Fréttir

Leita

Veldu ráðuneyti
Veldu verkefni
Veldu ár
Sýni 801-895 af 895 niðurstöðum
04. júní 2021Umhverfis-٫ orku- og loftslagsráðuneytið

Reynsla Íslands gagnleg fyrir endurheimt vistkerfa á heimsvísu

Ísland hefur langa reynslu í baráttu gegn eyðingu gróðurs og jarðvegs og sú reynsla getur gagnast öðrum. Þetta kom fram í máli Guðmundar Inga Guðbrandssonar, umhverfis- og auðlindaráðherra, í pallborðsumræðum á vegum UNESCO, Menningarmálastofnunar Sameinuðu þjóðanna, sem haldnar voru í tilefni þess að Áratug vistheimtar er hleypt af stokkunum á heimsvísu.

01. júní 2021Umhverfis-٫ orku- og loftslagsráðuneytið

Skipulögð vöktun á tugum náttúruverndarsvæða hafin

Guðmundur Ingi Guðbrandsson, umhverfis- og auðlindaráðherra, kynnti sér í dag átaksverkefni í vöktun á náttúruverndarsvæðum um allt land. Vöktunin er samstarfsverkefni Náttúrufræðistofnunar Íslands, náttúrustofanna átta og umsjónarstofnana friðlýstra svæða. Náttúrufræðistofnun Íslands heldur utan um verkefnið og er ábyrgðaraðili þess, en þetta er annað sumarið sem vöktunin fer fram.

26. maí 2021Innviðaráðuneytið, Umhverfis-٫ orku- og loftslagsráðuneytið, Utanríkisráðuneytið, Félags- og húsnæðismálaráðuneytið, Menningar-٫ nýsköpunar- og háskólaráðuneytið

Nýskapandi ráðuneyti á Nýsköpunarviku

Fimm ráðuneyti bjóða til stefnumóts um nýsköpun, sjóðina sem þau búa yfir og frumkvöðlar geta sótt í og auðvitað verkfærin til þess að efla og styrkja nýsköpunarumhverfið. Fundurinn verður haldinn í Grósku og verður að auki í beinu streymi. Öll velkomin.

20. maí 2021Umhverfis-٫ orku- og loftslagsráðuneytið, Innviðaráðuneytið, Menningar-٫ nýsköpunar- og háskólaráðuneytið

Hæsti styrkur Orkusjóðs um árabil: 320 milljónir í styrki til orkuskipta

Þórdís Kolbrún Reykfjörð Gylfadóttir, ráðherra ferðamála-, iðnaðar- og nýsköpunar, og Guðmundur Ingi Guðbrandsson, umhverfis- og auðlindaráðherra, hafa ákveðið að auglýstir verðir styrkir til orkuskipta að upphæð 320 milljónir kr. af þeim fjárveitingum sem veittar eru til loftslagsmála í ár.…

28. apríl 2021Forsætisráðuneytið, Atvinnuvegaráðuneytið, Umhverfis-٫ orku- og loftslagsráðuneytið

Ráðherrar heimsækja Carbfix á Hellisheiði ​

Katrín Jakobsdóttir, forsætisráðherra, Þórdís Kolbrún Reykfjörð Gylfadóttir, ferðamála-, iðnaðar og nýsköpunarráðherra og Guðmundur Ingi Guðbrandsson, umhverfis- og auðlindaráðherra heimsóttu Carbfix á Hellisheiði í dag. Ráðherrarnir fengu kynningu á starfsemi fyrirtækisins og Carbfix tækninni sem byggir á íslensku hugviti sem bindur koldíoxíð varanlega í bergi á innan við tveimur árum.

23. mars 2021Fjármála- og efnahagsráðuneytið, Innviðaráðuneytið, Umhverfis-٫ orku- og loftslagsráðuneytið, Utanríkisráðuneytið, Forsætisráðuneytið, Atvinnuvegaráðuneytið

Framlög til loftslagsaðgerða aukin um milljarð á ári

Framlög til loftslagsmála verða aukin um 1 ma.kr. á ári á tímabilinu 2022-2031 samkvæmt áætlunum ríkisstjórnarinnar. Þetta kemur fram í fjármálaáætlun 2022-2026 sem fjármála- og efnahagsráðherra kynnti í gær og er liður í að mæta hertum markmiðum Íslands um samdrátt í losun gróðurhúsalofttegunda.

