Kolefnishlutlaus Landsvirkjun árið 2025

Starfsemi Landsvirkjunar verður kolefnishlutlaus frá árinu 2025. Stærsti áfangi að kolefnishlutleysi felst í hreinsun koltvíoxíðs úr jarðhitagasi Kröflustöðvar.

Kolefnisspor raforkuvinnslu Landsvirkjunar er nú þegar með því minnsta sem þekkist í heiminum. Það breytir þó ekki því að sporið er til staðar og því rúm til að bæta sig. Við ætlum að vera kolefnishlutlaust fyrirtæki árið 2025. Það þýðir að við munum binda jafn mikið eða meira kolefni en við losum í starfseminni. Við vinnum eftir þriggja skrefa aðgerðaráætlun sem felur í sér að: fyrirbyggja nýja losun, draga úr núverandi losun og binda á móti þeirri losun sem ekki verður komið í veg fyrir. Stærsti áfanginn í átt að kolefnishlutleysi verður hreinsun koltvíoxíðs úr jarðhitagasi Kröflustöðvar, sem í dag veldur um 60% af allri losun fyrirtæksins. Eftir að hreinsun er hafin mun losun okkar verða helmingi minni en hún var árið 2008. Þegar kolefnishlutleysi er náð munum við halda áfram að leita nýrra leiða til að draga úr losun eins og kostur er.

Við viljum leggja okkar af mörkum í baráttunni við loftslagsbreytingar, sem eru eitt mest aðkallandi viðfangsefni mannkyns. Með því að gera starfsemina okkar kolefnishlutlausa viljum við einnig vera fyrirmynd fyrir önnur fyrirtæki og stofnanir með því að halda á lofti þeim úrræðum og lausnum sem í boði eru til að draga úr losun.

Árið 2025

Árlega gefum við út loftslagsbókhald þar sem gerð er grein fyrir þróun kolefnisspors fyrirtækisins og þeirri losun sem er að baki þess.

1. febrúar 2021

Aðgerðaáætlun Landsvirkjunar í loftslagsmálum til ársins 2030 var kynnt á opnum fundi þann 4. desember 2019. Verkefnið kolefnishlutlaus Landsvirkjun árið 2025 er hluti af þeirri aðgerðaáætlun.

Við höldum utan um árangur aðgerða okkar með útgáfu loftslagsbókhalds sem er unnið samkvæmt Greenhouse Gas Protocol og staðfest af ytri endurskoðendum. Við skilum einnig upplýsingum um stýringu okkar loftslagsáhrifa og afleiðinga loftslagsbreytinga á starfsemi fyrirtækisins til CDP (áður Carbon Disclosure Project) og hlutum árið 2020 einkunnina A- og staðfestingu CDP á að við erum leiðandi í loftslagsmálum.

Stærstu verkefni okkar í áttina að kolefnishlutleysi eru föngun koldíoxíðs úr jarðhitagasi Kröflustöðvar og aukin kolefnisbinding í jarðveg og gróður með endurheimt vistkerfa. Þá vinnum við einnig að því að hætta að kaupa jarðefnaeldsneyti árið 2030.
Margt hefur gerst í verkefni okkar um föngun koldíoxíðs úr jarðhitagasi Kröflustöðvar á tímabilinu og miðar þróun þess vel áfram. Þá eykst kolefnisbinding á vegum fyrirtækisins í jarðveg og gróður jafnt og þétt auk þess sem nýjar aðgerðir í endurheimt votlenda hófust á tímabilinu.

Við notumst við innra kolefnisverð til að styðja okkur við upplýsta ákvarðanatöku og að forgangsraða í þágu loftslagsvænni lausna. Innra kolefnisverðið er endurskoðað árlega og hefur hækkað talsvert milli ára, sem stuðlar að auknu vægi þess við ákvarðanatöku hjá fyrirtækinu.