Efnisorð
Tegund

Leita eftir efnisorðum

Sýnir 51–100 af 424
Raða eftir:
20. ágú. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Gervigreind

Beita gervigreind gegn gullhúðun

Háskóla-, iðnaðar-, og nýsköpunarráðuneytið hóf vinnu í sumar, með nokkrum aðilum á sviði gervigreindar, við að greina hvort gullhúðun hafi átt sér stað á EES-gerðum á málefnasviði ráðuneytisins. Verkefnið er eitt af verkefnum ráðuneytisins í aðgerðaáætlun um gervigreind sem unnið hefur verið að á undanförnum mánuðum. Með notkun gervigreindar er hægt að greina gullhúðun á gildandi löggjöf án þess að kosta til þess fjölda vinnustunda sérfræðinga ráðuneytisins. Þá kann notkun gervigreindar að greina mynstur og tengsl innan lagabálkanna sem gætu annars farið fram hjá hefðbundinni greiningu.

16. ágú. 2024Menningar-٫ nýsköpunar- og háskólaráðuneytið, Heilbrigðismál, Nýsköpun, Vísindi nýsköpun og rannsóknir

Fléttustyrkjum úthlutað í þriðja sinn: Tæplega 100 m.kr. til innleiðingar nýsköpunar í heilbrigðisþjónustu

Tíu íslensk nýsköpunarfyrirtæki og frumkvöðlar hljóta alls 12 styrki úr Fléttunni í ár. Þetta er í þriðja sinn sem styrkir eru veittir úr Fléttunni, en tilgangur styrkjanna er að styðja við innleiðingu nýsköpunar í heilbrigðiskerfinu. Í ár verður um 96 milljónum króna dreift til þessara fyrirtækja í þeim tilgangi að innleiða nýja tækni og lausnir í heilbrigðisþjónustu.

03. ágú. 2024Atvinnuvegaráðuneytið, Auðlindir, Vísindi nýsköpun og rannsóknir, Iðnaður, Atvinnuvegir, Menningar-٫ nýsköpunar- og háskólaráðuneytið

Áslaug Arna ávarpaði Iðnþing

Snjöll framtíð í orkumálum, nauðsyn þess að umbylta úreltum kerfum og nýting gervigreindar til að bæta þjónustu hins opinbera. Þetta er meðal þess sem kom fram í ávarpi Áslaugar Örnu Sigurbjörnsdóttur, háskóla-, iðnaðar- og nýsköpunarráðherra, á Iðnþingi Samtaka iðnaðarins í gær.

11. júl. 2024Menningar-٫ nýsköpunar- og háskólaráðuneytið, Gervigreind, Nýsköpun, Vísindi nýsköpun og rannsóknir

Fyrsta aðgerðaáætlun Íslands um gervigreind kynnt

Áslaug Arna Sigurbjörnsdóttir, háskóla-, iðnaðar- og nýsköpunarráðherra, kynnti í dag fyrstu aðgerðaáætlun íslenskra stjórnvalda um gervigreind til ársins 2026. Þar eru tíundaðar þær aðgerðir sem stuðla munu að því að Ísland, í krafti smæðar sinnar, verði leiðandi í ábyrgri nýtingu gervigreindar og skapar tækifæri, velmegun og framfarir fyrir alla landsmenn.

14. jún. 2024Menningar-٫ nýsköpunar- og háskólaráðuneytið, Gervigreind, Vísindi nýsköpun og rannsóknir

Meiriháttar framfarir í íslenskufærni mállíkana

Íslenskan hefur aldrei staðið eins vel í nýrri tækni og hún gerir í dag. Þetta sýnir samanburður á frammistöðu tveggja helstu mállíkana heims í íslensku. Samstarf menningar- og viðskiptaráðuneytisins og máltæknifyrirtækisins Miðeindar við bandaríska tæknifyrirtækið OpenAI hefur skilað mælanlegum árangri og margfalt betri íslenskufærni vinsælasta mállíkans heims.

22. maí 2024Menningar-٫ nýsköpunar- og háskólaráðuneytið, Menntamál, Vísindi nýsköpun og rannsóknir, Nýsköpun, Mennta- og barnamálaráðuneytið

Endurnýjaðir samningar um rekstur Fab Lab smiðja á Íslandi

Áslaug Arna Sigurbjörnsdóttir, háskóla-, iðnaðar- og nýsköpunarráðherra, Ásmundur Einar Daðason, mennta- og barnamálaráðherra, ásamt fleirum, undirrituðu í gær nýjan samning um Fab Lab Reykjavík. Samningurinn gildir til þriggja ára og er sameiginlegur með ráðuneytunum og Reykjavíkurborg. Undirritun þessa samnings er sú fyrsta í röðinni í því ferli að endurnýja samninga við alls 11 Fab Lab smiðjur víðs vegar um landið.

