Efnisorð
Tegund

Leita eftir efnisorðum

Sýnir 1–15 af 15
Raða eftir:
06. mar. 2021Utanríkisráðuneytið, Aðgerðir gegn spillingu og mútubrotum, Alþjóðamál, Utanríkismál

Ráðherra ávarpaði fund allsherjarþingsins gegn spillingu

Guðlaugur Þór Þórðarson, utanríkis- og þróunarsamvinnuráðherra, flutti í dag ávarp á sérstökum fundi í allsherjarþingi Sameinuðu þjóðanna gegn spillingu. Yfirlýst markmið fundarins er að skapa vettvang fyrir alþjóðasamfélagið til að ræða sameiginlegar áskoranir við að koma í veg fyrir og vinna gegn spillingu, og greina úrlausnir þeirra áskoranna.

16. nóv. 2020Dómsmálaráðuneytið, Evrópusamvinna, Aðgerðir gegn spillingu og mútubrotum

Eftirfylgnisskýrsla GRECO og staða varðandi löggæslu

Samtök ríkja innan Evrópuráðsins gegn spillingu (GRECO) hafa sent dómsmálaráðuneytinu og forsætisráðuneytinu eftirfylgnisskýrslu um aðgerðir Íslands í fimmtu úttekt samtakanna á aðildarríkjunum. Úttekt GRECO, sem var samþykkt þann 23. mars 2018, náði annars vegar til æðstu handhafa framkvæmdarvalds og hins vegar löggæsluyfirvalda og voru gerð níu tilmæli til Íslands í hvorum hluta.

10. sep. 2017Aðgerðir gegn spillingu og mútubrotum, Almannaöryggi, Dómsmálaráðuneytið

Fulltrúar GRECO í vettvangsferð á Íslandi vegna úttektar

GRECO, samtök ríkja innan Evrópuráðsins gegn spillingu, beina nú sjónum sínum að því hvernig aðildarríkjum gengur að ýta undir heilindi og efla gagnsæi meðal þeirra sem fara með framkvæmdarvald í æðstu stöðum stjórnkerfisins og þeirra sem starfa innan löggæslustofnana. Markmiðið er að koma í veg fyrir spillingu með því að styrkja regluverk, stefnumótun og eftirfylgni.

22. maí 2017Dómsmálaráðuneytið, Almannaöryggi, Aðgerðir gegn spillingu og mútubrotum, Aðgerðir gegn peningaþvætti og fjármögnun hryðjuverka

Samantekt um frumbrot vegna peningaþvættis

Peningaþvættisskrifstofa Héraðssaksóknara hefur birt á vef sínum samantekt um frumbrot í tengslum við peningaþvætti. Í samantektinni er m.a. bent á að öll refsiverð brot samkvæmt íslenskum lögum geta verið frumbrot af þessu tagi, t.d. fjársvik og fjárdráttur, fíkniefnabrot, skattalagabrot og spillingarbrot, þar á meðal erlend og innlend mútubrot.

19. maí 2017Dómsmálaráðuneytið, Almannaöryggi, Aðgerðir gegn spillingu og mútubrotum

Samningur OECD gegn erlendum mútubrotum kynntur atvinnulífi og fagfélögum

Dómsmálaráðuneytið og atvinnuvega- og nýsköpunarráðuneytið hafa í sameiningu vakið athygli samtaka í atvinnulífinu og fagfélaga á Samningi um baráttu gegn mútugreiðslum til erlendra opinberra starfsmanna í alþjóðlegum viðskiptum. Ísland er aðili að þessum samningi og ber að bregðast við tilmælum Vinnuhóps OECD um erlend mútubrot sem sér um að fylgja eftir innleiðingu samningsins gagnvart aðildarríkjum.