Efnisorð
Tegund

Leita eftir efnisorðum

Sýnir 51–100 af 174
Raða eftir:
09. nóv. 2024Félags- og húsnæðismálaráðuneytið, Fatlað fólk, Fjárlög, Innflytjendur, Málefni eldra fólks, Almannatryggingar og lífeyrir

Breytingar á örorkulífeyriskerfinu og hækkun á almennu frítekjumarki ellilífeyris

Nýtt örorkulífeyriskerfi tekur gildi þann 1. september 2025. Kostnaður vegna breytinganna er á ársgrundvelli 18,1 milljarður króna en 4,4 milljarðar koma inn árið 2025 samkvæmt frumvarpi til fjárlaga sem birt var í gær. Aukin fjárframlög til örorkulífeyriskerfisins eru að mestu til komin vegna hærri greiðslna til örorkulífeyrisþega en um 95% þeirra munu fá hærri greiðslur í nýja kerfinu.

03. nóv. 2024Félags- og húsnæðismálaráðuneytið, Fatlað fólk, Mennta- og barnamálaráðuneytið, Menningar-٫ nýsköpunar- og háskólaráðuneytið

Tillögur að auknum náms- og starfstækifærum fyrir fatlað fólk

Starfshópur um aukin náms- og starfstækifæri fyrir fatlað fólk hefur skilað tillögum sínum til ráðherra. Hópnum var ætlað að greina núverandi starfs- og menntunartækifæri fatlaðs fólks með tilliti til þess hvað þurfi að bæta, auk þess að leggja fram tillögur að aðgerðum.

28. okt. 2024Vísindi nýsköpun og rannsóknir, Fatlað fólk, Gervigreind, Menningar-٫ nýsköpunar- og háskólaráðuneytið

Sameinast um stórbætt aðgengi fatlaðs fólks að stafrænum lausnum

Menningar- og viðskiptaráðherra, Almannarómur – miðstöð máltækni, ÖBÍ réttindasamtök og Miðstöð menntunar og skólaþjónustu (MMS) skrifuðu í dag undir viljayfirlýsingu þess efnis að vinna saman að því að stórbæta stafrænt aðgengi fatlaðs fólks, með hjálp íslenskra máltæknilausna. Á meðal þeirra verkefna sem unnið verður að er að koma á fót upplýsingagátt um helstu lausnir sem geta gagnast ýmsum hópum, styðja við stofnun raddbanka og setja aukinn kraft í þróun á talgervilslausnum sem styðja við íslensku.

10. okt. 2024Félags- og húsnæðismálaráðuneytið, Fatlað fólk

Ert þú með góða hugmynd um hvernig breyta megi og bæta þjónustu við fatlað fólk og/eða auka hagkvæmni hennar?

Framtíðarhópur vinnur nú að þróun og nýsköpun í þjónustu við fatlað fólk. Markmiðið er að auka gæði þjónustunnar og hagkvæmni hennar. Í framtíðarhópnum sitja fulltrúar frá ríkinu, sveitarfélögum og hagsmunasamtökum fatlaðs fólks. Hópurinn á að ráðast í fjölbreytta greiningarvinnu og tilraunaverkefni – og hann vill vita hvort þú hafir góða hugmynd sem þú vilt koma áleiðis!

27. sep. 2024Dómsmálaráðuneytið, Fatlað fólk, Mannréttindi og jafnrétti, Félags- og húsnæðismálaráðuneytið

Áform um lög um samning Sameinuðu þjóðanna um réttindi fatlaðs fólks

Félags- og vinnumarkaðsráðherra hefur birt í samráðsgátt stjórnvalda áform um að lögfesta samning Sameinuðu þjóðanna um réttindi fatlaðs fólks í heild sinni. Tilvist sjálfstæðrar mannréttindastofnunar hefur verið talin forsenda þess að hægt sé að lögfesta SRFF, þar sem samningurinn leggur þá skyldu á aðildarríki að slík stofnun sé til staðar. Í ljósi þess að lög um Mannréttindastofnun Íslands voru samþykkt á Alþingi í júní sl. er fyrirhugað að lögfesta samninginn í heild sinni.

