Efnisorð
Tegund

Leita eftir efnisorðum

Sýnir 8801–8850 af 12929
Raða eftir:
12. okt. 2014Félags- og húsnæðismálaráðuneytið, Úrskurðarnefnd velferðarmála - Félagsþjónusta og húsnæðismál, Úrskurðir

Mál nr. 61/2014

Félagsleg leiguíbúð og sérstakar húsaleigubætur. Kærandi uppfyllti ekki skilyrði b-liðar 4. gr. reglna Reykjavíkurborgar um félagslegar leiguíbúðir og sérstakar húsaleigubætur. Mat sveitarfélagsins á því hvort kærandi uppfyllti undanþáguákvæði b-liðar 5. gr. reglnanna var ekki talið fullnægjandi. Hin kærða ákvörðun felld úr gildi og málinu vísað til nýrrar meðferðar.

09. okt. 2014Félags- og húsnæðismálaráðuneytið, Úrskurðarnefnd velferðarmála - Barnaverndarmál, Úrskurðir, Mennta- og barnamálaráðuneytið

Mál nr. 8/2014

<p>Úrskurður barnaverndarnefndar um kröfu afa og ömmu barns í fóstri um rýmri umgengni var staðfestur. Málinu var, samkvæmt 4. mgr. 51. gr. barnaverndarlaga, sbr. 4. mgr. 25. gr. laga nr. 80/2011, vísað til barnaverndarnefndar til meðferðar að nýju vegna kröfu fósturforeldra um niðurfellingu á umgengni við kærendur.</p>

30. sep. 2014Félags- og húsnæðismálaráðuneytið, Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir

Mál nr. 104/2013

Kærandi stundaði nám í skilningi 1. mgr. 52. gr. laga um atvinnuleysistryggingar á sama tíma og hún þáði atvinnuleysisbætur hjá Vinnumálastofnun en hún vann að meistararitgerð við háskóla. Hún var því í lánshæfu námi. Meginregla 52. gr. á við um kæranda, en undanþáguheimildir 2. og mgr. 52. gr. laganna koma til skoðunar þegar nám er ekki lánshæft og eiga ekki við í málinu. Þar sem kærandi uppfyllir ekki skilyrði 2. og 3. mgr. 52. gr. laganna á meginregla 1. mgr. 52. gr. laganna við um hana. Ákvörðunin var staðfest.

30. sep. 2014Félags- og húsnæðismálaráðuneytið, Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir

Mál nr. 89/2013

<p>Málið snýst um innheimtu ofgreiddra atvinnuleysisbóta til kæranda samkvæmt innheimtubréfi Vinnumálastofnunar. Upphaflegar ákvarðanir Vinnumálastofnunar sem innheimtan byggist á höfðu ekki verið kærðar. Kærandi byggir á því að þær ákvarðanir Vinnumálastofnunar hafi verið haldnar slíkum ágöllum að rétt væri að breyta efni þeirra. Slíkar málsástæður ekki taldar koma til álita skv. 2. mgr. 28. gr. stjórnsýslulaga, nr. 37/1993, að kæru skuli ekki sinnt ef meira en ár er liðið frá því að ákvörðun var tilkynnt aðila. Hin kærða ákvörðun var staðfest.</p>

25. sep. 2014Félags- og húsnæðismálaráðuneytið, Úrskurðarnefnd velferðarmála - Barnaverndarmál, Úrskurðir, Mennta- og barnamálaráðuneytið

Mál nr. 26/2013 - endurupptaka

<p>Ekki kemur fram í hinni kærðu ákvörðun hvers vegna styrkur til greiðslu lögmannsaðstoðar er takmarkaður við 22 tíma og af henni verður ekki ráðið að litið hafi verið til tímaskýrslunnar sem á við um úrlausnarefnið. Hin kærða ákvörðun var hvorki talin hafa verið byggð á réttum grunni né að færð hafi verið fyrir henni viðhlítandi rök. Af þeim sökum var hún felld úr gildi.</p>