Efnisorð
Tegund

Leita eftir efnisorðum

Sýnir 1801–1850 af 12929
Raða eftir:
16. okt. 2024Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Heimaspítali á Suðurlandi: Nýsköpun í heilbrigðisþjónustu fyrir eldra fólk

Rekstur heimaspítala er nýjung í rekstri Heilbrigðisstofnunar Suðurlands (HSU) sem felst í aukinni heilbrigðisþjónustu, þar með talinni læknisþjónustu, við fólk sem býr heima og þarfnast meiri stuðnings en almennrar félagsþjónustu og heimahjúkrunar. Heilbrigðisráðuneytið hefur gert samkomulag við stofnunina um stuðning við verkefnið. Willum Þór Þórsson heilbrigðisráðherra og Díana Óskarsdóttir forstjóri HSU undirrituðu samkomulagið í gær.

16. okt. 2024Dómsmálaráðuneytið, Utanríkisráðuneytið, Alþjóðamál, Mannréttindi, Félags- og húsnæðismálaráðuneytið

Ísland sat fyrir svörum á fundi Mannréttindanefndar SÞ

Sjötta skýrsla Íslands um samninginn borgaraleg og stjórnmálaleg réttindi var tekin fyrir á fundi Mannréttindanefndar Sameinuðu þjóðanna í Genf 15. og 16. október 2024. Í skýrslunni er fjallað um hvernig Ísland hefur uppfyllt skyldur sínar samkvæmt samningnum og þær aðgerðir sem gripið hefur verið til í því skyni að uppfylla tilmæli nefndarinnar um nauðsynlegar úrbætur.

15. okt. 2024Félags- og húsnæðismálaráðuneytið, Félags- og fjölskyldumál, Líf og heilsa, Málefni eldra fólks, Heilbrigðisráðuneytið

Gott að eldast: Samningur Heilbrigðisstofnunar Vesturlands og Húnaþings vestra undirritaður

Húnaþing vestra og Heilbrigðisstofnun Vesturlands (HVE) hafa undirritað samning um rekstur samhæfðrar þjónustu fyrir eldri borgara í sveitarfélaginu. Samningurinn, sem tekur gildi 1. janúar 2025, er byggður á aðgerðaáætlun stjórnvalda, "Gott að eldast", sem samþykkt var á Alþingi þann 10. maí 2023.

15. okt. 2024Dómsmálaráðuneytið, Jafnrétti, Mannréttindi og jafnrétti, Félags- og húsnæðismálaráðuneytið

Skipað í embætti framkvæmdastjóra Jafnréttisstofu

Guðmundur Ingi Guðbrandsson félags og vinnumarkaðsráðherra hefur ákveðið að skipa Mörthu Lilju Olsen framkvæmdastjóra Jafnréttisstofu. Umsækjendur um embættið voru sex talsins. Að loknu heildarmati var það niðurstaða ráðherra að Martha Lilja Olsen félli best að þeirri lýsingu sem kæmi fram í auglýsingu og væri hæfust umsækjenda til að gegna embætti framkvæmdastjóra Jafnréttisstofu.

10. okt. 2024Félags- og húsnæðismálaráðuneytið, Fatlað fólk

Ert þú með góða hugmynd um hvernig breyta megi og bæta þjónustu við fatlað fólk og/eða auka hagkvæmni hennar?

Framtíðarhópur vinnur nú að þróun og nýsköpun í þjónustu við fatlað fólk. Markmiðið er að auka gæði þjónustunnar og hagkvæmni hennar. Í framtíðarhópnum sitja fulltrúar frá ríkinu, sveitarfélögum og hagsmunasamtökum fatlaðs fólks. Hópurinn á að ráðast í fjölbreytta greiningarvinnu og tilraunaverkefni – og hann vill vita hvort þú hafir góða hugmynd sem þú vilt koma áleiðis!

07. okt. 2024Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 202/2024-Úrskurður

Ávinnslutímabil. Staðfest ákvörðun Vinnumálastofnunar um að synja umsókn kæranda um atvinnuleysisbætur. Kærandi hafði ekki starfað í að minnsta kosti 24 mánuði á innlendum vinnumarkaði frá því að hann fékk síðast greiddar atvinnuleysisbætur og því ekki áunnið sér rétt til nýs bótatímabils.

07. okt. 2024Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 146/2024-Úrskurður

Uppbót á lífeyri. Staðfest ákvörðun Tryggingastofnunar ríkisins um að synja umsókn kæranda um uppbót á lífeyri. Tekjur kæranda voru umfram þau tekjumörk sem tilgreind eru í 11. gr. reglugerðar nr. 1200/2018 um heimilisuppbót og uppbætur á lífeyri. Ekki fallist á að ákvörðun Tryggingastofnunar brjóti í bága við jafnræðisreglu 11. gr. stjórnsýslulaga nr. 37/1993.

07. okt. 2024Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 179/2024-Úrskurður

Viðurlög. Ofgreiddar bætur. Staðfest ákvörðun Vinnumálastofnunar um að fella niður bótarétt kæranda í tvo mánuði vegna ótilkynntra tekna. Einnig staðfest ákvörðun stofnunarinnar um innheimtu ofgreiddra bóta þar sem kærandi var með opna launagreiðendaskrá. Endurkrafa fyrir einn mánuð þó felld úr gildi og þeim hluta málsins vísað til nýrrar meðferðar stofnunarinnar.

07. okt. 2024Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 196/2024-Úrskurður

Viðurlög. Ítrekunaráhrif. Staðfest ákvörðun Vinnumálastofnunar um að fella niður rétt kæranda til atvinnuleysisbóta í þrjá mánuði þar sem hann mætti ekki á boðað námskeið. Einnig staðfest ákvörðun Vinnumálastofnunar um að stöðva greiðslur atvinnuleysisbóta til kæranda þar sem hann mætti ekki á boðað námskeið.