24. jún. 2024Félags- og húsnæðismálaráðuneytið, Vinnumál, Fatlað fólk, Almannatryggingar og lífeyrir

Fjögur frumvörp félags- og vinnumarkaðsráðherra urðu að lögum um helgina

Fjögur frumvörp Guðmundar Inga Guðbrandssonar, félags- og vinnumarkaðsráðherra, urðu að lögum um helgina. Um er að ræða frumvarp vegna samstarfs og eftirlits á vinnumarkaði, frumvarp um breytingar á lögum um réttindagæslu fyrir fatlað fólk, frumvarp um breytingar á lögum um fæðingar- og foreldraorlof og lögum um sorgarleyfi, auk frumvarps vegna breytinga á örorkulífeyriskerfinu.

21. mar. 2024Félags- og húsnæðismálaráðuneytið, Fatlað fólk, Almannatryggingar og lífeyrir

Mælti fyrir frumvarpi sem felur í sér mestu breytingar á örorkulífeyriskerfinu frá upphafi

Guðmundur Ingi Guðbrandsson, félags- og vinnumarkaðsráðherra, mælti nú rétt í þessu fyrir frumvarpi á Alþingi vegna endurskoðunar á örorkulífeyriskerfinu. Frumvarpið felur í sér mestu breytingar á örorkulífeyriskerfinu frá upphafi. Breytingarnar fela í sér bætta þjónustu, mikilvæga hvata til atvinnuþátttöku og bætt kjör með betra og einfaldara greiðslukerfi.

07. mar. 2024Félags- og húsnæðismálaráðuneytið, Menningar-٫ nýsköpunar- og háskólaráðuneytið, Heilbrigðisráðuneytið, Fatlað fólk, Stafrænt Ísland, Fjármála- og efnahagsráðuneytið

Áfram unnið að þróun lausna á stafrænu aðgengi fyrir fatlað fólk

Tillögur starfshóps um þróun lausna á stafrænu aðgengi fyrir fatlað fólk voru kynntar í ríkisstjórn á dögunum. Vinnan byggir á viljayfirlýsingu sem fjórir ráðherrar undirrituðu vorið 2023 og var hópnum falið að útfæra tillögur og tryggja aukið samstarf á milli aðila innan og utan stjórnkerfisins.

01. mar. 2024Félags- og húsnæðismálaráðuneytið, Fatlað fólk

Bifreiðastyrkir til fólks með hreyfihömlun hækkaðir í fyrsta sinn í 8 ár og sérstök áhersla lögð á orkuskipti

Guðmundur Ingi Guðbrandsson, félags- og vinnumarkaðsráðherra, hefur undirritað reglugerð sem felur í sér fyrstu hækkun í átta ár á uppbótum og styrkjum til bifreiðakaupa fyrir hreyfihamlað fólk. Að auki verður hægt að sækja um styrk til Orkusjóðs vegna sérútbúinna hreinna rafbíla fyrir hreyfihamlaða án þess hámark sé á kaupverði þeirra.

19. feb. 2024Félags- og húsnæðismálaráðuneytið, Líf og heilsa, Fatlað fólk, Heilbrigðisráðuneytið, Almannatryggingar og lífeyrir

Yfirlýsing undirrituð um samstarf þjónustukerfa á sviði endurhæfingar

Heildstæð nálgun, samvinna kerfa og samfella í þjónustu verða leiðarstefin í endurhæfingu fólks samkvæmt viljayfirlýsingu sem hefur verið undirrituð. Einstaklingar í endurhæfingu skulu markvisst leiddir milli þjónustukerfa þurfi þeir á þjónustu fleiri en eins kerfis að halda og skýrt verður hvernig ábyrgð á þjónustunni færist á milli kerfa.

16. feb. 2024Félags- og húsnæðismálaráðuneytið, Fatlað fólk, Almannatryggingar og lífeyrir

Endurskoðun örorkulífeyriskerfisins: Frumvarp birt í samráðsgátt

Drög að frumvarpi vegna endurskoðunar örorkulífeyriskerfisins hafa verið birt í samráðsgátt stjórnvalda. Breytingarnar fela í sér bætta þjónustu, mikilvæga hvata til atvinnuþátttöku og bætt kjör með betra og einfaldara greiðslukerfi – sérstaklega fyrir þau sem einungis fá greiðslur frá almannatryggingum eða eru með litlar aðrar tekjur en frá ríkinu.

