Efnisorð
Tegund

Leita eftir efnisorðum

Sýnir 51–100 af 159
Raða eftir:
07. apr. 2024Menningar-٫ nýsköpunar- og háskólaráðuneytið, Háskólar, Heilbrigðismál, Menntamál

Nýtt hús Heilbrigðisvísindasviðs HÍ skapar tækifæri til fjölgunar nemenda

Nýtt hús Heilbrigðisvísindasviðs Háskóla Íslands verður reist á lóð Landspítalans við hlið Læknagarðs. Samningur um uppsteypu og frágang hússins var nýlega undirritaður en áætlað er framkvæmdir taki um fimm ár og að nýtt hús og endurbættur Læknagarður muni hýsa stóran hluta af starfsemi Heilbrigðisvísindasviðs sem nú dreifist á níu staði víðs vegar um borgina.

03. apr. 2024Menningar-٫ nýsköpunar- og háskólaráðuneytið, Háskólar, Menntamál

Fólki með þroskahömlun auðveldað að stunda háskólanám

Verkefni sem lúta að alþjóðlegri sókn og iðkun á þriðja hlutverki háskóla voru meðal þeirra verkefna sem fengu úthlutun úr Samstarfi háskóla á dögunum. Tæplega 1,6 milljarði króna var úthlutað til 35 fjölbreyttra verkefna sem skiptast í sex áhersluflokka sem allir hafa það að markmiði að auka gæði háskólanáms og samkeppnishæfni íslenskra háskóla.

15. mar. 2024Menningar-٫ nýsköpunar- og háskólaráðuneytið, Háskólar, Menntamál

Ábyrgðarmenn námslána felldir brott

Frumvarp um breytingar á lögum um Menntasjóð námsmanna hefur verið birt í samráðsgátt stjórnvalda. Frumvarpinu er ætlað að bregðast við annmörkum núverandi laga og byggir á skýrslu háskóla-, iðnaðar- og nýsköpunarráðherra þar sem unnið var úr athugasemdum sem borist höfðu um Menntasjóðinn. Meðal þess sem lagt er til í frumvarpinu er að ábyrgðarmannakerfi námslána verði fellt úr gildi að fullu og að skilyrði fyrir námsstyrk verði rýmkuð.

13. mar. 2024Menningar-٫ nýsköpunar- og háskólaráðuneytið, Háskólar, Heilbrigðismál, Menntamál

Samstarf háskóla eflir hjúkrunarfræðinám

Meðal verkefna sem fengu úthlutun úr Samstarfi háskóla á dögunum er samstarfverkefni Háskólans á Akureyri og Háskóla Íslands sem hefur það að markmiði að bæta nýtingu námsplássa í hjúkrunarfræði og minnka brottfall úr starfi að námi loknu. Þannig verður greint hvað spáir fyrir um styrk og áhuga í námi og starfi sem og aðferðir við val á nemendum í hjúkrunarfræði og möguleikar á samræmdri inntöku skólanna skoðaðir.

22. feb. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Heilbrigðismál, Nýsköpun, Menntamál

Bætt stoðþjónusta og nýting innviða með Samstarfi háskóla

Meistaranám við fleiri en einn háskóla, sýndarveruleiki í heilbrigðisnámi og nýting bitakeðjutækni til að sannreyna erlend prófskírteini eru meðal verkefna sem nýlega fengu úthlutun úr Samstarfi háskóla og hafa bætta stoðþjónustu og betri nýtingu innviða að markmiði.

19. feb. 2024Menningar-٫ nýsköpunar- og háskólaráðuneytið, Háskólar, Menntamál

Aukin gæði með stærri háskólaeiningum og samstarfi

Fyrirhuguð sameining Háskólans á Akureyri og Háskólans á Bifröst og háskólasamstæða Háskóla Íslands og Háskólans á Hólum eru efst á blaði í áhersluflokknum Sameining háskóla í úthlutun úr Samstarfi háskóla sem kynnt var nýlega. Þar að auki eru vettvangsakademía á Hofstöðum í Mývatnssveit, ferðamálanám og þverfaglegt nám í sjálfbærri byggðafræði styrkt í þessum flokki.

