Efnisorð
Tegund

Leita eftir efnisorðum

Sýnir 1–50 af 73
Raða eftir:
26. ágú. 2026Heilbrigðisráðuneytið, Líf og heilsa, Lyfjamál

Ávana- og fíkniefni

Ávana- og fíkniefni Í lögum um ávana- og fíkniefni er kveðið á um að varsla og meðferð ávana- og fíkniefna, sem talin eru upp í lögunum, sé óheimil á íslensku forráðasvæði. Þannig er inn- og útflutningur, sala, kaup, skipti, afhending, móttaka, framleiðsla og varsla tækja, hluta eða efna til notkunar við ólöglega ræktun, framleiðslu eða tilbúning ávana- og fíkniefna bönnuð. Ráðherra er heimilt að ákveða í reglugerð að efni sem ekki er getið í lögunum en geta haft hættu í för með sér vegna eiginleika þeirra megi aðeins nota hér á landi í læknisfræðilegum og vísindalegum tilgangi

26. ágú. 2026Heilbrigðisráðuneytið, Líf og heilsa, Lyfjamál

Lyfjamál

Lyfjamál Grundvallarmarkmið lyfjalaga er að tryggja nægilegt framboð lyfja, gæði, öryggi og þjónustu, auka fræðslu um lyfjanotkun, sporna gegn óhóflegri lyfjanotkun og halda kostnaði í lágmarki. Faglegt eftirlit með þeim sem annast framleiðslu, innflutning og dreifingu lyfja er í höndum Lyfjastofnunar sem er sjálfstæð stofnun undir yfirstjórn ráðherra. Sjá einnig: Lög og reglugerðir Lyfjalög nr

09. okt. 2021Umhverfis-٫ orku- og loftslagsráðuneytið, Atvinnuvegir, Líf og heilsa, Umhverfi og náttúruvernd, Vísindi nýsköpun og rannsóknir, Covid-19, Fiskeldi, Framkvæmd búvörusamninga, Landbúnaður, Lýðheilsa og forvarnir, Lyfjamál, Matvælasjóður, Nýsköpun, Sjávarútvegur, Heilbrigðisráðuneytið, Menningar-٫ nýsköpunar- og háskólaráðuneytið

Mikilvægt að takmarka útbreiðslu sýklalyfjaónæmis

Á árinu 2019 undirrituðu Kristján Þór Júlíusson, sjávarútvegs- og landbúnaðarráðherra og Svandís Svavarsdóttir, heilbrigðisráðherra, yfirlýsingu um sameiginlegt átak til að draga úr útbreiðslu sýklalyfjaónæmra baktería á Íslandi. Í kjölfarið skipuðu ráðherrarnir stýrihóp um varnir gegn sýklalyfjaónæmum bakteríum sem vinnur að framgangi aðgerðaáætlunar sem markar stefnu stjórnvalda í málaflokknum. Auk þess settu ráðherrarnir á fót Sýklalyfjaónæmis- og súnusjóð sem fjármagnar verkefni í baráttunni gegn sýklalyfjaónæmi, fjármögnuðu nýjar stöður sérfræðinga í sýklalyfjaónæmi í þremur stofnunum auk fleiri verkefna. Ríkisstjórnin lýsti því yfir á árinu 2019 að hún ætli að vera í fararbroddi í aðgerðum til að draga úr útbreiðslu sýklalyfjaónæmis.

06. jan. 2021Heilbrigðisráðuneytið, Lyfjamál, Líf og heilsa

Aukið alþjóðlegt samstarf á sviði lyfjamála

Fimm þjóðir hafa ákveðið að ganga inn í alþjóðlegt samstarf Norðurlandaþjóða (Nordisk Lægemiddel Forum) á sviði lyfjamála. Þetta eru Belgía, Holland, Austurríki, Írland og Lúxemborg sem áður hafa starfað saman undir heitinu „Beneluxa Initiative.“ Samstarfið snýr einkum að verkefnum sem tengjast innleiðingu nýrra lyfja. Þörf fyrir alþjóðlega samvinnu verður sífellt meiri vegna þeirra áskorana sem yfirvöld standa frammi fyrir gagnvart lyfjaverði, greiðsluþátttöku og innkaupum á lyfjum. Markmiðið er að tryggja sjúklingum aðgang að nýjum lyfjum með markvissu samstarfi þjóðanna um áhrifaríkar og skynsamlegar leiðir.

