæjar.

15. sep. 2022Umhverfis-٫ orku- og loftslagsráðuneytið, Loftslagsmál, Náttúruvernd, Umhverfi og náttúruvernd

Marea hlýtur Bláskelina 2022

Sprotafyrirtækið Marea ehf. hlaut í dag Bláskelina, viðurkenningu umhverfis-, orku- og loftslagsráðuneytisins fyrir framúrskarandi plastlausa lausn og gott fordæmi. Guðlaugur Þór Þórðarson, umhverfisráðherra, afhenti Julie Encausse, stofnanda og framkvæmdarstjóra Marea, viðurkenninguna á málþingi Plastlauss septembers í Veröld-húsi Vigdísar.

11. sep. 2022Umhverfis-٫ orku- og loftslagsráðuneytið, Friðlýsingar, Náttúruvernd, Umhverfi og náttúruvernd

Náttúruperlur Íslands - Starfshópur um friðlýst svæði skilar niðurstöðum til ráðherra

Hlutverk, verkefni og verklag þeirra stofnana sem reka þjóðgarða og önnur friðlýst svæði á Íslandi er ólíkt, verkaskipting stundum óljós og þörf er á að samræma stjórnsýslu og stjórnskipulag. Þá er meirihluti fylgjandi gjaldtöku fyrir þjónustu á helstu ferðamannastöðum á þjóðgörðum og friðlýstum stöðum. Þetta er meðal þess sem fram kemur í skýrslu um stöðu og áskoranir þjóðgarða og annarra friðlýstra svæða sem kynnt var í Hörpu í dag.