19. mars 2021Umhverfis-٫ orku- og loftslagsráðuneytið

Geysir og Kerlingarfjöll friðlýst gegn orkuvinnslu

Guðmundur Ingi Guðbrandsson, umhverfis- og auðlindaráðherra, undirritaði í dag friðlýsingu Geysis og Kerlingarfjalla gegn orkuvinnslu í samræmi við lög um verndar- og orkunýtingaráætlun (rammaáætlun). Um er að ræða tvær friðlýsingar háhitasvæða í verndarflokki rammaáætlunar. Innan þeirra eru fimm orkukostir sem Alþingi ákvað árið 2013 að myndu fara í verndarflokk.

12. mars 2021Forsætisráðuneytið, Heilbrigðisráðuneytið, Innviðaráðuneytið, Umhverfis-٫ orku- og loftslagsráðuneytið, Atvinnuvegaráðuneytið, Dómsmálaráðuneytið, Fjármála- og efnahagsráðuneytið

Undirbúa vernd mikilvægra innviða vegna mögulegra eldsumbrota

Ríkisstjórnin ákvað á fundi sínum í dag að fela hópi ráðuneytisstjóra að leiða nauðsynlega vinnu við undirbúning verndar mikilvægra innviða vegna mögulegra eldsumbrota á Reykjanesi. Huga þarf að hröðum og öruggum viðbrögðum við mögulegum eldsumbrotum, styðja við vinnu heimaaðila og tryggja um leið fyllsta öryggi íbúa.

11. mars 2021Umhverfis-٫ orku- og loftslagsráðuneytið

Plastmengun á norðurslóðum er viðvörun til heimsbyggðarinnar

Plastmengun á norðurslóðum sýnir að vandinn varðandi plast í hafi er umfangsmikill og hnattrænn í eðli sínu og krefst viðbragða alþjóðasamfélagsins. Þetta kom fram í máli Guðmundar Inga Guðbrandssonar, umhverfis- og auðlindaráðherra, sem hélt lokaávarp á alþjóðlegri ráðstefnu um plastmengun á norðurslóðum, sem haldin var á vegum ríkisstjórnar Íslands og Norrænu ráðherranefndarinnar.

10. mars 2021Umhverfis-٫ orku- og loftslagsráðuneytið

Almenningur, hagaðilar og fræðasamfélag taki þátt í að móta leiðina að kolefnishlutleysi

Umhverfis- og auðlindaráðuneytið hefur falið Félagsvísindastofnun Háskóla Íslands að hefja samráð vegna viðamikils verkefnis stjórnvalda um að ná kolefnishlutleysi á Íslandi 2040. Verkefnið ber heitið; Í átt að kolefnishlutleysi og felur í sér að almenningur, hagsmunaaðilar og fræðasamfélagið muni ræða hvernig kolefnishlutlaust Ísland geti litið út og leiðir að því markmiði.…

05. mars 2021Umhverfis-٫ orku- og loftslagsráðuneytið

Reglugerð um meðferð plöntuverndarvara og útrýmingarefna til kynningar í samráðsgátt ​

Umhverfis- og auðlindaráðuneytið hefur sett til kynningar í samráðsgátt stjórnvalda drög að reglugerð um meðferð plöntuverndarvara og útrýmingarefna. Reglugerðin tekur við af reglugerð um meðferð varnarefna, sem innleiðir tilskipun Evrópuþingsins og ráðsins um aðgerðarramma Evrópusambandsins til að ná fram sjálfbærri notkun varnarefna.

24. febrúar 2021Umhverfis-٫ orku- og loftslagsráðuneytið

Kanna kosti þess að koma Svæðisgarði Snæfellsness á lista UNESCO ​

Skoðað verður hvort landsvæði Svæðisgarðsins á Snæfellsnesi verði tilnefnt á skrá Menningarmálastofnunar Sameinuðu þjóðanna (UNESCO). Umhverfis- og auðlindaráðherra, Guðmundur Ingi Guðbrandsson, og formaður stjórnar Svæðisgarðsins á Snæfellsnesi, Björg Ágústsdóttir, undirrituðu í dag samkomulag í gestastofu Snæfellsness á Breiðabliki um forathugun á slíkri tilnefningu.

24. febrúar 2021Fjármála- og efnahagsráðuneytið, Umhverfis-٫ orku- og loftslagsráðuneytið

Viljayfirlýsing um kaup ríkisins á hlutum orkufyrirtækja í Landsneti hf.