30. jún. 2020Heilbrigðisráðuneytið, Lyfjamál, Líf og heilsa

Ný heildarlöggjöf um lyfjamál samþykkt á Alþingi

Frumvarp heilbrigðisráðherra til nýrra lyfjalaga var samþykkt á Alþingi í gær. Miklar breytingar hafa orðið á sviði lyfjamála frá því að heildarlöggjöf á þessu sviði var samþykkt árið 1994 en tæplega fimmtíu breytingar hafa verið gerðar á lögunum frá því þau voru sett fyrir tæpum aldarfjórðungi. Heildarendurskoðun löggjafarinnar var því brýn og tímabær.

27. maí 2020Heilbrigðisráðuneytið, Lyfjamál, Líf og heilsa

Aðild Íslands að norrænum samningskaupum á dýrum frumlyfjum lofar góðu

Danmörk, Finnland, Ísland, Noregur og Svíþjóð hafa boðið BlueBird Bio, markaðsleyfishafa lyfsins Zynteglo, í sameiginleg norræn samningskaup. Þetta er fyrsta lyfið sem til greina kemur að semja um á þennan hátt í samstarfi þjóðanna. Vonast er til að með aðild að norrænum samningskaupum geti Ísland náð mun hagstæðari kjörum við kaup á dýrum frumlyfjum en hingað til, aukið möguleikana á innleiðingu nýrra lyfja og betur tryggt sjúklingum sambærilega meðferð og stendur til boða sjúklingum hjá hinum Norðurlandaþjóðunum.

21. apr. 2020Heilbrigðisráðuneytið, Heilbrigðismál, Líf og heilsa, Lyfjamál

Til umsagnar: Reglugerð um heimildir til að ávísa getnaðarvarnalyfjum

Birt hafa verið til umsagnar drög að reglugerð heilbrigðisráðherra sem fjalla um heimildir hjúkrunarfræðinga og ljósmæðra til að ávísa hormónatengdum getnaðarvarnalyfjum, um námskröfur og veitingu leyfa. Tilgangurinn með reglugerðinni er að útfæra heimild þessa efnis sem veitt var með lögum nr. 153/2018. Umsagnarfrestur er til 19. maí næstkomandi.

31. mar. 2020Utanríkisráðuneytið, Heilbrigðisráðuneytið, Evrópusamvinna, Lyfjamál, Covid-19

Ísland aðili að samningi um sameiginleg innkaup Evrópuríkja á aðföngum fyrir heilbrigðisþjónustuna

Íslensk stjórnvöld geta framvegis tekið þátt í sameiginlegum innkaupum Evrópuríkja á læknisfræðilegum viðbúnaðarvörum, eftir að Ísland undirritaði í gær sérstakan samning þar að lútandi. Í samningnum felst að aðildarríki samningsins geta staðið saman að innkaupum á lækningabúnaði, lyfjum, vöru og þjónustu sem nauðsynleg eru hverju sinni og geta þannig fengið hagstæðari kjör og skjótari afgreiðslu. Nær öll aðildarríki Evrópusambandsins, auk Bretlands standa að þessum samningi og Noregur gerðist aðili í síðustu viku.

19. mar. 2020Utanríkisráðuneytið, Lyfjamál, Evrópusamvinna, Covid-19, Utanríkismál

ESB nemur úr gildi útflutningsbann á lækningavörum til EFTA-ríkjanna

Evrópusambandið hefur fallist á sjónarmið Íslands og annarra EFTA-ríkja innan EES og fallið frá útflutningsbanni til EFTA-ríkjanna á tilteknum hlífðarbúnaði sem notaður er í störfum heilbrigðisstarfsfólks og er nauðsynlegur í baráttunni við útbreiðslu Covid-19 veirunnar. Bannið tekur þannig ekki til EFTA-ríkjanna innan EES, útflutningur á framangreindum búnaði verður því áfram heimill og þarfnast ekki sérstakra leyfa.