15. maí 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Atvinnuvegir

Áslaug Arna kynnti árangur af nýsköpun í stjórnkerfinu

Áslaug Arna Sigurbjörnsdóttir, háskóla-, iðnaðar- og nýsköpunarráðherra, kynnti í dag þær kerfisbreytingar sem hafa átt sér stað með nýju verklagi ráðuneytis hennar. Kynningin fór fram sem liður í Nýsköpunarvikunni sem nú stendur yfir. Húsfyllir var í Kolaportinu og hlýddu gestir úr opinberri stjórnsýslu, fyrirtækjum og nýsköpunargeiranum á erindi Áslaugar sem bar heitið HVIN-verklagið og breytingarnar.

12. maí 2024Innviðaráðuneytið, Vísindi nýsköpun og rannsóknir, Háskólar, Netöryggi, Nýsköpun, Fjarskipti, Menningar-٫ nýsköpunar- og háskólaráðuneytið

Markmið og árangur aðgerða aðgengileg í mælaborði HVIN

Háskóla-, iðnaðar- og nýsköpunarráðuneytið hefur birt nýtt mælaborð á vef ráðuneytisins. Í mælaborðinu má sjá myndræna og lifandi framsetningu á stöðu margvíslegra mælikvarða sem stuðst er við í fjármálaáætlun til að leggja mat á árangur ráðuneytisins.

19. apr. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir

Tvær framúrskarandi vísindakonur hljóta Hvatningarverðlaun Rannsóknasjóðs

Hvatningarverðlaun Rannsóknasjóðs fyrir árin 2023 og 2024 voru afhent við hátíðlega athöfn á Rannsóknaþingi Rannís sem fór fram í gær. Verðlaunin voru að þessu sinni veitt tveimur framúrskarandi vísindakonum en fyrir árið 2023 hlaut Dr. Heiða María Sigurðardóttir, prófessor við sálfræðideild Háskóla Íslands verðlaunin og Dr. Þórhildur Halldórsdóttir, lektor við sálfræðideild Háskólans í Reykjavík fyrir árið 2024.

04. mar. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Nýsköpun, Atvinnuvegir

Framtíðarsýn um vísindi og nýsköpun: Hæfni, innviðir og stöðugleiki

Vísinda- og nýsköpunarráð hélt fyrsta staðfund sinn á þessu ári dagana 14. og 15. mars sl. Var það í fyrsta sinn sem erlendir fulltrúar í ráðinu koma til landsins á fund en erlendu fulltrúarnir eru Sir Paul Nurse, Nóbelsverðlaunahafi í lífeðlis- og læknisfræði, og Robert-Jan Smits, forseti tækniháskólans í Eindhoven.

22. feb. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Heilbrigðismál, Nýsköpun, Menntamál

Bætt stoðþjónusta og nýting innviða með Samstarfi háskóla

Meistaranám við fleiri en einn háskóla, sýndarveruleiki í heilbrigðisnámi og nýting bitakeðjutækni til að sannreyna erlend prófskírteini eru meðal verkefna sem nýlega fengu úthlutun úr Samstarfi háskóla og hafa bætta stoðþjónustu og betri nýtingu innviða að markmiði.

19. feb. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Nýsköpun, Landsbyggðin, Atvinnuvegir

Lóan er komin: Opið fyrir umsóknir um styrki úr Lóu - nýsköpunarstyrkjum fyrir landsbyggðina

Opnað hefur verið fyrir umsóknir um styrki úr Lóu. Styrkirnir eru nýsköpunarstyrkir fyrir landsbyggðina sem hafa það hlutverk að styðja við eflingu byggða og landshluta með nýskapandi verkefnum. Styrkjunum er aðeins úthlutað til verkefna utan höfuðborgarsvæðisins í þeim tilgangi að styðja við atvinnulíf og verðmætasköpun sem byggir á hugviti, þekkingu og nýrri færni.