Bjarni Benediktsson, fjármála- og efnahagsráðherra og Þórdís Kolbrún Reykfjörð Gylfadóttir, ferðamála-, iðnaðar og nýsköpunarráðherra, hafa fyrir hönd ríkissjóðs undirritað viljayfirlýsingu við orkufyrirtækin Landsvirkjun, RARIK ohf., Orkuveitu Reykjavíkur og Orkubú Vestfjarða, sem eigendur alls hlutafjár í Landsneti hf. um að ganga til viðræðna um kaup ríkisins á hlutum félaganna í Landsneti hf.

19. febrúar 2021Forsætisráðuneytið, Dómsmálaráðuneytið, Fjármála- og efnahagsráðuneytið, Innviðaráðuneytið, Umhverfis-٫ orku- og loftslagsráðuneytið, Atvinnuvegaráðuneytið

Vel gengur að fylgja eftir úrbótum á innviðum eftir fárviðrið í desember 2019

Ríkisstjórnin samþykkti þann 28. febrúar 2020 aðgerðaáætlun um uppbyggingu innviða í kjölfar fárviðrisins sem geisaði í desember 2019. Í aðgerðaáætluninni voru lagðar til 287 nýjar aðgerðir eða flýtiaðgerðir.

25. janúar 2021Umhverfis-٫ orku- og loftslagsráðuneytið

Frumvarp um málsmeðferð vindorku í verndar og orkunýtingaáætlun í samráðsgátt

​Umhverfis- og auðlindaráðuneytið hefur sett til kynningar í samráðsgátt frumvarp til breytingar á lögum um verndar- og orkunýtingaráætlun. Frumvarpið er unnið á grundvelli skýrslu ásamt skilabréfi starfshóps þriggja ráðuneyta sem vann að tillögum um nýja málsmeðferð vindorku innan verndar- og orkunýtingaráætlunar (Rammaáætlunar).

19. janúar 2021Umhverfis-٫ orku- og loftslagsráðuneytið

Áform um lögfestingu markmiðs um kolefnishlutleysi í samráðsgátt

Umhverfis- og auðlindaráðuneytið hefur sett til kynningar í samráðsgátt áform um að lögfesta markmið um kolefnishlutleysi. Þetta er í samræmi við markmið um kolefnishlutlaust Ísland árið 2040, sem sett er fram í Stjórnarsáttmála ríkisstjórnarinnar og kemur einnig fram í aðgerðaáætlun í Loftslagsmálum sem útgefin var árið 2018 og aftur 2020.

15. janúar 2021Fjármála- og efnahagsráðuneytið, Forsætisráðuneytið, Mennta- og barnamálaráðuneytið, Innviðaráðuneytið, Umhverfis-٫ orku- og loftslagsráðuneytið, Dómsmálaráðuneytið

Upplýsingasíða vegna Seyðisfjarðar

Sett hefur verið upp sérstök upplýsingasíða á vefsvæðinu Ísland.is vegna hamfaranna sem urðu á Seyðisfirði í desember sl. Þar er að finna upplýsingar um verkefni á vegum stjórnvalda og ýmissa stofnana sem þegar eru í framkvæmd og eru fyrirhuguð vegna hamfaranna.

15. janúar 2021Umhverfis-٫ orku- og loftslagsráðuneytið

Ráðherra sækir Austfirðinga heim í kjölfar aurflóða á Seyðisfirði

Guðmundur Ingi Guðbrandsson, umhverfis- og auðlindaráðherra, heimsótti Seyðisfjörð í dag og kynnti sér aðstæður í kjölfar skriðufallanna sem þar urðu í síðasta mánuði. Með ráðherra í för voru formaður og starfsmaður Ofanflóðanefndar og sérfræðingar frá snjóflóðasetri Veðurstofu Íslands á Ísafirði og EFLU verkfræðistofu.

08. janúar 2021Umhverfis-٫ orku- og loftslagsráðuneytið

Ný gestastofa og starfsstöð náttúruverndarsvæða í Mývatnssveit

Ríkissjóður hefur gengið frá kaupum á fasteigninni Hótel Gíg á Skútustöðum í Mývatnssveit. Með því er fengin niðurstaða um framtíðaraðstöðu fyrir meginstarfsstöð Vatnajökulsþjóðgarðs á NA landi og starfsaðstöðu annarra stofnana umhverfis- og auðlindaráðuneytisins í Mývatnssveit, sem eru Umhverfisstofnun, Landgræðslan og Rannsóknastöðin við Mývatn (Ramý).