12. feb. 2024Menningar-٫ nýsköpunar- og háskólaráðuneytið, Háskólar, Menntamál

Afdrif útskrifaðra kennara

Könnun um afdrif útskrifaðra kennara úr opinberum háskólum leiðir í ljós að veruleg fjölgun varð á útskrifuðum kennurum frá árinu 2020 og að almenn ánægja er með námið hjá þeim sem útskrifast. Ríflega fimmtungur útskrifaðra telur þó að námið hafi ekki nýst þeim vel í starfi og hefur hlutfallið verið nær óbreytt í áratug. Að jafnaði eru aðeins 5-10% sem starfa við annað en kennslu tveimur árum eftir útskrift.

02. feb. 2024Atvinnuvegaráðuneytið, Menntamál, Vinnumál, Háskólar, Iðnaður, Atvinnuvegir, Menningar-٫ nýsköpunar- og háskólaráðuneytið

Mat á námi og starfsréttindum á Island.is

Þjónustugátt fyrir mat á námi og starfsréttindum hefur verið opnuð á Island.is. Markmiðið er að bæta aðgengi fólks, hvort sem það eru útlendingar eða Íslendingar, að þeim aðilum sem hafa með mat á menntun að gera. Um er að ræða stórt skref til einföldunar fyrir þá sem þurfa á mati að halda því loks geta þeir fengið á einum stað allar upplýsingar um kröfur sem gerðar eru til viðurkenningar á menntun eða hæfi.

30. jan. 2024Menntamál, Háskólar, Menningar-٫ nýsköpunar- og háskólaráðuneytið

Úthlutun úr Samstarfi háskóla

Áslaug Arna Sigurbjörnsdóttir, háskóla,- iðnaðar- og nýsköpunarráðherra, kynnti í dag niðurstöðu Samstarfs háskóla fyrir árið 2023. Alls hlutu 35 verkefni styrk að þessu sinni og heildarupphæð úthlutunar var tæplega 1,6 milljarður króna. Þetta er í annað sinn sem ráðherra úthlutar úr Samstarfi háskóla, en verkefnið miðar að því að auka gæði háskólanáms og samkeppnishæfni háskólanna, en styrkirnir eru þegar fjármagnaðir af safnlið háskólastigsins.

23. jan. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Menntamál

Rannsókna- og nýsköpunarhús rís við Háskólann í Reykjavík

Háskóla-, iðnaðar- og nýsköpunarráðherra veitti í dag Háskólanum í Reykjavík (HR) 200 milljóna króna stuðning til fjármögnunar undirbúnings að uppbyggingu á allt að 6000 fermetra rannsókna- og nýsköpunarhúsi við skólann. Húsið er lykillinn að frekari sókn HR í rannsóknum og kennslu í tæknigreinum og eflir samstarf skólans við atvinnulífið. Gert er ráð fyrir að húsið verði samnýtt með sprotafyrirtækjum og fyrirtækjum og stofnunum í tækniþróun og rannsóknum. Þannig er til dæmis gert ráð fyrir að áhersla verði lögð á aðstöðu fyrir öflugar byggingarannsóknir.

23. jan. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Menntamál

Styrkir til sameiningar Háskólans á Akureyri og Háskólans á Bifröst og stofnunar nýs rannsóknasjóðs sameinaðs háskóla

Háskóla-, iðnaðar- og nýsköpunarráðuneytið veitir Háskólanum á Akureyri og Háskólanum á Bifröst 250 milljóna króna stofnframlag í nýjan rannsóknasjóð sameinaðs háskóla auk 200 milljón króna styrks til að undirbúa sameiningu skólanna.

19. jan. 2024Menningar-٫ nýsköpunar- og háskólaráðuneytið, Háskólar, Heilbrigðismál, Landsbyggðin, Menntamál

Uppbygging færni- og hermiseturs stóreflir kennslu í heilbrigðisvísindum við Háskólann á Akureyri

Áslaug Arna Sigurbjörnsdóttir, háskóla-, iðnaðar- og nýsköpunarráðherra, og Eyjólfur Guðmundsson, rektor Háskólans á Akureyri, hafa undirritað samkomulag um fjárveitingu til að hefja undirbúning og uppbyggingu húsnæðis sem hýsir færni- og hermisetur við Háskólann á Akureyri.