12. feb. 2024Félags- og húsnæðismálaráðuneytið, Fatlað fólk

Réttindagæsla fyrir fatlað fólk flyst yfir til Mannréttindastofnunar

Alþingi vinnur nú að því að koma á fót Mannréttindastofnun Íslands og mun Réttindagæsla fyrir fatlað fólk færast frá félags- og vinnumarkaðsráðuneytinu til stofnunarinnar. Breytingarnar eru taldar tryggja betur sjálfstæði réttindagæslunnar, enda mun nýja stofnunin meðal annars hafa eftirlit með því hvernig stjórnvöld uppfylla samning Sameinuðu þjóðanna um réttindi fatlaðs fólks. Samningar um persónulega talsmenn fyrir fatlað fólk munu þó ekki færast til Mannréttindastofnunar heldur flytjast yfir til sýslumanns.

22. jan. 2024Félags- og húsnæðismálaráðuneytið, Fatlað fólk

Mælti fyrir fyrstu landsáætlun í málefnum fatlaðs fólks

Guðmundur Ingi Guðbrandsson, félags- og vinnumarkaðsráðherra, mælti fyrir fyrstu landsáætlun í málefnum fatlaðs fólks á Alþingi nú í kvöld. Áætlunin felur í sér 57 aðgerðir til að koma í framkvæmd ákvæðum samnings Sameinuðu þjóðanna um réttindi fatlaðs fólks. Aðgerðirnar eru á ábyrgð níu ráðuneyta og byggja á víðtæku samráði.

19. jan. 2024Félags- og húsnæðismálaráðuneytið, Fatlað fólk

Styrkur til að efla vinasambönd fatlaðra ungmenna

Guðmundur Ingi Guðbrandsson, félags- og vinnumarkaðsráðherra, og Bergljót Borg, framkvæmdastjóri Styrktarfélags lamaðra og fatlaðra, hafa undirritað styrksamkomulag vegna verkefnisins Reykjadalsvinir. Markmið þess er að efla vinasambönd ungs fatlaðs fólks á aldrinum 18-35 ára og vinna gegn félagslegri einangrun, auka fjölbreytni í tækifærum fatlaðs fólks í félagsstarfi og stuðla að sjálfstæði í ákvarðanatöku og skipulagningu á eigin ferðalögum og afþreyingu.

15. des. 2023Félags- og húsnæðismálaráðuneytið, Fatlað fólk, Fjármála- og efnahagsráðuneytið, Innviðaráðuneytið

Samkomulag undirritað milli ríkis og sveitarfélaga um breytingu á fjármögnun þjónustu við fatlað fólk

Ríki og sveitarfélög undirrituðu í dag samkomulag um breytingu á fjárhagsramma þjónustu sveitarfélaga við fatlað fólk. Samkomulagið felur í sér að útsvarsprósenta sveitarfélaga hækkar um 0,23% með samsvarandi lækkun tekjuskattsprósentu ríkisins.

06. des. 2023Félags- og húsnæðismálaráðuneytið, Félags- og fjölskyldumál, Útlendingar, Vinnumál, Fatlað fólk, Flóttafólk, Innflytjendur, Málefni eldra fólks, NPA, Almannatryggingar og lífeyrir

Níu frumvörp félags- og vinnumarkaðsráðherra urðu að lögum í þinginu

Níu frumvörp Guðmundar Inga Guðbrandssonar, félags- og vinnumarkaðsráðherra, urðu að lögum á liðnu þingi, auk þess sem Alþingi samþykkti tillögu ráðherra til þingsályktunar. Fjögur frumvörp urðu að lögum á haustþinginu og má þar nefna lög sem fólu í sér fyrstu hækkun á frítekjumarki örorku- og endurhæfingarlífeyrisþega í 14 ár. Frítekjumarkið nær tvöfaldaðist og tóku breytingarnar gildi strax 1. janúar síðastliðinn.