07. feb. 2024Menntamál, Vísindi nýsköpun og rannsóknir, Nýsköpun, Mennta- og barnamálaráðuneytið, Menningar-٫ nýsköpunar- og háskólaráðuneytið

Nýir samningar um rekstur Fab Lab-smiðjanna á Íslandi

Háskóla-, iðnaðar- og nýsköpunarráðherra og mennta- og barnamálaráðherra hafa ákveðið að framlengja samninga ráðuneytanna við Fab Lab-smiðjurnar á Íslandi um þrjú ár. Samhliða verða framlögin hækkuð um samtals 91 m.kr. á samningatímsbilinu, eða úr 324 m.kr. í 415 m.kr. á næstu þremur árum.

23. jan. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Menntamál

Rannsókna- og nýsköpunarhús rís við Háskólann í Reykjavík

Háskóla-, iðnaðar- og nýsköpunarráðherra veitti í dag Háskólanum í Reykjavík (HR) 200 milljóna króna stuðning til fjármögnunar undirbúnings að uppbyggingu á allt að 6000 fermetra rannsókna- og nýsköpunarhúsi við skólann. Húsið er lykillinn að frekari sókn HR í rannsóknum og kennslu í tæknigreinum og eflir samstarf skólans við atvinnulífið. Gert er ráð fyrir að húsið verði samnýtt með sprotafyrirtækjum og fyrirtækjum og stofnunum í tækniþróun og rannsóknum. Þannig er til dæmis gert ráð fyrir að áhersla verði lögð á aðstöðu fyrir öflugar byggingarannsóknir.

23. jan. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Menntamál

Styrkir til sameiningar Háskólans á Akureyri og Háskólans á Bifröst og stofnunar nýs rannsóknasjóðs sameinaðs háskóla

Háskóla-, iðnaðar- og nýsköpunarráðuneytið veitir Háskólanum á Akureyri og Háskólanum á Bifröst 250 milljóna króna stofnframlag í nýjan rannsóknasjóð sameinaðs háskóla auk 200 milljón króna styrks til að undirbúa sameiningu skólanna.

30. nóv. 2023Menningar-٫ nýsköpunar- og háskólaráðuneytið, Alþjóðasamningar, Vísindi nýsköpun og rannsóknir

Ísland aðili að alþjóðlegu samkomulagi um um geimkönnun og rannsóknir

Aðild Íslands að Artemis samkomulaginu var formgerð í liðinni viku þegar Áslaug Arna Sigurbjörnsdóttir, háskóla-, iðnaðar- og nýsköpunarráðherra, og Carrin Patman, sendiherra Bandaríkjanna á Íslandi fögnuðu undirritun samkomulags um friðsamlega áætlun um könnun og hagnýtingu sólkerfisins.

22. nóv. 2023Fjármála- og efnahagsráðuneytið, Menningar-٫ nýsköpunar- og háskólaráðuneytið, Vísindi nýsköpun og rannsóknir, Nýsköpun, Efnahagsmál og opinber fjármál

OECD metur stuðning ríkisins við rannsóknir og þróun fyrirtækja árangursríkan

Í nýrri úttekt sem OECD vann að beiðni fjármála- og efnahagsráðherra og háskóla-, iðnaðar- og nýsköpunarráðherra er lagt mat á áhrif skattaafsláttar til fyrirtækja vegna rannsóknar og þróunar á Íslandi í samræmi við lög um stuðning við nýsköpunarfyrirtæki.

14. nóv. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Norrænt samstarf, Menntamál

Háskóla-, iðnaðar- og nýsköpunarráðherra leggur fram greinargerð um norræna rannsóknarsamstarfið

Áslaug Arna Sigurbjörnsdóttir sótti nýafstaðið þing Norðurlandaráðs sem formaður norrænu ráðherranefndarinnar um menntamál og rannsóknir. Þar lagði hún fram greinargerð um norrænt vísindasamstarf, sem unnin var af ráðherranefndinni að beiðni þingsins.

13. nóv. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Heilbrigðismál, Nýsköpun, Líf og heilsa

Fléttan: Ljósmæður, hjúkrunarheimili og Ljósið bæta þjónustu með nýsköpun

Úthlutanir styrkja úr Fléttunni - styrkja til innleiðingar nýsköpunar í heilbrigðisþjónustu voru kynntar á dögunum. Að þessu sinni hefur tólf íslenskum nýsköpunarfyrirtækjum verið boðið að ganga til samninga en alls verður um 104 milljónum króna dreift til innleiðingar nýrrar tækni og lausna í heilbrigðiskerfinu.