19. jan. 2024Menningar-٫ nýsköpunar- og háskólaráðuneytið, Háskólar, Menntamál

Háskólinn á Hólum og Háskóli Íslands sameinist í háskólasamstæðu

Niðurstaða fýsileikagreiningar á auknu samstarfi eða sameiningu Háskólans á Hólum (HH) og Háskóla Íslands (HÍ) er að lagt verði til við háskólaráð beggja skóla að skólarnir sameinist. Lagt er til að rekstrarform sameinaðs skóla verði það sem kallað er háskólasamstæða og er nýnæmi hér á landi en þekkist víða erlendis þar sem hugtakið kampus er notað.

07. jan. 2024Menningar-٫ nýsköpunar- og háskólaráðuneytið, Háskólar, Menntamál

Stærstu breytingar á háskólum í áratugi

Áslaug Arna Sigurbjörnsdóttir, ráðherra háskólamála, hefur samþykkt árangurstengda fjármögnun háskóla á Íslandi sem markar veigamestu breytingar á starfsumhverfi þeirra í áratugi. Breytingarnar fela meðal annars í sér aukinn stuðninginn við heilbrigðisvísindi og margvíslega hvata fyrir háskóla: eins og til að auka gæði náms, styðja nemendur í gegnum skólagöngu, sækja fram í rannsóknum, nútímavæða kennsluhætti og afla alþjóðlegra styrkja svo fátt eitt sé nefnt.

22. des. 2023Rit og skýrslur, Menntamál, Háskólar, Landsbyggðin, Menningar-٫ nýsköpunar- og háskólaráðuneytið

Mat á fýsileika sameiningar Háskólans á Akureyri og Háskólans á Bifröst

desember 2023 / Menningar-٫ nýsköpunar- og háskólaráðuneytið Mat á fýsileika sameiningar Háskólans á Akureyri og Háskólans á Bifröst Tilgangur þessarar fýsileikakönnunar er kanna hvort og hvernig samstarf eða sameining Háskólans á Akureyri og Háskólans á Bifröst geti fjölgað tækifærum til náms og rannsókna og aukið þau verðmæti sem háskólarnir skapa í samstarfi við samfélag og atvinnulíf um allt land. Mat á fýsileika sameiningar Háskólans á Akureyri og Háskólans á Bifröst

22. des. 2023Menningar-٫ nýsköpunar- og háskólaráðuneytið, Háskólar, Landsbyggðin, Menntamál

Aukin tækifæri til samkeppnishæfs náms utan höfuðborgarsvæðisins með sameiningu Háskólans á Akureyri og Háskólans á Bifröst

Skýrsla um fýsileika sameiningar Háskólans á Akureyri og Háskólans á Bifröst liggur nú fyrir. Skýrslan var unnin í framhaldi af viljayfirlýsingu háskóla-, iðnaðar- og nýsköpunarráðherra og háskólanna tveggja sem undirrituð var í september sl. Við sameiningu skólanna yrði til nýr skóli með höfuðstöðvar á Akureyri, starfsstöð í Borgarnesi og starfsstöð í Reykjavík.

17. nóv. 2023Menningar-٫ nýsköpunar- og háskólaráðuneytið, Háskólar, Menntamál

Háskólaráðuneytið veitir 150 m.kr. til húsnæðis fyrir Háskólann á Hólum

Háskóla-, iðnaðar- og nýsköpunarráðherra og rektor Háskólans á Hólum hafa undirritað viljayfirlýsingu þess efnis að bæta aðstöðu skólans og treysta starfsemi hans. Lausnir á húsnæðismálum Háskólans á Hólum er forsenda sameiningar við Háskóla Íslands, en skólarnir eiga nú í viðræðum um aukið samstarf og mögulega sameiningu.

11. okt. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Menntamál

Mikil aðsókn í styrki til aukins samstarfs háskóla

Auglýst var eftir styrkjum til samstarfsverkefna háskólanna í annað sinn í sumar og rann umsóknarfrestur út í lok október. Alls bárust 55 umsóknir um tæplega fjóra milljarða króna. Stefnt er að því að úthluta að minnsta kosti einum milljarði króna til fjölbreyttra samstarfsverkefna háskólanna á næstu mánuðum.