11. mar. 2020Heilbrigðisráðuneytið, Lyfjamál, Líf og heilsa

Nýr vefur Lyfjastofnunar tekinn í notkun

Lyfjastofnun hefur ​opnað nýjan vef með breyttu sniði. Hönnun vefsins byggist á þarfagreiningu sem gerð var meðal hagsmunaaðila og helstu notenda vefsins. Í tilkynningu á nýjum vef stofnunarinnar sem er 20 ára um þessar mundir, kemur fram að vefurinn sé mikilvægt samskiptatól fyrir stofnunina og mikið notaður af heilbrigðisstarfsfólki og starfsfólki apótaka. Hann nýtist m.a. vel við miðlun mikilvægra upplýsinga sem stöðugt þarf að uppfæra, eins og t.d. upplýsingar um lyfjaskort.

03. mar. 2020Heilbrigðisráðuneytið, Lyfjamál, Líf og heilsa, Covid-19

Lög til að sporna við lyfjaskorti

Lyfjastofnun fær heimild til að leggja bann við því að tilteknar birgðir lyfja séu fluttar úr landi ef nauðsyn krefur til að tryggja framboð tiltekinna lyfja sem stofnunin telur mikilvæg. Frumvarp til breytinga á lyfjalögum þessa efnis hefur verið samþykkt á Alþingi. Um varúðarráðstöfun er að ræða og eru sambærileg ákvæði liður í löggjöf margra þjóða.

18. okt. 2019Heilbrigðisráðuneytið, Heilbrigðismál, Lyfjamál, Líf og heilsa

Innleiðing rafrænna fylgiseðla með lyfjum mikilvægt hagsmunamál

Norðurlandaþjóðirnar telja mikinn ávinning í því að innleiða rafræna fylgiseðla með lyfjum og vinna að því sameiginlega gagnvart Evrópusambandinu. Horft er til þess að rafrænir fylgiseðlar verði mikilvægur liður í því að sporna við lyfjaskorti og auka öryggi sjúklinga. Um þetta var fjallað á fjölmennum fundi íslenskra og erlendra sérfræðinga í Reykjavík í gær sem haldinn var í tengslum við formennsku Íslands í Norrænu ráðherranefndinni.

04. sep. 2019Heilbrigðisráðuneytið, Heilbrigðismál, Lyfjamál, Líf og heilsa

Heilbrigðisráðherra fjallaði um norræna baráttu gegn sýklalyfjaónæmi

Svandís Svavarsdóttir heilbrigðisráðherra gerði grein fyrir vinnu Norrænu ráðherranefndarinnar gegn auknu sýklalyfjaónæmi á þingi Norðurlandaráðs sem haldið er í Kaupmannahöfn í dag. Norðurlandaþjóðirnar hafa aukið samstarf sitt í þessum efnum, enda er sýklalyfjaónæmi alvarlegt og vaxandi heilbrigðisvandamál í heiminum.

06. maí 2019Heilbrigðisráðuneytið, Heilbrigðismál, Lyfjamál, Líf og heilsa

Minnt á samráðsferli um rafræna fylgiseðla

Drög að stefnu um rafrænar lyfjaupplýsingar eru til umsagnar í samráðsgátt á vegum Lyfjastofnunar Evrópu o.fl. Stefnan fjallar um samræmingu upplýsinga um lyf á Evrópska efnahagssvæðinu og eru þar sett fram ýmis rök fyrir margvíslegum ávinningi af notkun rafrænna fylgiseðla. Hagsmunaaðilum og almenningi er gefinn kostur á að segja álit sitt á stefnudrögunum. Nánar er fjallað um málið á vef Lyfjastofnunar.