02. ágú. 2023Félags- og húsnæðismálaráðuneytið, Fatlað fólk

Samráðsþing: Landsáætlun um innleiðingu á samningi Sameinuðu þjóðanna um réttindi fatlaðs fólks

Samráðsþing fer fram í Hörpu þann 16. febrúar nk. um landsáætlun um innleiðingu á samningi Sameinuðu þjóðanna um réttindi fatlaðs fólks. Félags- og vinnumarkaðsráðuneytið ásamt forsætisráðuneytinu, Sambandi íslenskra sveitarfélaga, ÖBÍ réttindasamtökum, Landssamtökunum Þroskahjálp og Geðhjálp standa fyrir fundinum sem er öllum opinn. Á þinginu verður leitast við að greina tækifærin fram undan og hvað skipti máli þegar horft sé til framtíðar. Þá munu vinnuhópar við gerð landsáætlunar kynna tillögur að aðgerðum.

02. ágú. 2023Félags- og húsnæðismálaráðuneytið, Fatlað fólk

Heilsuefling fyrir fólk með þroskahömlun og skyldar fatlanir

Guðmundur Ingi Guðbrandsson, félags- og vinnumarkaðsráðherra, hefur veitt Landssamtökunum Þroskahjálp styrk til að ráðast í fræðsluátak um heilbrigðan lífsstíl, venjur og vellíðan. Styrkurinn nemur 20 milljónum króna og markmiðið er að auka aðgengi fólks með þroskahömlun og skyldar fatlanir að fræðslu og stuðningi til þess að ástunda heilbrigðan lífsstíl.

14. jún. 2023Félags- og húsnæðismálaráðuneytið, Fatlað fólk

Íslenskur ráðherra í fyrsta sinn á fundi aðildarríkja samnings SÞ um réttindi fatlaðs fólks

„Íslensk stjórnvöld hafa sett málefni fatlaðs fólks á oddinn,“ sagði Guðmundur Ingi Guðbrandsson, félags- og vinnumarkaðsráðherra, í ávarpi Íslands á aðildarríkjafundi Sameinuðu þjóðanna um stöðu málefna fatlaðs fólks, COSP-16, sem stendur yfir í New York. Þetta er í fyrsta sinn sem íslenskur ráðherra sækir aðildarríkjafundinn.

30. maí 2023Félags- og húsnæðismálaráðuneytið, Fatlað fólk

Norræn ráðstefna í Hörpu: Samsköpun um betri framtíð í þjónustu við fatlað fólk

Félags- og vinnumarkaðsráðuneytið stendur fyrir norrænni ráðstefnunni í Hörpu fimmtudaginn 1. júní nk. þar sem fjallað verður um þær áskoranir sem fatlað fólk stendur frammi fyrir þegar horft er til framtíðar. Fullt er á ráðstefnuna en hægt verður að fylgjast með henni í beinu streymi á vef Stjórnarráðsins.

19. maí 2023Félags- og húsnæðismálaráðuneytið, Fatlað fólk

Staða fatlaðs fólks kemur okkur öllum við – þín skoðun skiptir máli

Guðmundur Ingi Guðbrandsson, félags- og vinnumarkaðsráðherra, býður á næstu vikum til opinna samráðsfunda um landið. Á fundunum verður fjallað um helstu áherslur í þjónustu við fatlað fólk í nútíð og framtíð og hvernig staðið verður að innleiðingu þeirra. Samráðsfundirnir hafa þann tilgang að tryggja milliliðalaust samtal um það sem fólki er efst í huga þegar málefni fatlaðs fólks ber á góma.

28. mar. 2023Félags- og húsnæðismálaráðuneytið, Menningar-٫ nýsköpunar- og háskólaráðuneytið, Heilbrigðisráðuneytið, Fatlað fólk, Fjármála- og efnahagsráðuneytið

Viljayfirlýsing undirrituð um þróun á lausnum á rafrænu aðgengi fyrir fatlað fólk

​Fjórir ráðherrar undirrituðu í dag viljayfirlýsingu um þróun á lausnum að rafrænu aðgengi fyrir fatlað fólk. Átaksverkefni verður hleypt af stokkunum og skal stöðumat með formlegum tillögum liggja fyrir í byrjun júní nk. Undir yfirlýsinguna rituðu Guðmundur Ingi Guðbrandsson, félags- og vinnumarkaðsráðherra, Willum Þór Þórsson, heilbrigðisráðherra, Bjarni Benediktsson, fjármála- og efnahagsráðherra, og Áslaug Arna Sigurbjörnsdóttir, háskóla-, iðnaðar- og nýsköpunarráðherra.