27. okt. 2023Menningar-٫ nýsköpunar- og háskólaráðuneytið, Nýsköpun, Vísindi nýsköpun og rannsóknir

PayAnalytics handhafi Nýsköpunarverðlauna Íslands 2023

Nýsköpunarverðlaun Íslands 2023 voru veitt við hátíðlega athöfn á Nýsköpunarþingi sem fram fór í Grósku í gær. Hugbúnaðarfyrirtækið PayAnalytics hlýtur verðlaunin í ár en fyrirtækið hefur þróað jafnlaunahugbúnað sem gerir laungreiðendum kleift að mæla launabil, loka launabilum og halda launabilum lokuðum.

11. okt. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Menntamál

Mikil aðsókn í styrki til aukins samstarfs háskóla

Auglýst var eftir styrkjum til samstarfsverkefna háskólanna í annað sinn í sumar og rann umsóknarfrestur út í lok október. Alls bárust 55 umsóknir um tæplega fjóra milljarða króna. Stefnt er að því að úthluta að minnsta kosti einum milljarði króna til fjölbreyttra samstarfsverkefna háskólanna á næstu mánuðum.

03. okt. 2023Menningar-٫ nýsköpunar- og háskólaráðuneytið, Háskólar, Vísindi nýsköpun og rannsóknir

Vel heppnuð vinnustofa um opin vísindi

Háskóla-, iðnaðar- og nýsköpunarráðuneytið stóð nýlega fyrir vinnustofu um opin vísindi. Vinnustofuna sóttu um 30 einstaklingar frá háskólum landsins, bókasöfnum, rannsóknastofnunum og fyrirtækjum ásamt fulltrúum Rannís, Auðnu tæknitorgs og Hugverkastofu sem hafa víðtæka reynslu af rannsóknum og stoðkerfi rannsókna.

10. sep. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Heilbrigðismál, Nýsköpun, Atvinnuvegir

Tólf styrkjum úthlutað til nýsköpunar í heilbrigðisþjónustu

Tólf íslenskum nýsköpunarfyrirtækjum hefur verið boðið að ganga til samninga um styrki úr Fléttunni - styrki til innleiðingar nýsköpunar í heilbrigðisþjónustu. Áslaug Arna Sigurbjörnsdóttir, háskóla-, iðnaðar- og nýsköpunarráðherra, kynnti úthlutun styrkjanna í dag en alls verður um 104 m.kr. dreift til innleiðingar nýrrar tækni og lausna í heilbrigðiskerfinu.

01. sep. 2023Menningar-٫ nýsköpunar- og háskólaráðuneytið, Heilbrigðismál, Nýsköpun, Vísindi nýsköpun og rannsóknir

Fléttan: Kara Connect byggir upp velferðartorg starfsmanna Landspítalans

Kara Connect ehf., í samstarfi við Landspítala háskólasjúkrahús, hlýtur styrk úr Fléttunni til uppbyggingar velferðartorgs fyrir starfsmenn LSH. Velferðartorgið er örugg vefgátt þar sem allt starfsfólk spítalans hefur aðgang að stuðningi sérfræðinga í trúnaði en fram undan er að innleiða frekari þjónustu, tengingar og virkni sem eykur gæði verkefnisins, tryggir jafnræði og getur stutt fleiri stofnanir eða fyrirtæki.

15. ágú. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Menntamál

Viljayfirlýsing um aukið samstarf eða mögulega sameiningu Háskólans á Hólum og Háskóla Íslands

Áslaug Arna Sigurbjörnsdóttir, háskóla-, iðnaðar- og nýsköpunarráðherra, hefur undirritað viljayfirlýsingu ásamt Jóni Atla Benediktssyni, rektor Háskóla Íslands, og Hólmfríði Sveinsdóttur, rektor Háskólans á Hólum um aukið samstarf milli skólanna eða mögulega sameiningu þeirra.

11. ágú. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Heilbrigðismál, Nýsköpun, Líf og heilsa

Fléttan: Betri svefn og bætt sálfræðiþjónusta innleidd með nýsköpun

Þrjú af tólf verkefnum sem styrkt eru af Fléttunni í ár hafa sett á fót samstarf með heilsugæslustöðvum. Verkefnin eru fjölbreytt en eiga það sameiginlegt að felast í nýjum meðferðarlausnum sem stuðla að bættri þjónustu við skjólstæðinga og aukinni skilvirkni.