24. apr. 2019Líf og heilsa, Heilbrigðismál, Lyfjamál, Heilbrigðisráðuneytið

Tímamótasamstarf norrænna þjóða á sviði lyfjamála staðfest

Samstarf Íslands, Danmerkur og Noregs á sviði lyfjamála var staðfest með undirritun samkomulags í Reykjavík í gær. Lægra lyfjaverð, öruggara framboð lyfja og þar með aukið öryggi sjúklinga er sá ávinningur sem stefnt er að með samstarfinu. Með þessu eru orðin að veruleika áform um samvinnu sem hafa verið á dagskrá í norrænu samstarfi um langt árabil.

10. nóv. 2018Heilbrigðisráðuneytið, Lyfjamál, Líf og heilsa

Úttekt á heildsölu lyfja á Íslandi

Velferðarráðuneytið hefur samið við Hagfræðistofnun Háskóla Íslands um úttekt á heildsölu lyfja hér á landi, í samræmi við ákvörðun heilbrigðisráðherra. Skoðað verður hvernig heildsala hefur þróast í kjölfar lagabreytinga árið 1996, hver sé þörf heildsölu- og dreifingarfyrirtækja fyrir álagningu og hvernig samkeppni á heildsölumarkaði með lyf hér á landi er háttað.

09. okt. 2018Heilbrigðisráðuneytið, Lyfjamál, Líf og heilsa, Norrænt samstarf

Sameiginlegt norrænt útboð á lyfjum kynnt í Kaupmannahöfn

Fyrirhugað sameiginlegt lyfjaútboð Danmerkur, Íslands og Noregs verður kynnt í Kaupmannahöfn 28. september næstkomandi. Frá þessu er sagt á vef Landspítalans. Möguleikar á sameiginlegum lyfjainnkaupum Norðurlandaþjóðanna hafa verið til umræðu um langt árabil og því er um tímamót að ræða. Litið er á úboðið sem reynsluverkefni til að afla þekkingar á ýmsum hagnýtum þáttum slíkra útboða

25. sep. 2018Heilbrigðisráðuneytið, Lyfjamál, Líf og heilsa

Tillaga Íslands um rafræna fylgiseðla með lyfjum samþykkt í Strasbourg

Rannsóknarverkefni sem tengist mögulegri innleiðingu rafrænna fylgiseðla með lyfjum hefst í aðildarríkjum Evrópuráðsins í byrjun næsta árs. Verkefninu er ætlað að sýna hvort þessi leið nýtist til að einfalda og bæta hefðbundna upplýsingagjöf um lyf gagnvart notendum. Einnig er horft til þess að með rafrænum fylgiseðlum megi auðvelda fámennum þjóðum að standa sameiginlega að útboðum og innkaupum lyfja.

31. maí 2018Heilbrigðisráðuneytið, Lyfjamál, Líf og heilsa

Víðtækar breytingar á sviði lyfjamála

Heilbrigðisráðherra hefur sett sjö reglugerðir sem fela í sér víðtækar breytingar á sviði lyfjamála vegna löggjafar Evrópusambandsins, meðal annars vegna innleiðingar tilskipunar 2011/62/ESB um fölsun lyfja og tilskipunar 2012/26/ESB að því er varðar lyfjagát. Markmið breytinganna er að auka öryggi lyfja á markaði og umsýslu með þau í þeim tilgangi að vernda sjúklinga.

06. jan. 2018Heilbrigðisráðuneytið, Heilbrigðismál, Lyfjamál, Líf og heilsa, Norrænt samstarf

Fyrsta samnorræna lyfjaútboðið í augsýn

Undirbúningur að sameiginlegu útboði Danmerkur, Noregs og Íslands vegna kaupa á völdum lyfjum til notkunar á sjúkrahúsum er á lokastigi og stefnt að útboði í haust. Vonir eru bundnar við að með stærri markaði skapist samlegðaráhrif sem leiði til aukinnar hagkvæmni og lægra lyfjaverðs og tryggi betur fullnægjandi framboð lyfja hjá hlutaðeigandi þjóðum.