22. mar. 2023Félags- og húsnæðismálaráðuneytið, Fatlað fólk, Heilbrigðisráðuneytið, Norrænt samstarf

Fatlað fólk fái greiðari aðgang að stafrænum lausnum

Lykilatriði er að allir hafi aðgang að stafrænum lausnum eigi Norðurlöndin að ná þeirri framtíðarsýn að vera sjálfbærasta og samþættasta svæði heims árið 2030. Sérstaklega þarf að tryggja að fatlað fólk geti nýtt sér stafrænar lausnir. Þetta er efni yfirlýsingar sem félags- og heilbrigðisráðherrar Norðurlandanna samþykktu í dag í tengslum við fund sinn. Yfirlýsingin var undirrituð í Reykjavík en Ísland gegnir nú formennsku í Norrænu ráðherranefndinni.

27. feb. 2023Félags- og húsnæðismálaráðuneytið, Fatlað fólk, Félags- og fjölskyldumál

Höfuðborin stækkunartæki gjörbreyta möguleikum sjónskertra

Ný tegund sjónhjálpartækja gjörbreytir möguleikum og aðstæðum sjónskertra hér á landi. Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu hefur tekið í notkun höfuðborin stækkunartæki sem gerir mörgum lögblindum einstaklingum kleift að sjá hluti og viðburði sem þeir fóru á mis við áður.

16. feb. 2023Félags- og húsnæðismálaráðuneytið, Fatlað fólk

Vel heppnað samráðsþing um landsáætlun í málefnum fatlaðs fólks

Um 300 manns sóttu samráðsþing í Hörpu í dag um landsáætlun um innleiðingu á samningi Sameinuðu þjóðanna um réttindi fatlaðs fólks. Fjöldi fólks tók til máls og vinnuhópar við gerð landsáætlunar kynntu tillögur sínar að aðgerðum. Þátttakendum bauðst síðan að greiða tillögunum atkvæði. Í lok þingsins undirrituðu gestir samstarfsyfirlýsingu um verklag við gerð landsáætlunar – og þurfti fjögurra metra langan borða fyrir undirritunina.

16. feb. 2023Félags- og húsnæðismálaráðuneytið, Fatlað fólk

Beint streymi: Samráðsþing um landsáætlun í málefnum fatlaðs fólks

Fjölmennt samráðsþing stendur nú yfir í Hörpu og er í beinu streymi hér á vef Stjórnarráðsins. Þingið fjallar um landsáætlun um innleiðingu á samningi Sameinuðu þjóðanna um réttindi fatlaðs fólks. Að þinginu standa félags- og vinnumarkaðsráðuneytið ásamt forsætisráðuneytinu, Sambandi íslenskra sveitarfélaga, ÖBÍ réttindasamtökum, Landssamtökunum Þroskahjálp og Geðhjálp.

14. feb. 2023Félags- og húsnæðismálaráðuneytið, Fatlað fólk

Metskráning á samráðsþing um landsáætlun sem fram fer á fimmtudag

Mikill fjöldi fólks hefur skráð sig til leiks á samráðsþing um landsáætlun sem fram fer í Hörpu nú á fimmtudag, 16. febrúar. Þingið fjallar um landsáætlun um innleiðingu á samningi Sameinuðu þjóðanna um réttindi fatlaðs fólks. Landsáætlunin markar tímamót, enda fer nú í fyrsta sinn fram heildstæð stefnumótun í málefnum fatlaðs fólks á Íslandi. Markmiðið er að fatlað fólk geti notið mannréttinda og mannfrelsis til fulls og til jafns við annað fólk. Aðgangur á samráðsþingið er ókeypis og enn er hægt að skrá sig - en skráningu lýkur í lok dags í dag.