03. okt. 2023Menningar-٫ nýsköpunar- og háskólaráðuneytið, Háskólar, Vísindi nýsköpun og rannsóknir

Vel heppnuð vinnustofa um opin vísindi

Háskóla-, iðnaðar- og nýsköpunarráðuneytið stóð nýlega fyrir vinnustofu um opin vísindi. Vinnustofuna sóttu um 30 einstaklingar frá háskólum landsins, bókasöfnum, rannsóknastofnunum og fyrirtækjum ásamt fulltrúum Rannís, Auðnu tæknitorgs og Hugverkastofu sem hafa víðtæka reynslu af rannsóknum og stoðkerfi rannsókna.

15. ágú. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Menntamál

Viljayfirlýsing um aukið samstarf eða mögulega sameiningu Háskólans á Hólum og Háskóla Íslands

Áslaug Arna Sigurbjörnsdóttir, háskóla-, iðnaðar- og nýsköpunarráðherra, hefur undirritað viljayfirlýsingu ásamt Jóni Atla Benediktssyni, rektor Háskóla Íslands, og Hólmfríði Sveinsdóttur, rektor Háskólans á Hólum um aukið samstarf milli skólanna eða mögulega sameiningu þeirra.

12. ágú. 2023Menningar-٫ nýsköpunar- og háskólaráðuneytið, Háskólar, Menntamál

HÍ fær yfir 500 m.kr. til að fjölga nemendum í heilbrigðisvísindum og tækni- og raungreinum - fleiri raungreinakennarar í grunnskóla eru hluti af samkomulaginu

Samkomulag við Háskóla Íslands um sókn í heilbrigðisvísindum, félagsráðgjöf og STEM-greinum var undirritað í hátíðarsal Háskóla Íslands í gær. Í samkomulaginu felst m.a. fjölgun lækna- og hjúkrunarfræðinema, sókn í félagsráðgjöf og brú á milli Verkfræði- og náttúruvísindaviðs og Menntavísindasviðs.

02. ágú. 2023Menningar-٫ nýsköpunar- og háskólaráðuneytið, Háskólar, Landsbyggðin, Menntamál

Aukið framboð fjarnáms í háskólum landsins

Meðal áherslna háskóla-, iðnaðar- og nýsköpunarráðherra, Áslaugar Örnu Sigurbjörnsdóttur, er fjölgun tækifæra og efling atvinnulífs um land allt með góðu aðgengi fólks að háskólanámi í sinni heimabyggð. Við mat umsókna í verkefninu Samstarf háskóla var sérstaklega litið til möguleika á námi óháð staðsetningu og alls fengu 18 verkefni styrk með það að markmiði að auka framboð fjarnáms. Þar á meðal eru sameiginlegt átak í íslenskukennslu, fjölgun fagmenntaðs leikskólastarfsfólks með eflingu fjarnáms og öflugra tækninám á Norðurlandi.

13. jún. 2023Menningar-٫ nýsköpunar- og háskólaráðuneytið, Háskólar, Menntamál

Hlutfall karlkyns umsækjenda í HÍ hækkar um 13% milli ára

Hlutfall karlkyns umsækjenda um nám í Háskóla Íslands hækkar um 13% á milli ára samkvæmt fyrstu tölum um skráningu nýnema en samhliða umsóknatímabili í háskóla landsins nú í vor stóð háskóla-, iðnaðar- og nýsköpunarráðuneytið fyrir átaki undir yfirskriftinni Heimurinn stækkar í háskóla sem ætlað var að hvetja ungt fólk, sérstaklega stráka, til þess að skrá sig í háskóla.

11. jún. 2023Atvinnuvegaráðuneytið, Háskólar, Iðnaður, Nýsköpun, Vísindi nýsköpun og rannsóknir, Menningar-٫ nýsköpunar- og háskólaráðuneytið

Farið yfir umsóknir úr Glókolli á tveggja mánaða fresti

Fyrirkomulagi úthlutana úr Glókolli - styrkja til viðburða og verkefna á málefnasviðum háskóla-, iðnaðar- og nýsköpunarráðuneytis hefur verið breytt með nýjum reglum um úthlutun styrkja. Er þetta gert með aukna skilvirkni og betri upplýsingagjöf til umsækjenda að markmiði.